പേരാമ്പ്ര: പെരുവണ്ണാമൂഴി കൃഷി വിജ്ഞാൻ കേന്ദ്രത്തിൽ ലോകഭക്ഷ്യ ദിനം ആചരിച്ചു. പ്രോഗ്രാം കോർഡിനേറ്റർ ഡോ. പി. രാധാകൃഷ്ണൻ ഉദ്ഘാടനം ചെയ്തു. ഡോ. കെ.എം. പ്രകാശ് അധ്യക്ഷത വഹിച്ചു. പരിപാടിയുടെ ഭാഗമായി വാഴ കൃഷിയും രോഗ കീട നിയന്ത്രണവും സംബന്ധിച്ച് സെമിനാറും നടത്തി.
സബ്ജക്ട് മാറ്റർ സ്പെഷലിസ്റ്റുകളായ ഡോ. കെ.കെ. ഐശ്വര്യ, ഡോ. പി.എസ്. മനോജ് എന്നിവർ ക്ലാസ് നയിച്ചു. വാഴ കായും വാഴ കാമ്പും ഉപയോഗിച്ച് വിവിധ ഭക്ഷ്യ വസ്തുക്കളുടെ ഉത്പാദനവും ഉപയോഗവും സംബന്ധിച്ച് സബ്ജറ്റ് മാറ്റർ സ്പെഷലിസ്റ്റ് എ. ദീപ്തി വിശദീകരിച്ചു. കോഴിക്കോട് ജില്ലയിലെ വിവിധ ഭാഗങ്ങളിൽനിന്നുള്ള കർഷകർ സംബന്ധിച്ചു.