മുക്കം: എയ്ഡഡ് മേഖലയിലെ വിദ്യാഭ്യാസ സ്ഥാപനങ്ങളിലെ പ്രധാനധ്യാപകരുടെ സെൽഫ് ഡ്രോയിംഗ് ഓഫീസർ പദവി റദ്ദ് ചെയ്തു കൊണ്ടുള്ള 2024 സെപ്റ്റംബർ 30 ന് ഇറങ്ങിയ വിവാദമായ സർക്കാർ ഉത്തരവ് പിൻവലിക്കണമെന്ന് ആവശ്യപ്പെട്ട് കെപിപിഎച്ച്എ മുക്കം ഉപജില്ലാ കമ്മിറ്റി എഇഒ ഓഫീസിനു മുന്നിൽ ധർണ നടത്തി.
2013 ൽ ഉമ്മൻ ചാണ്ടി സർക്കാർ അനുവദിച്ച അവകാശമാണ് കവർന്നെടുത്തിട്ടുള്ളതെന്നും ഈ കരി നിയമം പിൻവലിക്കുന്നത് വരെ സമര പോരാട്ടവുമായി മുന്നോട്ടു പോകുമെന്നും സംഘടന അറിയിച്ചു. ജില്ലാ കമ്മിറ്റിയംഗം സി.കെ. ഷമീർ ഉദ്ഘാടനം നിർവഹിച്ചു. കെപിപിഎച്ച്എ മുക്കം ഉപജില്ല പ്രസിഡന്റ് സിബി കുര്യാക്കോസ് അധ്യക്ഷനായി.