താമരശേരി: ചുരത്തിൽ റബർ തോട്ടത്തിൽ തീപിടിച്ചു. ഇന്നലെ ഉച്ചയ്ക്ക് 1.30 ഓടെയാണ് ഒന്നാം വളവിന് താഴെ സ്വകാര്യ വ്യക്തിയുടെ തോട്ടത്തിൽ തീപിടിച്ചത്. മുക്കത്ത് നിന്നെത്തിയ അഗ്നിരക്ഷാസേനയും നാട്ടുകാരും ചേർന്ന് തീയണച്ചു.
സ്റ്റേഷൻ ഓഫീസർ പി.കെ. ഭരതൻ, ജിഎസ്ഐമാരായ പി. അബ്ദുൾ ഷുക്കൂർ, കെ. സന്തോഷ് കുമാർ, ഓഫീസർമാരായ കെ.ടി. ജയേഷ്, കെ. രജീഷ്, കെ.പി. അജീഷ്, വി. സുനിൽ കുമാർ, ഹോം ഗാർഡ് ചാക്കോ ജോസഫ് എന്നിവരുടെ നേതൃത്വത്തിലാണ് തീയണച്ചത്.