ദീപിക മുന്‍ ഡെപ്യൂട്ടി എഡിറ്റര്‍ ജോസഫ് കട്ടക്കയം അന്തരിച്ചു
Saturday, March 15, 2025 1:49 AM IST
കോട്ടയം: ദീപിക മുന്‍ ഡെപ്യൂട്ടി എഡിറ്റര്‍ കട്ടക്കയം കെ.ജെ. ജോസഫ് (ജോസഫ് കട്ടക്കയം-80) അന്തരിച്ചു. സംസ്‌കാരം ഇന്ന് വൈകുന്നേരം നാലിനു തെള്ളകം പുഷ്പഗിരി സെന്‍റ് ജോസഫ്‌സ് പള്ളിയില്‍.
ഭാര്യ: ശോശാമ്മ ജോസഫ് (റിട്ട. ടീച്ചര്‍ സെന്‍റ് അലോഷ്യസ് എച്ച്എസ്എസ്, അതിരമ്പുഴ) മാനത്തൂര്‍ കോലത്ത് കുടുംബാംഗം. മക്കള്‍: ജോജു ജോസഫ് (മെട്രാക്ക് മെയ്ജി, ബംഗളൂരു), സജു ജോസഫ് (എന്‍ജിനിയര്‍, തിരുവനന്തപുരം), സിജു ജോസഫ് (റവന്യു ഡിപ്പാര്‍ട്ട്‌മെന്‍റ് ), ടിജു ജോസഫ് (എന്‍ജിനിയര്‍ ഇ ഫോറം മാന്നാനം).
മരുമക്കള്‍: മഞ്ജു വടക്കേല്‍ വെള്ളയാംകുടി (കട്ടപ്പന), രശ്മി പുത്തേട്ട് വെട്ടിമറ്റം (കലയന്താനി). സഹോദരങ്ങള്‍: സിസ്റ്റര്‍ ആലീസ് കട്ടക്കയം എസ്എബിഎസ്, പരേതരായ പ്രഫ. കെ.ജെ. ചെറിയാന്‍, അലക്‌സ്‌കുട്ടി.
ജോസഫ് കട്ടക്കയം 1967 മുതല്‍ മൂന്നു പതിറ്റാണ്ട് ദീപിക പത്രാധിപസമിതിയംഗമായിരുന്നു. സീനിയര്‍ ജേർണലിസ്റ്റ് ഫോറം അംഗമാണ്. പാട്ടിന്‍റെ പാലാഴി, കാലത്തിന്‍റെ കൈയൊപ്പ്, കാലം കാത്തു വച്ചത് എന്നീ പുസ്തകങ്ങളുടെ രചയിതാവാണ്.