ച​ങ്ങ​നാ​ശേ​രി: ശാ​രീ​രി​ക​മാ​യി വ​ലി​യ ബു​ദ്ധി​മു​ട്ടി​ലൂ​ടെ ക​ട​ന്നു​പോ​കു​മ്പോ​ഴും ഫ്രാ​ന്‍സി​സ് മാ​ർ​പാ​പ്പ മ​റ്റു​ള്ള​വ​രു​ടെ വേ​ദ​ന ത​ന്‍റെ വേ​ദ​ന​യാ​യി ഏ​റ്റെ​ടു​ക്കാ​ന്‍ ശ്ര​മി​ക്കു​ന്ന​ത് ന​മു​ക്കു ന​ല്‍കു​ന്ന വ​ലി​യ പ്ര​ത്യാ​ശ​യാ​ണെ​ന്ന് ക​ര്‍ദി​നാ​ള്‍ മാ​ര്‍ ജോ​ര്‍ജ് കൂ​വ​ക്കാ​ട്ട്.

ച​ങ്ങ​നാ​ശേ​രി അ​തി​രൂ​പ​താ ബൈ​ബി​ള്‍ ക​ണ്‍വ​ന്‍ഷ​ന്‍റെ ആ​ദ്യ​ദി​ന​ത്തി​ല്‍ വി​ശു​ദ്ധ​കു​ര്‍ബാ​ന അ​ര്‍പ്പി​ച്ച് സ​ന്ദേ​ശം ന​ല്‍കു​ക​യാ​യി​രു​ന്നു ക​ര്‍ദി​നാ​ള്‍.

ശാ​രീ​രി​ക​മാ​യി വ​ലി​യ പ്ര​തി​സ​ന്ധി​യി​ലൂ​ടെ ക​ട​ന്നു​പോ​കു​മ്പോ​ള്‍ ക​ര്‍ത്താ​വേ ഞാ​ന്‍ നി​ന്നെ സ്‌​നേ​ഹി​ക്കു​ന്നു എ​ന്ന് പ്ര​ത്യു​ത്ത​രം ന​ല്‍കാ​ന്‍ പാ​പ്പാ​യ്ക്കു ശ​ക്തി ന​ല്‍ക​ണ​മേ​യെ​ന്നു നാം ​അ​നു​ദി​നം പ​ര്‍ഥി​ക്ക​ണ​മെ​ന്നും ക​ര്‍ദി​നാ​ള്‍ കൂ​ട്ടി​ച്ചേ​ര്‍ത്തു.

വ​ത്തി​ക്കാ​ന്‍ ഓ​ഫീ​സി​ലെ ഒ​രു ജീ​വ​ന​ക്കാ​രി ഇ​ര​ട്ട​ക്കു​ട്ടി​ക​ളെ പ്ര​സ​വി​ക്കാ​ന്‍ ഒ​രു​ങ്ങു​മ്പോ​ള്‍ സെ​ക്ര​ട്ട​റി വ​ഴി ആ​ശു​പ​ത്രി​യി​ല്‍ ക​ഴി​യു​ന്ന മാ​ർ​പാ​പ്പ​യെ വി​വ​രം അ​റി​യിച്ചു.


ത​ന്‍റെ അ​നാ​രോ​ഗ്യം ക​ണ​ക്കാ​ക്കാ​തെ പി​റ്റേ​ന്നു​ത​ന്നെ അ​ദ്ദേ​ഹം ഇ​ര​ട്ട​ക്കു​ട്ടി​ക​ള്‍ക്കാ​യി ആ​ശീര്‍വ​ദി​ച്ച കൊ​ന്ത സെ​ക്ര​ട്ട​റി​വ​ഴി കൈ​മാ​റി. ഇ​ത് മാ​ർ​പാ​പ്പാ​യ്ക്ക് മ​റ്റു​ള്ള​വ​രോ​ടു​ള്ള സ്‌​നേ​ഹ​വും പ​രി​ഗ​ണ​ന​യു​മാ​ണ് വെ​ളി​വാ​ക്കു​ന്ന​ത്.

വേ​ദ​ന​യോ​ടെ നി​ല്‍ക്കു​ന്ന സ​ഹോ​ദ​ര​ന്‍റെ മു​മ്പി​ല്‍ ക​രു​ണ​യോ​ടെ വ​ര്‍ത്തി​ക്കാ​നും പ്ര​ത്യാ​ശ​യോ​ടെ പ്ര​വ​ര്‍ത്തി​ക്കാ​നു​മു​ള്ള മാ​ർ​പാ​പ്പ​യു​ടെ ആ​ഹ്വാ​നം ഏ​റ്റെ​ടു​ക്ക​ണ​മെ​ന്നും ക​ര്‍ദി​നാ​ള്‍ കൂ​ട്ടി​ച്ചേ​ര്‍ത്തു. മ​താ​ന്ത​ര സം​വാ​ദ​ത്തി​നാ​യി മാ​ർ​പാ​പ്പ ത​ന്നെ ഏല്‍പ്പി​ച്ച ഉ​ത്ത​ര​വാ​ദി​ത്വം ഭം​ഗി​യാ​യി നി​റ​വേ​റ്റാ​ന്‍ എ​ല്ലാ​വ​രും പ്രാ​ര്‍ഥി​ക്ക​ണ​മെ​ന്നും മാ​ര്‍ ജോ​ര്‍ജ് കൂ​വ​ക്കാ​ട്ട് ആവശ്യപ്പെട്ടു.