രാമപുരത്ത് ക്രൈസ്തവ മഹാസമ്മേളനം 17ന്
Thursday, November 14, 2024 1:57 AM IST
പാലാ: പാലാ രൂപതയുടെ പ്ലാറ്റിനം ജൂബിലി, ഡിസിഎംഎസ് സപ്തതി വര്‍ഷം എന്നിവയോട് അനുബന്ധിച്ച് രാമപുരത്ത് 17ന് നടത്തുന്ന ദേശീയ സിമ്പോസിയത്തിന്‍റെയും ക്രൈസ്തവ മഹാസമ്മേളനത്തിന്‍റെയും ഒരുക്കങ്ങള്‍ പുരോഗമിക്കുന്നു.
രാമപുരം സെന്‍റ് അഗസ്റ്റിന്‍സ് ഫൊറോനപളളി പാരിഷ്ഹാളില്‍ രാവിലെ ഒന്‍പതിനാണ് സിമ്പോസിയം നടക്കുന്നത്. ഉച്ചകഴിഞ്ഞ് രണ്ടിന് പള്ളി മൈതാനിയിലാണ് ക്രൈസ്തവ മഹാസമ്മേളനം.
വാഴ്ത്തപ്പെട്ട തേവര്‍പറമ്പില്‍ കുഞ്ഞച്ചന്‍ ദളിത് വിമോചനത്തിനു വഴികാട്ടി എന്ന വിഷയത്തില്‍ നടക്കുന്ന സിമ്പോസിയത്തില്‍ പാലാ ബിഷപ് മാര്‍ ജോസഫ് കല്ലറങ്ങാട്ട് അധ്യക്ഷത വഹിക്കും. കെസിബിസി എസ്‌സി, എസ്ടി, ബിസി കമ്മീഷന്‍ ചെയര്‍മാന്‍ ബിഷപ് ഗീവര്‍ഗീസ് മാര്‍ അപ്രേം ഉദ്ഘാടനം ചെയ്യും.
ഡിസിഎംഎസ് ചങ്ങനാശേരി അതിരൂപത പ്രസിഡന്‍റ് ഡോ. സിജോ ജേക്കബ്, പാലാ രൂപത വിശ്വാസ പരിശീല കേന്ദ്രം ഡയറക്ടര്‍ റവ.ഡോ. ജോര്‍ജ് വര്‍ഗീസ് ഞാറക്കുന്നേല്‍, ഡിസിഎംഎസ് പാലാ രൂപത പ്രസിഡന്‍റ് ബിനോയി ജോണ്‍ എന്നിവര്‍ വിവിധ വിഷയങ്ങളില്‍ പ്രബന്ധങ്ങള്‍ അവതരിപ്പിക്കും. വാഴ്ത്തപ്പെട്ട തേവര്‍പറമ്പില്‍ കുഞ്ഞച്ചന്‍ വൈസ് പോസ്റ്റുലേറ്റര്‍ ഫാ. തോമസ് വെട്ടുകാട്ടില്‍ സിമ്പോസിയത്തിന്‍റെ മോഡറേറ്ററായിരിക്കും.
ഉച്ചകഴിഞ്ഞ് രണ്ടിന് രാമപുരം വാഴ്ത്തപ്പെട്ട കുഞ്ഞച്ചന്‍ നഗറില്‍ നടക്കുന്ന ക്രൈസ്തവ മഹാസമ്മേളനത്തില്‍ പാലാ ബിഷപ് മാര്‍ ജോസഫ് കല്ലറങ്ങാട്ട് അധ്യക്ഷത വഹിക്കും. ചങ്ങനാശേരി ആര്‍ച്ച് ബിഷപ് മാര്‍ തോമസ് തറയില്‍ സമ്മേളനം ഉദ്ഘാടനം ചെയ്യും. മോണ്‍. സെബാസ്റ്റ്യന് വേത്താനത്ത് ആമുഖസന്ദേശം നല്‍കും.
കേന്ദ്രസഹമന്ത്രി ജോര്‍ജ് കുര്യന്‍ മുഖ്യാതിഥിയായിരിക്കും. കെസിബിസി എസ്‌സി, എസ്ടി, ബിസി കമ്മീഷന്‍ ചെയര്‍മാന്‍ ബിഷപ് ഗീവര്‍ഗീസ് മാര്‍ അപ്രേം, പാലാ രൂപത പ്രോട്ടോ സിഞ്ചെല്ലൂസ് മോണ്‍. ജോസഫ് തടത്തില്‍ എന്നിവര്‍ അനുഗ്രഹപ്രഭാഷണവും മന്ത്രി റോഷി അഗസ്റ്റിന്‍ ജൂബിലി സന്ദേശവും നല്‍കും.
ബിനോയി ജോണ്‍, എംപിമാരായ ഫ്രാന്‍സിസ് ജോര്‍ജ്, ആന്‍റോ ആന്‍റണി, ജോസ് കെ. മാണി എംഎല്‍എമാരായ മാണി സി. കാപ്പന്‍, സെബാസ്റ്റ്യന് കുളത്തുങ്കല്‍, മോന്‍സ് ജോസഫ് ഡിസിഎംഎസ് സംസ്ഥാന പ്രസിഡന്‍റ് ജെയിംസ് ഇലവുങ്കല്‍, ബിന്ദു സെബാസ്റ്റ്യന് എന്നിവർ പ്രസംഗിക്കും. രാമപുരം ഫൊറോനപള്ളി വികാരി ഫാ. ബര്‍ക്കുമാന്‍സ് കുന്നുംപുറം സ്വാഗതവും പാലാരൂപത ഡിസിഎംഎസ് ഡയറക്ടര്‍ ഫാ. ജോസ് വടക്കേക്കുറ്റ് കൃതജ്ഞതയും പറയും.
അഞ്ഞൂറിലധികം പ്രതിനിധികള്‍ പങ്കെടുക്കുന്ന ദേശീയ സിമ്പോസിയത്തിനും അമ്പതിനായിരത്തോളം ആളുകള്‍ പങ്കെടുക്കുന്ന ക്രൈസ്തവ മഹാസമ്മേളനത്തിനും വേണ്ട ഒരുക്കങ്ങള്‍ക്കായി വിവിധ കമ്മിറ്റികള്‍ പ്രവര്‍ത്തിക്കുന്നതായി ബിഷപ് ഹൗസില്‍ നടന്ന പത്രസമ്മേളനത്തില്‍ ബിഷപ്പ് മാര്‍ ജോസഫ് കല്ലറങ്ങാട്ട്, പ്രോട്ടോ സിഞ്ചെല്ലൂസ് മോണ്‍. ജോസഫ് തടത്തില്‍, മോണ്‍. ജോസഫ് മലേപറമ്പില്‍, മോണ്‍. സെബാസ്റ്റ്യന് വേത്താനത്ത്, മോണ്‍. ജോസഫ് കണിയോടിക്കല്‍, രൂപത പ്രൊക്യുറേറ്റര് ഫാ. ജോസ് മുത്തനാട്ട്, ചാന്‍സിലര്‍ ഫാ. ജോസഫ് കുറ്റിയാങ്കല്‍, ഫാ. ജോസ് വടക്കേക്കുറ്റ്, ഫാ. ബര്‍ക്കുമാന്‍സ് കുന്നുംപുറം, വൈസ് പോസ്റ്റുലേറ്റര്‍ ഫാ. തോമസ് വെട്ടുകാട്ടില്‍, ഫാ. കുര്യന്‍ തടത്തില്‍, ഫാ. ജോര്‍ജ് നെല്ലിക്കുന്നുചെരിവുപുരയിടം, ഫാ. ജയിംസ് ചൊവ്വേലിക്കുടിയില്‍, ഫാ. ജയിംസ് പനച്ചിക്കല്‍കരോട്ട്, ബിനോയി ജോണ്‍ അമ്പലംകട്ടയില്‍, ബിന്ദു ആന്‍റണി വട്ടമറ്റത്തില്‍, ബേബി ആന്‍റണിപാറയ്ക്കല്‍ എന്നിവര്‍ പറഞ്ഞു.