ആര്‍. ശങ്കര്‍ സ്മാരക പുരസ്കാരം ഡോ. കെ.ആര്‍. രാജപ്പന്
Wednesday, November 13, 2024 1:58 AM IST
കൊച്ചി: കൊല്ലം ശ്രീനാരായണ കോളജ് പൂര്‍വവിദ്യാര്‍ഥി സംഘടനയുടെ പ്രഥമ ആര്‍. ശങ്കര്‍ സ്മാരക പുരസ്കാരത്തിന് എറണാകുളം സ്‌പെഷലിസ്റ്റ്സ് ഹോസ്പിറ്റലിന്‍റെ സ്ഥാപകനും മാനേജിംഗ് ഡയറക്ടറുമായ ഡോ. കെ.ആര്‍. രാജപ്പന് അര്‍ഹനായി.
സംഘടനയുടെ പൂര്‍വ വിദ്യാര്‍ഥി ദിനാഘോഷത്തിന്‍റെ സമാപനച്ചടങ്ങില്‍ എം. നൗഷാദ് എംഎല്‍എ അവാര്‍ഡ് സമ്മാനിച്ചു.
കേരളത്തിലെ വിവിധ മെഡിക്കല്‍ കോളജുകളില്‍ ഡോക്ടറായും അധ്യാപകനായും സേവനമനുഷ്ഠിച്ചിട്ടുണ്ട്. തിരുവനന്തപുരം മെഡിക്കല്‍ കോളജില്‍ അധ്യാപകനായിരിക്കെ അന്നത്തെ മുഖ്യമന്ത്രിയായിരുന്ന ആര്‍. ശങ്കറുടെ പഴ്‌സണല്‍ ഡോക്‌ടറായിരുന്നു.