ADVERTISEMENT

ADVERTISEMENT

ഫ്രാന്‍സിസ് പാപ്പായെ സന്ദര്‍ശിക്കാൻ ഭാഗ്യം ലഭിച്ചതിന്‍റെ ധന്യതയിൽ ചങ്ങനാശേരിക്കാര്‍

ചങ്ങനാശേരി: ഫ്രാന്‍സിസ് പാപ്പായെ സന്ദര്‍ശിച്ച് അനുഗ്രഹം നേടാന്‍ ലഭിച്ച നിമിഷത്തെ ധന്യതയോടെ സ്മരിച്ച് ചങ്ങനാശേരിക്കാര്‍.

ചങ്ങനാശേരി അതിരൂപതാംഗമായ മാര്‍ ജോര്‍ജ് കൂവക്കാട്ടിന്‍റെ കര്‍ദിനാള്‍ സ്ഥാനാരോഹണ ചടങ്ങിനായി വത്തിക്കാനിലെത്തി യപ്പോഴാണ് ആഗോള കത്തോലിക്കാ സഭയുടെ പരമാധ്യക്ഷനും ലോകാരാധ്യനുമായ ഫ്രാന്‍സിസ് പാപ്പായെ കാണാനും അനുഗ്രഹം വാങ്ങാനും ചങ്ങനാശേരിക്കാരായ ഒട്ടേറെപ്പേര്‍ക്ക് അവസരം ലഭിച്ചത്.

ചങ്ങനാശേരി ആര്‍ച്ച്ബിഷപ് മാര്‍ തോമസ് തറയില്‍, ആര്‍ച്ച്ബിഷപ് എമെരിറ്റസ് മാര്‍ ജോസഫ് പെരുന്തോട്ടം, വികാരി ജനറാള്‍മാരായ മോണ്‍. ആന്‍റണി എത്തയ്ക്കാട്ട്, മോണ്‍. ജോണ്‍ തെക്കേക്കര, ചാന്‍സിലര്‍ റവ.ഡോ. ജോര്‍ജ് പുതുമനമൂഴിയില്‍ എന്നിവരാണ് സംഘത്തെ നയിച്ചത്.

മുന്‍ കൂരിയ അംഗങ്ങളായ ഫാ. ജോസഫ് വാണിയപ്പുരയ്ക്കല്‍, ഫാ. ജയിസ് പാലയ്ക്കല്‍, ഫാ. വര്‍ഗീസ് താനമാവുങ്കല്‍, ഫാ. ഐസക് ആലഞ്ചേരി, ഫാ. ചെറിയാന്‍ കാരിക്കൊമ്പില്‍, അതിരൂപത പാസ്റ്ററല്‍ കൗണ്‍സില്‍ സെക്രട്ടറി ഡോ. രേഖ മാത്യൂസ്, അതിരൂപത പിആര്‍ഒ അഡ്വ. ജോജി ചിറയില്‍, മുന്‍ പാസ്റ്ററല്‍ കൗണ്‍സില്‍ സെക്രട്ടറി ഡോ. റൂബിള്‍രാജ് തുടങ്ങി നൂറോളം പേര്‍ക്കാണ് ഫ്രാൻസിസ് പാപ്പായെ സന്ദര്‍ശിക്കാനുള്ള അവസരം ലഭിച്ചത്.

ADVERTISEMENT

നാഗമ്പടം നെഹ്റു സ്റ്റേഡിയത്തിനു സമീപത്തുവച്ച് യുവാവിനു കുത്തേറ്റു

കോട്ടയം: നാഗമ്പടം നെഹ്റു സ്റ്റേഡിയത്തിനു സമീപത്തു വച്ച് യുവാവിനെ കുത്തി പരിക്കേൽപ്പിച്ച് അക്രമി. കളക്‌ടറേറ്റിനു സമീപം താമസിക്കുന്ന ശിവദാസ് എന്നയാൾക്കാണ് കുത്തേറ്റത്. ഇയാളെ കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചു. സംഭവത്തിൽ ഒരാളെ കോട്ടയം ഈസ്റ്റ് പോലീസ് കസ്റ്റഡിയിലെടുത്തു. ഇന്നലെ വൈകുന്നേരം ആറോടെയായിരുന്നു സംഭവം. നഗരത്തിൽ അലഞ്ഞുതിരിഞ്ഞ് ആക്രി പെറുക്കുന്ന സംഘത്തിൽപ്പെട്ടതാണ് പ്രതി. സ്റ്റേഡിയത്തിനു സമീപം അരമണിക്കൂറോളം ഭീകരാന്തരീക്ഷം സൃഷ്ട‌ിച്ച പ്രതി ജനങ്ങളെ ആശങ്കയിലാഴ്ത്തി. ഇതുവഴി പോയവരെ കത്തികാട്ടി ഭീഷണിപ്പെടുത്തുകയും കത്തിവീശുകയുമായിരുന്നു. ഇതിനിടെയാണ് ഇതുവഴിപോയ ശിവദാസിന് കുത്തേറ്റത്. ഇതോടെ നാട്ടുകാർ ചേർന്ന് പ്രതിയെ സാഹസികമായി കീഴ്പ്പെടുത്തി കെട്ടിയിടുകയായിരുന്നു. തുടർന്ന് പോലീസിനെ വിളിച്ചുവരുത്തി പ്രതിയെ കൈമാറി.

സില്‍വര്‍ലൈന്‍ പദ്ധതി സര്‍ക്കാര്‍ ഉപേക്ഷിക്കണം: പ്രമോദ് പുഴങ്കര

മാടപ്പള്ളി: കേരള ജനത തള്ളിക്കളഞ്ഞ സില്‍വര്‍ലൈന്‍ പദ്ധതി സര്‍ക്കാര്‍ ഉപേക്ഷിക്കണമെന്ന് എഴുത്തുകാരനും രാ‌ഷ്‌ട്രീയ നിരീക്ഷകനുമായ പ്രമോദ് പുഴങ്കര. സമരങ്ങളിലൂടെ അധികാരത്തിലെത്തിയ ഇടതുപക്ഷ സര്‍ക്കാര്‍ സമരങ്ങളോട് ഇപ്പോള്‍ അസഹിഷ്ണുതയാണ് പുലർത്തുന്നതെന്ന് അദ്ദേഹം ചൂണ്ടി ക്കാട്ടി. സില്‍വര്‍ലൈന്‍ പദ്ധതി കേരള സര്‍ക്കാര്‍ പിന്‍വലിക്കണമെന്നാവശ്യപ്പെട്ട് സില്‍വര്‍ ലൈന്‍വിരുദ്ധ ജനകീയ സമിതി പന്തല്‍കെട്ടി മാടപ്പള്ളിയില്‍ ആരംഭിച്ച സത്യഗ്രഹ സമരത്തിന്‍റെ മൂന്നാം വാര്‍ഷികം ഉദ്ഘാടനം ചെയ്യുകയായിരുന്നു അദ്ദേഹം. സമരസമിതി ജില്ലാ ചെയര്‍മാന്‍ ബാബു കുട്ടന്‍ചിറ അധ്യക്ഷത വഹിച്ചു. ജോസഫ് എം. പുതുശേരി, കുഞ്ഞുകോശി പോള്‍, വി.ജെ. ലാലി, സലീം പി. മാത്യു, ഫാ. വി.എം. മാത്യു, എസ്. രാജീവന്‍, കെ. ശൈവപ്രസാദ്, മിനി കെ. ഫിലിപ്പ്, തോമസ് കെ. മാറാട്ടുകളം, റോസ്‌ലിന്‍ ഫിലിപ്പ്, അരുണ്‍ ബാബു, പി.എം. മോഹനന്‍പിള്ള, പി.എ. സാലി, സൈന തോമസ്, സണ്ണി എത്തയ്ക്കാട്ട്, ഷിബു ഏഴേപുഞ്ചയില്‍, എസ്. രാധാമണി എന്നിവര്‍ പ്രസംഗിച്ചു.

ഒറ്റ വീഡിയോ കോളിൽ മലയാളിമനസ് കീഴടക്കി...

ചങ്ങനാശേരി: വടക്കേക്കര കല്ലുകളം ശോശാമ്മ ആന്‍റണി (96)യെ വീഡിയോ കോളില്‍ വിളിച്ച് സന്തോഷം പങ്കുവച്ച് ജന്മദിനാശംസ നേര്‍ന്നതിലൂടെയാണ് ഫ്രാന്‍സിസ് പാപ്പ മലയാളികളുടെ പ്രത്യേകിച്ച് ചങ്ങനാശേരിക്കാരുടെ മനസില്‍ ഇടംനേടിയത്. 2023 സെപ്റ്റംബര്‍ രണ്ടിനായിരുന്നു അപ്രതീക്ഷിതമായി പാപ്പായുടെ വീഡിയോകോള്‍ ശോശാമ്മ ആന്‍റണിയെ തേടിയെത്തിയത്. കര്‍ദിനാള്‍ മാർ ജോര്‍ജ് കൂവക്കാട്ടിന്‍റെ മുത്തശിയോടും കുടുംബത്തോടും മാര്‍പാപ്പ നടത്തിയ വീഡിയോകോള്‍ സംഭാഷണമാണ് കേരളക്കരയിലെ വിശ്വാസികളുടെ മനസില്‍ ഫ്രാന്‍സിസ് മാര്‍പാപ്പയ്ക്ക് ഇടംനല്‍കിയത്. അന്നു മാര്‍പാപ്പയുടെ വിദേശയാത്രകളുടെ ചുമതല വഹിക്കുന്ന വൈദികനായിരുന്നു ചങ്ങനാശേരി അതിരൂപതയിലെ മാമ്മൂട് ഇടവകാംഗമായ ഫാ. ജോര്‍ജ് കൂവക്കാട്ട്. പിന്നീട് അദ്ദേഹത്തെ ഫ്രാന്‍സിസ് പാപ്പ കര്‍ദിനാളായി നിയമിച്ചു. പാപ്പായുടെ വിദേശയാത്രകളുടെ ചുമതലയിരിക്കേ മംഗോളിയയിലേക്കുള്ള യാത്രാമധ്യേ വല്ല്യമ്മച്ചിയുടെ ആരോഗ്യസ്ഥിതിയെക്കുറിച്ച് മാര്‍പാപ്പയുമായി ഫാ. ജോര്‍ജ് കൂവക്കാട്ട് സംസാരിച്ചിരുന്നു. പിന്നീടാണ് വീഡിയോ കോളില്‍ മാര്‍പാപ്പ ശോശാമ്മയുമായി സംസാരിച്ചത്. കര്‍ദിനാള്‍ കൂവക്കാട്ടിന്‍റെ അമ്മ ലീലാമ്മയുടെ അമ്മയാണ് ശോശാമ്മ. ആഗോള കത്തോലിക്കാ സഭയുടെ തലവനായിരിക്കുമ്പോഴും ലാളിത്യം നിറഞ്ഞ ജീവിതമാണു തന്‍റേതെന്നു തെളിയിക്കുന്നതായിരുന്നു ആ ഫോണ്‍വിളി. "സുപ്രഭാതം' എന്നര്‍ഥം വരുന്ന "ബൊഞ്ചോര്‍ണോ' എന്ന് ഇറ്റാലിയന്‍ ഭാഷയില്‍ അഭിസംബോധന ചെയ്താണു മാര്‍പാപ്പ സംസാരിച്ചു തുടങ്ങിയത്. വീഡിയോ കോള്‍ നാലു മിനിറ്റ് നീണ്ടു. മാര്‍പാപ്പ മുത്തശിയെ അനുഗ്രഹിക്കുകയും പിന്നീട് കൈവീശി കാണിക്കുകയും ചെയ്തു. മറ്റു കുടുംബാംഗങ്ങളെ പരിചയപ്പെടുകയും ചെയ്താണു കോള്‍ അവസാനിപ്പിച്ചത്. ശോശാമ്മയ്ക്കൊപ്പം മകന്‍ ചെത്തിപ്പുഴ ആശ്രമം പ്രിയോര്‍ ഫാ. തോമസ് കല്ലുകളവുമുണ്ടായിരുന്നു. ആ വീഡിയോ കോള്‍ സമൂഹ മാധ്യമങ്ങളില്‍ ഏറെ വൈറലായിരുന്നു. പിന്നീട് ശോശാമ്മയുടെ വിയോഗവേളയിൽ മാര്‍പാപ്പ അനുശോചനവും അറിയിച്ചിരുന്നു. കര്‍ദിനാള്‍ മാര്‍ ജോര്‍ജ് കൂവക്കാട്ടിന്‍റെ മാതാപിതാക്കളുടെ 50-ാം വിവാഹവാര്‍ഷിക വേളയില്‍ 2022ല്‍ ഇരുവരെയും കര്‍ദിനാള്‍ കൂവക്കാട് വത്തിക്കാനിലേക്കു കൊണ്ടുപോയിരുന്നു. മാര്‍പാപ്പയെ കാണാനുള്ള അനുമതി മുന്‍കൂട്ടി വാങ്ങിയിരുന്നില്ലെങ്കിലും ഇവർക്ക് പാപ്പായെ കാണാനായത് വലിയ സന്തോഷത്തിനിടയാക്കി. മാര്‍ കൂവക്കാട്ടിനെ കര്‍ദിനാളായി നിയോഗിച്ച ചടങ്ങില്‍ ചങ്ങനാശേരി ആര്‍ച്ച്ബിഷപ് മാര്‍ തോമസ് തറയില്‍, ആര്‍ച്ച്ബിഷപ് മാര്‍ ജോസഫ് പെരുന്തോട്ടം എന്നിവരുടെ നേതൃത്വത്തില്‍ ബന്ധുക്കളും ചങ്ങനാശേരി അതിരൂപതാംഗങ്ങളും അല്മായ സംഘടനാ പ്രതിനിധികളും മാര്‍പാപ്പയെ സന്ദര്‍ശിച്ചിരുന്നു. അടുത്ത വര്‍ഷം മാര്‍പാപ്പയുടെ ഇന്ത്യാ‍ സന്ദര്‍ശനം നടക്കുമെന്നു കരുതിയിരിക്കേയാണ് വിയോഗം. മാര്‍പാപ്പയ്ക്ക് ഇന്ത്യാ സന്ദര്‍ശനത്തിന് അതീവ താത്പര്യമുണ്ടെന്നും ഇതിനുള്ള ആലോചനകള്‍ ആരംഭിച്ചിട്ടുണ്ടെന്നും കര്‍ദിനാളായി നിയമിതനായ മാര്‍ ജോര്‍ജ് കൂവക്കാട്ട് ദീപികയോടു പങ്കുവച്ചിരുന്നു. ബെന്നി ചിറയില്‍

‘കുറുപ്പന്തറ ജംഗ്ഷന്‍ വികസനം, ഏറ്റുമാനൂര്‍-എറണാകുളം റോഡിലെ അപകടവളവ് നിവര്‍ത്തൽ നടപടികൾ‍ വേഗത്തിലാക്കും’

കടുത്തുരുത്തി: കടുത്തുരുത്തി മണ്ഡലത്തില്‍ ഉള്‍പ്പെട്ട വിവിധ സ്ഥലങ്ങള്‍ ചേര്‍ത്ത് ഏറ്റുമാനൂര്‍ - എറണാകുളം റോഡിലെ അപകടവളവുകള്‍ നിവര്‍ത്തുന്നതിന് ആദ്യഘട്ടത്തില്‍ റവന്യു വകുപ്പ് പുറപ്പെടുവിച്ച ഉത്തരവില്‍ വിട്ടുപോയ സര്‍വേ നമ്പരുകള്‍കൂടി ഉള്‍പ്പെടുത്തി പുതുക്കിയ ഭേദഗതി ഉത്തരവ് റവന്യു (ബി) വകുപ്പ് പുറപ്പെടുവിച്ചു. മോന്‍സ് ജോസഫ് എംഎല്‍എയാണ് ഇക്കാര്യമറിയിച്ചത്. ഇതുസംബന്ധിച്ചു സംസ്ഥാന സര്‍ക്കാര്‍ പുറപ്പെടുവിച്ച പുതുക്കിയ ഉത്തരവ് പ്രകാരം ജില്ലയില്‍ കാണക്കാരി, കോതനല്ലൂര്‍, മാഞ്ഞൂര്‍, മുട്ടുചിറ, കടുത്തുരുത്തി, വടയാര്‍ വില്ലേജുകളില്‍ ഉള്‍പ്പെട്ട ഭൂമി ഏറ്റുമാനൂര്‍ - എറണാകുളം റോഡിലെ അപകടകരമായ വളവുകള്‍ നിവര്‍ത്തുന്നതിന് ഏറ്റെടുക്കാനുള്ള അനുമതി നല്‍കിക്കൊണ്ടാണ് സര്‍ക്കാര്‍ ഉത്തരവ് പുറപ്പെടുവിച്ചിരിക്കുന്നത്. കുറുപ്പന്തറ ജംഗ്ഷന്‍ വികസനവും ഏറ്റുമാനൂര്‍ - എറണാകുളം റോഡിലെ അപകടവളവുകൾ‍ നിവര്‍ത്തുന്നതിന് ഭൂമി ഏറ്റെടുക്കാനുമുള്ള സര്‍ക്കാര്‍ ഉത്തരവ് നടപടികള്‍ വേഗത്തിലാക്കും. പൊതുമരാമത്ത് വകുപ്പ് റോഡ്സ് വിഭാഗവും റവന്യു വകുപ്പും സംയുക്ത പരിശോധന നടത്തി ഭൂമി ഏറ്റെടുക്കല്‍ നടപടിയിലേക്ക് കടക്കും. കുറുപ്പന്തറ ജംഗ്ഷന്‍ വികസനത്തിനാവശ്യമായ ഭൂമി ഏറ്റെടുക്കാനുള്ള സര്‍വേ നമ്പരുകളും സംസ്ഥാന സര്‍ക്കാര്‍ അംഗീകരിച്ചു പുറപ്പെടുവിച്ച ഉത്തരവില്‍ ഉള്‍പ്പെടുത്തിയിട്ടുണ്ടെന്ന് മോന്‍സ് ജോസഫ് അറിയിച്ചു. റവന്യു (ബി) വകുപ്പ് പുറപ്പെടുവിച്ചതു പ്രകാരം ബന്ധപ്പെട്ട മുഴുവന്‍ സ്ഥലങ്ങളും സര്‍ക്കാര്‍ നിശ്ചയിച്ച വിലയ്ക്ക് ഏറ്റെടുക്കാനുള്ള നടപടികള്‍ ഉടനെ ആരംഭിക്കും. ഇതുസംബന്ധിച്ചുള്ള അന്തിമനടപടികള്‍ തീരുമാനിക്കുന്നതിന് ജില്ലാ കളക്ടറുടെ അധ്യക്ഷതയില്‍ യോഗം ഉടന്‍ വിളിച്ചു ചേര്‍ക്കുമെന്നും മോന്‍സ് ജോസഫ് എംഎല്‍എ അറിയിച്ചു.

ഈസ്റ്റര്‍ദിനത്തില്‍ നിരാലംബയായ വയോധികയെ ഏറ്റെടുത്ത് നിത്യസഹായകന്‍റെ അമ്മവീട്

കടുത്തുരുത്തി: കടുത്തുരുത്തി പഞ്ചായത്തിലെ നാലാം വാര്‍ഡില്‍ തനിച്ചു താമസിച്ചിരുന്ന നിരാലംബയായ വയോധികയെ നിത്യസഹായകന്‍ പ്രവര്‍ത്തകര്‍ ഏറ്റെടുത്തു. പ്ലാച്ചേരില്‍ രത്‌നമ്മയാണ് നിത്യസഹായകന്‍റെ അമ്മവീട്ടില്‍ അഭയം തേടിയത്. സ്‌ട്രോക്ക് വന്ന് തളര്‍ന്ന രത്‌നമ്മയെ ആരും നോക്കാനില്ലാത്ത അവസ്ഥയില്‍ വീട്ടില്‍ അവശനിലയിലായിരുന്നു. തുടര്‍ന്ന് വാര്‍ഡിലെ ആശാപ്രവര്‍ത്തകയായ വിശ്വലത, പഞ്ചായത്തംഗമായ അര്‍ച്ചന കാപ്പിലിനെ വിവരമറിയിച്ചു. പഞ്ചായത്തംഗം വയോധികയെ സന്ദര്‍ശിക്കുകയും നിത്യസഹായകന്‍റെ അമ്മവീട് പ്രവര്‍ത്തകരെ വിവരമറിയിക്കുകയും ചെയ്തു. അമ്മവീട് ഭവനത്തിലെ അനില്‍ ജോസഫും സിന്ധുവും സ്ഥലത്തെത്തി സാഹചര്യങ്ങള്‍ മനസിലാക്കി. താത്കാലികമായി സംരക്ഷണം ഒരുക്കിയിരുന്ന മേരിയമ്മയെ കണ്ട് രത്‌നമ്മയുടെ കാര്യം പഞ്ചായത്തംഗത്തെ അറിയിച്ച് ആശുപത്രിയില്‍ പ്രവേശിപ്പിക്കാന്‍ നിർദേശിച്ചു. തുടര്‍ന്ന് പഞ്ചായത്തംഗവും ആശാ പ്രവര്‍ത്തകയും മേരിയമ്മയും ചേര്‍ന്ന് രത്‌നമ്മയെ മെഡിക്കല്‍ കോളജ് ആശുപത്രിയില്‍ അഡ്മിറ്റ് ചെയ്തു. മെഡിക്കല്‍ കോളജില്‍നിന്നു ഡിസ്ചാര്‍ജായ രത്‌നമ്മയെ തനിച്ചാക്കാന്‍ പറ്റാത്ത സാഹചര്യത്തില്‍ നിത്യസഹായകന്‍ വയോധികയെ ഏറ്റെടുക്കുകയായിരുന്നു. മെഡിക്കല്‍ കോളജില്‍നിന്ന് അറുനൂറ്റിമംഗലം ആശൂപത്രിയിലേക്ക് മാറ്റിയ രത്‌നമ്മയെ നിത്യസഹായകന്‍ പ്രവര്‍ത്തകര്‍ ഈസ്റ്റര്‍ ദിനത്തില്‍ ഇവിടെയെത്തിയാണ് അമ്മവീട് ഭവനത്തിലേക്ക് എത്തിച്ചത്. പഞ്ചായത്തംഗം അര്‍ച്ചന കാപ്പില്‍, ആശാ പ്രവര്‍ത്തക വിശ്വലത, അയല്‍വാസി മേരിയമ്മ, കെ.കെ. സജികുമാര്‍, ട്രസ്റ്റ് പ്രസിഡന്‍റ് അനില്‍ ജോസഫ്, വി.കെ. സിന്ധു, തോമസ് അഞ്ചമ്പില്‍, കെ.കെ. സുരേന്ദ്രന്‍, ജിജോ ജോര്‍ജ്, റീത്താ ജയ്‌സണ്‍, ചാക്കോച്ചന്‍ കുര്യന്തടം, ജയിംസ് കാവാട്ടുപറമ്പില്‍ തുടങ്ങിയവര്‍ പങ്കെടുത്തു.

ധർണ നടത്തി

ടിവിപുരം: വേതന കുടിശിക ലഭിക്കാത്തതിൽ പ്രതിഷേധിച്ച് എൻആർഇജി വർക്കേഴ്സ് ഫെഡറേഷന്‍റെ (എഐ‌ടിയുസി) നേതൃത്വത്തിൽ പ്രതിഷേധ ധർണ നടത്തി. ചെമ്മനത്തുകര പോസ്റ്റ് ഓഫീസ് പടിക്കൽ നടന്ന ധർണാസമരം സിപിഐ സംസ്ഥാന കൗൺസിൽ അംഗം ലീനമ്മ ഉദയകുമാർ ഉദ്ഘാടനം ചെയ്തു. ലോക്കൽ സെക്രട്ടറി കെ.വി. നടരാജൻ അധ്യക്ഷത വഹിച്ചു. എസ്. ബിജു, സിജീഷ്, ദീപാ ബിജു, ടി.കെ. മധു, തങ്കമ്മ തങ്കേശൻ എന്നിവർ പ്രസംഗിച്ചു.

ശില്പശാല നടത്തി

വൈക്കം: സംസ്ഥാന എനർജി മാനേജ്മെന്‍റ് സെന്‍ററിന്‍റെ സഹകരണത്തോടെ എറണാകുളം-അങ്കമാലി അതിരൂപത സാമൂഹ്യ പ്രവർത്തന, പരിസ്ഥിതി പരിപാലന വിഭാഗമായ സഹൃദയയുടെ ആഭിമുഖ്യത്തിൽ വൈക്കം നിയോജകമണ്ഡലതല കുളിർമ ഊർജസംരക്ഷണ ശില്പശാല സംഘടിപ്പിച്ചു. വീടുകളിലും കെട്ടിടങ്ങളിലും കൂൾ റൂഫ് സാങ്കേതികവിദ്യകൾ പ്രോത്സാഹിപ്പിച്ച് ഉള്ളിലെ ചൂട് കുറയ്ക്കുകയും ഫാൻ, എസി തുടങ്ങിയവയുടെ ഉപയോഗം പരമാവധി കുറയ്ക്കുകയും ചെയ്യുന്നതിനെക്കുറിച്ചുള്ള അറിവു പകരലാണ് ശില്പശാലയുടെ ലക്ഷ്യം. വൈക്കം ഫൊറോനാ പള്ളി ഹാളിൽ സഹൃദയ അസിസ്റ്റന്‍റ് ഡയറക്ടർ ഫാ. സിബിൻ മനയംപിള്ളിയുടെ അധ്യക്ഷതയിൽ നടന്ന യോഗം വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു ഉദ്ഘാടനം ചെയ്തു. സഹൃദയ അനിമേറ്റർ ജീന തോമസ്, സഹൃദയ ടെക്ക് റിന്യൂവബിൾ എനർജി കോ- ഓർഡിനേറ്റർ റെജി ജയിംസ്, എനർജി മാനേജ്മെന്‍റ് സെന്‍റർ റിസോഴ്സ് പേഴ്സൺ ജീസ് പി. പോൾ തുടങ്ങിയവർ പ്രസംഗിച്ചു.

കോണ്‍ഗ്രസ് പ്രവര്‍ത്തകര്‍ പ്രതിഷേധ ധര്‍ണ നടത്തി

മാഞ്ഞൂര്‍: പഞ്ചായത്തിന്‍റെ കെടുകാര്യസ്ഥതയ്ക്കും വികസന മുരടിപ്പിനും ആശാവര്‍ക്കര്‍മാരോടുള്ള അവഗണനയ്ക്കും തൊഴിലുറപ്പ് തൊഴിലാളികളുടെ കുടിശിക നല്‍കാത്തതിനുമെതിരേ കോണ്‍ഗ്രസ് പ്രവര്‍ത്തകര്‍ മാഞ്ഞൂര്‍ പഞ്ചായത്ത് ഓഫീസിന് മുന്നില്‍ പ്രതിഷേധ ധര്‍ണ നടത്തി. ഷോപ്പിംഗ് കോംപ്ലക്‌സ് നിര്‍മാണം പൂര്‍ത്തിയാക്കാത്തത്, സെക്രട്ടറി, അസിസ്റ്റന്‍റ് എൻജിനിയര്‍ തസ്തികകള്‍ ഒഴിഞ്ഞുകിടക്കുന്നത് തുടങ്ങി വിവിധ ആവശ്യങ്ങള്‍ ചൂണ്ടിക്കാണിച്ചായിരുന്നു പ്രതിഷേധം. കോണ്‍ഗ്രസ് മണ്ഡലം പ്രസിഡന്‍റ് ബിനോ സഖറിയാസ് അധ്യക്ഷത വഹിച്ചു. ഡിസിസി ജനറല്‍ സെക്രട്ടറി സുനു ജോര്‍ജ് ധര്‍ണ ഉദ്ഘാടനം ചെയ്തു. വര്‍ഗീസ് കാറുകുളം, ജോര്‍ജ് നെടുനിലം, വി.ആര്‍. ശിവദാസ്, ടോമി കറുകുളം, ചാക്കോ മത്തായി, ജെയ്‌നി തോമസ്, ബിന്ദു സുരേഷ്, ജോജോ കോട്ടപറമ്പില്‍, ജിസ് തോമസ്, ബാബു തൂമ്പില്‍ തുടങ്ങിയവര്‍ പ്രസംഗിച്ചു.

യുവാവ് വാഹനാപകടത്തിൽ മരിച്ചു

വൈക്കം: മൂന്നുവയസുകാരനായ മകന്‍റെ പിറന്നാൾ ആഘോഷത്തിൽ പങ്കെടുത്ത സുഹൃത്തിനെ ബൈക്കിൽ കൊണ്ടുപോയി വിട്ടശേഷം വീട്ടിലേക്ക് മടങ്ങിയ യുവാവ് വാഹനാപകടത്തിൽ മരിച്ചു. മറവൻതുരുത്ത് വാളംപള്ളിപ്പാലത്തിന് സമീപം നടുവിലേക്കൂറ്റിൽ പരേതരായ ജോയി-ശാന്തമ്മ ദമ്പതികളുടെ മകൻ ജിജോ തോമസാണ് (40) മരിച്ചത്. ഇന്നലെ രാവിലെ 6.30ന് പുതിയകാവ് ജംഗ്‌ഷന് സമീപമായിരുന്നു അപകടം. ജിജോ സഞ്ചരിച്ച ബൈക്ക് എതിരേ വന്ന ടൂറിസ്റ്റ് ബസുമായി കൂട്ടിയിടിക്കുകയായിരുന്നു. റോഡിൽ തെറിച്ചുവീണ് ഗുരുതരമായി പരിക്കേറ്റ ജിജോയെ ഉടൻ തൃപ്പൂണിത്തുറ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എറണാകുളത്തെ സ്വകാര്യ സ്ഥാപനത്തിലെ ജീവനക്കാരനാണ് മരിച്ച ജിജോ. സംസ്കാരം നടത്തി. ഭാര്യ: ജിജ. മകൻ: ജോഷ്വാ.

ഫ്രാന്‍സിസ് മാര്‍പാപ്പയെ അനുസ്മരിച്ച് സഭാതലവന്മാർ

മാറ്റത്തിന് വിത്തുവിതറിയ വ്യക്തിത്വം: മാർ ജോസഫ് കല്ലറങ്ങാട്ട് ആർക്കും അടയ്ക്കാൻ സാധിക്കാത്ത വാതിൽ തുറന്നിട്ട ശേഷമാണ് ഫ്രാൻസിസ് മാർപാപ്പ ഈ ലോകം വിട്ട് സ്വർഗരാജ്യത്തിലേക്ക് പോയത്. സമൂഹത്തിൽ ഉണ്ടാകേണ്ട മാറ്റത്തിന് വിത്ത് വിതറിയ വ്യക്തിയായിരുന്നു പിതാവ്. ലോകത്തോട് ദൈവത്തെക്കുറിച്ച് ഏറ്റവും കൂടുതൽ സംസാരിച്ച വ്യക്തിയായ പിതാവ് ദൈവം നമുക്ക് നൽകിയ അമൂല്യനിധിയാണ്. സാമൂഹികവും പാരിസ്ഥിതികവുമായ പ്രതിസന്ധികളെ തരണം ചെയ്യാൻ മാർപാപ്പ നടത്തിയ പരിശ്രമങ്ങൾ മഹത്തരമാണ്. വിവിധ മതവിഭാഗങ്ങളിൽപ്പെട്ടവരുമായിട്ടുള്ള സംവാദം പ്രോത്സാഹിപ്പിക്കുവാൻ പിതാവ് നടത്തിയ പ്രവർത്തനങ്ങൾ ശ്ലാഘനീയമാണ്. അവസാനനാളിൽ എഴുതിയ അവൻ നമ്മെ സ്നേഹിച്ചു എന്ന ചാക്രിക ലേഖനത്തിൽ ഹൃദയം നഷ്ടപ്പെട്ട ലോകത്തിന് ഹൃദയം കൊടുക്കാൻ നമ്മൾ പരിശ്രമിക്കണമെന്നാണ് പറഞ്ഞത്. സീറോമലബാർ സഭയെ സംബന്ധിച്ച പിതാവ് വലിയ ഒരു അനുഗ്രഹമായിരുന്നു. ദൈവാരാധനയെക്കുറിച്ച് പിതാവ് വളരെ വ്യക്തമായ മാനദണ്ഡങ്ങൾ സഭയ്ക്ക് നൽകിയിട്ടുണ്ട്. പാപ്പാ കാണിച്ചുതന്ന ജീവിതമാതൃക ഏവരും ശ്രദ്ധയോടെ പഠിച്ച് ഉൾക്കൊള്ളുകയും വേണം. എല്ലാവരെയും സമന്മാരായി കണ്ട വ്യക്തിത്വം: മാര്‍ മാത്യു മൂലക്കാട്ട് അജപാലനശുശ്രൂഷയില്‍ വേറിട്ട വ്യക്തിമുദ്ര പതിപ്പിച്ച ഇടയശ്രേഷ്ഠനായിരുന്നു ഫ്രാന്‍സിസ് മാര്‍പാപ്പ. അശരണരെയും പാവപ്പെട്ടവരെയും ചേര്‍ത്തുനിര്‍ത്തിയിരുന്ന പാപ്പാ തികഞ്ഞ മനുഷ്യസ്നേഹിയും എല്ലാവരെയും സമന്മാരായി കാണുന്ന വ്യക്തിത്വത്തിന് ഉടമയുമായിരുന്നു. കോട്ടയം അതിരൂപത ഫ്രാന്‍സിസ് മാര്‍പാപ്പയ്ക്കുവേണ്ടി പ്രാര്‍ഥിക്കുകയും അനുശോചനം അറിയിക്കുകയും ചെയ്യുന്നു. ലാറ്റിനമേരിക്കന്‍ പശ്ചാത്തലത്തില്‍ വളര്‍ന്നുവന്ന പാപ്പായുടെ ജീവിതപശ്ചാത്തലങ്ങളും മുന്‍കാല അനുഭവങ്ങളും സഭയെ വേറിട്ടതും ശക്തവുമായ വഴിയിലൂടെ നയിക്കുവാന്‍ അദ്ദേഹത്തിനു ശക്തി പകര്‍ന്നു. സഭയ്ക്കുള്ളിലും പുറത്തും നവീകരണത്തിന്‍റെ വക്താവായിരുന്ന മാര്‍പാപ്പ തികഞ്ഞ പരിസ്ഥിതി സ്നേഹി കൂടിയായിരുന്നു. ജീവിതം മുഴുവന്‍ സുവിശേഷാനുസരണം ജീവിച്ച് ഉയിര്‍പ്പിന്‍റെ സന്ദേശം ലോകത്തിനു നല്കി പാപ്പാ വിടവാങ്ങിയിരിക്കുകയാണ്. പല ചാക്രിക ലേഖനങ്ങളും ഗ്രന്ഥങ്ങളും രചിച്ചെങ്കിലും പാപ്പായുടെ ജീവിതമാണ് ലോകത്തിനു നല്കിയ ഏറ്റവും വലിയ സന്ദേശമടങ്ങിയ ഗ്രന്ഥം. അദ്ദേഹത്തിന്‍റെ പ്രചോദനാത്മകമായ ആത്മീയ നേതൃത്വം തലമുറകള്‍ക്ക് പ്രകാശം ചൊരിയും. സുവിശേഷത്തിന്‍റെ സര്‍ഗാത്മക മുഖം: മാര്‍ തോമസ് തറയില്‍ ഈസ്റ്റര്‍ ദിനത്തില്‍ ലോകത്തെ മുഴുവന്‍ ആശീര്‍വദിച്ചശേഷം പരിശുദ്ധ പിതാവ് ഫ്രാന്‍സിസ് പാപ്പാ നമ്മില്‍നിന്നും വേര്‍പിരിഞ്ഞിരിക്കുകയാണ്. പരിശുദ്ധ പിതാവിന്‍റെ വിയോഗത്തില്‍ സഭാംഗങ്ങളെല്ലാം ദുഃഖിതരാണ്. ഈ കാലഘട്ടത്തില്‍ കത്തോലിക്കാ സഭയെ ഏറ്റവും ജനകീയമായി അവതരിപ്പിച്ച വ്യക്തിയാണ് അദ്ദേഹം. ക്രൈസ്തവ സന്ദേശത്തെ ലോകത്തിന് ഉള്‍ക്കൊള്ളാനാവുന്ന രീതിയില്‍ അദ്ദേഹം അവതരിപ്പിച്ചു. വിശ്വാസം ക്ഷയിച്ചുകൊണ്ടിരിക്കുന്നു എന്നു കരുതുന്ന ഒരു കാലഘട്ടത്തില്‍ കത്തോലിക്കാ സഭയെ ഏറ്റവും പ്രസക്തമായി നിര്‍ത്താന്‍ അദ്ദേഹത്തിന്‍റെ നേതൃത്വത്തിനു കഴിഞ്ഞു. കോവിഡ് കാലത്ത് അടഞ്ഞുകിടന്ന ലോകം പാപ്പായെ ശ്രവിച്ചു. അദ്ദേഹത്തിന്‍റെ സന്ദേശങ്ങള്‍ അനേകര്‍ക്കു പ്രത്യാശ പകരുന്നതായിരുന്നു. സുവിശേഷത്തിന്‍റെ ആനന്ദത്തെക്കുറിച്ച് പാപ്പാ നിരന്തരം സംസാരിച്ചിരുന്നു. സഭ എല്ലാവരോടും തുറവിയുള്ളവളാകണം എന്ന ചിന്തയോടുകൂടെ വത്തിക്കാന്‍റെ പല വകുപ്പുകളുടെയും തലപ്പത്ത് വനിതകളെ നിയമിക്കുന്നതില്‍ അദ്ദേഹം ശ്രദ്ധ പുലര്‍ത്തി. അദ്ദേഹത്തെ നാലു പ്രാവശ്യം സന്ദര്‍ശിക്കാനുള്ള ഭാഗ്യം എനിക്കു ലഭിച്ചു. ഒരു സുഹൃത്തിനെപ്പോലെ ഇടപെടുന്ന അനുഭവം: മാര്‍ പെരുന്തോട്ടം ഫ്രാന്‍സിസ് മാര്‍പാപ്പയെ പല പ്രാവശ്യം അടുത്തുകണ്ടു സംസാരിക്കാന്‍ ഭാഗ്യമുണ്ടായി. വച്ചുകെട്ടൊന്നുമില്ലാത്ത സമീപനമായിരുന്നു പരിശുദ്ധ പിതാവിന്‍റേത്. ഒരിക്കല്‍ സ്വകാര്യമുറിയില്‍ വ്യക്തിപരമായി അനുവദിച്ചുകിട്ടിയ കൂടിക്കാഴ്ചയിലാണ് ഫ്രാന്‍സിസ് മാര്‍പാപ്പയോടുള്ള എന്‍റെ ആദരവും സ്‌നേഹവും ആഴപ്പെട്ടത്. മറ്റുള്ളവരെ കേള്‍ക്കാനും ആവശ്യങ്ങള്‍ അറിയാനും ഒരു ശുശ്രൂഷകനെപ്പോലെ തനിക്കു സാധിക്കുന്ന കാര്യങ്ങള്‍ ചെയ്തു സഹായിക്കാനും സന്നദ്ധനായ ഒരുത്തമ മനുഷ്യസ്‌നേഹിയെ പാപ്പായില്‍ കാണാന്‍ കഴിഞ്ഞു. എല്ലാ വിഭാഗീയതകള്‍ക്കുമുപരിയായി ലോകത്തിലെങ്ങും സമാധാനവും മാനവസാഹോദര്യവും പുലരണമെന്നു പരിശുദ്ധ പിതാവ് അതിയായി ആഗ്രഹിച്ചു. അതിനായി ശബ്ദിച്ചു. മാര്‍പാപ്പ സുഖം പ്രാപിക്കുന്നു എന്ന് എല്ലാവരും ആശ്വസിച്ചിരിക്കെ, തികച്ചും അപ്രതീക്ഷിതമായി നിത്യതയിലേക്കു യാത്രയായി. മനുഷ്യഹൃദയങ്ങളില്‍ ഇടംനേടിയ അത്യപൂര്‍വ മനുഷ്യസ്‌നേഹികളില്‍ പ്രഥമനിരയിലാണ് ഫ്രാന്‍സിസ് മാര്‍പാപ്പ. സ്നേഹത്തിന്‍റെ നല്ല മാതൃക: മാർ മാത്യു അറയ്ക്കൽ സ്വര്‍ഗീയമായ ഒരു അനുഭൂതിയായിരുന്നു ഫ്രാന്‍സിസ് മാര്‍പാപ്പയുമായുള്ള ഓരോ കൂടിക്കാഴ്ചയും. അതുല്യമായ സ്‌നേഹവും പരിഗണനയും പിതാവിന്‍റെ ഓരോ വാക്കിലും ഭാവത്തിലും പ്രകടമായിരുന്നു. വലിയ ഉള്‍ക്കാഴ്ചയും ഊര്‍ജവും പകര്‍ന്നുനല്‍കുന്നതായിരുന്നു പിതാവിന്‍റെ പ്രബോധനങ്ങള്‍. ആത്മീയമായ അനുഭൂതി പകര്‍ന്നുനല്‍കുന്ന വ്യക്തിത്വമായിരുന്നു പിതാവിന്‍റേത്. ലോകത്തിന്‍റെ ഓരോ ചലനവും കൃത്യമായി പിതാവ് നിരീക്ഷിച്ചുകൊണ്ടിരുന്നു. അത്തരത്തില്‍ ഇന്നത്തെ ലോകത്തിന് ഒരു കാവലാളും തിരുത്തല്‍ ശക്തിയുമായിരുന്നു ഫ്രാന്‍സിസ് പാപ്പാ. അനാഥരെയും അഗതികളെയും അഭയാര്‍ഥികളെയും യുദ്ധത്തിന്‍റെ ഇരകളെയുമൊക്കെ കാരുണ്യത്തോടെ കാണുകയും എക്കാലവും പാവങ്ങളുടെ പക്ഷം ചേരുകയും ചെയ്ത പിതാവ് അസീസിയിലെ വിശുദ്ധ ഫ്രാന്‍സിസിന്‍റെ അതേ ചൈതന്യത്തിലാണ് വ്യാപരിച്ചത്. ജനമനസുകളില്‍ ഫ്രാന്‍സിസ് മാര്‍പാപ്പ എക്കാലവും ജ്വലിക്കുന്ന ഓര്‍മയായി നിലകൊള്ളും. ആർദ്രതയുള്ള വലിയ ഇടയൻ: മാർ ജോസ് പുളിക്കൽ ഊഷ്മളമായ സ്‌നേഹവും കരുതലും ആര്‍ദ്രതയുമാണ് ഫ്രാന്‍സിസ് മാര്‍പാപ്പയില്‍ കാണാനിടയായത്. ലാളിത്യത്തിന്‍റെയും വിനയത്തിന്‍റെയും ആള്‍രൂപമായിരുന്ന പരിശുദ്ധ പിതാവ് പാവങ്ങളോടും പാര്‍ശ്വവത്കരിക്കപ്പെട്ടവരോടും പ്രതിബദ്ധതയും അനുകമ്പയും പുലര്‍ത്തിയ മനുഷ്യസ്‌നേഹിയായിരുന്നു. മനുഷ്യരോടു മാത്രമല്ല പ്രകൃതിയോടും പിതാവിന് വലിയ പ്രതിബദ്ധതയുണ്ടായിരുന്നു. ഭാരതസഭയുടെ വിശേഷിച്ച് സീറോമലബാര്‍ സഭയുടെ വളര്‍ച്ചയ്ക്ക് പിതാവ് വലിയ പരിഗണനയാണ് നല്‍കിയത്. കാഞ്ഞിരപ്പള്ളി രൂപതയോടുള്ള കരുതലും ആ വാക്കുകളിലുണ്ടായിരുന്നു. വന്ദ്യപിതാവിന്‍റെ വേര്‍പാടില്‍ അനുശോചിക്കുകയും കാഞ്ഞിരപ്പള്ളി രൂപതാക്കൂട്ടായ്മ ഒന്നാകെ ആത്മശാന്തിക്കായി പ്രാര്‍ഥിക്കുകയും ചെയ്യുന്നു. രൂപതയിലെ എല്ലാ പള്ളികളിലും സ്ഥാപനങ്ങളിലും പരിശുദ്ധ കുർബാനയിലും യാമ നമസ്കാരങ്ങളിലുൾപ്പെടെയുള്ള കുടുംബ പ്രാർഥനകളിലും പരിശുദ്ധ പിതാവിനെ അനുസ്മരിച്ച് പ്രാർഥിക്കേണ്ടതാണ്. കാരുണ്യത്തിന്‍റെ ആള്‍രൂപം: ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ ലാളിത്യത്തിന്‍റെയും കാരുണ്യത്തിന്‍റെയും ആള്‍രൂപമായിരുന്നു ഫ്രാന്‍സിസ് പാപ്പാ. പാവങ്ങളോടും പാര്‍ശ്വവത്കരിക്കപ്പെട്ടവരോടും പിതാവ് എന്നും പക്ഷം ചേര്‍ന്നു. സഭയെ കാലത്തിനൊത്തു നയിക്കാനും പ്രതിസന്ധികളില്‍പ്പെടാതെ പരിപാലിക്കാനും പിതാവിന് കഴിഞ്ഞു. ആത്മീയതയും വിശുദ്ധിയും പ്രാര്‍ഥനയുമായിരുന്നു അവിടുത്തെ കൈമുതല്‍. ആഗോള കത്തോലിക്കാ യുവജനസമ്മേളനത്തില്‍ പങ്കെടുത്തപ്പോഴാണ് പിതാവിനെ ആഴത്തില്‍ അറിയാനും ആ വ്യക്തിപ്രഭാവത്തെ അനുഭവിച്ചറിയാനും ഇടയാക്കിയത്. പ്രാര്‍ഥനയിലും ആരാധനയിലും പ്രബോധനത്തിലും അദ്ദേഹം യുവജനങ്ങളെ സഭയോടു കൂടുതല്‍ അടുപ്പിച്ചു. ആദിമസഭയുടെ ചൈതന്യത്തിലേക്ക് സഭയെ നയിക്കാന്‍ സിനഡാത്മകത എന്ന വലിയ ആശയത്തെ ഈ കാലഘട്ടത്തിന് സമ്മാനിച്ചു. വെല്ലുവിളികളെ ധീരമായി നേരിട്ട പ്രവാചകദൗത്യമാണ് പൂര്‍ത്തിയായിരിക്കുന്നത്.

പാപ്പായുടെ സ്‌നേഹവാത്സല്യം അടുത്തറിഞ്ഞതില്‍ ധന്യത

കോട്ടയം: പൊന്തിഫിക്കല്‍ അക്കാദമി അംഗം എന്ന നിലയില്‍ കഴിഞ്ഞ 12 വര്‍ഷമായി ഫ്രാന്‍സിസ് പാ പ്പായുമായി അടുത്ത ബന്ധം പുലര്‍ത്തുവാന്‍ സാധിച്ചത് ജീവിതത്തിലെ ഏറ്റവും വലിയ ഭാഗ്യമായി കാണുന്നതായി പ്രമുഖ അസ്ഥിരോഗവിദഗ്ധനായ ഡോ.പി.എസ്. ജോണ്‍. എല്ലാ വര്‍ഷവും കുടുംബസമേതം പാപ്പയെ അടുത്തുകാണുവാനും അനുഗ്രഹം സ്വീകരിക്കുവാനും അവസരം ലഭിച്ചു. കാണുമ്പോഴെല്ലാം എനിക്കുവേണ്ടി പ്രാര്‍ഥിക്കണം എന്നു പറയുന്ന പാപ്പായുടെ ലാളിത്യമാര്‍ന്ന മുഖം മനസില്‍ നിന്നും മായുന്നില്ല. പൊന്തിഫിക്കല്‍ അക്കാദമി ഫോര്‍ ലൈഫില്‍ കേരളത്തില്‍ നിന്നുളള ഏക പ്രതിനിധിയും ഇന്ത്യയില്‍നിന്നുള്ള മൂന്നു പേരില്‍ ഒരാള്‍ എന്ന നിലയിലും കഴിഞ്ഞ 14 വര്‍ഷമായി പൊന്തിഫിക്കല്‍ അക്കാദമിയില്‍ പ്രവര്‍ത്തിക്കുന്നുണ്ട്. കഴിഞ്ഞ മാര്‍ച്ച് മൂന്നിനു നടന്ന അക്കാദമിയുടെ യോഗത്തില്‍ പങ്കെടുക്കാന്‍ പാപ്പയ്ക്ക് സാധിച്ചിരുന്നില്ല. അദ്ദേഹത്തെ പ്രവേശിപ്പിച്ചിരുന്ന ആശുപത്രിയില്‍ എത്തി പ്രാര്‍ഥനകള്‍ അര്‍പ്പിച്ചിരുന്നു.

അപകടം പതിയിരിക്കുന്ന നാഗമ്പടം: മേല്‍പ്പാലവും പ്രവേശനപാതയും ചേരുന്നിടം താഴുന്നു

കോട്ടയം: നാഗമ്പടം റെയില്‍വേ മേല്‍പ്പാലത്തിന്‍റെ ഇരുവശങ്ങളിലും പ്രവേശന പാതകള്‍ പ്രധാന പാലവുമായി ചേരുന്ന ഭാഗം താഴ്ന്നതോടെ അപകടസാധ്യതയേറി. റോഡ് പാലവുമായി ചേരുന്ന ഭാഗം അല്പം താഴ്ന്നാണ് സ്ഥിതി ചെയ്യുന്നത്. ഇവ തമ്മില്‍ ചേരുന്നിടത്തു വലിയ വിള്ളലുകളും രൂപപ്പെട്ടിട്ടുണ്ട്. മേല്‍പ്പാലത്തിന്‍റെ നിര്‍മാണം നടന്ന ഘട്ടത്തില്‍തന്നെ മേല്‍പ്പാലവും പ്രവേശന പാതയും തമ്മില്‍ ഉയരത്തില്‍ ഏറ്റക്കുറച്ചിലുകളുണ്ടായിരുന്നു. ഇത് ശാസ്ത്രീയമായി പരിഹരിക്കാതെയാണ് നിര്‍മാണം പൂര്‍ത്തിയാക്കിയത്. പിന്നീട് കുറച്ചു കഴിഞ്ഞപ്പോള്‍ പാലവും റോഡും ചേരുന്നിടത്ത് വിള്ളലുകള്‍ രൂപപ്പെട്ടപ്പോള്‍ ടാറിംഗ് നടത്തി ലെവലാക്കിയിരുന്നു. ഇപ്പോള്‍ വീണ്ടും റോഡും പാലവും ചേരുന്നിടം താഴ്ന്നു വിള്ളലുകള്‍ രൂപപ്പെട്ടിരിക്കുകയാണ്. ഇരുചക്രവാഹനങ്ങള്‍ കടന്നുപോകുമ്പോള്‍ അപകടസാധ്യതയേറെയാണ്. ദിവസവും ആയിരക്കണക്കിനു വാഹനങ്ങളാണ് പാലത്തിലൂടെ കടന്നുപോകുന്നത്. വാഹനങ്ങള്‍ കടന്നുപോകുമ്പോഴുണ്ടാകുന്ന പ്രകമ്പനമാണ് കോണ്‍ക്രീറ്റ് സ്ലാബുകള്‍ തമ്മില്‍ അകലാന്‍ കാരണമെന്നു പറയുന്നു. മേല്‍പ്പാലത്തിന്‍റെ ചുമതല റെയില്‍വേക്കും അപ്രോച്ച് റോഡിന്‍റേത് പൊതുമരാമത്ത് നിരത്തു വിഭാഗത്തിനുമാണ്. റെയില്‍വേ- പൊതുമരാമത്ത് അധികൃതർ സംയുക്തമായി പാലം സന്ദര്‍ശിക്കുകയും റോഡും പാലവും ചേരുന്ന ഭാഗത്തെ വിടവ് കോണ്‍ക്രീറ്റിംഗും ടാറിംഗും നടത്തി ലെവലാക്കണമെന്നുമുള്ള ആവശ്യം ശക്തമായിരിക്കുകയാണ്. നടപ്പാതയും തകര്‍ന്നു മേല്‍പ്പാലത്തിനോടു ചേര്‍ന്നുള്ള നടപ്പാതയിലും ദുരിത യാത്രയാണ്. ഇരുവശങ്ങളിലുമുള്ള നടപ്പാതയിലെ കോണ്‍ക്രീറ്റ് സ്ലാബുകള്‍ ഇളകിമാറിയ നിലയിലാണ്. നടക്കുമ്പോള്‍ ഇവ തെന്നിമാറുന്നതും ഭയാനക ശബ്ദം ഉണ്ടാകുന്നതും പതിവാണ്. ഇതുമൂലം നടപ്പാത ഉപേക്ഷിച്ച് വാഹനങ്ങള്‍ കടന്നുപോകുന്ന പ്രധാന റോഡിലൂടെയാണു കാല്‍നടയാത്രികര്‍ നടക്കുന്നത്. ഇത് അപകടങ്ങളെ ക്ഷണിച്ചുവരുത്തുകയാണ്. ഏറ്റവും തിരക്കേറിയ മേല്‍പ്പാലം നടപ്പാതയിലെ അപര്യാപ്തകളും പരിഹരിക്കണമെന്ന ആവശ്യവും ശക്തമായിട്ടുണ്ട്. കോട്ടയം നാഗമ്പടം മേല്‍പ്പാലവും പ്രവേശനപാതയും ചേരുന്നിടത്ത് രൂപപ്പെട്ട വിള്ളല്‍. -ദീപിക

വീട് നിർമിച്ചു നൽകി

അയ്മനം: ത്രേസ്യാമ്മയും മകൻ സോജുവും ഇനി സുരക്ഷിത ഭവനത്തിൽ തല ചായ്ക്കും. ചെറിയ ഷെഡിൽനിന്ന് ഈസ്റ്റർ ദിനത്തിൽ അവർ പുതിയവീട്ടിൽ താമസമാക്കി. അയ്മനം പഞ്ചായത്തിലെ ഒന്നാം വാർഡിൽ കൊടുവത്ര മാതാ ഭവനത്തിൽ ത്രേസ്യാമ്മ എന്ന ചേച്ചമ്മയ്ക്ക് ഇത് സ്വപ്ന സാക്ഷാത്കാരം കൂടിയാണ്. ഭർത്താവിന്‍റെ മരണശേഷം ഇളയ മകനൊപ്പം അമ്മയും മകനും പാടത്തിന്‍റെ ചിറയിൽ താത്കാലികമായി നിർമിച്ച ഷെഡിലായിരുന്നു കഴിഞ്ഞുവന്നിരുന്നത്. പകൽസമയത്ത് ഓന്തും കീരിയും ഒക്കെ വീട്ടിൽ അതിഥികളായെത്തുമ്പോൾ രാത്രി ആമയും ഇഴ ജന്തുക്കളുമായിരുന്നു കൂട്ട്. ഏക ആശ്രയമായ പെയിന്‍റിംഗ് തൊഴിലാളിയായ മകൻ സോജു ജോലിക്കിടെ വീണു നട്ടെല്ലിനും മുഖത്തും പരിക്കുപറ്റിയതിനെത്തുടർന്ന് ജോലിക്ക് പോകാൻ കഴിയാത്ത സ്ഥിതിയിലുമായിരുന്നു. ഇവരുടെ ദയനീയാവസ്ഥ മനസിലാക്കിയ വാർഡ് മെംബറും പഞ്ചായത്ത് വൈസ് പ്രസിഡന്‍റുമായ മനോജ് കരീമഠം അയ്മനത്തെ ജനകീയ വാട്സ്ആപ്പ് കൂട്ടായ്മയായ അയ്മനം ടുഡേയും ഗ്രേസ് സ്റ്റഡി എബ്രോഡുമായി സഹകരിച്ച് വീട് നിർമിച്ചു നൽകുകയായിരുന്നു. വീടിന് ഒരു കിടപ്പുമുറി, അടുക്കള, ഹാൾ, വരാന്ത അറ്റാച്ച്ഡ് ബാത്ത്റൂം തുടങ്ങിയ സൗകര്യങ്ങളുണ്ട്. താക്കോൽദാനം ഗ്രേസ് സ്റ്റഡി എബ്രോഡ് ഉടമ രഞ്ജിത്ത് പന്നക്കൽ നിർവഹിച്ചു. ചടങ്ങിൽ വാർഡ് മെംബറും അയ്മനം പഞ്ചായത്ത് വൈസ് പ്രസിഡന്‍റുമായ മനോജ് കരീമഠം, അഞ്ചാം വാർഡ് മെംബർ ബിജു മാന്താറ്റിൽ, ബിയൂഷ് ചന്ദ്രൻ, വിനോ മാത്യു, അഡ്വ. സജി എസ്. നായർ എന്നിവർ പങ്കെടുത്തു.

പുതുപ്പള്ളി പള്ളിയിൽ വിശുദ്ധ ഗീവര്‍ഗീസ് സഹദായുടെ തിരുനാൾ

പുതുപ്പള്ളി: ജോര്‍ജിയന്‍ തീര്‍ഥാടന കേന്ദ്രമായ പുതുപ്പള്ളി സെന്‍റ് ജോര്‍ജ് ഓര്‍ത്തഡോക്‌സ് പള്ളിയില്‍ വിശുദ്ധ ഗീവര്‍ഗീസ് സഹദായുടെ രക്തസാക്ഷി ദിനമായ 23 മുതല്‍ മേയ് 23വരെ സഹദാ സാന്നിധ്യാനുസ്മരണ ദിനങ്ങളായി ആചരിക്കും. ദിവസവും രാവിലെ വിശുദ്ധ കുര്‍ബാനയും മധ്യസ്ഥപ്രാര്‍ഥനയും ഉണ്ടായിരിക്കും. 28ന് കൊടിയേറ്റ്. മേയ് അഞ്ച് മുതല്‍ ഏഴുവരെയാണു പ്രധാനപെരുന്നാള്‍ ദിനങ്ങള്‍. അഞ്ചിനു തീര്‍ഥാടന സംഗമവും വിവിധ കുരിശടികളില്‍നിന്നുള്ള പ്രദക്ഷിണവും. ആറിനു വിശുദ്ധ അഞ്ചിന്മേല്‍ കുര്‍ബാനയ്ക്കുശേഷം പൊന്നിന്‍കുരിശ് വിശുദ്ധ മദ്ബഹായില്‍ സ്ഥാപിക്കും. വലിയ പെരുന്നാള്‍ ദിനമായ ഏഴിന് രാവിലെ അഞ്ചിനും എട്ടിനും വിശുദ്ധ കുര്‍ബാന ഉണ്ടായിരിക്കും. ബസേലിയോസ് മാര്‍ത്തോമാ മാത്യൂസ് തൃതീയന്‍ കാതോലിക്കാ ബാവയുടെ മുഖ്യകാര്‍മികത്വത്തില്‍ രണ്ടാമത്തേത് വിശുദ്ധ ഒന്പതിന്മേല്‍ കുര്‍ബാനയാണ്. തുടര്‍ന്ന് വെച്ചൂട്ട് നേര്‍ച്ചസദ്യയും കുട്ടികള്‍ക്കുള്ള ആദ്യചോറൂട്ടും. ഉച്ചയ്ക്കുശേഷം രണ്ടിനു ഇരവിനല്ലൂര്‍ കവല ചുറ്റിയുള്ള പ്രദക്ഷിണം. തുടര്‍ന്ന് നാലിന് അപ്പവും പാകപ്പെടുത്തിയ കോഴിയിറച്ചിയും നേര്‍ച്ചയായി ഭക്തര്‍ക്ക് നല്‍കും.

വീടുകയറി ആക്രമിച്ചതായി പരാതി

തിരുവാർപ്പ്: ഇന്നലെ പുലർച്ചെ രണ്ടംഗസംഘം വീടുകയറി അമ്മയെയും മകനെയും ആക്രമിച്ചതായി പരാതി. പുലർച്ചെ രണ്ടാേടെ കിളിരൂരിലായിരുന്നു സംഭവം. കൊച്ചുപറമ്പിൽ ഓമന ബാബു, മകൻ പ്രമോദ് എന്നിവർക്കാണ് മർദനമേറ്റത്. വീടിന്‍റെ ജനൽ ചില്ലുകളും തകർത്തു. ഇരുവരും കോട്ടയം ജില്ലാ ആശുപത്രിയിൽ ചികിത്സ തേടി. മുൻവൈരാഗ്യമാണ് ആക്രമണ കാരണമെന്നാണ് സൂചന. വാദികളെയും പ്രതികളെയും ഇന്ന് സ്റ്റേഷനിലെത്തിച്ച് തുടർനടപടികൾ സ്വീകരിക്കുമെന്നു കുമരകം എസ്എച്ച്ഒ കെ. ഷിജി അറിയിച്ചു.

യുവാവ് വാഹനാപകടത്തിൽ മരിച്ചു

വൈക്കം: മൂന്നുവയസുകാരനായ മകന്‍റെ പിറന്നാൾ ആഘോഷത്തിൽ പങ്കെടുത്ത സുഹൃത്തിനെ ബൈക്കിൽ കൊണ്ടുപോയി വിട്ടശേഷം വീട്ടിലേക്ക് മടങ്ങിയ യുവാവ് വാഹനാപകടത്തിൽ മരിച്ചു. മറവൻതുരുത്ത് വാളംപള്ളിപ്പാലത്തിന് സമീപം നടുവിലേക്കൂറ്റിൽ പരേതരായ ജോയി-ശാന്തമ്മ ദമ്പതികളുടെ മകൻ ജിജോ തോമസാണ് (40) മരിച്ചത്. ഇന്നലെ രാവിലെ 6.30ന് പുതിയകാവ് ജംഗ്‌ഷന് സമീപമായിരുന്നു അപകടം. ജിജോ സഞ്ചരിച്ച ബൈക്ക് എതിരേ വന്ന ടൂറിസ്റ്റ് ബസുമായി കൂട്ടിയിടിക്കുകയായിരുന്നു. റോഡിൽ തെറിച്ചുവീണ് ഗുരുതരമായി പരിക്കേറ്റ ജിജോയെ ഉടൻ തൃപ്പൂണിത്തുറ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എറണാകുളത്തെ സ്വകാര്യ സ്ഥാപനത്തിലെ ജീവനക്കാരനാണ് മരിച്ച ജിജോ. സംസ്കാരം നടത്തി. ഭാര്യ: ജിജ. മകൻ: ജോഷ്വാ.

മാതൃകയായി കാഞ്ഞിരപ്പള്ളി കാർഷിക വികസന ബാങ്ക്

കാഞ്ഞിരപ്പള്ളി: കഴിഞ്ഞ സാമ്പത്തിക വർഷം യാതൊരുവിധ ജപ്തി നടപടികളും നടത്താതെ കാഞ്ഞിരപ്പള്ളി താലൂക്കിലെ റിക്കവറി പ്രവർത്തനം മികച്ച രീതിയിൽ നടത്തി മാതൃകയായി കാഞ്ഞിരപ്പള്ളി കാർഷിക വികസന ബാങ്ക്. കാർഷിക മേഖലയിലെ വിലയിടിവും കാലാവസ്ഥാ വ്യതിയാനവും മൂലം കഷ്ടപ്പെടുന്ന സാധാരണക്കാരായ ജനങ്ങൾക്ക് താങ്ങായി നിന്ന് അവരുടെ ഉന്നമനത്തിനായി ജില്ലയിൽ മികച്ച പ്രവർത്തനം കാഴ്ചവയ്ക്കാൻ സാധിച്ചതായി ഭരണസമിതി വിലയിരുത്തി. ബാങ്ക് ഓഡിറ്റോറിയത്തിൽ നടന്ന അവലോകനയോഗം പ്രസിഡന്‍റ് സാജൻ തൊടുക ഉദ്ഘാടനം ചെയ്തു. വൈസ് പ്രസിഡന്‍റ് സാജൻ കുന്നത്ത് അധ്യക്ഷത വഹിച്ചു. റീജണൽ മാനേജർ ജോസഫ് തോമസ്, ഭരണസമിതി അംഗങ്ങളായ പി.സി. ജേക്കബ് പനക്കൽ, സുമേഷ് ആൻഡ്രൂസ്, ബിജോയ് ജോസ്, കെ.എൻ. ദാമോദരൻ, സെലിൻ സിജോ മുണ്ടമറ്റം, ലിസി പോൾ, ബാങ്ക് സെക്രട്ടറി അജേഷ് കുമാർ, സെയിൽ ഓഫീസർ സബീന ബീഗം എന്നിവർ പ്രസംഗിച്ചു.

മദ്യപർ തമ്മിലടിച്ചു, ഇടപെട്ട പോലീസിനും മർദനം; മൂന്നു പേർ റിമാൻഡിൽ

എരുമേലി: ടൗണിൽ ഇരുവിഭാഗം യുവാക്കളുടെ സംഘങ്ങൾ തമ്മിലുണ്ടായ സംഘർഷത്തിലും അടിപിടിയിലും മൂന്നു പേർ റിമാൻഡിൽ. ഈസ്റ്റർ ദിനത്തിൽ വൈകുന്നേരം എരുമേലി ടൗണിലാണ് സംഭവം. എരുമേലി മറ്റന്നൂർക്കര ലക്ഷംവീട് കോളനി പാടിക്കൽ റഫീഖ് (44), മകൻ അജാസ് (21), സുഹൃത്ത് ഇരുമ്പൂന്നിക്കര പാലയ്ക്കൽ അനന്ദു ബാബു (22) എന്നിവരാണ് റിമാൻഡിലായത്. ലഹരിയിൽ ഒരു പറ്റം പേർ വാഗ്‌വാദമുണ്ടാക്കിയതാണ് സംഭവങ്ങളുടെ തുടക്കമെന്നു പോലീസ് പറയുന്നു. സംഭവസ്ഥലത്തു പോലീസ് എത്തിയപ്പോൾ സംഘാംഗങ്ങൾ ഓടി രക്ഷപ്പെട്ടു. അവശേഷിച്ചവരെ പിരിച്ചുവിടാൻ പോലീസ് ശ്രമിക്കുമ്പോൾ സംഘർഷത്തിൽപ്പെട്ട ഒരു യുവാവിന്‍റെ പിതാവ് പോലീസ് നടപടി ചോദ്യം ചെയ്തതു വാക്കേറ്റമായി മാറുകയായിരുന്നു. യുവാവിനെയും സുഹൃത്തിനെയും നാട്ടുകാരുടെ സഹായത്തോടെ പോലീസ് ജീപ്പിൽ സ്റ്റേഷനിലെത്തിച്ചു. സ്റ്റേഷനിൽ ഒരു യുവാവ് വീണ്ടും പോലീസുകാരെ കൈയേറ്റം ചെയ്‌തെന്നു പറയുന്നു. എന്നാൽ പോലീസ് മർദിച്ചുവെന്നു കോടതിയിൽ യുവാക്കൾ മൊഴി നൽകി. അതേസമയം വർധിച്ചുവരുന്ന ലഹരി ഉപയോഗം മൂലമുണ്ടാകുന്ന സംഘർഷങ്ങളിൽ ഇടപെടേണ്ടി വരുമ്പോൾ വാസ്തവരഹിതമായ പരാതികൾ ഉണ്ടാകുന്നതു സ്വാഭാവികമാണെന്നു പോലീസ് പറയുന്നു.

സാമൂഹ്യവിരുദ്ധരുടെ താവളമായി പഴയ ദൂരദർശൻ കേന്ദ്രവും സമീപപ്രദേശങ്ങളും

മുണ്ടക്കയം: കഞ്ചാവ്, മദ്യം, രാസലഹരി മാഫിയയുടെ താവളമായി മാറിയിരിക്കുകയാണ് മുണ്ടക്കയം ബസ് സ്റ്റാൻഡിനോട് ചേർന്നുള്ള പ്രവർത്തനം നിലച്ച ദൂരദർശൻ കേന്ദ്രവും സമീപ പ്രദേശങ്ങളും. രാത്രികാലങ്ങളിൽ ഇവിടെ സാമൂഹ്യവിരുദ്ധ ശല്യം അതിരൂക്ഷമാണെന്ന് നാട്ടുകാർ പറയുന്നു. കഞ്ചാവ്, എംഡിഎംഎ അടക്കമുള്ള മാരക ലഹരിവസ്തുക്കൾ ഉപയോഗിക്കാൻ ആളൊഴിഞ്ഞ ഈ പ്രദേശം സാമൂഹ്യവിരുദ്ധർ തെരഞ്ഞെടുക്കുകയാണ്. ഇതിന് സമീപത്തായി മുണ്ടക്കയം പഞ്ചായത്തിന്‍റെ കീഴിലുള്ള കൃഷിഭവൻ, മൃഗാശുപത്രി, ഹോമിയോ ഡിസ്പെൻസറി എന്നിവ പ്രവർത്തിക്കുന്നുണ്ട്. കഴിഞ്ഞ മാസം ഇതിനോട് ചേർന്നുള്ള കുടുംബശ്രീയുടെ ഫാർമേഴ്സ് ഫെസിലിറ്റി സെന്‍ററിലെ ഉപകരണങ്ങൾ സൂക്ഷിച്ചിരുന്ന മുറിയിൽ മോഷണം നടന്നിരുന്നു. ഒരു ലക്ഷത്തിലധികം രൂപയുടെ സാധനങ്ങൾ മോഷണം പോയെങ്കിലും പ്രതികളെ പിടികൂടാൻ കഴിഞ്ഞിട്ടില്ല. വർഷങ്ങൾക്ക് മുമ്പ് കർഷക ഓപ്പൺ മാർക്കറ്റ് പ്രവർത്തിച്ചിരുന്നതും ഇവിടെയാണ്. രാത്രികാലങ്ങളിൽ സാമൂഹ്യവിരുദ്ധർ തമ്പടിക്കുന്നത് പതിവായ ഇവിടെ രാത്രിയിലുണ്ടായ തീപിടിത്തത്തിൽ കെട്ടിടം പൂർണമായും കത്തിനശിച്ചു. മുണ്ടക്കയം ബസ് സ്റ്റാൻഡിനോട് ചേർന്ന് അധികാര കേന്ദ്രങ്ങൾക്ക് സമീപം സാമൂഹ്യവിരുദ്ധർ തമ്പടിക്കാൻ തുടങ്ങിയിട്ട് വർഷങ്ങൾ കഴിഞ്ഞെങ്കിലും നടപടിയെടുക്കേണ്ടവർ തിരിഞ്ഞു നോക്കുന്നില്ലെന്ന് പ്രദേശവാസികൾ കുറ്റപ്പെടുത്തുന്നു. ഏതാനും മാസങ്ങൾക്ക് മുമ്പ് കലാദേവി ഭാഗത്ത് ആളൊഴിഞ്ഞ വീട് കേന്ദ്രീകരിച്ച് ലഹരി മാഫിയ തമ്പടിച്ചിരുന്നു. നാട്ടുകാരുടെ ശക്തമായ പ്രതിഷേധത്തെത്തുടർന്ന് ലഹരിസംഘങ്ങൾ ഇവിടെനിന്ന് മാറി. ഇപ്പോൾ ബസ് സ്റ്റാൻഡിന് സമീപത്തുള്ള ആളൊഴിഞ്ഞ പ്രദേശങ്ങൾ കേന്ദ്രീകരിച്ച് ലഹരി ഉപയോഗവും വില്പനയും നടത്തുന്നതായും പറയപ്പെടുന്നു. വർധിച്ചു വരുന്ന ലഹരിസംഘങ്ങളെ പിടികൂടാൻ അധികൃതർ തയാറായില്ലെങ്കിൽ മേഖലയിൽ മോഷണവും അക്രമങ്ങളും വർധിക്കുമെന്നു നാട്ടുകാർ പറയുന്നു.

അരുവിത്തുറ തിരുനാളിന് ഇന്നു കൊടിയേറും

അരുവിത്തുറ: ചരിത്രപ്രസിദ്ധമായ അരുവിത്തുറ സെന്‍റ് ജോർജ് ഫൊറോന പള്ളിയിൽ വിശുദ്ധ ഗീവർഗീസ് സഹദായുടെ തിരുനാളിന് ഇന്ന് കൊടിയേറും. ഇന്നു രാവിലെ 5.30നും 6.45നും എട്ടിനും 9.30നും 10.30നും 11നും വിശുദ്ധ കുർബാന, നൊവേന, വൈകുന്നേരം 4.30നു വിശുദ്ധ കുർബാന, തുടർന്ന് 5.45ന് കൊടിയേറ്റ്, വികാരി ഫാ. സെബാസ്റ്റ്യൻ വെട്ടുകല്ലേൽ കൊടിയേറ്റ് നിർവഹിക്കും. ആറിനു പുറത്തുനമസ്കാരം, 6.45ന് 101 പൊൻകുരിശുകളുമേന്തി വടക്കേക്കര കുരിശുപള്ളിയിലേക്ക് പ്രദക്ഷിണം. നാളെ രാവിലെ 9.30നു വിശുദ്ധന്‍റെ തിരുസ്വരൂപം മോണ്ടളത്തിൽ പ്രതിഷ്ഠിക്കും. 24നു രാവിലെ 10നു തിരുനാൾ റാസ, 12.30ന് വിശുദ്ധ ഗീവർഗീസ് സഹദായുടെയും മറ്റു വിശുദ്ധരുടെയും തിരുസ്വരൂപങ്ങൾ വഹിച്ചുള്ള പകൽപ്രദക്ഷിണം. 25 ന് ഇടവകക്കാരുടെ തിരുനാൾ. രാത്രി തിരുസ്വരൂപ പുനഃപ്രതിഷ്ഠ.

പാപ്പായുടെ സ്‌നേഹവാത്സല്യം അടുത്തറിഞ്ഞതില്‍ ധന്യത

കോട്ടയം: പൊന്തിഫിക്കല്‍ അക്കാദമി അംഗം എന്ന നിലയില്‍ കഴിഞ്ഞ 12 വര്‍ഷമായി ഫ്രാന്‍സിസ് പാപ്പയുമായി അടുത്ത ബന്ധം പുലര്‍ത്തുവാന്‍ സാധിച്ചത് ജീവിതത്തിലെ ഏറ്റവും വലിയ ഭാഗ്യമായി കാണുന്നതായി പ്രമുഖ അസ്ഥിരോഗവിദഗ്ധനായ ഡോ.പി.എസ്. ജോണ്‍. എല്ലാ വര്‍ഷവും കുടുംബസമേതം പാപ്പയെ അടുത്തുകാണുവാനും അനുഗ്രഹം സ്വീകരിക്കുവാനും അവസരം ലഭിച്ചു. കാണുമ്പോഴെല്ലാം എനിക്കുവേണ്ടി പ്രാര്‍ഥിക്കണം എന്നു പറയുന്ന പാപ്പയുടെ ലാളിത്യമാര്‍ന്ന മുഖം മനസില്‍ നിന്നും മായുന്നില്ല. പൊന്തിഫിക്കല്‍ അക്കാദമി ഫോര്‍ ലൈഫില്‍ കേരളത്തില്‍ നിന്നുളള ഏക പ്രതിനിധിയും ഇന്ത്യയില്‍നിന്നുള്ള മൂന്നു പേരില്‍ ഒരാള്‍ എന്ന നിലയിലും കഴിഞ്ഞ 14 വര്‍ഷമായി പൊന്തിഫിക്കല്‍ അക്കാദമിയില്‍ പ്രവര്‍ത്തിക്കുന്നുണ്ട്. കഴിഞ്ഞ മാര്‍ച്ച് മൂന്നിനു നടന്ന അക്കാദമിയുടെ യോഗത്തില്‍ പങ്കെടുക്കാന്‍ പാപ്പയ്ക്ക് സാധിച്ചിരുന്നില്ല. അദ്ദേഹത്തെ പ്രവേശിപ്പിച്ചിരുന്ന ആശുപത്രിയില്‍ എത്തി പ്രാര്‍ഥനകള്‍ അര്‍പ്പിച്ചിരുന്നു.

കാരുണ്യത്തിന്‍റെ ആള്‍രൂപം: ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍

ലാളിത്യത്തിന്‍റെയും കാരുണ്യത്തിന്‍റെയും ആള്‍രൂപമായിരുന്നു ഫ്രാന്‍സിസ് പാപ്പ. പാവങ്ങളോടും പാര്‍ശ്വവത്കരിക്കപ്പെട്ടവരോടും പിതാവ് എന്നും പക്ഷം ചേര്‍ന്നു. സഭയെ കാലത്തിനൊത്തു നയിക്കാനും പ്രതിസന്ധികളില്‍പ്പെടാതെ പരിപാലിക്കാനും പിതാവിന് കഴിഞ്ഞു. ആത്മീയതയും വിശുദ്ധിയും പ്രാര്‍ഥനയുമായിരുന്നു അവിടുത്തെ കൈമുതല്‍. ആഗോള കത്തോലിക്കാ യുവജനസമ്മേളനത്തില്‍ പങ്കെടുത്തപ്പോഴാണ് പിതാവിനെ ആഴത്തില്‍ അറിയാനും ആ വ്യക്തിപ്രഭാവത്തെ അനുഭവിച്ചറിയാനും ഇടയാക്കിയത്. പ്രാര്‍ഥനയിലും ആരാധനയിലും പ്രബോധനത്തിലും അദ്ദേഹം യുവജനങ്ങളെ സഭയോടു കൂടുതല്‍ അടുപ്പിച്ചു. ആദിമസഭയുടെ ചൈതന്യത്തിലേക്ക് സഭയെ നയിക്കാന്‍ സിനഡാത്മകത എന്ന വലിയ ആശയത്തെ ഈ കാലഘട്ടത്തിന് സമ്മാനിച്ചു. വെല്ലുവിളികളെ ധീരമായി നേരിട്ട പ്രവാചകദൗത്യമാണ് പൂര്‍ത്തിയായിരിക്കുന്നത്.

ആർദ്രതയുള്ള വലിയ ഇടയൻ: മാർ ജോസ് പുളിക്കൽ

ഊഷ്മളമായ സ്‌നേഹവും കരുതലും ആര്‍ദ്രതയുമാണ് ഫ്രാന്‍സിസ് മാര്‍പാപ്പയില്‍ കാണാനിടയായത്. ലാളിത്യത്തിന്‍റെയും വിനയത്തിന്‍റെയും ആള്‍രൂപമായിരുന്ന പരിശുദ്ധ പിതാവ് പാവങ്ങളോടും പാര്‍ശ്വവത്കരിക്കപ്പെട്ടവരോടും പ്രതിബദ്ധതയും അനുകമ്പയും പുലര്‍ത്തിയ മനുഷ്യസ്‌നേഹിയായിരുന്നു. മനുഷ്യരോടു മാത്രമല്ല പ്രകൃതിയോടും പിതാവിന് വലിയ പ്രതിബദ്ധതയുണ്ടായിരുന്നു. ഭാരതസഭയുടെ വിശേഷിച്ച് സീറോ മലബാര്‍ സഭയുടെ വളര്‍ച്ചയ്ക്ക് പിതാവ് വലിയ പരിഗണനയാണ് നല്‍കിയത്. കാഞ്ഞിരപ്പള്ളി രൂപതയോടുള്ള കരുതലും ആ വാക്കുകളിലുണ്ടായിരുന്നു. വന്ദ്യപിതാവിന്‍റെ വേര്‍പാടില്‍ അനുശോചിക്കുകയും കാഞ്ഞിരപ്പള്ളി രൂപതാക്കൂട്ടായ്മ ഒന്നാകെ ആത്മശാന്തിക്കായി പ്രാര്‍ഥിക്കുകയും ചെയ്യുന്നു. രൂപതയിലെ എല്ലാ പള്ളികളിലും സ്ഥാപനങ്ങളിലും പരിശുദ്ധ കുർബാനയിലും യാമ നമസ്കാരങ്ങളിലുൾപ്പെടെയുള്ള കുടുംബ പ്രാർഥനകളിലും പരിശുദ്ധ പിതാവിനെ അനുസ്മരിച്ച് പ്രാർഥിക്കേണ്ടതാണ്.

മാറ്റത്തിന് വിത്തുവിതറിയ വ്യക്തിത്വം: മാർ ജോസഫ് കല്ലറങ്ങാട്ട്

ആർക്കും അടയ്ക്കാൻ സാധിക്കാത്ത വാതിൽ തുറന്നിട്ട ശേഷമാണ് ഫ്രാൻസിസ് മാർപാപ്പ ഈ ലോകം വിട്ട് സ്വർഗരാജ്യത്തിലേക്ക് പോയത്. സമൂഹത്തിൽ ഉണ്ടാകേണ്ട മാറ്റത്തിന് വിത്ത് വിതറിയ വ്യക്തിയായിരുന്നു പിതാവ്. ലോകത്തോട് ദൈവത്തെക്കുറിച്ച് ഏറ്റവും കൂടുതൽ സംസാരിച്ച വ്യക്തിയായ പിതാവ് ദൈവം നമുക്ക് നൽകിയ അമൂല്യനിധിയാണ്. സാമൂഹികവും പാരിസ്ഥിതികവുമായ പ്രതിസന്ധികളെ തരണം ചെയ്യാൻ മാർപാപ്പ നടത്തിയ പരിശ്രമങ്ങൾ മഹത്തരമാണ്. വിവിധ മതവിഭാഗങ്ങളിൽപ്പെട്ടവരുമായിട്ടുള്ള സംവാദം പ്രോത്സാഹിപ്പിക്കുവാൻ പിതാവ് നടത്തിയ പ്രവർത്തനങ്ങൾ ശ്ലാഘനീയമാണ്. അവസാനനാളിൽ എഴുതിയ അവൻ നമ്മെ സ്നേഹിച്ചു എന്ന ചാക്രിക ലേഖനത്തിൽ ഹൃദയം നഷ്ടപ്പെട്ട ലോകത്തിന് ഹൃദയം കൊടുക്കാൻ നമ്മൾ പരിശ്രമിക്കണമെന്നാണ് പറഞ്ഞത്. സീറോ മലബാർ സഭയെ സംബന്ധിച്ച പിതാവ് വലിയ ഒരു അനുഗ്രഹമായിരുന്നു. ദൈവാരാധനയെക്കുറിച്ച് പിതാവ് വളരെ വ്യക്തമായ മാനദണ്ഡങ്ങൾ സഭയ്ക്ക് നൽകിയിട്ടുണ്ട്. പാപ്പ കാണിച്ചുതന്ന ജീവിതമാതൃക ഏവരും ശ്രദ്ധയോടെ പഠിച്ച് ഉൾക്കൊള്ളുകയും വേണം.

എല്ലാവരെയും സമന്മാരായി കണ്ട വ്യക്തിത്വം: മാര്‍ മാത്യു മൂലക്കാട്ട്

അജപാലനശുശ്രൂഷയില്‍ വേറിട്ട വ്യക്തിമുദ്ര പതിപ്പിച്ച ഇടയശ്രേഷ്ഠനായിരുന്നു ഫ്രാന്‍സിസ് മാര്‍പാപ്പ. അശരണരെയും പാവപ്പെട്ടവരെയും ചേര്‍ത്തുനിര്‍ത്തിയിരുന്ന പാപ്പ തികഞ്ഞ മനുഷ്യസ്നേഹിയും എല്ലാവരെയും സമന്മാരായി കാണുന്ന വ്യക്തിത്വത്തിന് ഉടമയുമായിരുന്നു. കോട്ടയം അതിരൂപത ഫ്രാന്‍സിസ് മാര്‍പാപ്പയ്ക്കുവേണ്ടി പ്രാര്‍ഥിക്കുകയും അനുശോചനം അറിയിക്കുകയും ചെയ്യുന്നു. ലാറ്റിനമേരിക്കന്‍ പശ്ചാത്തലത്തില്‍ വളര്‍ന്നുവന്ന പാപ്പായുടെ ജീവിതപശ്ചാത്തലങ്ങളും മുന്‍കാല അനുഭവങ്ങളും സഭയെ വേറിട്ടതും ശക്തവുമായ വഴിയിലൂടെ നയിക്കുവാന്‍ അദ്ദേഹത്തിനു ശക്തി പകര്‍ന്നു. സഭയ്ക്കുള്ളിലും പുറത്തും നവീകരണത്തിന്‍റെ വക്താവായിരുന്ന മാര്‍പാപ്പ തികഞ്ഞ പരിസ്ഥിതി സ്നേഹി കൂടിയായിരുന്നു. ജീവിതം മുഴുവന്‍ സുവിശേഷാനുസരണം ജീവിച്ച് ഉയിര്‍പ്പിന്‍റെ സന്ദേശം ലോകത്തിനു നല്കി പാപ്പ വിടവാങ്ങിയിരിക്കുകയാണ്. പല ചാക്രിക ലേഖനങ്ങളും ഗ്രന്ഥങ്ങളും രചിച്ചെങ്കിലും പാപ്പയുടെ ജീവിതമാണ് ലോകത്തിനു നല്കിയ ഏറ്റവും വലിയ സന്ദേശമടങ്ങിയ ഗ്രന്ഥം. അദ്ദേഹത്തിന്‍റെ പ്രചോദനാത്മകമായ ആത്മീയ നേതൃത്വം തലമുറകള്‍ക്ക് പ്രകാശം ചൊരിയും.

സ്നേഹത്തിന്‍റെ നല്ല മാതൃക: മാർ മാത്യു അറയ്ക്കൽ

സ്വര്‍ഗീയമായ ഒരു അനുഭൂതിയായിരുന്നു ഫ്രാന്‍സിസ് മാര്‍പാപ്പയുമായുള്ള ഓരോ കൂടിക്കാഴ്ചയും. അതുല്യമായ സ്‌നേഹവും പരിഗണനയും പിതാവിന്‍റെ ഓരോ വാക്കിലും ഭാവത്തിലും പ്രകടമായിരുന്നു. വലിയ ഉള്‍ക്കാഴ്ചയും ഊര്‍ജവും പകര്‍ന്നുനല്‍കുന്നതായിരുന്നു പിതാവിന്‍റെ പ്രബോധനങ്ങള്‍. ആത്മീയമായ അനുഭൂതി പകര്‍ന്നുനല്‍കുന്ന വ്യക്തിത്വമായിരുന്നു പിതാവിന്‍റേത്. ലോകത്തിന്‍റെ ഓരോ ചലനവും കൃത്യമായി പിതാവ് നിരീക്ഷിച്ചുകൊണ്ടിരുന്നു. അത്തരത്തില്‍ ഇന്നത്തെ ലോകത്തിന് ഒരു കാവലാളും തിരുത്തല്‍ ശക്തിയുമായിരുന്നു ഫ്രാന്‍സിസ് പാപ്പ. അനാഥരെയും അഗതികളെയും അഭയാര്‍ഥികളെയും യുദ്ധത്തിന്‍റെ ഇരകളെയുമൊക്കെ കാരുണ്യത്തോടെ കാണുകയും എക്കാലവും പാവങ്ങളുടെ പക്ഷം ചേരുകയും ചെയ്ത പിതാവ് അസീസിയിലെ വിശുദ്ധ ഫ്രാന്‍സിസിന്‍റെ അതേ ചൈതന്യത്തിലാണ് വ്യാപരിച്ചത്. ജനമനസുകളില്‍ ഫ്രാന്‍സിസ് മാര്‍പാപ്പ എക്കാലവും ജ്വലിക്കുന്ന ഓര്‍മയായി നിലകൊള്ളും.

ജൂബിലി സ്മരണകളുമായി പൂര്‍വവിദ്യാര്‍ഥീ സംഗമം

കടനാട്: 1975ലെ എസ്എസ്എല്‍സി വിദ്യാർഥികള്‍ ജൂബിലി സ്മരണകളുമായി ഇന്നു രാവിലെ പത്തിന് കടനാട് സെന്‍റ് സെബാസ്റ്റ്യന്‍സ് സ്‌കൂള്‍ ഹാളില്‍ ഒത്തുചേരും. ജൂബിലി സമ്മേളനത്തിനു ശേഷം കാവ്യകേളി, ഗാനമേള, കലാകായിക മത്സരങ്ങള്‍, വടംവലി എന്നിവ അരങ്ങേറും. എംജി യൂണിവേഴ്‌സിറ്റി മുന്‍ വൈസ് ചാന്‍സലര്‍ ഡോ. സാബു തോമസ് ജൂബിലി സമ്മേളനം ഉദ്ഘാടനം ചെയ്യും. മാനേജര്‍ ഫാ. ജോസഫ് പാനാമ്പുഴ അനുഗ്രഹ പ്രഭാഷണം നടത്തും. ജില്ലാ പഞ്ചായത്തംഗം രാജേഷ് വാളിപ്ലാക്കല്‍ സമ്മാനദാനം നടത്തും. പഞ്ചായത്ത് പ്രസിഡന്‍റ് ജിജി തമ്പി, പഞ്ചായത്ത് മെംബര്‍ ഉഷ രാജു, ഹെഡ്മാസ്റ്റര്‍ സജി തോമസ് എന്നിവര്‍ പ്രസംഗിക്കും. ബേബി ഉറുമ്പുകാട്ട്, ജോസ് പൂവേലില്‍, തങ്കച്ചന്‍ കുന്നുംപുറം, ഇഗ്‌നേഷ്യസ് തയ്യില്‍, ജെസിയമ്മ മുളകുന്നം, എലിസബത്ത് പുതിയിടം, സലിം പുത്തന്‍പുരയില്‍ എന്നിവര്‍ നേതൃത്വം നൽകും.

51-ാം സ്‌നേഹവീടിന്‍റെ ശിലാസ്ഥാപനം നടത്തി

കൊഴുവനാല്‍: മറ്റുള്ളവര്‍ക്ക് നന്മ ചെയ്തുകൊണ്ട് അവരുടെ സന്തോഷത്തിന് നമ്മള്‍ കാരണക്കാരാകണമെന്ന് പാലാ ഡിവൈഎസ്പി കെ. സദന്‍ അഭിപ്രായപ്പെട്ടു. ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍ നേതൃത്വം നൽകുന്ന സ്നേഹദീപം ഭവനപദ്ധതി പ്രകാരമുള്ള 51-ാം സ്നേഹവീടിന്‍റെ ശിലാസ്ഥാപനകര്‍മം മേവടയില്‍ നിര്‍വഹിക്കുകയായിരുന്നു അദ്ദേഹം. ഡോ. തോമസ് ജോര്‍ജ് മൈലാടി അധ്യക്ഷത വഹിച്ചു. കൊഴുവനാല്‍ പഞ്ചായത്തില്‍ സ്നേഹദീപം പദ്ധതിപ്രകാരം നിര്‍മിക്കുന്ന 26-ാം സ്നേഹവീടിന്‍റെ നിര്‍മാണത്തിന് നാലു ലക്ഷം രൂപ തോമസ് ജോര്‍ജ് മൈലാടി സംഭാവന നല്‍കിയിരുന്നു. യോഗത്തില്‍ ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍, ബ്ലോക്ക് പഞ്ചായത്ത് മെംബര്‍ ജോസി പൊയ്കയില്‍, പഞ്ചായത്ത് മെംബര്‍മാരായ മഞ്ജു ദിലീപ്, സ്മിത വിനോദ്, അഡ്വ. ജോബി മൈലാടി, സ്നേഹദീപം സൊസൈറ്റി ഭാരവാഹികളായ ജോസ് ടി. ജോണ്‍ തോണക്കരപ്പാറയില്‍, ജഗന്നിവാസന്‍ പിടിക്കാപ്പറമ്പില്‍, സിബി പുറ്റനാനിക്കല്‍, സജി തകടിപ്പുറം, ഷാജി ഗണപതിപ്ലാക്കല്‍, മാത്തുക്കുട്ടി വലിയപറമ്പില്‍, ടി.സി. ശ്രീകുമാര്‍ തെക്കേടത്ത്, ആലീസ് മാളിയേക്കല്‍, ജോഷി പുളിക്കല്‍ എന്നിവര്‍ പ്രസംഗിച്ചു.

മാര്‍ സ്ലീവാ മെഡിസിറ്റിയില്‍ സൗജന്യ പ്രീ ലേണിംഗ് സ്‌ക്രീനിംഗ് ക്ലിനിക്

പാലാ: മാര്‍ സ്ലീവാ മെഡിസിറ്റിയുടെ ചൈല്‍ഡ് ഡെവലപ്‌മെന്‍റ് സെന്‍ററിന്‍റെ നേതൃത്വത്തില്‍ കുട്ടികള്‍ക്കായി സൗജന്യ പ്രീ ലേണിംഗ് സ്‌ക്രീനിംഗ് ക്ലിനിക് 25നു രാവിലെ ഒന്‍പതുമുതല്‍ വൈകുന്നേരം നാലുവരെ നടത്തും. നാല്, അഞ്ച്, ആറ് വയസു പ്രായമുള്ള കുട്ടികള്‍ക്ക് പങ്കെടുക്കാം. കുട്ടികളുടെ പഠന കഴിവുകള്‍ മെച്ചപ്പെടുത്തുന്നതിനുള്ള മാര്‍ഗനിര്‍ദേശങ്ങള്‍ ക്ലിനിക്കില്‍ പങ്കെടുക്കുന്നവര്‍ക്കു ലഭിക്കും. കുട്ടികളുടെ ഭാവിയിലെ പഠനതടസങ്ങള്‍ ഒഴിവാക്കി പഠനം സുഗമമാക്കുന്നതിനുള്ള നിര്‍ദേശങ്ങളും പഠനത്തിലെ അടിസ്ഥാന ഘടകങ്ങളുടെ വളര്‍ച്ച സംബന്ധിച്ച പരിശോധനകളും ലഭ്യമാണ്. മാസം തികയാതെ ജനിച്ച കുട്ടികളുടെ കഴിവുകളിലെ വ്യതിയാനങ്ങള്‍ മനസിലാക്കുന്നതിനും അവസരമുണ്ട്. വിദഗ്ധ ഡോക്ടര്‍മാരും പരിചയസമ്പന്നരായ തെറാപ്പിസ്റ്റുകളും നേതൃത്വം നല്‍കും. ഫോൺ: 8281699263.

പൊൻകുന്നം പ്രൈവറ്റ് ബസ് സ്റ്റാൻഡിലെ കെഎസ്ആർടിസി സ്റ്റേഷൻ മാസ്റ്റർ ഓഫീസ് അടച്ചുപൂട്ടി

പൊൻകുന്നം: സ്വകാര്യ ബസ് സ്റ്റാൻഡിൽ പ്രവർത്തിച്ചിരുന്ന കെഎസ്ആർടിസി സ്റ്റേഷൻ മാസ്റ്റർ ഓഫീസ് അടച്ചുപൂട്ടി. വർഷങ്ങൾക്ക് മുമ്പ് ആരംഭിച്ചതാണ് സ്റ്റേഷൻ മാസ്റ്റർ ഓഫീസ്. പഞ്ചായത്ത് കെട്ടിടത്തിൽ പ്രവർത്തിച്ചിരുന്ന ഓഫീസിന്‍റെ ബോർഡും എടുത്തു മാറ്റി. സ്റ്റേഷൻ മാസ്റ്റർ തസ്തികയിലെ ജീവനക്കാരുടെ എണ്ണക്കുറവാണ് ഇതിനു കാരണമായി പറയുന്നത്. അദർ ഡ്യൂട്ടി കണ്ടക്ടർമാരെയാണ് സ്റ്റാൻഡിൽ സ്റ്റേഷൻ മാസ്റ്റർ ഡ്യൂട്ടി നൽകി ഇരുത്തിയിരുന്നത്. ഇവർ ഇല്ലാത്തതാണ് ഇപ്പോൾ സ്റ്റേഷൻ മാസ്റ്റർ ഓഫീസ് അടച്ചുപൂട്ടുന്നതിനു കാരണമായി പറയുന്നത്. വിദൂരസ്ഥലങ്ങളിൽ നിന്നെത്തുന്നവർ വിവിധ സ്ഥലങ്ങളിലേക്കുള്ള ഫാസ്റ്റ് പാസഞ്ചർ അടക്കമുള്ള ബസുകളുടെ സമയവിവരം തിരക്കുന്നത് ഇവിടെയായിരുന്നു. ഓഫീസ് നിർത്തിയതോടെ യാത്രക്കാർക്ക് കെഎസ്ആർടിസി ബസുകളുടെ സമയക്രമം അറിയാൻ കഴിയാത്ത സ്ഥിതിയാണ്. ഓഫീസ് നിർത്തലാക്കിയത് സ്വകാര്യ ബസ് ലോബിയെ സഹായിക്കാനാണെന്ന ആക്ഷേപവും ശക്തമാണ്. സ്റ്റേഷൻ മാസ്റ്റർ ഓഫീസ് പുനഃസ്ഥാപിക്കാൻ അധികൃതർ അടിയന്തര നടപടികൾ സ്വീകരിക്കണമെന്ന ആവശ്യം ശക്തമായിരിക്കുകയാണ്.

എരുമേലി-കണമല റോഡിന് പത്തു കോടി അനുവദിച്ചു

കണമല: തുടർച്ചയായി അപകടങ്ങൾ സംഭവിക്കുന്ന ശബരിമല പാതയിലെ എരുമേലി-കണമല റോഡിൽ അഞ്ചു വർഷത്തേക്കുള്ള റോഡ് പരിപാലനത്തിനും നവീകരണത്തിനുമായി പെർഫോമൻസ് ബേസ്ഡ് റണ്ണിംഗ് കോൺട്രാക്‌ടിൽപ്പെടുത്തി പത്തു കോടി രൂപ അനുവദിച്ചതായി സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. കഴിഞ്ഞ ദിവസം ഇവിടെ തീർഥാടക ബസ് മറിഞ്ഞ് ഒരാൾ മരിച്ചിരുന്നു. റോഡിലെ കുഴികൾ അടയ്ക്കൽ, സുരക്ഷിതത്വ ക്രമീകരണങ്ങൾ, ക്രാഷ് ബാരിയർ സ്ഥാപിക്കൽ, റോഡ് മാർക്കിംഗ്, സൂചന-ദിശാ ബോർഡുകൾ സ്ഥാപിക്കൽ, റോഡിന്‍റെ ഇരുവശങ്ങളിലുമുള്ള കാടുകൾ വെട്ടിത്തെളിക്കൽ, ഓടകൾ ക്ലീൻ ചെയ്യൽ, പുതിയ ഓടകളുടെ നിർമാണവും സൈഡ് കോൺക്രീറ്റിംഗും നടത്തുക, പുതിയ കലുങ്കുകൾ നിർമിക്കുക തുടങ്ങി റോഡിന്‍റെ മികച്ച പരിപാലനവും എല്ലാ സമയത്തും മെച്ചപ്പെട്ട ഗതാഗത സാഹചര്യവും ഒരുക്കുന്നതിനാണ് തുക അനുവദിച്ചിട്ടുള്ളത്.

ഒരു സുഹൃത്തിനെപ്പോലെ ഇടപെടുന്ന അനുഭവം: മാര്‍ പെരുന്തോട്ടം

ഫ്രാന്‍സിസ് മാര്‍പാപ്പയെ പല പ്രാവശ്യം അടുത്തുകണ്ടു സംസാരിക്കാന്‍ ഭാഗ്യമുണ്ടായി. വച്ചുകെട്ടൊന്നുമില്ലാത്ത സമീപനമായിരുന്നു പരിശുദ്ധ പിതാവിന്‍റേത്. ഒരിക്കല്‍ സ്വകാര്യമുറിയില്‍ വ്യക്തിപരമായി അനുവദിച്ചുകിട്ടിയ കൂടിക്കാഴ്ചയിലാണ് ഫ്രാന്‍സിസ് മാര്‍പാപ്പയോടുള്ള എന്‍റെ ആദരവും സ്‌നേഹവും ആഴപ്പെട്ടത്. മറ്റുള്ളവരെ കേള്‍ക്കാനും ആവശ്യങ്ങള്‍ അറിയാനും ഒരു ശുശ്രൂഷകനെപ്പോലെ തനിക്കു സാധിക്കുന്ന കാര്യങ്ങള്‍ ചെയ്തു സഹായിക്കാനും സന്നദ്ധനായ ഒരുത്തമ മനുഷ്യസ്‌നേഹിയെ പാപ്പായില്‍ കാണാന്‍ കഴിഞ്ഞു. എല്ലാ വിഭാഗീയതകള്‍ക്കുമുപരിയായി ലോകത്തിലെങ്ങും സമാധാനവും മാനവസാഹോദര്യവും പുലരണമെന്നു പരിശുദ്ധ പിതാവ് അതിയായി ആഗ്രഹിച്ചു. അതിനായി ശബ്ദിച്ചു. മാര്‍പാപ്പ സുഖം പ്രാപിക്കുന്നു എന്ന് എല്ലാവരും ആശ്വസിച്ചിരിക്കെ, തികച്ചും അപ്രതീക്ഷിതമായി നിത്യതയിലേക്കു യാത്രയായി. മനുഷ്യഹൃദയങ്ങളില്‍ ഇടംനേടിയ അത്യപൂര്‍വ മനുഷ്യസ്‌നേഹി കളില്‍ പ്രഥമനിരയിലാണ് ഫ്രാന്‍സിസ് മാര്‍പാപ്പ.

ഫ്രാന്‍സിസ് മാര്‍പാപ്പയെ അനുസ്മരിച്ച് സഭാതലവന്മാർ

സുവിശേഷത്തിന്‍റെ സര്‍ഗാത്മക മുഖം: മാര്‍ തോമസ് തറയില്‍ ഈസ്റ്റര്‍ ദിനത്തില്‍ ലോകത്തെ മുഴുവന്‍ ആശീര്‍വദിച്ചശേഷം പരിശുദ്ധ പിതാവ് ഫ്രാന്‍സിസ് പാപ്പ നമ്മില്‍നിന്നും വേര്‍പിരിഞ്ഞിരിക്കുകയാണ്. പരിശുദ്ധ പിതാവിന്‍റെ വിയോഗത്തില്‍ സഭാംഗങ്ങളെല്ലാം ദുഃഖിതരാണ്. ഈ കാലഘട്ടത്തില്‍ കത്തോലിക്കാ സഭയെ ഏറ്റവും ജനകീയമായി അവതരിപ്പിച്ച വ്യക്തിയാണ് അദ്ദേഹം. ക്രൈസ്തവ സന്ദേശത്തെ ലോകത്തിന് ഉള്‍ക്കൊള്ളാനാവുന്ന രീതിയില്‍ അദ്ദേഹം അവതരിപ്പിച്ചു. വിശ്വാസം ക്ഷയിച്ചുകൊണ്ടിരിക്കുന്നു എന്നു കരുതുന്ന ഒരു കാലഘട്ടത്തില്‍ കത്തോലിക്കാ സഭയെ ഏറ്റവും പ്രസക്തമായി നിര്‍ത്താന്‍ അദ്ദേഹത്തിന്‍റെ നേതൃത്വത്തിനു കഴിഞ്ഞു. കോവിഡ് കാലത്ത് അടഞ്ഞുകിടന്ന ലോകം പാപ്പായെ ശ്രവിച്ചു. അദ്ദേഹത്തിന്‍റെ സന്ദേശങ്ങള്‍ അനേകര്‍ക്കു പ്രത്യാശ പകരുന്നതായിരുന്നു. സുവിശേഷത്തിന്‍റെ ആനന്ദത്തെക്കുറിച്ച് പാപ്പാ നിരന്തരം സംസാരിച്ചിരുന്നു. സഭ എല്ലാവരോടും തുറവിയുള്ളവളാകണം എന്ന ചിന്തയോടുകൂടെ വത്തിക്കാന്‍റെ പല വകുപ്പുകളുടെയും തലപ്പത്ത് വനിതകളെ നിയമിക്കുന്നതില്‍ അദ്ദേഹം ശ്രദ്ധ പുലര്‍ത്തി. അദ്ദേഹത്തെ നാലു പ്രാവശ്യം സന്ദര്‍ശിക്കാനുള്ള ഭാഗ്യം എനിക്കു ലഭിച്ചു.

ഒറ്റക്ക് താമസിച്ചിരുന്നയാളെ മരിച്ച നിലയിൽ കണ്ടെത്തി

അയ്മനം (പൂന്ത്രക്കാവ്): വീട്ടിൽ ഒറ്റക്ക് താമസിച്ചിരുന്ന മാങ്കീഴപ്പടിയിൽ വിജയകുമാറിനെ (വിജയപ്പൻ - 65) വീട്ടിൽ മരിച്ച നിലയിൽ കണ്ടെത്തി. പരേതൻ അവിവാഹിതനാണ്. ഇന്നലെ രാവിലെ വിജയകുമാറിനെ വീടുനു പുറത്തു കാണാതെ വന്നതിനെത്തുടർന്ന് നടത്തിയ അന്വേഷണത്തിലാണ് വീട്ടിൽ മരിച്ചു കിടക്കുന്നതായി കണ്ടത്. കോട്ടയം വെസ്റ്റ് പോലീസ് സ്ഥലത്തെത്തി മേൽ നടപടികൾ സ്വീകരിച്ചു. സംസ്കാരം നടത്തി.

മല്ലപ്പള്ളി റസ്റ്റ്ഹൗസിനു സമീപം നിയന്ത്രണംവിട്ട് ലോറി മറിഞ്ഞു

മല്ലപ്പള്ളി: പിഡബ്ല്യുഡി റസ്റ്റ് ഹൗസിനു സമീപം നിയന്ത്രണംവിട്ട ലോറി മറിഞ്ഞു. റസ്റ്റ് ഹൗസിനു സമീപമുള്ള കൊടുംവളവില്‍ ബാരിക്കേഡ് തകര്‍ത്ത് സമീപമുള്ള തോട്ടിലേക്ക് ഇന്നലെ രാവിലെ 9.45 ഓടെയാണ് ലോറി മറിഞ്ഞത്. ഡ്രൈവര്‍ക്കും മല്ലപ്പള്ളി ഐഎൻടിയുസി യൂണിയനിലെ തൊഴിലാളികള്‍ക്കും അപകടത്തില്‍ പരിക്കേറ്റു. ഇവരെ മല്ലപ്പള്ളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. പരിയാരം റോഡില്‍ റസ്റ്റ് ഹൗസിനു സമീപമുള്ള വളവില്‍ അപകടങ്ങള്‍ പതിവാകുകയാണ്. കഴിഞ്ഞ ഒമ്പതിനു രാത്രി നിയന്ത്രണംവിട്ട സ്‌കൂട്ടര്‍ ഈ ഭാഗത്ത് കലുങ്കില്‍ ഇടിച്ച് യുവഅധ്യാപകന്‍ കോട്ടയം ചെറുവള്ളി പള്ളിക്കല്‍ അരവിന്ദ് മധു (25) മരണമടഞ്ഞിരുന്നു. വളവ് സ്ഥിരം അപകട മേഖലയായി മാറുകയാണ്. ഇവിടെ നിരവധി ജീവനുകള്‍ ഇതിനോടകം പൊലിഞ്ഞു.

കെഎസ്ആർടിസിയോട് യാത്രക്കാര്‍ ചോദിക്കുന്നു : ചങ്ങനാശേരി-മുരിക്കാശേരി സര്‍വീസ് പുനരാരംഭിക്കാത്തതെന്ത്

ചങ്ങനാശേരി: ചങ്ങനാശേരി കെഎസ്ആര്‍ടിസി ഡിപ്പോയില്‍നിന്ന് ഉച്ചകഴിഞ്ഞ് 3.12ന് പുറപ്പെട്ടിരുന്ന മുരിക്കാശേരി ഫാസ്റ്റ് പാസഞ്ചർ ബസ് സര്‍വീസ് പുനരാരംഭിക്കാത്തത് എന്തുകൊണ്ടെന്ന ചോദ്യമുയര്‍ത്തി യാത്രക്കാര്‍ രംഗത്ത്. സര്‍വീസ് നടത്തിക്കൊള്ളാമെന്ന് സുപ്രീംകോടതിയില്‍ സത്യവാങ്മൂലം സമര്‍പ്പിച്ച് ആരംഭിച്ച ടേക്ക് ഓവര്‍ സര്‍വീസാണ് ചങ്ങനാശേരി ഡിപ്പോ അധികൃതര്‍ തങ്ങളുടെ തന്നിഷ്ടപ്രകാരം നിര്‍ത്തിവച്ചിരിക്കുന്നത്. 12000 മുതല്‍ 15000വരെ കളക്‌ഷന്‍ലഭിച്ചിരുന്ന സര്‍വീസായിരുന്നു ഇത്. കഴിഞ്ഞ ഏതാനും മാസങ്ങളായാണ് ഈ സര്‍വീസ് അപ്രഖ്യാപിതമായി നിര്‍ത്തിവച്ചിരിക്കുന്നത്.കോവിഡ് കാലത്ത് നിര്‍ത്തിവച്ച ചങ്ങനാശേരി അമൃത സര്‍വീസ് പുനരാരംഭിക്കുമെന്ന് മന്ത്രി ഗണേഷ്‌കുമാര്‍ പ്രഖ്യാപിച്ചെങ്കിലും പുനരാരംഭിച്ചിട്ടില്ല. രാവിലെ 6.20നുള്ള കട്ടപ്പന, 7.30നുള്ള മുണ്ടക്കയം, ഉച്ചയ്ക്ക് 12നുള്ള കട്ടപ്പന ലിമിറ്റഡ് സ്റ്റോപ്പ് സര്‍വീസുകളും നിര്‍ത്തിവച്ചിരിക്കുകയാണ്. തെങ്ങണ വഴി ഏറ്റുമാനൂരിനുണ്ടായിരുന്ന ചെയിന്‍ സര്‍വീസുകളും നിര്‍ത്തലാക്കിയിട്ട് പുനരാരംഭിച്ചിട്ടില്ല. അഞ്ചു ബസുകള്‍ 20 ട്രിപ്പ് സര്‍വീസ് നടത്തിയിരുന്നു. ഇപ്പോള്‍ ഒരു ബസ് രണ്ട് ട്രിപ്പ് മാത്രമാണ് സര്‍വീസ് നടത്തുന്നത്. ചങ്ങനാശേരിയില്‍നിന്നു ബംഗളൂരു സര്‍വീസ് ആരംഭിക്കുന്ന കാര്യം ഡിപ്പോ അധികൃതര്‍ ആലോചിക്കണമെന്ന ആവശ്യവും ഉയര്‍ന്നിട്ടുണ്ട്.

എരുമേലി വിമാനത്താവളം: വിശദ പദ്ധതിരേഖ തയാറാകുന്നു

എരുമേലി: എരുമേലിയിൽ നടപ്പിലാക്കാൻ സർക്കാർ പ്രഖ്യാപിച്ച നിർദിഷ്ട ശബരിമല വിമാനത്താവള പദ്ധതിയുടെ വിശദ പദ്ധതിരേഖ (ഡിപിആർ) തയാറാക്കുകയാണ് കേരള സ്റ്റേറ്റ് ഇൻഡസ്ട്രിയൽ ഡെവലപ്‌മെന്‍റ് കോർപറേഷനുവേണ്ടി സ്റ്റുപ്പ് എന്ന ഏജൻസി. ദിവസങ്ങൾക്കകം ഇത് പൂർത്തിയാകുമെന്ന് ഏജൻസി വക്താവ് പറഞ്ഞു. സമഗ്രപഠനം നടത്തിയാണ് രേഖ തയാറാക്കുന്നതെന്ന് ഏജൻസി പറയുന്നു. അടുത്ത ദിവസം പദ്ധതി രേഖ സമർപ്പിക്കും. 2024 ഫെബ്രുവരിയിലാണ് സ്റ്റുപ്പിനെ ചുമതല ഏൽപ്പിച്ചത്. നാലുകോടി രൂപയായിരുന്നു ചെലവ്. മണിമല, എരുമേലി തെക്ക് വില്ലേജുകളിലായി ഇവരുടെ വിവരശേഖരണം പൂർത്തിയായിരുന്നു. ഇനി ഡിപിആർ, കെഎസ്‌ഐഡിസിക്ക് കൈമാറും. അവർ ഇത് പരിശോധിച്ച് ഉറപ്പാക്കിയശേഷം കേന്ദ്രവ്യോമയാന മന്ത്രാലയത്തിന് സമർപ്പിക്കണം. തുടർന്ന് ഡിപിആർ അംഗീകരിക്കുന്നതോടെ പദ്ധതി നടത്തിപ്പിലേക്ക് കടക്കാം. കഴിഞ്ഞ ദിവസമാണ് പദ്ധതിക്ക് സംസ്ഥാന സർക്കാരിന്‍റെ ഭരണാനുമതി കിട്ടിയത്. എരുമേലി സൗത്ത്, മണിമല വില്ലേജുകളിലായി 245 പേരുടെ ഭൂമിയും ചെറുവള്ളി എസ്റ്റേറ്റ് ഭൂമിയുമാണ് ഏറ്റെടുക്കുന്നത്. പദ്ധതിച്ചെലവിന് 3,450 കോടി രൂപ വേണം എന്നാണ് ഏജൻസി കണക്കാക്കിയിരിക്കുന്നത്. അതിൽ പ്രധാനം 3.50 കിലോമീറ്റർ നീളമുള്ള റൺവേയുടെ നിർമാണമാണ്. റൺവേയ്ക്ക് 45 മീറ്റർ വീതിയും റൺവേ സ്ട്രിപ്പിന് 280 മീറ്റർ വീതിയുമാണ് കണക്കാക്കിയിരിക്കുന്നത്. റൺവേ എൻഡ് സേഫ്റ്റി ഏരിയ ഇരുവശത്തും 240-290 മീറ്റർ വീതവുമാണ് രൂപരേഖയിൽ. 2017 ജൂലൈയിലാണ് ചെറുവള്ളി എസ്റ്റേറ്റ് വിമാനത്താവളത്തിന് അനുയോജ്യമെന്ന് കണ്ടെത്തി അനുമതി നൽകിയത്. തുടർന്ന് കെഎസ്‌ഐഡിസിയെ നോഡൽ ഏജൻസിയായി നിയമിച്ചു. ഇതിനുശേഷം സാമ്പത്തിക, സാങ്കേതിക റിപ്പോർട്ട് തയാറാക്കാൻ ലൂയി ബഗർ എന്ന ഏജൻസിയെ ചുമതലപ്പെടുത്തി. ഇതിന്‍റെ റിപ്പോർട്ട് സമർപ്പിച്ചതിന് പിന്നാലെ 2023 ഏപ്രിൽ 13ന് വ്യോമയാന മന്ത്രാലയം സൈറ്റ് ക്ലിയറൻസ് അനുവദിച്ചു. തുടർന്ന് 2023 ജൂൺ 30ന് പ്രതിരോധ മന്ത്രാലയത്തിന്‍റെ അനുമതി ലഭിച്ചു. 2024 മേയ് 20നാണ് വ്യോമയാന മന്ത്രാലയത്തിന്‍റെ സുരക്ഷാ അനുമതിയായത്. 2023 ജൂലൈ എട്ടിന് പരിസ്ഥിതി പഠനത്തിനുള്ള ടേംസ് ഓഫ് റഫറൻസ് അംഗീകരിച്ചു. തുടർന്ന് കരട് പരിസ്ഥിതി ആഘാത റിപ്പോർട്ട് തയാറാക്കി സമർപ്പിച്ചു. ഇതോടെ 2024 ഡിസംബറിൽ സാമൂഹികാഘാത പഠന റിപ്പോർട്ട് സമർപ്പിച്ചു. തുടർന്ന് വിദഗ്ധസമിതിയുടെ പരിശോധനയും ശിപാർശയും വന്നതിനെത്തുടർന്നാണ് ഇപ്പോൾ എസ്റ്റേറ്റ് ഉൾപ്പെടെ ഏറ്റെടുക്കാനുള്ള നടപടിക ആയിരിക്കുന്നത്.

പദ്ധതി നിര്‍വഹണം : മാടപ്പള്ളി ബ്ലോക്ക് പഞ്ചായത്ത് ജില്ലയില്‍ ഒന്നാം സ്ഥാനത്ത്

മാടപ്പള്ളി: 2024-25 വാര്‍ഷിക പദ്ധതി നിര്‍വഹണത്തില്‍ മാടപ്പള്ളി ബ്ലോക്ക് പഞ്ചായത്ത് ജില്ലയില്‍ ഒന്നാം സ്ഥാനത്തെത്തി. 100 ശതമാനത്തിനു മുകളില്‍ തുക ചെലവഴിച്ചാണ് ജില്ലയിലെ ബ്ലോക്കു പഞ്ചായത്തുകളില്‍ ഒന്നാംസ്ഥാനം നേടിയത്. കേന്ദ്ര-സംസ്ഥാന സര്‍ക്കാരുകളുടെ വികസന ഫണ്ട്, പ്രാദേശികമായി ബ്ലോക്ക് പഞ്ചായത്തംഗങ്ങള്‍ക്ക് ലഭിച്ച വികസന ഫണ്ട്, കൂടാതെ ഭരണ-പ്രതിപക്ഷാംഗങ്ങള്‍ കൂട്ടായി നടപ്പിലാക്കിയ പ്രത്യേക പദ്ധതികളുമാണ് മാടപ്പള്ളി ബ്ലോക്കിനെ മികച്ച സ്ഥാനത്തെത്തിച്ചത്. ബ്ലോക്ക് പഞ്ചായത്തിന് കീഴില്‍ വരുന്ന പഞ്ചായത്തുകളെ പൂര്‍ണമായും പ്ലാസ്റ്റിക് മാലിന്യ മുക്തമാക്കാന്‍ നടപ്പിലാക്കിയ പ്ലാസ്റ്റിക് നിര്‍മാര്‍ജന യൂണിറ്റ്, നിര്‍ധനരായ പട്ടികജാതി കുടുംബങ്ങള്‍ക്കായി നടപ്പിലാക്കിയ ആധുനിക രീതിയിലുള്ള അടുക്കളയും അടുക്കളയിലേക്കുള്ള ഗൃഹോപകരണങ്ങളുടെ വിതരണവും, പട്ടികജാതി വിദ്യാര്‍ഥികള്‍ക്കായി നടപ്പിലാക്കിയ സൗജന്യ പിഎസ്‌സി പരിശീലന ക്ലാസ്, സ്വയം തൊഴിലിന്‍റെ ഭാഗമായി പട്ടികജാതി വിഭാഗങ്ങള്‍ക്കായി നടപ്പിലാക്കിയ വാദ്യോപകരണങ്ങളുടെ വിതരണം, കര്‍ഷകരുടെ ക്ഷേമ പദ്ധതികള്‍ക്കായി നടപ്പിലാക്കി വരുന്ന അഗ്രോ സര്‍വീസ് തുടങ്ങിയവ ശ്രദ്ധനേടി. സെക്കന്‍ഡറി പാലിയേറ്റീവ് കെയറില്‍ ഉള്‍പ്പെടുത്തി അഞ്ചു പഞ്ചായത്തുകള്‍ക്കായി നല്‍കുന്ന സേവനങ്ങള്‍, ആരോഗ്യ മേഖലയില്‍ കാന്‍സര്‍, കിഡ്‌നി, ഡയാലിസിസ് ചികിത്സ തേടുന്നവര്‍ക്കായി നടപ്പിലാക്കിയ പദ്ധതികള്‍, ഓപ്പണ്‍ ജിംനേഷ്യം, ബ്ലോക്ക് പഞ്ചായത്ത് പരിസരത്ത് മാലിന്യ സംസ്‌കരണ യൂണിറ്റ്, വനിത സംരംഭക വ്യവസായ യൂണിറ്റ്, നിര്‍ധനരുടെ വീടുകളില്‍ സൗജന്യമായി നടപ്പിലാക്കിയ സ്മാര്‍ട്ട് അടുക്കള, റോഡുകളുടെ നവീകരണം, മിനി ഹൈമാസ്റ്റ് ലൈറ്റുകള്‍, നെല്‍ക്കൃഷിക്ക് പെട്ടിയും പറയും മുതല്‍ ആധുനിക എന്‍ജിന്‍ തറയും മോട്ടറും തുടങ്ങി ഒട്ടേറെ ശ്രദ്ധേയമായ പദ്ധതികളും മാടപ്പള്ളി ബ്ലോക്ക് പഞ്ചായത്ത് നടപ്പിലാക്കി. കൂട്ടായ പ്രവര്‍ത്തനങ്ങള്‍ ഒന്നാം സ്ഥാനത്തെത്തിച്ചു ഭരണ-പ്രതിപക്ഷ അംഗങ്ങളും ഉദ്യോഗസ്ഥരും കൂട്ടായി നടത്തിയ ആലോചനകളും കര്‍മപദ്ധതികളുമാണ് ബ്ലോക്ക് പഞ്ചായത്തിനെ ജില്ലയില്‍ ഒന്നാംസ്ഥാനത്ത് എത്തിച്ചതെന്നു ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു പറഞ്ഞു.

റോഡില്‍ യാത്രക്കാര്‍ക്ക് സുരക്ഷയൊരുക്കണം : കണിച്ചുകുളത്ത് റോഡരികിലെ കാട്ടുചെടികള്‍ യാത്രക്കാര്‍ക്കും വാഹനങ്ങള്‍ക്കും അപകടക്കെണി

ചങ്ങനാശേരി: ചങ്ങനാശേരി-വാഴൂര്‍ റോഡില്‍ മാമ്മൂടിനും കറുകച്ചാലിനും ഇടയിലുള്ള റോഡിന്‍റെ വശങ്ങളിലെ കാട്ടുചെടികള്‍ കാല്‍നടയാത്രക്കാര്‍ക്കും വാഹനങ്ങള്‍ക്കും അപകടക്കെണിയാകുന്നു. പുല്ലും കാട്ടുചെടികളും വളര്‍ന്നുനില്‍ക്കുന്നത് വാഹനങ്ങള്‍ ഓടിക്കുന്നവരുടെ കാഴ്ച മറയ്ക്കുന്നതിനു കാരണമാകുന്നു. വീതിക്കുറവും വളവുമുള്ള കണിച്ചുകുളം ജംഗ്ഷനില്‍ റോഡിന്‍റെ വശത്ത് നൂറു മീറ്ററോളം ഭാഗത്ത് കാടു വളര്‍ന്നുനില്‍ക്കുന്നതുമൂലം കാല്‍നടക്കാര്‍ക്ക് സഞ്ചരിക്കാനാവാത്ത അവസ്ഥയാണ്. റോഡരികില്‍ പുല്ലു വളര്‍ന്നു നില്‍ക്കുന്നതിനാല്‍ കാല്‍നടക്കാര്‍ക്ക് റോഡിലേക്കു കയറി നടക്കേണ്ടി വരുന്നതിനാൽ ഏറെ അപകട സാധ്യതയുണ്ട്. നൂറുകണക്കിനു വാഹനങ്ങള്‍ വളരെ വേഗത്തില്‍ സഞ്ചരിക്കുന്ന റോഡാണിത്. ഈ റോഡിന്‍റെ എതിര്‍ഭാഗത്ത് സംരക്ഷണ ഭിത്തിയില്ലാത്തതും അപകടങ്ങള്‍ക്കിടയാക്കുന്നുണ്ട്. കൂത്രപ്പള്ളി മുതല്‍ എന്‍എസ്എസ്‌ മെഡിക്കല്‍ മിഷന്‍ വരെയുള്ള റോഡരികിലും പുല്ലു വളര്‍ന്നു നില്‍ക്കുന്നത് കാല്‍നട യാത്രക്കാര്‍ക്ക് ഭീഷണിയാണ്. റോഡിന്‍റെ വശങ്ങളിലെ കാട്ടുചെടികളും പുല്ലും വെട്ടിത്തെളിച്ച് യാത്രക്കാര്‍ക്ക് സുരക്ഷയൊരുക്കാന്‍ ബന്ധപ്പെട്ട തദ്ദേശ സ്ഥാപനങ്ങളോ പൊതുമരാമത്തുവകുപ്പോ സത്വര ശ്രദ്ധ പതിപ്പിക്കണമെന്ന ആവശ്യം ഉയര്‍ന്നിട്ടുണ്ട്.

മൃഗസംരക്ഷണ വകുപ്പ് പരിശോധന കര്‍ശനമാക്കണമെന്ന്

കോട്ടയം: ഇതര സംസ്ഥാനങ്ങളില്‍നിന്ന് വാഹനങ്ങളില്‍ കൊണ്ടുവരുന്ന ആടുകളെ മൃഗസംരക്ഷണ വകുപ്പ് കര്‍ശന പരിശോധന നടത്തിയശേഷം മാത്രമേ ഇവിടെ ഇറക്കാന്‍ അനുവദിക്കാവൂവെന്ന ആവശ്യം ശക്തമാകുന്നു. കഴിഞ്ഞ ദിവസം കോട്ടയത്തെ ഒരു പ്രധാന വിപണിയിലേക്ക് മഹാരാഷ്‌ട്രയില്‍നിന്ന് എത്തിച്ച ഒരു ലോഡ് ആടുകളില്‍ 30 എണ്ണത്തിന് മുകളില്‍ ചത്ത ആടുകളായിരുന്നു. ഇറച്ചി ആവശ്യത്തിനാണ് ആടുകളെ ഇവിടെ എത്തിക്കുന്നത്. ഒരു ലോഡില്‍ 250നു മുകളില്‍ ആടുകള്‍ ഉണ്ടാകും. ഇന്നു വിപണിയില്‍ വില്‍ക്കുന്നതില്‍ ഭൂരിഭാഗവും ഇതര സംസ്ഥാനങ്ങളില്‍നിന്ന് കൊണ്ടുവരുന്ന ആടുകളാണ്. വിവാഹ സീസണ്‍ ആരഭിച്ചതിനാല്‍ വിപണിയില്‍ ആവശ്യക്കാരും കൂടുതലാണ്. മഴക്കാലം ആരംഭിച്ചാല്‍ ഇത്തരത്തില്‍ എത്തുന്ന ആടുകള്‍ കൂടുതല്‍ ചാകാന്‍ സാധ്യത‍യുണ്ട്. പരിശോധന നടത്തിയില്ലെങ്കില്‍ ചത്ത ആടുകള്‍ തീന്‍മേശയില്‍ എത്താന്‍ സാധ്യതയുണ്ടെന്നും മാനദണ്ഡങ്ങള്‍ പാലിക്കാതെയാണ് ആടുകളെ കൊണ്ടുവരുന്നതെന്നും കര്‍ഷക കോണ്‍ഗ്രസ് ജില്ലാ ജനറല്‍ സെക്രട്ടറി എബി ഐപ്പ് പറഞ്ഞു.

ചെങ്ങന്നൂരാദി അങ്കത്തിന് സ്ഥിരം വേദിയൊരുക്കും: മന്ത്രി സജി ചെറിയാൻ

മാന്നാർ: ചെങ്ങന്നൂരാദി അമ്പത്തീരടി അങ്കത്തിന് ഫോക്‌ലോർ അക്കാദമിയുടെ നേതൃത്വത്തിൽ മാന്നാറിൽ സ്ഥിരം വേദിയൊരുക്കുമെന്നും അവിടെ പത്തുദിവസം അങ്കക്കളരി നടത്തുന്നതിനുള്ള പദ്ധതികൾ തയാറാക്കുമെന്നും മന്ത്രി സജി ചെറിയാൻ പറഞ്ഞു. മാന്നാർ ബ്രഹ്മോദയം കളരിയുടെ നേതൃത്വത്തിൽ മുട്ടേൽ ഭാഗത്ത് പ്രത്യേകം തയാറാക്കിയ അങ്കത്തട്ടിൽ മൂന്നു ദിവസങ്ങളിലായി നടക്കുന്ന ചെങ്ങന്നൂരാദി അങ്കത്തിന്‍റെ ഉദ്ഘാടനം നിർവഹിക്കുകയായിരുന്നു മന്ത്രി. സ്വാഗതസംഘം രക്ഷാധികാരി റിട്ട. ക്യാപ്റ്റൻ കെ.സി. രാഘവൻ അധ്യക്ഷത വഹിച്ചു. കേരള ഫോക്‌ലോർ അക്കാദമി ചെയർമാൻ ഒ.എസ്. ഉണ്ണികൃഷ്ണൻ മുഖ്യപ്രഭാഷണം നടത്തി.പ്രോഗ്രാം ചെയർമാനും ബ്രഹ്മോദയം കളരി ഗുരുക്കളുമായ കെ.ആർ. രദീപ് ഗുരുക്കളെ കൊടിക്കുന്നിൽ സുരേഷ് എംപി ആദരിച്ചു. മാന്നാർ പഞ്ചായത്ത് പ്രസിഡന്‍റ് ടി.വി. രത്നകുമാരി, എൻ.ഡി. സന്തോഷ് ഗുരുക്കൾ, ഹരിചന്ദന, ഡി. അജയകുമാർ, പി.എൻ. ശെൽവരാജ്, സതീഷ് കൃഷ്ണൻ, എം. സുനിജ, സതീഷ് കുമാർ ശ്രീനിലയം തുടങ്ങിയവർ പ്രസംഗിച്ചു. തുടർന്ന് വിവിധ ഗുരുകുലങ്ങളിൽ നിന്നെത്തിയവരുടെ കളരിപ്പയറ്റ് നടന്നു.

പരിശോധന കര്‍ശനമാക്കണം

കോട്ടയം: ഇതര സംസ്ഥാനങ്ങളില്‍നിന്ന് വാഹനങ്ങളില്‍ കൊണ്ടുവരുന്ന ആടുകളെ മൃഗസംരക്ഷണ വകുപ്പ് കര്‍ശന പരിശോധന നടത്തിയ ശേഷം മാത്രമേ ഇവടെ ഇറക്കാന്‍ അനുവദിക്കാവൂവെന്ന ആവശ്യം ശക്തമാകുന്നു. കഴിഞ്ഞ ദിവസം കോട്ടയത്തെ ഒരു പ്രധാന വിപണിയിലേക്ക് മഹാരാഷ്ട്രയില്‍നിന്ന് എത്തിച്ച ഒരു ലോഡ് ആടുകളില്‍ 30 എണ്ണത്തിന് മുകളില്‍ ചത്ത ആടുകളായിരുന്നു. ഇറച്ചി ആവശ്യത്തിനാണ് ആടുകളെ ഇവിടെ എത്തിക്കുന്നത്. ഒരു ലോഡില്‍ 250നു മുകളില്‍ ആടുകള്‍ ഉണ്ടാകും. ഇന്നു വിപണിയില്‍ വില്‍ക്കുന്നതില്‍ ഭൂരിഭാഗവും ഇതര സംസ്ഥാനങ്ങളില്‍നിന്ന് കൊണ്ടുവരുന്ന ആടുകളാണ്. കല്യാണസീസണ്‍ ആരഭിച്ചതിനാല്‍ വിപണിയില്‍ ആവശ്യക്കാരും കൂടുതലാണ്. പരിശോധന നടത്തിയില്ലെങ്കില്‍ ചത്ത ആടുകള്‍ തീന്‍മേശയില്‍ എത്താന്‍ സാധ്യതയുണ്ടെന്നും മാനദണ്ഡങ്ങള്‍ പാലിക്കാതെയാണ് ആടുകളെ കൊണ്ടുവരുന്നതെന്നും കര്‍ഷക കോണ്‍ഗ്രസ് ജില്ലാ ജനറല്‍ സെക്രട്ടറി എബി ഐപ്പ് പറഞ്ഞു.

ലഹരി വിരുദ്ധ സെമിനാര്‍

കടുത്തുരുത്തി: എന്‍എസ്എസ് 302-ാം നമ്പര്‍ കരയോഗത്തിന്‍റെയും 846-ാംനമ്പര്‍ വനിതാസമാജത്തിന്‍റെയും നേതൃത്വത്തില്‍ ലഹരിവസ്തുക്കളുടെ അനിയന്ത്രിത വ്യാപനവും ഉപയോഗവും തടയുന്നതിന് ആവശ്യമായ യോഗം നടത്തി. അസിസ്റ്റന്‍റ് എക്‌സൈസ് ഇന്‍സ്‌പെക്ടര്‍ രാജേഷ് ബോധവത്കരണ ക്ലാസിന് നേതൃത്വം നല്‍കി. കരയോഗം പ്രസിഡന്‍റ് കെ. രാജീവന്‍ അധ്യക്ഷത വഹിച്ച യോഗത്തില്‍ വൈസ് പ്രസിഡന്‍റ് വിനോദ് മങ്ങോട്ടായില്‍, സെക്രട്ടറി അരവിന്ദന്‍ നായര്‍, അനില്‍ കയ്യാലയ്ക്കല്‍, ജീവ പ്രകാശ്, വനിതാ സമാജം പ്രസിഡന്‍റ് ശ്രീദേവി സുബരായന്‍ എന്നിവര്‍ പ്രസംഗിച്ചു.

അവാര്‍ഡുകളുടെ തിളക്കത്തില്‍ അല്‍ഫോന്‍സാ കോളജ്

പാലാ: ‍ അല്‍ഫോന്‍സാ കോളജ് പാലാ നഗരസഭയിലെ ഹരിത കലാലയമായി തെരഞ്ഞെടുക്കപ്പെട്ടു. ലോക വിദ്യാഭ്യാസ കോണ്‍ഗ്രസ് അവാര്‍ഡും അല്‍ഫോന്‍സാ കോളജിന് ലഭിച്ചു. കേരളത്തിലെയും ലക്ഷദ്വീപിലെയും ഏറ്റവും മികച്ച വിദ്യാഭ്യാസ സ്ഥാപനത്തിന് നല്‍കുന്ന അവാര്‍ഡാണിത്. അക്കാഡമിക് രംഗത്തും കായികരംഗത്തും സാമൂഹികരംഗത്തും അല്‍ഫോന്‍സാ കോളജ് നല്‍കിയ വലിയ സംഭാവനകളെ പരിഗണിച്ചാണ് ഈ അവാര്‍ഡ് കോളജിന് ലഭിച്ചത്. സീറോ ഫുഡ് വേസ്റ്റ് സംവിധാനം, വെർമി കമ്പോസ്റ്റ്, ഓര്‍ഗാനിക് ഫാമിംഗ്, പ്ലാസ്റ്റിക് രഹിത കലാലയം എന്നിവയെല്ലാം അവാര്‍ഡ് കരസ്ഥമാക്കാന്‍ കോളജിനെ സഹായിച്ചു. വിവിധ രംഗങ്ങളില്‍ ഒട്ടേറെ നേട്ടങ്ങളാണ് കോളജ് സ്വന്തമാക്കിയത്. നാക്ക് ഫിഫ്ത്ത് സൈക്കിള്‍ എ പ്ലസ് ഗ്രേഡോടെ റീഅക്രഡിറ്റേഷന്‍ കരസ്ഥമാക്കി. വര്‍ഷങ്ങളായി എംജി യൂണിവേഴ്‌സിറ്റി പരീക്ഷകളില്‍ ഏറ്റവും കൂടുതല്‍ റാങ്കുകളും എ പ്ലസുകളും കോളജിനു സ്വന്തമാണ്. എംജി യൂണിവേഴ്‌സിറ്റി മികച്ച എന്‍എസ്എസ് യൂണിറ്റിനുള്ള മോസസ് അവാര്‍ഡ് കോളജിനു ലഭിച്ചു. മികച്ച എന്‍എസ്എസ് ഫ്രണ്ട്‌ലി പ്രിന്‍സിപ്പല്‍, മികച്ച പ്രോഗ്രാം ഓഫീസര്‍, മികച്ച എന്‍എസ്എസ് വോളണ്ടിയര്‍ എന്നീ അവാര്‍ഡുകളും കോളജ് കരസ്ഥമാക്കി. ഡിഎസ്ടി ഫിസ്റ്റ്, ഡിബിടി സ്റ്റാര്‍, ഡിഎസ്ടി ക്യൂറി തുടങ്ങിയ വിവിധ പദ്ധതികളിലായി കേന്ദ്രസര്‍ക്കാരിന്‍റെ 2.86 കോടി രൂപ ഗ്രാന്‍ഡ് കോളജ് സ്വന്തമാക്കി. ഇത്തവണത്തെ എംജി യൂണിവേഴ്‌സിറ്റി അത്‌ലറ്റിക് കിരീടവും കോളജിനു ലഭിച്ചു. 60 വര്‍ഷം പിന്നിട്ട കോളജില്‍ വിദ്യാര്‍ഥിനികള്‍ക്ക് മികച്ച പഠനാന്തരീക്ഷവും സുരക്ഷിതമായ ഹോസ്റ്റല്‍ സൗകര്യങ്ങളുമാണ് ഏര്‍പ്പെടുത്തിയിരിക്കുന്നതെന്ന് പ്രിന്‍സിപ്പല്‍ റവ. ഡോ. ഷാജി ജോണ്‍ പുന്നത്താനത്തുകുന്നേല്‍ പറഞ്ഞു. കഴിഞ്ഞ വര്‍ഷം കേരളത്തിലെ ഏറ്റവും നല്ല കായിക കോളജായും തെരഞ്ഞെടുക്കപ്പെട്ടു. മികച്ച നേട്ടങ്ങള്‍ കൈവരിക്കുന്ന കോളജിനെ രക്ഷാധികാരി മാര്‍ ജോസഫ് കല്ലറങ്ങാട്ട്, മാനേജര്‍ മോണ്‍. ഡോ. ജോസഫ് തടത്തില്‍, പ്രിന്‍സിപ്പല്‍ റവ. ഡോ. ഷാജി ജോണ്‍, വൈസ് പ്രിന്‍സിപ്പല്‍മാരായ സിസ്റ്റര്‍ ഡോ. മിനിമോള്‍ മാത്യു, സിസ്റ്റര്‍ ഡോ. മഞ്ജു എലിസബത്ത് കുരുവിള, ബര്‍സാര്‍ ഫാ. കുര്യാക്കോസ് വെള്ളച്ചാലില്‍ എന്നിവര്‍ അഭിനന്ദിച്ചു.

കേബിള്‍ ടിവിയുടെ കേബിളുകള്‍ നശിപ്പിക്കുന്നതായി പരാതി

കടുത്തുരുത്തി: കേബിള്‍ ടിവിയുടെ ഒപ്റ്റിക്കല്‍ ഫൈബര്‍ കേബിളുകള്‍ രാത്രിയില്‍ സാമൂഹ്യവിരുദ്ധര്‍ നശിപ്പിക്കുന്നതായി പരാതി. ആപ്പാഞ്ചിറ, ആയാംകുടി, എഴുമാന്തുരുത്ത്, ആദിത്യപുരം മേഖലകളില്‍ പ്രവര്‍ത്തിക്കുന്ന റിയ മരിയ കേബിള്‍ ടിവിയുടെ ഫൈബര്‍ കേബിളുകളാണ് രാത്രിയില്‍ സാമൂഹ്യവിരുദ്ധര്‍ നശിപ്പിക്കുന്നത്. ഇതേത്തുടര്‍ന്ന് പ്രദേശത്തെ കേബില്‍ ടിവി സര്‍വീസുകള്‍ തടസപ്പെടുകയാണ്. രാത്രിയുടെ മറവില്‍ സാമൂഹ്യവിരുദ്ധ പ്രവൃത്തികള്‍ നടത്തുന്നവരെ കണ്ടെത്തി നടപടി സ്വീകരിക്കണമെന്ന് ആവശ്യപ്പെട്ട് ഉടമ കടുത്തുരുത്തി പോലീസില്‍ പരാതി നല്‍കി. ഈ മാസം ഇത്തരത്തില്‍ ഒമ്പതു തവണയാണ് വിവിധ സ്ഥലങ്ങളിലായി രാത്രിയുടെ മറവില്‍ കേബിളുകള്‍ നശിപ്പിച്ചത്. റിയ മരിയ കേബിള്‍ ടിവിയുടെയും സമീപത്തെ മറ്റു കേബിള്‍ ടിവികളുടെ കണ്‍ട്രോള്‍ റൂമുകളിലേക്കും സിഗ്നലുകള്‍ എത്തിക്കുന്ന പ്രധാന ഫൈബര്‍ കേബിളുകളാണ് സാമൂഹ്യവിരുദ്ധര്‍ നശിപ്പിക്കുന്നത്.

അക്കരപ്പാടം പാലം മേയിൽ തുറക്കും

വൈക്കം: ഉദയനാപുരം പഞ്ചായത്തിലെ അക്കരപ്പാടം നിവാസികളുടെ ചിരകാല സ്വപ്നമായിരുന്ന അക്കരപ്പാടം പാലത്തിന്‍റെ നിർമാണം പൂർത്തിയായി. പാലത്തിന്‍റെ സമീപ റോഡിന്‍റെ നിർമാണം പൂർത്തിയായതിനെത്തുടർന്ന് ഇപ്പോൾ കൈവരികളുടെ പെയിന്‍റിംഗ് പുരോഗമിക്കുകയാണ്. റോഡിൽ ദിശാബോർഡുകൾ സ്ഥാപിച്ച് മധ്യഭാഗത്ത് വെള്ളവര ഇടുന്നത് പൂർത്തിയാക്കി മേയിൽ പാലം ഗതാഗതത്തിന് തുറന്നു കൊടുക്കാനുള്ള ശ്രമത്തിലാണ് അധികൃതർ. മൂവാറ്റുപുഴയാറിന്‍റെ കൈവഴിയായ ഇത്തിപ്പുഴയാറിനു കുറുകെ ഉദയനാപുരം പഞ്ചായത്തിലെ അക്കരപ്പാടം, നാനാടം എന്നീസ്ഥലങ്ങളെ തമ്മിൽ ബന്ധിപ്പിച്ച് 150 മീറ്റർ നീളത്തിലും 11 മീറ്റർ വീതിയിലുമാണ് പാലത്തിന്‍റെ നിർമാണം പൂർത്തിയാക്കിയിരിക്കുന്നത്. അഞ്ചു സ്പാനോടു കൂടി 30 മീറ്റർ നീളത്തിൽ വശങ്ങളിൽ നടപ്പാത ഉൾപ്പെടെയാണ് പാലം നിർമിച്ചിട്ടുള്ളത്. പാലത്തിന്‍റെ ഇരുകരകളിലുമായി 45 മീറ്റർ നീളത്തിൽ സമീപനപാതയുടെ ടാറിംഗ് ആധുനിക രീതിയിൽ പൂർത്തീകരിച്ചു. സമീപ പാതയുടെ നിർമാണത്തിനായി 29.77 സെന്‍റ് വസ്തു ഏറ്റെടുത്തിരുന്നു. 2022 ഡിസംബർ 14നാണ് പൊതുമരാമത്ത് മന്ത്രി മുഹമ്മദ് റിയാസ് പാലത്തിന്‍റെ നിർമാണ ഉദ്ഘാടനം നടത്തിയത്. നിലവിൽ അക്കരപ്പാടം നിവാസികൾ പുഴ കടക്കാൻ കടത്തുവള്ളത്തെയാണ് ആശ്രയിക്കുന്നത്.

ഓമല്ലൂര്‍ ഫുഡ് ഫെസ്റ്റ് ‘സമ്മര്‍ഗ്രീന്‍ -2025’

കുറുപ്പന്തറ: ഓമല്ലൂര്‍ കനാല്‍ പ്രദേശത്തു നടക്കുന്ന സമ്മര്‍ഗ്രീന്‍ -2025 ഫുഡ് ഫെസ്റ്റിനോടനുബന്ധിച്ചു മോന്‍സ് ജോസഫ് എംഎല്‍എയുടെ നേതൃത്വത്തില്‍ വിവിധ സര്‍ക്കാര്‍ വകുപ്പ് ഉദ്യോഗസ്ഥരുടെ യോഗം നടന്നു. എക്സൈസ്, പോലീസ്, എംവിഐപി, ഫയര്‍ ഫോഴ്‌സ് എന്നീ വകുപ്പുകളില്‍നിന്നുള്ള ഉദ്യോഗസ്ഥര്‍ പങ്കെടുത്തു. മാലിന്യം നിറഞ്ഞ എംവിഐപി കനാല്‍ ശുചീകരണവും പിന്നീട് സൗന്ദര്യവല്‍കരണവും ലക്ഷ്യമിട്ട് പ്രവര്‍ത്തനം തുടങ്ങിയ ഓമല്ലൂര്‍ വീ ക്യാന്‍ സര്‍വീസ് ആന്‍ഡ് ചാരിറ്റബിള്‍ ഫൗണ്ടേഷന്‍റെ നേതൃത്വത്തില്‍ നാലു ദിവസം നീണ്ടുനില്‍ക്കുന്ന ഫുഡ് ഫെസ്റ്റാണ് നടത്തുന്നത്. സമ്മര്‍ഗ്രീന്‍ എന്നു പേരിട്ടിരിക്കുന്ന ഫുഡ് ഫെസ്റ്റ് മേയ് ഒന്നു മുതല്‍ നാലു വരെയാണ് നടത്തുന്നത്.

വൃക്ക മാറ്റിവയ്ക്കാൻ സുമനസുകളുടെ കനിവുതേടി യുവാവ്

വൈക്കം: ഇരുവൃക്കകളും തകരാറിലായ യുവാവ് വൃക്ക മാറ്റിവയ്ക്കൽ ശസ്ത്രക്രിയയ്ക്കായി സുമനസുകളിൽനിന്നു ചികിത്സാ സഹായം തേടുന്നു. മറവൻതുരുത്ത് ഇടവട്ടം റോസ് വില്ലയിൽ സനൂപ് സതീശനാ(35)ണ് ഇരു വൃക്കകളും തകരാറിലായതിനെത്തുടർന്ന്‌ കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്നത്. ഓട്ടോ ഡ്രൈവറായ യുവാവിന്‍റെ ജീവൻ രക്ഷിക്കാൻ ഉടൻ വൃക്ക മാറ്റിവയ്ക്കണമെന്നാണ് ഡോക്ടർമാർ നിർദേശിച്ചത്. അമ്മ വൃക്ക നൽകാൻ തയാറായി മുന്നോട്ടുവന്നെങ്കിലും ശസ്ത്രക്രിയയ്ക്കും അനുബന്ധ ചികിൽസയ്ക്കുമായി 20 ലക്ഷം രൂപ ചെലവു വരും. യുവാവിന്‍റെ ചികിത്സക്കായി ഇതിനകം നല്ലൊരു തുക ചെലവായതിനെത്തുടർന്ന് നിർധനകുടുംബം വലിയ കടബാധ്യതയിലായി. കുടുംബത്തിന്‍റെ ദയനീയസ്ഥിതി കണക്കിലെടുത്ത് നാട്ടുകാർ സഹായഹസ്തം നീ‌ട്ടി മുന്നോട്ടുവന്നിട്ടുണ്ട്. പഞ്ചായത്ത് അംഗം പോൾ തോമസ് ചെയർമാനായും ആർ. അനീഷ് കൺവീനറായും ചികിത്സാ സഹായ നിധി രൂപീകരിച്ച് പ്രവർത്തനം ആരംഭിച്ചു. യൂണിയൻ ബാങ്കിന്‍റെ കുലശേഖരമംഗലം ശാഖയിൽ ഇതിനായി അക്കൗണ്ട് തുറന്നു. A/C No - 283412 010001420 IFSC - UBINO828343.

കടുത്തുരുത്തി മാലിന്യമുക്ത നിയോജകമണ്ഡലം

കടുത്തുരുത്തി: സംസ്ഥാന സര്‍ക്കാര്‍ പ്രഖ്യാപിച്ച മാലിന്യമുക്തം നവകേരളം കാമ്പയിന്‍റെ ഭാഗമായി കടുത്തുരുത്തി നിയോജക മണ്ഡലത്തെ മാലിന്യമുക്തമായി മോന്‍സ് ജോസഫ് എംഎല്‍എ പ്രഖ്യാപിച്ചു. തദ്ദേശ സ്വയംഭരണ വകുപ്പിന്‍റെ കീഴില്‍ രൂപീകരിച്ച മോണിറ്ററിംഗ് കമ്മിറ്റിയുടെ പരിശോധനയനുസരിച്ചു കടുത്തുരുത്തി മണ്ഡലത്തില്‍ ഉള്‍പ്പെട്ട 11 പഞ്ചായത്തുകളും രണ്ടു ബ്ലോക്ക് പഞ്ചായത്തുകളും 80 ശതമാനത്തിനു മുകളില്‍ മാര്‍ക്ക് നേടി മാലിന്യമുക്തമായി പ്രഖ്യാപിച്ചതിനെത്തുടര്‍ന്നാണ് കടുത്തുരുത്തി മണ്ഡലത്തിന് മാലിന്യവിമുക്ത പ്രഖ്യാപനത്തിന് അര്‍ഹത ലഭിച്ചത്. കടുത്തുരുത്തി പഞ്ചായത്ത് പ്രസിഡന്‍റ് എന്‍.ബി. സ്മിത അധ്യക്ഷത വഹിച്ച മാലിന്യമുക്ത പ്രഖ്യാപന സമ്മേളനം മോന്‍സ് ജോസഫ് എംഎല്‍എ ഉദ്ഘാടനം ചെയ്തു. പ്രോഗ്രാം ഡെപ്യൂട്ടി ഡയറക്ടര്‍ സി.ആര്‍. പ്രസാദ് പ്രോഗസ് റിപ്പോര്‍ട്ട് അവതരിപ്പിച്ചു. കടുത്തുരുത്തി ബ്ലോക്ക് പഞ്ചായത്ത് പ്രസിഡന്‍റ് ജോണ്‍സണ്‍ കൊട്ടുകാപ്പള്ളില്‍, ഉഴവൂര്‍ ബ്ലോക്ക് പഞ്ചായത്ത് പ്രസിഡന്‍റ് രാജു ജോണ്‍ ചിറ്റേത്ത്, വിവിധ പഞ്ചായത്ത് പ്രസിഡന്‍റുമാരായ മിനി മത്തായി, അംബിക സുകുമാരന്‍, കെ.എം. തങ്കച്ചന്‍, ത്രേസ്യാമ്മ സെബാസ്റ്റ്യന്‍, ബെല്‍ജി ഇമ്മാനുവല്‍ എന്നിവര്‍ പ്രസംഗിച്ചു.

തിരുവാർപ്പ് ഗവ. യുപി സ്കൂളിന്‍റെ നിർമാണം ഉടൻ ആരംഭിക്കണമെന്ന് യുഡിഎഫ്

തിരുവാർപ്പ്: തിരുവാർപ്പ് യുപി സ്കൂളിന്‍റെ മുടങ്ങിക്കിടക്കുന്ന നിർമാണ പ്രവർത്തനം ഉടൻ പുനരാരംഭിക്കണമെന്ന് യുഡിഎഫ് തിരുവാർപ്പ് മണ്ഡലം കമ്മിറ്റി ആവശ്യപ്പെട്ടു. പൊതു വിദ്യാഭ്യാസ വകുപ്പിൽനിന്നനുവദിച്ച ഒരു കോടി രൂപ വിനിയോഗിച്ചാണ് സ്കൂളിന്‍റെ പുതിയ ബ്ലോക്കിന്‍റെ നിർമാണ പ്രവർത്തനമാരംഭിച്ചത്. ഒന്നരവർഷം മുമ്പ് നിർമാണം തുടങ്ങിയെങ്കിലും പൈലിംഗ് മാത്രമാണ് നടത്തിയത്. കഴിഞ്ഞ ഒമ്പതുമാസങ്ങളായി പ്രവർത്തനം നിലച്ചിരിക്കുകയാണ്. നിരവധി വിദ്യാർഥികൾ ഈ ഗവൺമെന്‍റ് സ്കൂളിൽ പഠിക്കുന്നുണ്ട്. പുതിയ അധ്യയന വർഷമാരംഭിക്കാൻ ഇനി ഒരു മാസം മാത്രമേയുള്ളൂ. സ്കൂളിന്‍റെ നിർമാണം ഉടൻ പൂർത്തീകരിക്കണമെന്നതാണ് നാട്ടുകാരുടെ ആവശ്യം. തിരുവാർപ്പ് പഞ്ചായത്തിന്‍റെ അധീനതയിലാണ് ഈ സ്കൂൾ. സ്കൂൾ നിർമാണം ഉടൻ തുടങ്ങിയില്ലെങ്കിൽ ശക്തമായ സമരപരിപാടികളുമായി മുന്നോട്ടു പോകുമെന്ന് യുഡിഎഫ് തിരുവാർപ്പ് മണ്ഡലം കമ്മിറ്റി അറിയിച്ചു. ഇതു സംബന്ധിച്ച് അധികാരികൾക്ക് നിവേദനം നൽകാനും യോഗം തീരുമാനിച്ചു. യുഡിഎഫ് മണ്ഡലം ചെയർമാൻ ഗ്രേഷ്യസ് പോൾ അധ്യക്ഷനായിരുന്നു. ഡിസിസി വൈസ് പ്രസിഡന്‍റ് അഡ്വ. ജി. ഗോപകുമാർ, റൂബി ചാക്കോ, ബിനു ചെങ്ങളം, അജി കൊറ്റമ്പടം, മുരളി കൃഷ്ണൻ, വി.എ. വർക്കി, സുമേഷ് കാഞ്ഞിരം, അജാസ് തച്ചാട്ട്, ഷമീർ വളയംകണ്ടം, സക്കീർ ചങ്ങമ്പള്ളി, രാജൻ തലത്തോട്ടിൽ, ബോബി മണലേൽ, ബാബു ചെറിയാൻ , ലിജോ പാറെക്കുന്നുംപുറം തുടങ്ങിയവർ പ്രസംഗിച്ചു.

എരുമേലി വിമാനത്താവളം: വിശദ പദ്ധതിരേഖ തയാറാകുന്നു

എരുമേലി: എരുമേലിയിൽ നടപ്പിലാക്കാൻ സർക്കാർ പ്രഖ്യാപിച്ച നിർദിഷ്ട ശബരിമല വിമാനത്താവള പദ്ധതിയുടെ വിശദ പദ്ധതിരേഖ (ഡിപിആർ) തയാറാക്കുകയാണ് കേരള സ്റ്റേറ്റ് ഇൻഡസ്ട്രിയൽ ഡെവലപ്‌മെന്‍റ് കോർപറേഷനുവേണ്ടി സ്റ്റുപ്പ് എന്ന ഏജൻസി. ദിവസങ്ങൾക്കകം ഇത് പൂർത്തിയാകുമെന്ന് ഏജൻസി വക്താവ് പറഞ്ഞു. സമഗ്രപഠനം നടത്തിയാണ് രേഖ തയാറാക്കുന്നതെന്ന് ഏജൻസി പറയുന്നു. അടുത്ത ദിവസം പദ്ധതിരേഖ സമർപ്പിക്കും. 2024 ഫെബ്രുവരിയിലാണ് സ്റ്റുപ്പിനെ ചുമതല ഏൽപ്പിച്ചത്. നാലുകോടി രൂപയായിരുന്നു ചെലവ്. മണിമല, എരുമേലി തെക്ക് വില്ലേജുകളിലായി ഇവരുടെ വിവരശേഖരണം പൂർത്തിയായിരുന്നു. ഇനി ഡിപിആർ, കെഎസ്‌ഐഡിസിക്ക് കൈമാറും. അവർ ഇത് പരിശോധിച്ച് ഉറപ്പാക്കിയശേഷം കേന്ദ്രവ്യോമയാന മന്ത്രാലയത്തിന് സമർപ്പിക്കണം. തുടർന്ന് ഡിപിആർ അംഗീകരിക്കുന്നതോടെ പദ്ധതി നടത്തിപ്പിലേക്ക് കടക്കാം. കഴിഞ്ഞ ദിവസമാണ് പദ്ധതിക്ക് സംസ്ഥാന സർക്കാരിന്‍റെ ഭരണാനുമതി കിട്ടിയത്. എരുമേലി സൗത്ത്, മണിമല വില്ലേജുകളിലായി 245 പേരുടെ ഭൂമിയും ചെറുവള്ളി എസ്റ്റേറ്റ് ഭൂമിയുമാണ് ഏറ്റെടുക്കുന്നത്. പദ്ധതിച്ചെലവിന് 3,450 കോടി രൂപ വേണം എന്നാണ് ഏജൻസി കണക്കാക്കിയിരിക്കുന്നത്. അതിൽ പ്രധാനം 3.50 കിലോമീറ്റർ നീളമുള്ള റൺവേയുടെ നിർമാണമാണ്. റൺവേയ്ക്ക് 45 മീറ്റർ വീതിയും റൺവേ സ്ട്രിപ്പിന് 280 മീറ്റർ വീതിയുമാണ് കണക്കാക്കിയിരിക്കുന്നത്. റൺവേ എൻഡ് സേഫ്റ്റി ഏരിയ ഇരുവശത്തും 240-290 മീറ്റർ വീതവുമാണ് രൂപരേഖയിൽ. 2017 ജൂലൈയിലാണ് ചെറുവള്ളി എസ്റ്റേറ്റ് വിമാനത്താവളത്തിന് അനുയോജ്യമെന്ന് കണ്ടെത്തി അനുമതി നൽകിയത്. തുടർന്ന് കെഎസ്‌ഐഡിസിയെ നോഡൽ ഏജൻസിയായി നിയമിച്ചു. ഇതിനുശേഷം സാമ്പത്തിക, സാങ്കേതിക റിപ്പോർട്ട് തയാറാക്കാൻ ലൂയി ബഗർ എന്ന ഏജൻസിയെ ചുമതലപ്പെടുത്തി. ഇതിന്‍റെ റിപ്പോർട്ട് സമർപ്പിച്ചതിന് പിന്നാലെ 2023 ഏപ്രിൽ 13ന് വ്യോമയാന മന്ത്രാലയം സൈറ്റ് ക്ലിയറൻസ് അനുവദിച്ചു. തുടർന്ന് 2023 ജൂൺ 30ന് പ്രതിരോധ മന്ത്രാലയത്തിന്‍റെ അനുമതി ലഭിച്ചു. 2024 മേയ് 20നാണ് വ്യോമയാന മന്ത്രാലയത്തിന്‍റെ സുരക്ഷാ അനുമതിയായത്. 2023 ജൂലൈ എട്ടിന് പരിസ്ഥിതി പഠനത്തിനുള്ള ടേംസ് ഓഫ് റഫറൻസ് അംഗീകരിച്ചു. തുടർന്ന് കരട് പരിസ്ഥിതി ആഘാത റിപ്പോർട്ട് തയാറാക്കി സമർപ്പിച്ചു. ഇതോടെ 2024 ഡിസംബറിൽ സാമൂഹികാഘാത പഠന റിപ്പോർട്ട് സമർപ്പിച്ചു. തുടർന്ന് വിദഗ്ധസമിതിയുടെ പരിശോധനയും ശിപാർശയും വന്നതിനെത്തുടർന്നാണ് ഇപ്പോൾ എസ്റ്റേറ്റ് ഉൾപ്പെടെ ഏറ്റെടുക്കാനുള്ള നടപടിക ആയിരിക്കുന്നത്.

മണർകാട്ട് പത്താമുദയ ഉത്സവത്തിനു തുടക്കം

മണർകാട്: ചരിത്ര പ്രസിദ്ധമായ മണർകാട് ദേവീ ക്ഷേത്രത്തിൽ പത്താമുദയ മഹോത്സവത്തിന് വിഷുദിനത്തിൽ തുടക്കംകുറിച്ചു. പത്താമുദയ ദിവസമായ 23 വരെ നടക്കുന്ന പ്രധാന വഴിപാടായ കലംകരിയ്ക്കലിന് ഭക്തജനത്തിരക്കായി. 23ന് ദേശവഴികളായ ഇരുപത്തിയെട്ടര കരകളിൽനിന്നുള്ള പ്രഭാത കുടം, ഉച്ചക്കുള്ള കുംഭകുടം, അമ്മൻ കുടം, കുമാരനല്ലൂർ പെരുമ്പായിക്കാട്ടുശേരിക്കാരുടെ അവകാശതൂക്കം എന്നിവ നടക്കും. തുടർന്ന് അരീപ്പറമ്പ് കരയുടെയും പുന്നത്തറ കരയുടെയും ഗരുഡൻ. പിന്നീട് മറ്റുകരക്കാരുടെയും വ്യക്തികളുടെയും ഗരുഡൻ വെളുപ്പിന് മൂന്നു വരെ നടക്കും. മണർകാട് ദേവീക്ഷേത്രത്തിൽ മാത്രമുള്ള പതിനൊന്ന് ഗരുഡനും ഇതേത്തുടർന്ന് നടക്കും. പത്താമുദയ മഹോത്സത്തോടനുബന്ധിച്ച് ക്ഷേത്രപരിസരവും മൂന്നു കിലോമീറ്റർ ചുറ്റളവിലുള്ള പ്രദേശവും കോട്ടയം കളക്ടർ ഉത്സവമേഖലയായി പ്രഖ്യാപിച്ചിട്ടുണ്ട്. പോലീസ്, ഫയർ ആൻഡ് റെസ്ക്യു, തുടങ്ങിയ സർക്കാർ വകുപ്പുകളുടെ പ്രവർത്തനവും മേൽനോട്ടവും ഉത്സവത്തിനുണ്ടാകുമെന്ന് സെക്രട്ടറി ആർ. രവി മനോഹർ വട്ടപ്പറമ്പിൽ അറിയിച്ചു.

ശ്രീനാരായണ ജയന്തി പബ്ലിക് ബോട്ട് റേസ് ക്ലബ്ബിന് പുതിയ ഭാരവാഹികൾ

കുമരകം: ശ്രീനാരായണ ജയന്തി പബ്ലിക് ബോട്ട് റേസ് ക്ലബ്ബിന്‍റെ 121 -ാം വാർഷിക പൊതുയോഗം നടത്തി. യോഗത്തിൽ പുതിയ ഭാരവാഹികളെ തെരഞ്ഞെടുത്തു. വി.പി. അശോകൻ (പ്രസിഡന്‍റ്), സാൽവിൻ കൊടിയന്ത്ര, പി.കെ സുധീർ, പി.എൻ. സാബു ശാന്തി (വൈസ് പ്രസിഡന്‍റുമാർ), എസ്.ഡി. പ്രേംജി (ജനറൽ സെക്രട്ടറി), എസ്.വി. സുരേഷ്കുമാർ (ട്രഷറർ), പി.എ. സുരേഷ്, കെ.ജി. ബിനു (ഓഡിറ്റേഴ്സ്) എന്നിവരാണ് തെരഞ്ഞെടുക്കപ്പെട്ടത്. ക്ലബ്ബ് പ്രസിഡന്‍റ് വി.എസ്. സുഗേഷ് അധ്യക്ഷത വഹിച്ചു. വി.പി അശോകൻ, എം.കെ. വാസവൻ, വി.എൻ. കലാധരൻ എന്നിവർ പ്രസംഗിച്ചു.

മീനച്ചിലാറിന്‍റെ തീരത്ത് സായാഹ്നം ചെലവഴിക്കാനൊരിടം

കിടങ്ങൂര്‍: കുറച്ചുനാള്‍ മുന്പുവരെ കിടങ്ങൂര്‍ പാലം മുതല്‍ കട്ടച്ചിറ വരെയുള്ള പുതിയ ബൈപാസ് റോഡ് കാടുപിടിച്ച് മാലിന്യം നിക്ഷേപിക്കുന്ന സ്ഥലമായിരുന്നു. എന്നാല്‍, ഇന്ന് ഒരു കൂട്ടം പ്രകൃതിസ്‌നേഹികളുടെ പരിശ്രമംകൊണ്ട് കഥയാകെ മാറി. കാടുകള്‍ വെട്ടിത്തെളിച്ച് മാലിന്യം നീക്കം ചെയ്ത് അവര്‍ പരിസരം വൃത്തിയാക്കി. റോഡിന്‍റെ വശങ്ങളില്‍ ചെടികള്‍ വച്ചുപിടിപ്പിച്ച് മനോഹരമാക്കി. പുഴയോരം റസിഡന്‍സ് അസോസിയേഷന്‍ ഭാരവാഹികളും സമീപവാസികളും ഈ ഉദ്യമത്തില്‍ പങ്കുചേര്‍ന്നു. കിടങ്ങൂര്‍ പഞ്ചായത്തിലെ പതിമൂന്നാം വാര്‍ഡില്‍ പ്രവര്‍ത്തിക്കുന്ന പുഴയോരം റെസിഡന്‍സ് വെല്‍ഫെയര്‍ അസോസിയേഷന്‍ ഇതോടെ കൂടുതല്‍ ശ്രദ്ധേയമായി. കിടങ്ങൂരില്‍ 2018 മുതല്‍ പ്രവര്‍ത്തിക്കുന്ന കൂട്ടായ്മയാണ് പുഴയോരം റെസിഡന്‍സ് വെല്‍ഫെയര്‍ അസോസിയേഷന്‍. പൊതുസ്ഥലങ്ങളുടെ ശുചീകരണം, പ്ലാസ്റ്റിക് ഉള്‍പ്പെടെയുള്ള മാലിന്യങ്ങളുടെ നിര്‍മാര്‍ജനം, ബോധവത്കരണ ക്ലാസുകള്‍, ഉന്നതവിജയം കരസ്ഥമാക്കിയവര്‍ക്ക് ആദരവുകള്‍, ചികിത്സാ സഹായങ്ങള്‍, കിടങ്ങൂര്‍ ബൈപാന്‍റെ സൗന്ദര്യവത്കരണം, ആരോഗ്യ സംരക്ഷണം ഉള്‍പ്പെടെയുള്ള വിവിധ കാര്യങ്ങളില്‍ ബോധവത്കരണം നടത്തുക എന്നിങ്ങനെ ജനക്ഷേമകരമായ വിവിധ പ്രവര്‍ത്തനങ്ങളില്‍ അസോസിയേഷന്‍ ഏര്‍പ്പെട്ടുവരുന്നു. കട്ടച്ചിറ ചെക്ക് ഡാമിനു സമീപം മിനി ഹൈമാസ് ലൈറ്റ്, സിസി ടിവി കാമറ എന്നിവ സ്ഥാപിക്കുന്നതിനുള്ള നടപടികള്‍ പൂര്‍ത്തിയായിവരുന്നു. സഞ്ചാരികള്‍ക്ക് വിശ്രമിക്കാന്‍ ഏതാനും ചാരുബഞ്ചുകള്‍ ഇട്ടും ചെക്ക് ഡാമിലേക്ക് ഇറങ്ങാന്‍ കല്‍പ്പടവുകള്‍ നിര്‍മിച്ചും കൈ വരികള്‍ സ്ഥാപിച്ചും ധാരാളം പൂച്ചെടികള്‍ നട്ടുപിടിപ്പിച്ചും ഇവിടം മനോഹരമായ ഉദ്യാനമാക്കി മാറ്റാനുള്ള ശ്രമത്തിലാണ് അവര്‍. ഒന്നര കിലോമീറ്റര്‍ ദൂരമുള്ള ചാലക്കടവ് -കട്ടച്ചിറ ബൈപാസ് റോഡ് മൂന്നു കോടിയോളം രൂപ മുടക്കി അടുത്തയിടെയാണ് ആധുനിക നിലവാരത്തിലെത്തിച്ചത്. മീനച്ചിലാറിന്‍റെ തീരത്തുകൂടിയുള്ള ഈ റോഡ് പ്രകൃതിഭംഗി നിറഞ്ഞതാണ്. അധികൃതര്‍ മുന്‍കൈയെടുത്താല്‍ ഒരു വഴിയോര വിശ്രമകേന്ദ്രമാക്കിയെടുക്കാവുന്നതാണെന്ന് അസോസിയേഷന്‍ പ്രവര്‍ത്തകര്‍ പറയുന്നു. പ്രശാന്തസുന്ദരമായ അന്തരീക്ഷത്തില്‍ യാത്രക്കാര്‍ക്ക് മനസിനു കുളിര്‍മയേകുന്നതാണ് ഇവിടത്തെ കാഴ്ചകള്‍. മീനച്ചിലാറിന്‍റെ തണുത്ത കാറ്റേറ്റ്, സൗന്ദര്യം ആസ്വദിച്ച് ഒരു സായാഹ്നം ചെലവഴിക്കാം.

ക്ലാമറ്റം കുരിശുപള്ളിയിൽ തിരുനാൾ

ക്ലാമറ്റം: ക്ലാമറ്റം കുരിശുപള്ളിയിൽ മാർ തോമാ ശ്ലീഹായുടെ തിരുനാൾ ഇന്നാരംഭിക്കും. ഇന്നു മുതൽ 24 വരെ വൈകുന്നേരം അഞ്ചിന് മധ്യസ്ഥ പ്രാർഥന, വിശുദ്ധ കുർബാന, വചനസന്ദേശം എന്നിവ നടക്കും. ഫാ. ജോസഫ് മാലിത്തറ, ഫാ. ഇൻസൺ അപ്പാശേരി സിഎംഐ, ഫാ. മാത്യു ഊഴിക്കാട്ട്, ഫാ. സന്തോഷ് തർമശേരി എന്നിവർ ഈ ദിവസങ്ങളിലെ തിരുക്കർമങ്ങളിൽ കാർമികത്വം വഹിക്കും. 25ന് വൈകുന്നേരം 4.30ന് വികാരി ഫാ. ജോസഫ് കളരിക്കലിന്‍റെ കാർമികത്വത്തിൽ പ്രസുദേന്തി വാഴ്ച, കൊടിയേറ്റ്, ലദീഞ്ഞ്. അഞ്ചിന് മധ്യസ്ഥ പ്രാർഥന, വിശുദ്ധ കുർബാന, വചന സന്ദേശം: ഫാ. ഹെൻറി കോയിൽപറമ്പിൽ. 6.30ന് കലാസന്ധ്യ. 26ന് വൈകുന്നേരം 4.30ന് വിശുദ്ധ കുർബാന, വചനസന്ദേശം: ഫാ. ജോസഫ് ആലുങ്കൽ. ആറിന് പ്രദക്ഷിണം: ഫാ. പ്രിൻസ് പുത്തേട്ട് സിഎംഐ. ഏഴിന് വള്ളിക്കാട് കുരിശടിയിൽ ലദീഞ്ഞ്, ആശീർവാദം: ഫാ. ലൂക്ക് കരിമ്പിൽ. എട്ടിന് പള്ളിയിൽ സമാപന ആശീർവാദം. 27ന് രാവിലെ 10ന് വിശുദ്ധ കുർബാന, വചന സന്ദേശം: ഫാ. സിബു വടക്കേക്കര സിഎംഐ. പ്രദക്ഷിണം, ലദീഞ്ഞ്: ഫാ. ജോസഫ് കൊല്ലംപറമ്പിൽ. വികാരി ഫാ. ജോസഫ് കളരിക്കൽ, അസിസ്റ്റന്‍റ് വികാരി ഫാ. ജോസഫ് കൊല്ലംപറമ്പിൽ, കൈക്കാരന്മാരായ എം.സി. ഏബ്രഹാം പാടിയത്ത്, സെബാൻ പോൾ എളുക്കാല, ജനറൽ കൺവീനർ സെബാസ്റ്റ്യൻ തോമസ് മുതുകാട്ടോലിൽ, ജോയിന്‍റ് കൺവീനർമാരായ ജോമോൻ സെബാസ്റ്റ്യൻ നീറുന്താനത്ത്, ജോൺസൺ ജോസഫ് പുതിയാപറമ്പിൽ എന്നിവർ നേതൃത്വം നൽകും.

പരിശോധന കര്‍ശനമാക്കണമെന്ന്

കോട്ടയം: ഇതര സംസ്ഥാനങ്ങളില്‍നിന്ന് വാഹനങ്ങളില്‍ കൊണ്ടുവരുന്ന ആടുകളെ മൃഗസംരക്ഷണ വകുപ്പ് കര്‍ശന പരിശോധന നടത്തിയ ശേഷം മാത്രമേ ഇവിടെ ഇറക്കാന്‍ അനുവദിക്കാവൂവെന്ന ആവശ്യം ശക്തമാകുന്നു. കഴിഞ്ഞ ദിവസം കോട്ടയത്തെ ഒരു പ്രധാന വിപണിയിലേക്ക് മഹാരാഷ്‌ട്രയില്‍നിന്ന് എത്തിച്ച ഒരു ലോഡ് ആടുകളില്‍ 30 എണ്ണത്തിന് മുകളില്‍ ചത്ത ആടുകളായിരുന്നു. ഇറച്ചി ആവശ്യത്തിനാണ് ആടുകളെ ഇവിടെ എത്തിക്കുന്നത്. ഒരു ലോഡില്‍ 250നു മുകളില്‍ ആടുകള്‍ ഉണ്ടാകും. ഇന്നു വിപണിയില്‍ വില്‍ക്കുന്നതില്‍ ഭൂരിഭാഗവും ഇതര സംസ്ഥാനങ്ങളില്‍നിന്ന് കൊണ്ടുവരുന്ന ആടുകളാണ്. വിവാഹ സീസണ്‍ ആരഭിച്ചതിനാല്‍ വിപണിയില്‍ ആവശ്യക്കാരും കൂടുതലാണ്. മഴക്കാലം ആരംഭിച്ചാല്‍ ഇത്തരത്തില്‍ എത്തുന്ന ആടുകള്‍ കൂടുതല്‍ ചാകാന്‍ സാധ്യത‍യുണ്ട്. പരിശോധന നടത്തിയില്ലെങ്കില്‍ ചത്ത ആടുകള്‍ തീന്‍മേശയില്‍ എത്താന്‍ സാധ്യതയുണ്ടെന്നും മാനദണ്ഡങ്ങള്‍ പാലിക്കാതെയാണ് ആടുകളെ കൊണ്ടുവരുന്നതെന്നും കര്‍ഷക കോണ്‍ഗ്രസ് ജില്ലാ ജനറല്‍ സെക്രട്ടറി എബി ഐപ്പ് പറഞ്ഞു.

ബസും കാറും കൂട്ടിയിടിച്ച് മൂന്നു പേർക്കു പരിക്ക്

പാമ്പാടി: മാന്തുരുത്തി കുശിശുകവലയ്ക്ക് സമീപം കാറും ബസും കൂട്ടിയിടിച്ച് അപകടം. കാറിൽ ഉണ്ടായിരുന്ന മൂന്നു പേർക്ക് പരിക്കേറ്റു. ഇന്നലെ ഉച്ചകഴിഞ്ഞ് 2.30നായിരുന്നു അപകടം. ചങ്ങനാശേരിക്ക് പോയ ആരാധന ബസും വാഴൂർ ഭാഗത്തേക്ക് പോയ കാറുമാണ് കൂട്ടിയിടിച്ചത്. അപകടത്തിൽപ്പെട്ടവരെ നാട്ടുകാർ ആശുപത്രിയിൽ എത്തിച്ചു. പാമ്പാടി ഫയർഫോഴ്സ് സ്ഥലത്തെത്തി മേൽനടപടികൾ സ്വീകരിച്ചു. അപകടമുണ്ടായപ്പോൾ കറുകച്ചാൽ പോലീസ് സ്ഥലത്തെത്താൻ വൈകിയത് തർക്കങ്ങൾക്കു വഴിവച്ചു.

മാടപ്പള്ളിയിലെ സില്‍വര്‍ലൈന്‍ വിരുദ്ധ സത്യഗ്രഹം ഇന്ന് നാലാം വര്‍ഷത്തിലേക്ക്

ബെന്നി ചിറയില്‍ മാടപ്പള്ളി: സര്‍ക്കാരിനെ വിറകൊള്ളിച്ച മാടപ്പള്ളിയിലെ സില്‍വര്‍ലൈന്‍ വിരുദ്ധസമരം ഇന്ന് നാലാംവര്‍ഷത്തിലേക്കു കടക്കും. സില്‍വര്‍ലൈന്‍ പദ്ധതി പിന്‍വലിച്ച് ഉത്തരവിറക്കുക, സമരപോരാളികള്‍ക്കെതിരേ പോലീസ് എടുത്തിട്ടുള്ള വ്യാജക്കേസുകള്‍ പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സില്‍വര്‍ലൈന്‍ വിരുദ്ധ ജനകീയ സമിതി കോട്ടയം ജില്ലാ കമ്മിറ്റി മാടപ്പള്ളിയില്‍ സത്യഗ്രഹ സമരമാരംഭിച്ചത്. 2022 മാര്‍ച്ച് 17ന് മാടപ്പള്ളി റീത്തുപള്ളി ജംഗ്ഷനില്‍ സില്‍വര്‍ലൈന്‍ പ്രതിഷേധക്കാരെ പോലീസ് ക്രൂരമായി മര്‍ദിക്കുകയും സ്ത്രീകളെയടക്കം റോഡിലൂടെ വലിച്ചിഴയ്ക്കുകയും ചെയ്ത സ്ഥലത്താണ് 2022 ഏപ്രില്‍ 20ന് സ്ഥിരം സമരപ്പന്തല്‍കെട്ടി സമരം തുടങ്ങിയത്. രാഷ്‌ട്രീയ, സാമൂഹിക, സാംസ്‌കാരിക, പരിസ്ഥിതി മേഖലകളില്‍പ്പെട്ട നൂറോളം സംഘടനകള്‍ സമരപ്പന്തലില്‍ സത്യഗ്രഹസമരം നടത്തുകയും മത, സാമൂഹിക, സാംസ്‌കാരിക, രാഷ്‌ട്രീയ, പരിസ്ഥിതി നേതാക്കള്‍ സത്യഗ്രഹ സമരത്തിന് ഐക്യദാര്‍ഢ്യം പ്രഖ്യാപിച്ച് പ്രസംഗിക്കുകയും ചെയ്തിരുന്നു. സില്‍വര്‍ലൈന്‍ പദ്ധതി സര്‍ക്കാര്‍ തത്വത്തില്‍ നിര്‍ത്തിവച്ചിട്ടുണ്ടെങ്കിലും പദ്ധതിയില്‍നിന്നും പിന്‍മാറിയതായി ‍ പരസ്യമായി പ്രഖ്യാപിക്കാന്‍ സന്നദ്ധത കാട്ടിയിട്ടില്ല. ത്രിതല പഞ്ചായത്ത്, നിയമസഭാ തെരഞ്ഞെടുപ്പുകളില്‍ പ്രചാരണവിഷയമാക്കാന്‍ സമരസമിതി ആഗതമാകുന്ന തദ്ദേശസ്വയംഭരണ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും സമരസമിതി സില്‍വര്‍ലൈന്‍ പദ്ധതിക്കെതിരേ സംസ്ഥാനത്താകമാനം പ്രചാരണം കടുപ്പിക്കാനിടയുള്ളതിനാല്‍ തത്കാലം പദ്ധതി സംബന്ധിച്ച് പുതിയ നടപടിക്ക് സര്‍ക്കാര്‍ മുതിരാനിടയില്ല. പദ്ധതിയുടെ സാമൂഹികാഘാതപഠനത്തിനുവേണ്ടി 2021 ഓഗസ്റ്റ് 18നും ഒക്‌ടോബര്‍ 30നും സ്ഥലത്തിന്‍റെ സര്‍വേ നമ്പരുകളും ബ്ലോക്ക് നമ്പരും ഉള്‍പ്പെടുത്തി ഇറക്കിയ ഉത്തരവുകള്‍ നിലനില്‍ക്കുന്നതിനാല്‍ ഭൂവുടമകള്‍ക്ക് സ്ഥലം ക്രയവിക്രയം നടത്തുന്നതിനും ബാങ്ക് ലോണ്‍ ലഭിക്കുന്നതിനും വൈഷമ്യങ്ങള്‍ നേരിടുന്നുണ്ട്. വിലകുറച്ച് വില്‍ക്കാമെന്നു കരുതിയാലും വാങ്ങാനാളില്ലാത്ത അവസ്ഥയാണെന്ന് ഭൂവുടമകള്‍ പറയുന്നു. ഈ സാഹചര്യം സമരസമിതിയും യുഡിഎഫും തെരഞ്ഞെടുപ്പ് പ്രചാരണങ്ങളില്‍ വിഷയമാക്കാനുള്ള തീരുമാനമുണ്ടെന്നാണ് നേതാക്കള്‍ ചൂണ്ടിക്കാട്ടുന്നത്. സമരത്തിന്‍റെ പേരില്‍ ചങ്ങനാശേരി, ഏറ്റുമാനൂര്‍, വൈക്കം, കോട്ടയം കോടതികളിലായി നിരവധിപേരുടെ പേരില്‍ ഏറെ കേസുകളും നിലനില്‍ക്കുന്നുണ്ട്. ഈ 24ന് ചങ്ങനാശേരി കോടതിയില്‍ 28 പേര്‍ക്കെതിരേയുള്ള കേസിൽ വാദം കേള്‍ക്കും. ഇന്നു രാവിലെ മാടപ്പള്ളിയിലെ സമരപ്പന്തലില്‍ നടക്കുന്ന സത്യഗ്രഹസമരം അഡ്വ. പ്രമോദ് പുഴങ്കര ഉദ്ഘാടനം ചെയ്യും. സമരസമിതി ജില്ലാ ചെയര്‍മാന്‍ ബാബു കുട്ടന്‍ചിറ അധ്യക്ഷത വഹിക്കും.

അരുവിത്തുറയില്‍ ഇനി തിരുനാള്‍ ദിനങ്ങള്‍

അരുവിത്തുറ: മധ്യകേരളത്തിലെ പ്രമുഖ തീര്‍ഥാടന ദേവാലയമായ അരുവിത്തുറ സെന്‍റ് ജോര്‍ജ് ഫൊറോന പള്ളിയില്‍ വിശുദ്ധ ഗീവര്‍ഗീസ് സഹദായുടെ (അരുവിത്തുറ വല്യച്ചൻ) തിരുനാളിനു നാളെ കൊടിയേറും. 24നാണ് പ്രധാന തിരുനാള്‍. 18 ദിവസം നീണ്ടുനില്‍ക്കുന്ന തിരുനാള്‍ മേയ് രണ്ടിനു സമാപിക്കും. പേപ്പല്‍ പതാകകളും കൊടിതോരണങ്ങളും മുത്തുക്കുടകളും ചൂടി അരുവിത്തുറ പട്ടണം തിരുനാളിനായി ഒരുങ്ങി. നാളെ വൈകുന്നേരത്തോടെ പള്ളിയും പരിസരവും ദീപാലംകൃതമാകും. തിരുനാളിന് ഒരുക്കമായുള്ള നൊവേന 12ന് ആരംഭിച്ചിരുന്നു. നാളെ വൈകുന്നേരം നാലിന് വികാരി ജനറാള്‍ ഫാ. സെബാസ്റ്റ്യന്‍ വേത്താനത്ത് വിശുദ്ധ കുര്‍ബാന അര്‍പ്പിക്കും. 5.45ന് ഫൊറോന വികാരി ഫാ. സെബാസ്റ്റ്യന്‍ വെട്ടുകല്ലേല്‍ കൊടിയേറ്റുകര്‍മം നിര്‍വഹിക്കും. തുടര്‍ന്ന് ആറിനു പുറത്തു നമസ്‌കാരം. 6.45ന് 101 പൊന്‍കുരിശുകളുമായി നഗരപ്രദക്ഷിണം. കൊടിയേറ്റിനു ശേഷം വടക്കേക്കര കുരിശു പള്ളിയിലേക്ക് നടക്കുന്ന 101 സ്വര്‍ണക്കുരിശുമേന്തിയുള്ള നഗരപ്രദക്ഷിണമാണ് തിരുനാളിന്‍റെ പ്രധാന ആകര്‍ഷണം. 23ന് രാവിലെ 9.30ന് അരുവിത്തുറ വല്യച്ചന്‍റെ പ്രസിദ്ധമായ തിരുസ്വരൂപം മോണ്ടളത്തില്‍ പരസ്യവണക്കത്തിനായി പ്രതിഷ്ഠിക്കും. രാവിലെ 10നും 12നും 1.30നും 2.45നും വിശുദ്ധ കുര്‍ബാന, നൊവേന. വൈകുന്നേരം 4.30ന് ബിഷപ് മാര്‍ ജോസഫ് കല്ലറങ്ങാട്ട് വിശുദ്ധ കുര്‍ബാന അര്‍പ്പിച്ച് സന്ദേശം നല്‍കും. 6.30ന് തിരുനാള്‍ പ്രദക്ഷിണം. പ്രധാന തിരുനാള്‍ ദിനമായ 24ന് പൂര്‍ണദണ്ഡവിമോചന ദിനമാണ്. അന്നേ ദിവസം രാവിലെ 10ന് സീറോ മലബാര്‍ സഭ കൂരിയാ ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കല്‍ തിരുനാള്‍ റാസ അര്‍പ്പിച്ച് സന്ദേശം നല്‍കും. 12.30ന് തിരുനാള്‍ പ്രദക്ഷിണം. രാവിലെ 5.30നും 6.45നും എട്ടിനും ഉച്ചകഴിഞ്ഞ് മൂന്നിനും 4.15നും 5.30നും 6.45നും വിശുദ്ധ കുര്‍ബാന, നൊവേന. 25ന് ഇടവകക്കാരുടെ തിരുനാളായി ആചരിക്കും. രാവിലെ 5.30 നും 6.45 നും 8 നും 9.15നും 10.30നും 12 നും 1.30 നും 2.45 നും വിശുദ്ധ കുര്‍ബാന, നൊവേന. വൈകുന്നേരം 4.30ന് ബിഷപ് മാര്‍ ജോസ് പുളിക്കല്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കും. രാത്രി ഏഴിന് തിരുസ്വരൂപ പുനഃപ്രതിഷ്ഠ. 7.30ന് ഫ്യൂഷന്‍ പ്രോഗ്രാം. മേയ് ഒന്ന് എട്ടാമിട ദിനത്തില്‍ വൈകുന്നേരം നാലിന് ബിഷപ് മാര്‍ ജോസഫ് കൊല്ലംപറന്പില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കും. പൂര്‍വിക സ്മരണയോടെ മേയ് രണ്ടിന് തിരുനാള്‍ സമാപിക്കും. എല്ലാ വഴികളും ഇനി വല്യച്ചന്‍റെ സന്നിധിയിലേക്ക് അരുവിത്തുറ: ചരിത്രമുറങ്ങുന്നതും കാലത്തിന്‍റെ അടയാളങ്ങളായി നിലനില്‍ക്കുന്ന ഏഴര പള്ളികളില്‍ ഒന്ന് എന്നു വിശ്വസിക്കുന്നതുമായ അരുവിത്തുറ പള്ളി മധ്യകേരളത്തിലെ ഏറ്റവും കൂടുതല്‍ തീര്‍ഥാടകരെത്തുന്ന ക്രിസ്തീയ ദേവാലയങ്ങളിലൊന്നാണ്. നാളെ തിരുനാളിന് കൊടിയേറുന്നതോടെ വിശുദ്ധ ഗീവര്‍ഗീസ് സഹദായെ വണങ്ങി അനുഗ്രഹം തേടിയെത്തുന്നവരാല്‍ പള്ളിയും പരിസരവും തിങ്ങി നിറയും. വല്യച്ചനെ വണങ്ങി നേര്‍ച്ചകാഴ്ചകള്‍ സമര്‍പ്പിച്ച് അനുഗ്രഹം പ്രാപിക്കാനായി അരുവിത്തുറയില്‍ നിന്നും സമീപപ്രദേശങ്ങളില്‍ നിന്നും ഹൈറേഞ്ചിലേക്കും മലബാറിലേക്കും മറ്റു സ്ഥലങ്ങളിലേക്കും കുടിയേറിയവര്‍ ഓടിയെത്തുന്ന അവസരമാണ് തിരുനാള്‍ ദിനങ്ങള്‍. 23നു രാവിലെ പരസ്യവണക്കത്തിനായി അള്‍ത്താരയില്‍നിന്നും വല്യച്ചന്‍റെ തിരുസ്വരൂപം മോണ്ടളത്തില്‍ പ്രതിഷ്ഠിക്കുന്നതോടെ അരുവിത്തുറ വിശ്വാസിസാഗരമാകും. തിരുസ്വരൂപത്തില്‍ പുഷ്പമാല്യം ചാര്‍ത്താനും നേര്‍ച്ചകാഴ്ചകള്‍ സമര്‍പ്പിക്കാനും തൊട്ടുവണങ്ങാനും അനേകായിരങ്ങള്‍ എത്തിച്ചേരും. 12 തിരി കത്തിച്ചുള്ള പാട്ടു കുര്‍ബാന, നൊവേന, അരി നേര്‍ച്ച, കള്ളപ്പം നേര്‍ച്ച, ഏലക്കാ മാല നേര്‍ച്ച, വാഴക്കുല നേര്‍ച്ച, കുരുമുളക് നേര്‍ച്ച, കോഴി നേര്‍ച്ച, നേര്‍ച്ച രൂപങ്ങള്‍ സമര്‍പ്പിക്കുക എന്നിവയാണ് ഇവിടത്തെ പ്രധാന നേര്‍ച്ചകള്‍.

ലോക വൃക്ഷദിനത്തിൽ തിടനാട് ടൗണിലെ വാകമരത്തെ ആദരിക്കും

തിടനാട്: ലോക വൃക്ഷദിനത്തിൽ തിടനാട് ടൗണിലെ വാകമരത്തെ ആദരിക്കും. 80 വർഷം മുമ്പ് നങ്ങാപറമ്പിൽ കുട്ടിച്ചേട്ടൻ പാലും ചായയും ഒഴിച്ചു വളർത്തി തിടനാടിന്‍റെ അടയാളമായി മാറിയ വാകമരമാണ് ലോക വൃക്ഷദിനത്തിൽ പാലും ചായയും ഒഴിച്ചു വിവിധ പരിസ്ഥിതി സംഘടനകൾ ആദരിക്കുന്നത്. വൃക്ഷായുർവേദ ചികിത്സകൻ കെ. ബിനു, വൃക്ഷപരിസ്ഥിതി സംരക്ഷണ സമിതി കോ - ഓർഡിനേറ്റർ ഗോപകുമാർ കങ്ങഴ, മീനച്ചിൽ റിവർ പ്രൊട്ടക്ഷൻ കൗൺസിൽ കോ- ഓർഡിനേറ്റർ എബി പൂണ്ടിക്കുളം, പരിഷത്ത് പ്രർത്തകൻ - പയസ് കയ്യാണി, സുധീഷ് വാഴൂർ, യോഗാചാര്യൻ ഡോ. രാജേഷ് കമാൻചിറ, സുരേഷ് കൂരോപ്പട, ജോർജ് സെബാസ്റ്റ്യൻ നങ്ങാപറമ്പിൽ, കർഷകവേദി പ്രവർത്തകർ എന്നിവർ പങ്കെടുക്കും.

മീനച്ചിലാറിന്‍റെ തീരത്ത്, സൗന്ദര്യം ആസ്വദിച്ച്, കാറ്റേറ്റ് സായാഹ്നം ചെലവഴിക്കാന്‍ ഒരിടം

കിടങ്ങൂര്‍: കുറച്ചുനാള്‍ മുന്‍പുവരെ കിടങ്ങൂര്‍ പാലം മുതല്‍ കട്ടച്ചിറ വരെയുള്ള പുതിയ ബൈപാസ് റോഡ് കാടുപിടിച്ച് മാലിന്യം നിക്ഷേപിക്കുന്ന സ്ഥലമായിരുന്നു. എന്നാല്‍ ഇന്ന് ഒരു കൂട്ടം പ്രകൃതിസ്‌നേഹികളുടെ പരിശ്രമംകൊണ്ട് കഥയാകെ മാറി. കാടുകള്‍ വെട്ടിത്തെളിച്ച് മാലിന്യം നീക്കം ചെയ്ത് അവര്‍ പരിസരം വൃത്തിയാക്കി. റോഡിന്‍റെ വശങ്ങളില്‍ ചെടികള്‍ വച്ചുപിടിപ്പിച്ച് മനോഹരമാക്കി. പുഴയോരം റെസിഡന്‍റ്സ് അസോസിയേഷന്‍ ഭാരവാഹികളും സമീപവാസികളും ഈ ഉദ്യമത്തില്‍ പങ്കു ചേര്‍ന്നു. കിടങ്ങൂര്‍ പഞ്ചായത്തിലെ പതിമൂന്നാം വാര്‍ഡില്‍ പ്രവര്‍ത്തിക്കുന്ന പുഴയോരം റെസിഡന്‍റ്സ് വെല്‍ഫെയര്‍ അസോസിയേഷന്‍ ഇതോടെ കൂടുതല്‍ ശ്രദ്ധേയമായി. കിടങ്ങൂരില്‍ 2018 മുതല്‍ പ്രവര്‍ത്തിക്കുന്ന കൂട്ടായ്മയാണ് പുഴയോരം റെസിഡന്‍റ്സ് വെല്‍ഫെയര്‍ അസോസിയേഷന്‍. പൊതുസ്ഥലങ്ങളുടെ ശുചീകരണം, പ്ലാസ്റ്റിക് ഉള്‍പ്പെടെയുള്ള മാലിന്യങ്ങളുടെ നിര്‍മാര്‍ജനം, ബോധവത്കരണ ക്ലാസുകള്‍, ഉന്നത വിജയം കരസ്ഥമാക്കിയവര്‍ക്ക് ആദരവുകള്‍, ചികിത്സാസഹായങ്ങള്‍, കിടങ്ങൂര്‍ ബൈപാസിന്‍റെ സൗന്ദര്യവത്കരണം, ആരോഗ്യസംരക്ഷണം ഉള്‍പ്പെടെയുള്ള വിവിധ കാര്യങ്ങളില്‍ ബോധവത്കരണം നടത്തുക എന്നിങ്ങനെ ജനക്ഷേമകരമായ വിവിധ പ്രവര്‍ത്തനങ്ങളില്‍ അസോസിയേഷന്‍ ഏര്‍പ്പെട്ടുവരുന്നു. കട്ടച്ചിറ ചെക്ക് ഡാമിന് സമീപം മിനി ഹൈമാസ്റ്റ് ലൈറ്റ്, സിസി ടിവി കാമറ എന്നിവ സ്ഥാപിക്കുന്നതിനുള്ള നടപടികള്‍ പൂര്‍ത്തിയായി വരുന്നു. സഞ്ചാരികള്‍ക്ക് വിശ്രമിക്കാന്‍ ഏതാനും ചാരുബെഞ്ചുകള്‍ ഇട്ടും ചെക്ക്ഡാമിലേക്ക് ഇറങ്ങാന്‍ കല്‍പ്പടവുകള്‍ നിര്‍മിച്ചും കൈവരികള്‍ സ്ഥാപിച്ചും ധാരാളം പൂച്ചെടികള്‍ നട്ടുപിടിപ്പിച്ചും ഇവിടം മനോഹരമായ ഉദ്യാനമാക്കി മാറ്റാനുള്ള ശ്രമത്തിലാണ് അവര്‍. ഒന്നര കിലോമീറ്റര്‍ ദൂരമുള്ള ചാലക്കടവ് -കട്ടച്ചിറ ബൈപാസ് റോഡ് മൂന്ന് കോടിയോളം രൂപ മുടക്കി അടുത്തിടെയാണ് ആധുനിക നിലവാരത്തിലെത്തിച്ചത്. മീനച്ചിലാറിന്‍റെ തീരത്തുകൂടിയുള്ള ഈ റോഡ് പ്രകൃതിഭംഗി നിറഞ്ഞതാണ്. അധികൃതര്‍ മുന്‍കൈയെടുത്താല്‍ ഒരു വഴിയോര വിശ്രമകേന്ദ്രമാക്കിയെടുക്കാവുന്നതാണെന്ന് അസോസിയേഷന്‍ പ്രവര്‍ത്തകര്‍ പറയുന്നു. പ്രശാന്ത സുന്ദരമായ അന്തരീക്ഷത്തില്‍ യാത്രക്കാര്‍ക്ക് മനസിന് കുളിര്‍മയേകുന്നതാണിവിടുത്തെ കാഴ്ചകള്‍. മീനച്ചിലാറിന്‍റെ തണുത്ത കാറ്റേറ്റ്, സൗന്ദര്യം ആസ്വദിച്ച് ഒരു സായാഹ്നം ചെലവഴിക്കാം.

അവാര്‍ഡുകളുടെ തിളക്കത്തില്‍ അല്‍ഫോന്‍സാ കോളജ്

പാലാ: ‍ അല്‍ഫോന്‍സാ കോളജ് പാലാ നഗരസഭയിലെ ഹരിത കലാലയമായി തെരഞ്ഞെടുക്കപ്പെട്ടു. ലോക വിദ്യാഭ്യാസ കോണ്‍ഗ്രസ് അവാര്‍ഡും അല്‍ഫോന്‍സാ കോളജിന് ലഭിച്ചു. കേരളത്തിലെയും ലക്ഷദ്വീപിലെയും ഏറ്റവും മികച്ച വിദ്യാഭ്യാസ സ്ഥാപനത്തിന് നല്‍കുന്ന അവാര്‍ഡാണിത്. അക്കാഡമിക് രംഗത്തും കായികരംഗത്തും സാമൂഹികരംഗത്തും അല്‍ഫോന്‍സാ കോളജ് നല്‍കിയ വലിയ സംഭാവനകളെ പരിഗണിച്ചാണ് ഈ അവാര്‍ഡ് കോളജിന് ലഭിച്ചത്. സീറോ ഫുഡ് വേസ്റ്റ് സംവിധാനം, വെർമി കമ്പോസ്റ്റ്, ഓര്‍ഗാനിക് ഫാമിംഗ്, പ്ലാസ്റ്റിക് രഹിത കലാലയം എന്നിവയെല്ലാം അവാര്‍ഡ് കരസ്ഥമാക്കാന്‍ കോളജിനെ സഹായിച്ചു. വിവിധ രംഗങ്ങളില്‍ ഒട്ടേറെ നേട്ടങ്ങളാണ് കോളജ് സ്വന്തമാക്കിയത്. നാക്ക് ഫിഫ്ത്ത് സൈക്കിള്‍ എ പ്ലസ് ഗ്രേഡോടെ റീഅക്രഡിറ്റേഷന്‍ കരസ്ഥമാക്കി. വര്‍ഷങ്ങളായി എംജി യൂണിവേഴ്‌സിറ്റി പരീക്ഷകളില്‍ ഏറ്റവും കൂടുതല്‍ റാങ്കുകളും എ പ്ലസുകളും കോളജിനു സ്വന്തമാണ്. എംജി യൂണിവേഴ്‌സിറ്റി മികച്ച എന്‍എസ്എസ് യൂണിറ്റിനുള്ള മോസസ് അവാര്‍ഡ് കോളജിനു ലഭിച്ചു. മികച്ച എന്‍എസ്എസ് ഫ്രണ്ട്‌ലി പ്രിന്‍സിപ്പല്‍, മികച്ച പ്രോഗ്രാം ഓഫീസര്‍, മികച്ച എന്‍എസ്എസ് വോളണ്ടിയര്‍ എന്നീ അവാര്‍ഡുകളും കോളജ് കരസ്ഥമാക്കി. ഡിഎസ്ടി ഫിസ്റ്റ്, ഡിബിടി സ്റ്റാര്‍, ഡിഎസ്ടി ക്യൂറി തുടങ്ങിയ വിവിധ പദ്ധതികളിലായി കേന്ദ്രസര്‍ക്കാരിന്‍റെ 2.86 കോടി രൂപ ഗ്രാന്‍ഡ് കോളജ് സ്വന്തമാക്കി. ഇത്തവണത്തെ എംജി യൂണിവേഴ്‌സിറ്റി അത്‌ലറ്റിക് കിരീടവും കോളജിനു ലഭിച്ചു. 60 വര്‍ഷം പിന്നിട്ട കോളജില്‍ വിദ്യാര്‍ഥിനികള്‍ക്ക് മികച്ച പഠനാന്തരീക്ഷവും സുരക്ഷിതമായ ഹോസ്റ്റല്‍ സൗകര്യങ്ങളുമാണ് ഏര്‍പ്പെടുത്തിയിരിക്കുന്നതെന്ന് പ്രിന്‍സിപ്പല്‍ റവ. ഡോ. ഷാജി ജോണ്‍ പുന്നത്താനത്തുകുന്നേല്‍ പറഞ്ഞു. കഴിഞ്ഞ വര്‍ഷം കേരളത്തിലെ ഏറ്റവും നല്ല കായിക കോളജായും തെരഞ്ഞെടുക്കപ്പെട്ടു. മികച്ച നേട്ടങ്ങള്‍ കൈവരിക്കുന്ന കോളജിനെ രക്ഷാധികാരി മാര്‍ ജോസഫ് കല്ലറങ്ങാട്ട്, മാനേജര്‍ മോണ്‍. ഡോ. ജോസഫ് തടത്തില്‍, പ്രിന്‍സിപ്പല്‍ റവ. ഡോ. ഷാജി ജോണ്‍, വൈസ് പ്രിന്‍സിപ്പല്‍മാരായ സിസ്റ്റര്‍ ഡോ. മിനിമോള്‍ മാത്യു, സിസ്റ്റര്‍ ഡോ. മഞ്ജു എലിസബത്ത് കുരുവിള, ബര്‍സാര്‍ ഫാ. കുര്യാക്കോസ് വെള്ളച്ചാലില്‍ എന്നിവര്‍ അഭിനന്ദിച്ചു.

പാവം ജനം ചോദിക്കുന്നു, ആരാ ശരി; ദുരിതക്കയത്തിന് പിന്നാലെ അവകാശപ്രളയവും

കുറവിലങ്ങാട്: ഇക്കുറിയും പതിവ് തെറ്റിയില്ല. കേരള കോൺഗ്രസുകളുടെ അവകാശവാദങ്ങളുടെ തുടർക്കഥയിൽ ഇടത്, വലത് മുന്നണികളും. കടപ്ലാമറ്റം പഞ്ചായത്താണ് ഇക്കുറി വേദി. വിഷയം റോഡ് വികസനം തന്നെ. വെമ്പള്ളി-വയലാ-കുമ്മണ്ണൂർ റോഡിന്‍റെ റീടാറിംഗാണ് പുതിയ വിഷയം. ഈ റോഡ് ബിഎംബിസി ടാറിംഗ് അടുത്ത ദിവസം ആരംഭിക്കുമെന്ന പ്രസ്താവനയുമായി ആദ്യം രംഗത്തെത്തിയത് എൽഡിഎഫ് നേതൃത്വമാണ്. എൽഡിഎഫ് നിയോജകമണ്ഡലം നേതാവ് തോമസ് ടി. കീപ്പുറവും സിപിഎം പാലാ ഏരിയ നേതാവ് പി.എം. ജോസഫുമാണ് അറിപ്പുമായി ആദ്യമെത്തിയത്. ജോസ് കെ. മാണി എംപിയടക്കമുള്ള എൽഡിഎഫ് നോതാക്കളുടെ ശ്രമഫലമായാണ് റോഡ് വികസനം യാഥാർഥ്യമായതെന്നായിരുന്നു അവകാശവാദം. ഇതിനുപിന്നാലെ റോഡ് വികസനം ആരംഭിക്കുമെന്ന അറിയിപ്പുമായി മോൻസ് ജോസഫ് എംഎൽഎയും രംഗത്തെത്തി. 21, 22 തീയതികളിൽ വികസനം ആരംഭിക്കുമെന്ന് പൊതുമരാമത്ത് അറിയിച്ചതായി എൽഡിഎഫ് അറിയിച്ചപ്പോൾ ഇതേ തീയതികളിൽ വികസനം തുടങ്ങാൻ നിർദേശം നൽകിയതായാണ് എംഎൽഎയുടെ അറിയിപ്പ്. ജനങ്ങളുടെ ദുരിതം മൂന്നു വർഷം വെമ്പള്ളി-വയലാ-കുമ്മണ്ണൂർ റോഡിലെ ദുരിതയാത്ര തുടങ്ങിയിട്ട് മൂന്നു വർഷമായി. തകർന്ന റോഡിലൂടെ നടുവൊടിച്ച യാത്ര മൂന്നു വർഷമായി തുടർന്നതോടെ ജനം കടുത്ത പ്രതിഷേധത്തിലും ദുരിതത്തിലുമായിരുന്നു. വികസനം സംബന്ധിച്ച് അവകാശവാദങ്ങൾ ആര് ഉന്നയിച്ചാലും വേണ്ടില്ല, ദുരിതയാത്രയ്ക്ക് അന്ത്യംവന്നാൽ മതിയെന്നാണ് സാധാരണ ജനങ്ങളുടെ നിലപാട്. പ്രതിഷേധവുമായി യുഡിഎഫ് കടപ്ലാമറ്റം: മൂന്നു വർഷമായി തകർന്നുകിടന്ന വെമ്പള്ളി-വയലാ-കടപ്ലാമറ്റം-കുമ്മണ്ണൂർ റോഡ് നന്നാക്കുന്ന കാര്യത്തിൽ തിരിഞ്ഞുനോക്കിയിട്ടില്ലാത്തവർ നിർമാണജോലിയുടെ പിതൃത്വം ഏറ്റെടുക്കുന്നത് രാഷ്‌ട്രീയ അപഹാസ്യമാണെന്ന് യുഡിഎഫ് കടുത്തുരുത്തി നിയോജകമണ്ഡലം കൺവീനർ മാഞ്ഞൂർ മോഹൻകുമാർ, കേരള കോൺഗ്രസ് കാണക്കാരി മണ്ഡലം പ്രസിഡന്‍റ് റോയി ചാണകപ്പാറ, കടപ്ലാമറ്റം മണ്ഡലം പ്രസിഡന്‍റ് തോമസ് ആൽബർട്ട് എന്നിവർ ആരോപിച്ചു. സർക്കാർ അനാസ്ഥമൂലം റോഡ് മോശമായി കിടക്കുമ്പോൾ എംഎൽഎയെ കുറ്റംപറയുകയും എംഎൽഎയുടെ നിരന്തര ഇടപെടലിലൂടെ പ്രശ്നങ്ങൾ പരിഹരിച്ച് ടാറിംഗ് ആരംഭിക്കുമ്പോൾ ക്രെഡിറ്റെടുക്കാൻ ഓടിയെത്തുകയും ചെയ്യുന്ന എൽഡിഎഫ് നേതാക്കളുടെ നിലപാട് തികച്ചും ലജ്ജാകരമാണെന്ന് യുഡിഎഫ് നേതാക്കൾ കുറ്റപ്പെടുത്തി.

കാൽനടയാത്രക്കാർക്ക് ഭീഷണിയായി മരത്തടികൾ

കാഞ്ഞിരപ്പള്ളി: ദേശീയപാതയിൽ കാഞ്ഞിരപ്പള്ളി മിനി സിവിൽ സ്റ്റേഷന് സമീപം കൂട്ടിയിട്ടിരിക്കുന്ന മരത്തടികൾ കാൽനടയാത്രക്കാർക്കു ദുരിതമാകുന്നു. സിവിൽ സ്റ്റേഷന് മുൻവശത്ത് പുറന്പോക്കിൽ പൊതുജനങ്ങൾക്ക് അപകടഭീഷണി ഉയർത്തിയ വാകമരമാണ് ഒരുവർഷം മുന്പ് വെട്ടിമാറ്റിയത്. മുറിച്ചുമാറ്റിയ മരങ്ങളുടെ അവശിഷ്ടങ്ങളും ചില്ലകളുൾപ്പെടെയുള്ള ഭാഗങ്ങളാണ് മിനിസിവിൽ സ്റ്റേഷന്‍റെ സമീപത്തായി കൂനകൂട്ടിയിട്ടിരിക്കുന്നത്. ഇത് കാൽനടയാത്രക്കാരെ ഏറെ ദുരിതത്തിലാക്കുന്നു. കൊടുംവളവിലെ നടപ്പാതയിൽ തടികൾ കിടക്കുന്നതിനാൽ റോഡിലൂടെ നടക്കേണ്ട സ്ഥിതിയിലാണ് കാൽനടയാത്രക്കാർ. വളവുതിരിഞ്ഞെത്തുന്ന വാഹനങ്ങൾ കാൽനടയാത്രക്കാരെ ഇടിച്ച് അപകടം ഉണ്ടാകാനുള്ള സാധ്യതയും ഏറെയാണ്. ദൂരെസ്ഥലങ്ങളിലേക്ക് പോകുന്ന ഇരുചക്രയാത്രികർ ഇവിടെ പാർക്ക് ചെയ്തിട്ടായിരുന്നു ഓഫീസുകളിലേക്കും മറ്റുമായി പോകുന്നത്. എന്നാൽ, മരത്തടികൾ കൂട്ടിയിട്ടിരിക്കുന്നതിനാൽ പാർക്കിംഗിനുള്ള ഇടങ്ങൾ നഷ്ടപ്പെട്ടിരിക്കുകയാണ്. കാൽനടയാത്രക്കാർക്ക് ഭീഷണിയായി മാറിയിരിക്കുന്ന മരത്തടികൾ എത്രയും വേഗം നീക്കം ചെയ്യണമെന്ന ആവശ്യം ശക്തമായിരിക്കുകയാണ്.

മൂർഖൻപാമ്പിനെ പിടികൂടി

എരുമേലി: മൂർഖൻമാർ ഉൾപ്പെടെ പാമ്പുകൾ തുടർച്ചയായി എത്തുകയാണ് എരുമേലി ചരളമലയിൽ ഭാഗത്ത്‌ വട്ടക്കയം നൗഷാദിന്‍റെ വീട്ടിൽ. ഒടുവിൽ ശനിയാഴ്ച വൈകുന്നേരം മൂർഖൻപാമ്പിനെ വനപാലകരെത്തി പിടികൂടി കൊണ്ടുപോയി. എലിയെ വിഴുങ്ങിയശേഷം വീടിന്‍റെ മേൽക്കൂരയിൽനിന്ന് ഏറെ സമയം കഴിഞ്ഞിട്ടും പാമ്പ്‌ പോകാതെ വന്നതോടെ വനപാലകരെ അറിയിക്കുകയായിരുന്നു. പാമ്പുകളെക്കൊണ്ട് ഉപദ്രവം ഇതുവരെ ഉണ്ടായിട്ടില്ലെന്നും അതുകൊണ്ട് പാമ്പുകൾ തുടർച്ചയായി വരുന്നത് അത്ര കാര്യമാക്കാറില്ലെന്നും വീട്ടുകാർ പറയുന്നു. പാമ്പുകൾ വീട്ടിൽനിന്നും പോകാതിരിക്കുമ്പോഴാണ് വനം വകുപ്പിൽ അറിയിക്കുക. പലപ്പോഴായി വനംവകുപ്പ് ഇവിടെനിന്നു മൂർഖൻ ഉൾപ്പെടെ പാമ്പുകളെ പിടികൂടിയെങ്കിലും പറമ്പിലും വീടിന്‍റെ പരിസരത്തും ഇടയ്ക്കിടെ പാമ്പുകളുടെ സാന്നിധ്യമുണ്ടാകാറുണ്ട്. ഇത്തവണ എലിയെ വിഴുങ്ങിയ മൂർഖൻ കുറെസമയം കഴിഞ്ഞിട്ടും വീടിന്‍റെ മേൽക്കൂരയിൽനിന്നും സ്ഥലം വിട്ടില്ല. ഇതോടെ പൊതുപ്രവർത്തകൻ എം.എ. നിഷാദ് അറിയിച്ചതിനെത്തുടർന്ന് വനംവകുപ്പിലെ വണ്ടൻപതാൽ സ്റ്റേഷനിലെ ആർആർടി ടീം എത്തി പിടികൂടി റെസ്‌ക്യു സെന്‍ററിലേക്ക് കൊണ്ടുപോയി.

ഉത്ഥാനത്തിന്‍റെ ചൈതന്യം കൂട്ടായ്മയിലേക്ക് നയിക്കും: മാർ ജോസ് പുളിക്കൽ

കാഞ്ഞിരപ്പള്ളി: ഉത്ഥാനത്തിന്‍റെ ചൈതന്യം കൂട്ടായ്മയിലേക്ക് നയിക്കുമെന്ന് കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ. കാഞ്ഞിരപ്പള്ളി സെന്‍റ് ഡൊമിനിക്സ് കത്തീഡ്രലിലെ ഉയിർപ്പ് തിരുനാൾ ശുശ്രൂഷകൾക്ക് കാർമികത്വം വഹിച്ച് സന്ദേശം നൽകുകയായിരുന്നു അദ്ദേഹം. അകലങ്ങളില്ലാതെ അടുത്തുനിൽക്കുന്നതിനും നിരാശയിൽ താഴാതെ പ്രത്യാശയോടെ ജീവിക്കുന്നതിനുമുള്ള ആഹ്വാനമാണ് ഉയിർപ്പ് തിരുനാൾ നൽകുന്നത്. ഉത്ഥാന രഹസ്യം ഉൾക്കൊള്ളാത്തിടത്ത് ഭിന്നതയും വിഭാഗീയതയും നിരാശയും ശക്തിപ്പെടും. സമൂഹത്തിലും കുടുംബത്തിലും ആരെയും തളരാനും ഒറ്റപ്പെടാനും അനുവദിക്കാതിരിക്കുവാൻ തക്കവിധം വിശ്വാസജീവിതം കരുത്താർജിക്കണം. നിസഹായരായ സഹോദരങ്ങളെ ആശ്വസിപ്പിക്കുന്ന അലിവുള്ള ഹൃദയം അനേകർക്ക് തണലാകും. ഉത്ഥാനത്തിന്‍റെ സന്തോഷത്തിൽ സാക്ഷ്യജീവിതം നയിക്കുവാൻ നമുക്ക് കടമയുണ്ടെന്നും മാർ ജോസ് പുളിക്കൽ കൂട്ടിച്ചേർത്തു. സെന്‍റ് ഡൊമിനിക്സ് കത്തീഡ്രലിൽ ഉയിർപ്പ് ഞായറാഴ്ച പുലർച്ചെ രൂപതാധ്യക്ഷൻ മാർ ജോസ് പുളിക്കലിന്‍റെ കാർമികത്വത്തിൽ നടത്തപ്പെട്ട ഉയിർപ്പ് തിരുനാൾ ശുശ്രൂഷകളിൽ കത്തീഡ്രൽ വികാരിയും ആർച്ച്പ്രീസ്റ്റുമായ റവ. ഡോ. കുര്യൻ താമരശേരി, ഫാ. ജേക്കബ് ചാത്തനാട്ട്, ഫാ. ജോസഫ് ആലപ്പാട്ടുകുന്നേൽ, ഫാ. തോമസ് മുളങ്ങാശേരിൽ, സന്യാസിനികൾ എന്നിവരുൾപ്പെടെയുള്ള വിശ്വാസി സമൂഹം പങ്കുചേർന്നു.

ദുരിതമനുഭവിക്കുന്നവർക്ക് ഉയിർപ്പ് പ്രത്യാശയേകട്ടേ: പരിശുദ്ധ കാതോലിക്കാ ബാവ

വാഴൂർ: സമൂഹത്തിൽ പലവിധമായ ദുരിതങ്ങളാൽ വേദനിക്കുന്നവർക്ക് യേശുക്രിസ്തുവിന്‍റെ ഉയിർപ്പ് പ്രത്യാശയേകട്ടേയെന്ന് മലങ്കരസഭയുടെ പരമാധ്യക്ഷനും മലങ്കര മെത്രാപ്പോലീത്തയുമായ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ. വാഴൂർ സെന്‍റ് പീറ്റേഴ്സ് പള്ളിയിൽ ഉയിർപ്പ് തിരുനാൾ ശുശ്രൂഷയ്ക്ക് മുഖ്യകാർമികത്വം വഹിച്ച് പ്രസംഗിക്കുകയായിരുന്നു ഓർത്തഡോക്സ് സഭാധ്യക്ഷൻ. ഒരാഴ്ചക്കാലം ഇടവകയിൽ താമസിച്ചാണ് കാതോലിക്കാ ബാവ ശുശ്രൂഷകൾക്ക് നേതൃത്വം നൽകിയത്. മാതൃഇടവകയിലെ വിശ്വാസികൾ നൽകിയ സ്നേഹത്തിന് പരിശുദ്ധ കാതോലിക്കാ ബാവ നന്ദി രേഖപ്പെടുത്തി. വാഴൂർ സെന്‍റ് പീറ്റേഴ്സ് പള്ളിയിലെ ഉയിർപ്പ് തിരുനാളിനോടനുബന്ധിച്ച് ഉയിർപ്പ് പ്രഖ്യാപനവും പ്രദക്ഷിണവും വിശുദ്ധ കുർബാനയും നടത്തി. വികാരി ഫാ. കുറിയാക്കോസ് മാണി, സഹവികാരി ഫാ. ജേക്കബ് ഫിലിപ്പോസ്, ട്രസ്റ്റി എം.എ. അന്ത്രയോസ് മറ്റത്തിൽ, സെക്രട്ടറി സെബിൻ ബാബു പുതുപ്പറമ്പിൽ എന്നിവരുടെ നേതൃത്വത്തിലായിരുന്നു ചടങ്ങുകൾ ഏകോപിപ്പിച്ചത്.

ഫ്യൂച്ചർ സ്റ്റാർസ് ലീഡർഷിപ്പ് ക്യാമ്പ് നടത്തി

അരുവിത്തുറ: സെബാസ്റ്റ്യൻ കുളത്തുങ്കൽ എംഎൽഎ നേതൃത്വം നൽകുന്ന എംഎൽഎ സർവീസ് ആർമി പൂഞ്ഞാറിന്‍റെ കീഴിലുള്ള വിദ്യാഭ്യാസ ഗുണമേന്മാ പദ്ധതിയായ ഫ്യൂച്ചർ സ്റ്റാർസ് എഡ്യുക്കേഷൻ പ്രോജക്ടിന്‍റെ ആഭിമുഖ്യത്തിൽ പൂഞ്ഞാർ നിയോജകമണ്ഡലത്തിലെ ഹൈസ്കൂൾ, ഹയർ സെക്കൻഡറി സ്കൂൾ വിദ്യാർഥികൾക്കുവേണ്ടി അവധിക്കാല നേതൃപരിശീലന ക്യാമ്പ് അരുവിത്തുറ സെന്‍റ് ജോർജ് കോളജ് സെമിനാർ ഹാളിൽ നടത്തി. ലേബർ ഇന്ത്യ സ്കൂൾ ചെയർമാൻ ജോർജ് കുളങ്ങര ക്യാമ്പ് ഉദ്ഘാടനം ചെയ്തു. ഫ്യൂച്ചർ സ്റ്റാർസ് എഡ്യുക്കേഷൻ പ്രോജക്ട് ഡയറക്ടർ ഡോ. ആൻസി ജോസഫ് അധ്യക്ഷത വഹിച്ചു. കോളജ് ബർസാർ ഫാ. ബിജു കുന്നക്കാട്ട് മുഖ്യപ്രഭാഷണം നടത്തി. പൂഞ്ഞാർ നിയോജകമണ്ഡലത്തിലെ വിവിധ ഹൈസ്കൂൾ, ഹയർസെക്കൻഡറി സ്കൂളുകളിൽനിന്ന് മാനദണ്ഡങ്ങൾപ്രകാരം തെരഞ്ഞെടുത്ത 57 കുട്ടികളാണ് ക്യാമ്പിൽ പങ്കെടുത്തത്. കുട്ടികളിലെ നേതൃഗുണങ്ങൾ പരിപോഷിപ്പിക്കുന്നതിന് ആവശ്യമായതും കുട്ടികൾക്ക് ഉയർന്ന കാഴ്ചപ്പാടുകൾ പകർന്നു നൽകുന്നതുമായ വിവിധ വിഷയങ്ങളെ അധികരിച്ച് പ്രഫ. ടോമി ചെറിയാൻ, ജോർജ് കരുണയ്ക്കൽ, അഭിലാഷ് ജോസഫ് തുടങ്ങിയവർ ക്ലാസുകൾ നയിച്ചു. സമാപന സമ്മേളനം സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു. പങ്കെടുത്ത വിദ്യാർഥികൾക്ക് സർട്ടിഫിക്കറ്റുകളും മികച്ച ക്യാമ്പ് അംഗങ്ങൾക്ക് പുരസ്കാരങ്ങളും നൽകി.

മികവിന്‍റെ കേന്ദ്രങ്ങളായി ജില്ലയിലെ പൊതുവിദ്യാലയങ്ങള്‍

കോട്ടയം: പൊതുവിദ്യാലയങ്ങളെ മികവിന്‍റെ കേന്ദ്രങ്ങളാക്കി മാറ്റുന്നതിനും പഠന ബോധനപ്രക്രിയ ശക്തിപ്പെടുത്തുന്നതിനും ജനകീയ വിദ്യാഭ്യാസ മാതൃക വികസിപ്പിക്കുന്നതിനും ലക്ഷ്യമിട്ടുള്ള വിദ്യാകിരണം പദ്ധതിയിലൂടെ ജില്ലയില്‍ അടിസ്ഥാന സൗകര്യമേഖലയിലുണ്ടായത് വലിയ മുന്നേറ്റം. കിഫ്ബി ഫണ്ട് വഴി ജില്ലയിലെ പാലാ എംജിജിഎച്ച്എസ്എസ്, കാരാപ്പുഴ ജിഎച്ച്എസ്എസ്, തൃക്കൊടിത്താനം ജിഎച്ച് എസ്എസ്, പുതുപ്പള്ളി സെന്‍റ് ജോര്‍ജ് ജിവിഎച്ച്എസ്എസ്, പൊന്‍കുന്നം ഗവണ്‍മെന്‍റ് വിഎച്ച്എസ്എസ്, പെരുവ ഗവണ്‍മെന്‍റ് എച്ച്എസ്എസ്, മുരിക്കുംവയല്‍ ഗവണ്‍മെന്‍റ് വിഎച്ച്എസ്എസ്, വൈക്കം ഗവണ്‍മെന്‍റ് ബോയ്‌സ് എച്ച്എസ്എസ് സ്‌കൂളുകള്‍ക്ക് വിദ്യാകിരണം പദ്ധതിക്കായി അഞ്ചുകോടി രൂപയാണ് സര്‍ക്കാര്‍ 2020-21 കാലയളവില്‍ നല്‍കിയത്. കുമരകം ഗവണ്‍മെന്‍റ് വിഎച്ച്എസ്എസ്, തലയോലപ്പറമ്പ് എജെജെഎംജിഎച്ച്എസ്എസ്, പനമറ്റം ജിഎച്ച്എസ്എസ് എന്നിവിടങ്ങളിലെ നിര്‍മാണപ്രവര്‍ത്തനങ്ങള്‍ പൂര്‍ത്തിയാക്കുന്നതിനായി 2019 മുതല്‍ 2023 വരെ മൂന്നുകോടി രൂപയാണ് ഓരോ സ്‌കൂളിനായി വിനിയോഗിച്ചത്. ഒരുകോടി രൂപ ചെലവില്‍ 2022-25 കാലയളവില്‍ ഈരാറ്റുപേട്ട ജിഎച്ച്എസ്, നീണ്ടൂര്‍ എസ്‌കെവി ജിഎച്ച്എസ്എസ്, നെടുങ്കുന്നം ഗവണ്‍മെന്‍റ് എച്ച്എസ്എസ്, കാണക്കാരി ഗവണ്‍മെന്‍റ് വിഎച്ച്എസ്എസ്, കുറിച്ചി ഗവണ്‍മെന്‍റ് എച്ച്എസ്എസ് സ്‌കൂളുകളില്‍ നിര്‍മാണം പൂര്‍ത്തീകരിച്ചു. ജില്ലയില്‍ നബാര്‍ഡ് ഫണ്ട് വിനിയോഗിച്ചു രണ്ട് കോടി രൂപയുടെ വികസനപ്രവര്‍ത്തനങ്ങളാണ് കൊമ്പുകുത്തി ജിഎച്ച്എസ്, പനയ്ക്കച്ചിറ ജിഎച്ച്എസ്, വടവാതൂര്‍ ജിഎച്ച്എസ്, വാഴൂര്‍ ജിഎച്ച്എസ്, കാഞ്ഞിരപ്പള്ളി കുന്നുംഭാഗം ജിഎച്ച്എസ് സ്‌കൂളുകളില്‍ നടപ്പിലാക്കിയത്. സാമൂഹിക നീതിയും അവസര തുല്യതയും അടിസ്ഥാനമാക്കി, സാങ്കേതിക വിദ്യാസാധ്യതകളെ ഫലപ്രദമായി പ്രയോജനപ്പെടുത്തി ഗുണമേന്മയുള്ള വിദ്യാഭ്യാസം എല്ലാ കുട്ടികള്‍ക്കും ലഭ്യമാക്കുക, സമഗ്രമായ കാഴ്ചപ്പാടും നൂതനമായ പ്രവര്‍ത്തന പദ്ധതികളും നടപ്പാക്കി ബഹുജന കൂട്ടായ്മയിലൂടെ ഗുണമേന്മയുള്ള വിദ്യാഭ്യാസം കുട്ടികളുടെ അവകാശം, സമഗ്രമായ പാഠ്യപദ്ധതി പരിഷ്‌കരണം, സ്‌കൂള്‍ മാസ്റ്റര്‍പ്ലാനുകള്‍ തയാറാക്കല്‍ എന്നിവ പദ്ധതിയിലൂടെ വിഭാവനം ചെയ്യുന്നു.

ഇറച്ചിവില വീണ്ടും ഉയർത്തി

കുറവിലങ്ങാട്: വിപണനസാധ്യത മുതലെടുത്ത് ഇറച്ചി വീല വീണ്ടും ഉയർത്തി. ജില്ലയിലാകെ ഇറച്ചിവില ഏകീകരിക്കുന്ന പ്രഖ്യാപനങ്ങൾക്കും പ്രതിഷേധങ്ങൾക്കുമൊക്കെ പുല്ലുവില കല്പിച്ചാണ് വില ഉയർത്തിയത്. പ്രാദേശികമായി പലയിടങ്ങളിലും പല വിലയാണ്. ഒരേ ടൗണിൽത്തന്നെ രണ്ടു വിലയെന്ന നിലയിലായിരുന്നു ഇന്നലെ പോത്തിറച്ചി വില. കഴിഞ്ഞ ദിവസംവരെ ഒരു കിലോ പോത്തിറച്ചിക്ക് 420 രൂപയാണ് ഈ മേഖലയിൽ ഈടാക്കിയിരുന്നത്. ഇന്നലെ ഇരുണ്ടുവെളുത്തപ്പോൾ പ്രധാന കടകളിൽ 20 രൂപ വർധിപ്പിച്ച് 440ൽ എത്തിച്ചു. ചിലയിടങ്ങളിൽ നാനൂറിന് ഇറച്ചി വിറ്റഴിച്ചിരുന്നു. പന്നിയിറച്ചി വില 380 രൂപയായിരുന്നു. ചില കടകൾ പരസ്യപ്രചാരണങ്ങളടക്കം നടത്തി 350 രൂപയ്ക്ക് വ്യാപാരം കൊഴുപ്പിച്ചു. മത്തിക്ക് മൂന്നൂറ് സാധാരണ 100 രൂപയിൽ ലഭിച്ചിരുന്ന മത്തിക്ക് ഇന്നലെ വില മുന്നൂറും കടന്നു. നോമ്പുകാലത്തിന് ശേഷമുള്ള വ്യാപാരമെന്ന നിലയിൽ കരിഞ്ചന്തയാണ് നാട് കണ്ടത്. അയലയും വറ്റയുമടക്കം വില നാനൂറും കടന്ന സ്ഥിതിയിലായിരുന്നു. കഴിഞ്ഞ ദിവസങ്ങളിൽ കടകളിലെത്തിച്ച മത്സ്യം പോലും വളരെ ഉയർന്ന വിലയ്ക്കാണ് വിറ്റഴിച്ചതെന്ന് ആക്ഷേപമുണ്ട്. വറ്റയും കേരയും ഒരു കിലോ ലഭിക്കാൻ അഞ്ഞൂറിന് മുകളിൽ നൽകണമെന്നതായിരുന്നു സ്ഥിതി.

കുടുംബശ്രീ ജില്ലാതല അവാര്‍ഡുകള്‍ പ്രഖ്യാപിച്ചു

കോട്ടയം: കുടുംബശ്രീ ജില്ലാതല അവാര്‍ഡുകള്‍ പ്രഖ്യാപിച്ചു. തിരുവാര്‍പ്പ് കുടുംബശ്രീ സിഡിഎസിലെ അല്‍ ആമീന്‍ മികച്ച അയല്‍ക്കൂട്ടമായി തെരഞ്ഞെടുക്കപ്പെട്ടു. മികച്ച അയല്‍ക്കൂട്ടം, മികച്ച വ്യക്തിഗത സംരംഭം, മികച്ച കാര്‍ഷികമേഖല കുടുംബശ്രീ സിഡിഎസ്, മികച്ച കാര്‍ഷികേതര മേഖല കുടുംബശ്രീ സിഡിഎസ് എന്നീ നാല് അവാര്‍ഡുകളും തിരുവാര്‍പ്പ് കുടുംബശ്രീ കരസ്ഥമാക്കി. മികച്ച അയല്‍ക്കൂട്ടം മത്സരത്തില്‍ മേലുകാവ് കുടുംബശ്രീ സിഡിഎസിലെ എവര്‍ഗ്രീന്‍ രണ്ടാംസ്ഥാനവും മീനടം കുടുംബശ്രീ സിഡിഎസിലെ ഐശ്വര്യ മൂന്നാം സ്ഥാനവും കരസ്ഥമാക്കി. മൂന്നിലവ് പഴുക്കാക്കാനം എഡിഎസ് ആണ് മികച്ച ഒന്നാമത്തെ എഡിഎസ്, കൂട്ടിക്കലിലെ ചപ്പാത്ത് എഡിഎസും, തൃക്കൊടിത്താനത്തെ മങ്കല എഡിഎസും ആണ് രണ്ടും മൂന്നും സ്ഥാനത്ത്. 18നും 40നും വയസിനും ഇടയില്‍ പ്രായമുള്ള കുടുംബശ്രീ അയല്‍ക്കൂട്ട അംഗം അല്ലാത്ത യുവതികളുടെ നൂതന കൂട്ടായ്മയായ ഓക്‌സിലറി വിഭാഗത്തില്‍ മികച്ച ഓക്‌സിലറി ഗ്രൂപ്പായി ഭരണങ്ങാനത്തെ ഡ്രീം ടീം ഒന്നാം സ്ഥാനവും പള്ളിക്കത്തോട് ഡ്രീംസ് രണ്ടാം സ്ഥാനവും കരസ്ഥമാക്കി. ഓക്‌സിലറി വിഭാഗത്തില്‍ മികച്ച സംരംഭം ഒന്നാം സ്ഥാനത്ത് ചെമ്പ് കുടുംബശ്രീ സിഡിഎസിലെ അമ്മൂസ് മഷ്റൂം, രണ്ടാം സ്ഥാനം പാറത്തോട് കുടുംബശ്രീ സിഡിഎസിലെ രുചിക്കൂട്ട്, മൂന്നാം സ്ഥാനം അതിരമ്പുഴ കുടുംബശ്രീ സിഡിഎസിലെ ആസ്വിഷ് ക്രാഫ്റ്റും നേടി. വ്യക്തിഗത സംരംഭക ഗ്രൂപ്പില്‍ കോട്ടയം സൗത്ത് കുടുംബശ്രീ സിഡിഎസിലെ സിന്ധുകുമാരി ഒന്നാം സ്ഥാനത്തും വൈക്കം കുടുംബശ്രീ സിഡിഎസിലെ ധനലക്ഷ്മി രണ്ടാമതും നെടുംകുന്നം കുടുംബശ്രീ സിഡിഎസിലെ ബിജി ജോസഫ് മൂന്നാം സ്ഥാനവും നേടി. കിടങ്ങൂര്‍ കുടുംബശ്രീ സിഡി എസിലെ അപ്പരാല്‍ വെല്‍ഫെയര്‍ അസോസിയേഷനാണ് മികച്ച ഒന്നാമത്തെ മൈക്രോ എന്‍റര്‍പ്രൈസസ് ഗ്രൂപ്പ്, തിരുവാര്‍പ്പ് കുടുംബശ്രീ സിഡിഎസിലെ മില്‍ക്കി ലാറ്റ രണ്ടും തലപ്പലം കുടുംബശ്രീ സിഡിഎസിലെ ജീവന്‍ ശ്രീ ആന്‍ഡ് ജീവന്‍ ജ്യോതി ന്യൂട്രിമിക്‌സ് മൂന്നും സ്ഥാനത്തെത്തി. മികച്ച ജെന്‍ഡര്‍ റിസോഴ്‌സ് സെന്‍ററായി അതിരമ്പുഴയും രണ്ടും, മൂന്നും സ്ഥാനങ്ങൾ നീണ്ടൂരും അയര്‍ക്കുന്നവും കരസ്ഥമാക്കി. മികച്ച ബഡ്സ് ആയി വെളിയന്നൂര്‍ തെരഞ്ഞെടുക്കപ്പെട്ടു. മികച്ച കുടുംബശ്രീ സിഡിഎസ് ആയി അതിരമ്പുഴ കുടുംബശ്രീ സിഡിഎസും വെളിയന്നൂര്‍ രണ്ടാമതും പള്ളിക്കത്തോട് മൂന്നാമതും എത്തി. കാര്‍ഷിക മേഖലയില്‍ തിരുവാര്‍പ്പ് ഒന്നാമതും വെളിന്നൂര്‍, പള്ളിക്കത്തോട് എന്നീ കുടുംബശ്രീ സിഡി എസ് രണ്ടും മൂന്നും സ്ഥാനത്തെത്തി. സാമൂഹിക വികസനം സാമൂഹിക ഉള്‍ച്ചേര്‍ക്കല്‍, ജെന്‍ഡര്‍ എന്നിവയില്‍ തിരുവാര്‍പ്പാണ് ഒന്നാമത്. കാര്‍ഷികേതര മേഖലയില്‍ തിരുവാര്‍പ്പ് കുടുംബശ്രീ സിഡി എസ് ഒന്നും കോട്ടയം നോര്‍ത്ത്, ചങ്ങനാശേരി എന്നീ കുടുംബശ്രീ സിഡിഎസുകള്‍ രണ്ടും മൂന്നും സ്ഥാനത്തെത്തി. 14 ജില്ലകളില്‍നിന്നും ഒന്നാം സ്ഥാനം ലഭ്യമായവരുടെ സംസ്ഥാനത്തെ ഏറ്റവും മികച്ച വ്യക്തി, സംരംഭം, സ്ഥാപനം, തെരഞ്ഞെടുപ്പ് 21 മുതല്‍ 24 വരെ തൃശൂര്‍ കിലയില്‍ സംഘടിപ്പിക്കപ്പെടുന്ന ശില്പശാലയില്‍ നടക്കും.

ഒരു പഞ്ചായത്ത് ഒരു കളിക്കളം പദ്ധതി; ജില്ലയില്‍ ഒരുങ്ങുന്നത് ആറു കളിക്കളങ്ങള്‍

കോട്ടയം: ജില്ലയുടെ കായികരംഗത്ത് അടിസ്ഥാന സൗകര്യവികസനത്തില്‍ ഒന്‍പത് വര്‍ഷത്തിനിടെയുണ്ടായത് വന്‍ മുന്നേറ്റം. ആധുനിക നിലവാരത്തിലുള്ള സ്റ്റേഡിയങ്ങള്‍, ടര്‍ഫ്, സ്വിമ്മിംഗ് പൂള്‍ തുടങ്ങി കായികമേഖലയുടെ സമഗ്രവികസനത്തിനുള്ള പദ്ധതികളാണ് സംസ്ഥാന സര്‍ക്കാര്‍ നടപ്പാക്കിയത്. കായികവകുപ്പിനു കീഴില്‍ നിരവധി പദ്ധതികള്‍ ജില്ലയില്‍ പൂര്‍ത്തീകരണത്തിലേക്കു കടക്കുകയാണ്. ഒരു പഞ്ചായത്ത് ഒരു കളിക്കളം പദ്ധതിയിലൂടെ ആറ് കളിക്കളങ്ങളാണ് ജില്ലയില്‍ ഒരുങ്ങുന്നത്. 6.97 കോടി രൂപ ചെലവഴിച്ച് ജില്ലയുടെ കായികസ്വപ്നങ്ങള്‍ക്ക് കുതിപ്പു പകരുന്ന ആറു പദ്ധതികള്‍ ഇതിനോടകം പൂര്‍ത്തീകരിച്ചുകഴിഞ്ഞു. 3.50 കോടി രൂപ ചെലവില്‍ പാലാ മുനിസിപ്പല്‍ സ്റ്റേഡിയം അത്യാധുനിക സംവിധാനങ്ങളോടെ നവീകരിച്ചു. ഭരണങ്ങാനത്ത് സ്വിമ്മിംഗ് പൂള്‍ നിര്‍മാണവും പൂര്‍ത്തിയായി. പാലായിലും കോട്ടയത്തും സ്‌പോര്‍ട്‌സ് ഫിറ്റ്‌നസ് സെന്‍ററുകളില്‍ വ്യായാമ ഉപകരണങ്ങള്‍ ലഭ്യമാക്കി. കൂടാതെ പാലാ ഫിറ്റ്‌നസ് സെന്‍ററില്‍ ഇന്‍റീരിയര്‍ വര്‍ക്കും നടത്തി. എംജി യൂണിവേഴ്‌സിറ്റിയില്‍ നാച്ചുറല്‍ ടര്‍ഫ് നിര്‍മാണവും പൂര്‍ത്തിയാക്കി. ഒരു പഞ്ചായത്ത് ഒരു കളിക്കളം പദ്ധതിയുടെ ഭാഗമായി വൈക്കം അക്കരപ്പാടം ഗവണ്‍മെന്‍റ് സ്‌കൂളിലും മണിമല പഞ്ചായത്തിലുമുള്ള കളിക്കളങ്ങള്‍ പൂര്‍ത്തീകരണഘട്ടത്തിലാണ്. പൂഞ്ഞാര്‍, ചങ്ങനാശേരി, ഏറ്റുമാനൂര്‍ നിയോജകമണ്ഡലങ്ങളിലെ കളിക്കളങ്ങളുടെ നിര്‍മാണം നടന്നുവരുന്നു. കടുത്തുരുത്തിയില്‍ ഉടന്‍ തുടങ്ങും. വൈക്കത്ത് വെള്ളൂരിലുള്ള പെരുംതട്ട് സ്റ്റേഡിയത്തിന്‍റെ നിര്‍മാണം അന്തിമഘട്ടത്തിലാണ്. കാഞ്ഞിരപ്പള്ളി കെ. നാരായണക്കുറുപ്പ് മെമ്മോറിയല്‍ ഇന്‍ഡോര്‍ സ്റ്റേഡിയത്തിന്‍റെ നിര്‍മാണം പുരോഗമിക്കുകയാണ്. വൈക്കം ഗവണ്‍മെന്‍റ് ബോയ്‌സ് സ്‌കൂള്‍, വൈക്കം വെസ്റ്റ് വിഎച്ച്എസ്എസ് സ്‌കൂള്‍ എന്നിവിടങ്ങളിലെ കളിക്കള നിര്‍മാണങ്ങള്‍ ടെന്‍ഡര്‍ ചെയ്തു. നവകേരള സദസില്‍ വന്ന ആവശ്യത്തെത്തുടര്‍ന്നു പൂഞ്ഞാര്‍ നിയോജകമണ്ഡലത്തിലെ മാടപ്പാട്ട്, കൂവപ്പള്ളി, ചേന്നാട് സ്റ്റേഡിയങ്ങളുടെ നവീകരണത്തിനായി തുക ലഭ്യമാക്കിയിട്ടുമുണ്ട്.

എരുമേലി വിമാനത്താവളം: വിശദ പദ്ധതിരേഖ തയാറാക്കുന്നു

എരുമേലി: എരുമേലിയിൽ നടപ്പിലാക്കാൻ സർക്കാർ പ്രഖ്യാപിച്ച നിർദിഷ്ട ശബരിമല വിമാനത്താവള പദ്ധതിയുടെ വിശദ പദ്ധതിരേഖ (ഡിപിആർ) തയാറാക്കുകയാണ് കേരള സ്റ്റേറ്റ് ഇൻഡസ്ട്രിയൽ ഡെവലപ്‌മെന്‍റ് കോർപറേഷനുവേണ്ടി സ്റ്റുപ്പ് എന്ന ഏജൻസി. ദിവസങ്ങൾക്കകം ഇത് പൂർത്തിയാകുമെന്ന് ഏജൻസി വക്താവ് പറഞ്ഞു. സമഗ്രപഠനം നടത്തിയാണ് രേഖ തയാറാക്കുന്നതെന്ന് ഏജൻസി പറയുന്നു. അടുത്ത ദിവസം പദ്ധതിരേഖ സമർപ്പിക്കും. 2024 ഫെബ്രുവരിയിലാണ് സ്റ്റുപ്പിനെ ചുമതല ഏൽപ്പിച്ചത്. നാലുകോടി രൂപയായിരുന്നു ചെലവ്. മണിമല, എരുമേലി തെക്ക് വില്ലേജുകളിലായി ഇവരുടെ വിവരശേഖരണം പൂർത്തിയായിരുന്നു. ഇനി ഡിപിആർ, കെഎസ്‌ഐഡിസിക്ക് കൈമാറും. അവർ ഇത് പരിശോധിച്ച് ഉറപ്പാക്കിയശേഷം കേന്ദ്രവ്യോമയാന മന്ത്രാലയത്തിന് സമർപ്പിക്കണം. തുടർന്ന് ഡിപിആർ അംഗീകരിക്കുന്നതോടെ പദ്ധതി നടത്തിപ്പിലേക്ക് കടക്കാം. കഴിഞ്ഞ ദിവസമാണ് പദ്ധതിക്ക് സംസ്ഥാന സർക്കാരിന്‍റെ ഭരണാനുമതി കിട്ടിയത്. എരുമേലി സൗത്ത്, മണിമല വില്ലേജുകളിലായി 245 പേരുടെ ഭൂമിയും ചെറുവള്ളി എസ്റ്റേറ്റ് ഭൂമിയുമാണ് ഏറ്റെടുക്കുന്നത്. പദ്ധതിച്ചെലവിന് 3,450 കോടി രൂപ വേണം എന്നാണ് ഏജൻസി കണക്കാക്കിയിരിക്കുന്നത്. അതിൽ പ്രധാനം 3.50 കിലോമീറ്റർ നീളമുള്ള റൺവേയുടെ നിർമാണമാണ്. റൺവേയ്ക്ക് 45 മീറ്റർ വീതിയും റൺവേ സ്ട്രിപ്പിന് 280 മീറ്റർ വീതിയുമാണ് കണക്കാക്കിയിരിക്കുന്നത്. റൺവേ എൻഡ് സേഫ്റ്റി ഏരിയ ഇരുവശത്തും 240-290 മീറ്റർ വീതവുമാണ് രൂപരേഖയിൽ. 2017 ജൂലൈയിലാണ് ചെറുവള്ളി എസ്റ്റേറ്റ് വിമാനത്താവളത്തിന് അനുയോജ്യമെന്ന് കണ്ടെത്തി അനുമതി നൽകിയത്. തുടർന്ന് കെഎസ്‌ഐഡിസിയെ നോഡൽ ഏജൻസിയായി നിയമിച്ചു. ഇതിനുശേഷം സാമ്പത്തിക, സാങ്കേതിക റിപ്പോർട്ട് തയാറാക്കാൻ ലൂയി ബഗർ എന്ന ഏജൻസിയെ ചുമതലപ്പെടുത്തി. ഇതിന്‍റെ റിപ്പോർട്ട് സമർപ്പിച്ചതിന് പിന്നാലെ 2023 ഏപ്രിൽ 13ന് വ്യോമയാന മന്ത്രാലയം സൈറ്റ് ക്ലിയറൻസ് അനുവദിച്ചു. തുടർന്ന് 2023 ജൂൺ 30ന് പ്രതിരോധ മന്ത്രാലയത്തിന്‍റെ അനുമതി ലഭിച്ചു. 2024 മേയ് 20നാണ് വ്യോമയാന മന്ത്രാലയത്തിന്‍റെ സുരക്ഷാ അനുമതിയായത്. 2023 ജൂലൈ എട്ടിന് പരിസ്ഥിതി പഠനത്തിനുള്ള ടേംസ് ഓഫ് റഫറൻസ് അംഗീകരിച്ചു. തുടർന്ന് കരട് പരിസ്ഥിതി ആഘാത റിപ്പോർട്ട് തയാറാക്കി സമർപ്പിച്ചു. ഇതോടെ 2024 ഡിസംബറിൽ സാമൂഹികാഘാത പഠന റിപ്പോർട്ട് സമർപ്പിച്ചു. തുടർന്ന് വിദഗ്ധസമിതിയുടെ പരിശോധനയും ശിപാർശയും വന്നതിനെത്തുടർന്നാണ് ഇപ്പോൾ എസ്റ്റേറ്റ് ഉൾപ്പെടെ ഏറ്റെടുക്കാനുള്ള നടപടിക ആയിരിക്കുന്നത്.

പ്രളയത്തിൽ തകർന്ന പ്രധാന പാലങ്ങളുടെ നിർമാണം അവസാന ഘട്ടത്തിലേക്ക്

കൂട്ടിക്കൽ: 2021 ഒക്‌ടോബർ 16നുണ്ടായ മഹാപ്രളയത്തിൽ കൂട്ടിക്കൽ, കൊക്കയാർ, മുണ്ടക്കയം പഞ്ചായത്തുകളിലായി വ്യാപക നാശനഷ്ടമാണുണ്ടായത്. മേഖലയിലെ ചെറുതും വലുതുമായ നിരവധി പാലങ്ങളും പ്രളയത്തിൽ ഒലിച്ചുപോയി. ഇതിൽ ഏറ്റവും പ്രധാനപ്പെട്ട പാലങ്ങളായ ഏന്തയാർ ഈസ്റ്റ്, ഇളങ്കാട് പാലങ്ങളുടെ നിർമാണം അവസാനഘട്ടത്തിലേക്ക് കടക്കുമ്പോൾ കൊക്കയാർ പാലത്തിന്‍റെ നിർമാണം പുരോഗമിക്കുന്നു. കോട്ടയം - ഇടുക്കി ജില്ലകളെ ബന്ധിപ്പിക്കുന്ന നൂറുകണക്കിന് കുടുംബങ്ങളുടെ ആശ്രയമായ ഏന്തയാർ ഈസ്റ്റ് പാലത്തിന്‍റെ കോൺക്രീറ്റ് ജോലികൾ പൂർത്തിയായി. 4.7 കോടി രൂപ മുടക്കിയാണ് പുതിയ പാലം നിർമിക്കുന്നത്. ഇനി അപ്രോച്ച് റോഡിന്‍റെയും സംരക്ഷണഭിത്തികളുടെയും നിർമാണമാണ് പൂർത്തിയാകാനുള്ളത്. പ്രളയത്തിൽ തകർന്ന ഇളങ്കാട് ടൗണിലെ കലുങ്കിനു പകരം 2.5 കോടി രൂപ ചെലവിൽ നിർമിക്കുന്ന പാലത്തിന്‍റെ കോൺക്രീറ്റിംഗും പൂർത്തിയായി. സംരക്ഷണഭിത്തികളുടെയും അപോച്ച് റോഡിന്‍റെയും നിർമാണമാണ് ഇനിയുള്ളത്. വളരെ വേഗത്തിൽ രണ്ടു പാലങ്ങളും തുറന്നു കൊടുക്കാൻ കഴിയുമെന്ന പ്രതീക്ഷയാണുള്ളതെന്ന് കൂട്ടിക്കൽ പഞ്ചായത്ത് പ്രസിഡന്‍റ് ബിജോയ് ജോസ് മുണ്ടുപാലം പറഞ്ഞു. പ്രളയത്തിൽ തകർന്ന മറ്റൊരു പ്രധാന പാലമാണ് കൊക്കയാർ പാലം. നാലുകോടി 53 ലക്ഷം രൂപ മുടക്കി പുതിയ പാലത്തിന്‍റെ നിർമാണം പുരോഗമിക്കുകയാണ്. തൂണുകളുടെ നിർമാണമാണ് ഇപ്പോൾ നടക്കുന്നത്. മൂന്നു പാലങ്ങളുടെയും നിർമാണം പൂർത്തിയാകുന്നതോടെ കൂട്ടിക്കൽ, കൊക്കയാർ, മുണ്ടക്കയം പഞ്ചായത്തുകളിലെ പ്രളയബാധിതർ അനുഭവിച്ചുകൊണ്ടിരുന്ന യാത്രാ ക്ലേശത്തിന് പരിഹാരമാകും. കൂട്ടിക്കൽ പഞ്ചായത്തിൽ ഇളങ്കാട് ടോപ്പ് മേഖലയിലെ ചെറിയ പാലങ്ങളുടെയും കലുങ്കുകളുടെയും നിർമാണം മാത്രമാകും ഇനി പൂർത്തിയാക്കാനുള്ളത്. പ്രളയത്തിൽ തകർന്ന മുണ്ടക്കയം പഞ്ചായത്തിലെ വെള്ളനാടി പാലംകൂടി പുനർനിർമിച്ചാൽ പ്രളയം ഏറ്റവും കൂടുതൽ നാശം വിതച്ച മൂന്ന് പഞ്ചായത്തുകളിലെയും പ്രധാന പലങ്ങളുടെ പുനരുദ്ധാരണ പ്രവർത്തനങ്ങൾ ഏതാണ്ട് പൂർത്തിയാക്കാൻ സാധിച്ചുവെന്ന് പറയാം.

മാടപ്പള്ളി പഞ്ചായത്തിന്‍റെ എംസിഎഫ് കൊട്ടാരംകുന്നില്‍ തുറന്നു

ചങ്ങനാശേരി: മാടപ്പള്ളി പഞ്ചായത്ത് ഒന്നാംവാര്‍ഡില്‍ കൊട്ടാരംകുന്നില്‍ പുതിയ എംസിഎഫ് തുറന്നു. അജൈവ മാലിന്യ ശേഖരണത്തിനും തരംതിരിക്കലിനുമുള്ള സൗകര്യത്തിനു പുറമേ കോണ്‍ഫറന്‍സ് ഹാള്‍, ഓഫീസ്, വിശ്രമമുറി, ശുചിമുറി, അടുക്കള എന്നീ സൗകര്യങ്ങളടങ്ങിയ കെട്ടിടമാണ് 30 ലക്ഷം രൂപ ചെലവഴിച്ച് മാടപ്പള്ളി പഞ്ചായത്ത് എംസിഎഫിനായി പൂര്‍ത്തിയാക്കിയിരിക്കുന്നത്. പഞ്ചായത്ത് ഓഫീസിനു സമീപത്തുള്ളതും പഞ്ചായത്തിന്‍റെ ഉടമസ്ഥതയിലുള്ളതുമായ ബിഎസ്എന്‍എല്‍ കെട്ടിടത്തിന്‍റെ മുകള്‍ നിലയിലാണ് ഹരിതകര്‍മസേന ശേഖരിക്കുന്ന അജൈവമാലിന്യങ്ങള്‍ ഇതുവരെ സൂക്ഷിച്ച് തരംതിരിച്ചിരുന്നത്. കെട്ടിടത്തിന്‍റെ കാലപ്പഴക്കവും അസൗകര്യങ്ങളും മൂലം ഇവിടെ പ്ലാസ്റ്റിക് മാലിന്യം തരംതിരിക്കാന്‍ ബുദ്ധിമുട്ടായ സാഹചര്യത്തിലാണ് കൊട്ടാരംകുന്നില്‍ പുതിയ കെട്ടിടം നിര്‍മിച്ച് എംസിഎഫ് പ്രവര്‍ത്തനം തുടങ്ങിയത്. പുതിയ കെട്ടിടത്തിന്‍റെ താഴത്തെ നിലയില്‍ പഞ്ചായത്തിന്‍റെ വിവിധ വാര്‍ഡുകളില്‍നിന്നു ശേഖരിക്കുന്ന പ്ലാസ്റ്റിക് അജൈവ മാലിന്യം ശേഖരിച്ച് തരംതിരിക്കും. ഇതിനായി പ്രത്യേക സ്റ്റോറേജ് സംവിധാനം ഒരുക്കിയിട്ടുണ്ട്. തുടര്‍ന്ന് ക്ലീന്‍ കേരള കമ്പനിക്ക് മാലിന്യം കൈമാറും. മുകള്‍ നിലയിലുള്ള കോണ്‍ഫറന്‍സ് ഹാളില്‍ 100 പേര്‍ക്കു വരെ പങ്കെടുക്കാവുന്ന പരിപാടികള്‍ സംഘടിപ്പിക്കാം. കൂടാതെ ഹരിതകര്‍മസേനയ്ക്കായി ഓഫീസും ഹരിതകര്‍മ സേനാംഗങ്ങള്‍ക്ക് വിശ്രമിക്കാനായി റെസ്റ്റ്‌ റൂം സൗകര്യവുമൊരുക്കും. കെട്ടിടത്തിന് റൂഫിംഗ്, ചുറ്റുമതില്‍ എന്നിവയ്ക്കായി പുതിയ പദ്ധതി വകയിരുത്തും. പഞ്ചായത്ത് പ്രസിഡന്‍റ് മണിയമ്മ രാജപ്പന്‍ ഉദ്ഘാടനം നിര്‍വഹിച്ചു. വൈസ് പ്രസിഡന്‍റ് തങ്കമ്മ ശശിധരമേനോന്‍ അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷന്‍ പി.എ. ബിന്‍സണ്‍, ആരോഗ്യ സ്ഥിരസമിതി അധ്യക്ഷന്‍ ബാബു പാറയില്‍, വാര്‍ഡ് മെംബര്‍ സിനി വര്‍ഗീസ്, കണ്‍സോര്‍ഷ്യം പ്രസിഡന്‍റ് സജിന ഇസ്മായില്‍, സെക്രട്ടറി ബിജോ പി. ജോസഫ്, മനോജ് മാധവന്‍ എന്നിവര്‍ പ്രസംഗിച്ചു.

കർഷകരക്ഷ ഉറപ്പുവരുത്തണം: അപു ജോൺ ജോസഫ്

കോട്ടയം: കർഷകരെ ബുദ്ധിമുട്ടിക്കുന്ന കരിനിയമങ്ങൾ നടപ്പിലാക്കുന്നതിൽ സർക്കാർ പിന്നോ‌ട്ടു പോയതു കർഷക മുന്നേറ്റത്തെ ഭയന്നാണന്നു കേരള കോൺഗ്രസ് സംസ്ഥാന കോ-ഓർഡിനേറ്റർ അപു ജോൺ ജോസഫ്. വനനിയമ ഭേദഗതി , ജലാശങ്ങളുടെ ബഫർ സോൺ, രാജപാത പ്രശ്നം എന്നിവയിൽ സർക്കാരിന്‍റെ കർഷക ദ്രോഹമാണ് ഒളിഞ്ഞിരിക്കുന്നതെന്ന് അദ്ദേഹം കുറ്റപ്പെടുത്തി. കർഷകരുടെ രക്ഷ ഉറപ്പുവരുത്താനുള്ള ധാർമിക ഉത്തരവാദിത്വം സർക്കാർ ഏറ്റെടുക്കണമെന്നും അദ്ദേഹം ആവശ്യപ്പെട്ടു.

ഉത്സവത്തിനിടെ സാമൂഹ്യവിരുദ്ധര്‍ അക്രമം നടത്തിയതായി പരാതി

ചങ്ങനാശേരി: മാടപ്പള്ളി ക്ഷേത്രത്തിലെ ഉത്സവത്തിനിടെ സാമൂഹ്യവിരുദ്ധർ അക്രമം നടത്തിയതായി പരാതി. ഇതു സംബന്ധിച്ച് ക്ഷേത്രം ഭാരവാഹികള്‍ പോലീസില്‍ പരാതി നല്‍കി. വിഷയം ചര്‍ച്ചയിലൂടെ പോലീസ് പരിഹരിച്ചെങ്കിലും ഒരു സംഘം ആളുകള്‍ ക്ഷേത്രത്തിലെ സംഘര്‍ഷത്തിലുൾപ്പെട്ടവരുടെ വീടുകളിൽ ആക്രമണം നടത്തിയതായും പരാതിയുണ്ട്. ഇതു സംബന്ധിച്ചും കേസെടുത്തതായി തൃക്കൊടിത്താനം പോലീസ് പറഞ്ഞു. വിഷു ഉത്സവദിനത്തില്‍ ക്ഷേത്രത്തില്‍ നടന്ന കാവടി ഘോഷയാത്രയിലായിരുന്നു സംഘര്‍ഷം. ഒരു സംഘം യുവാക്കളാണ് പ്രശ്‌നങ്ങള്‍ സൃഷ്ടിച്ചത്. ആയുധങ്ങളുമായെത്തിയ ഇവര്‍ ഘോഷയാത്രയ്ക്കിടെ പ്രശ്‌നങ്ങള്‍ ഉണ്ടാക്കുകയും തടയാനെത്തിയവരെ കൈയേറ്റം ചെയ്യുകയുമായിരുന്നുവെന്നു പോലീസ് പറഞ്ഞു.

എസ്ബിയില്‍ ഗണിതശാസ്ത്ര പൂര്‍വവിദ്യാര്‍ഥീ സംഗമം 26ന്

ചങ്ങനാശേരി: എസ്ബി കോളജിലെ ഗണിതശാസ്ത്ര വിഭാഗത്തിന്‍റെ ശതാബ്ദി ആഘോഷങ്ങളുടെ ഭാഗമായി ഗണിതശാസ്ത്ര പൂര്‍വവിദ്യാര്‍ഥീ മഹാസംഗമം- "കണ്‍വേര്‍ജന്‍സ് -2025’ 26ന് രാവിലെ പത്തിന് കോളജിലെ കാവുകാട്ട് ഹാളില്‍ നടക്കും. ഗണിതശാസ്ത്ര വിഭാഗത്തിലെ പൂര്‍വ വിദ്യാര്‍ഥികളും അധ്യാപകരും സംഗമത്തില്‍ പങ്കെടുക്കും. വിവരങ്ങള്‍ക്ക് ഫോണ്‍: 9656236761, 9447749292.

ചങ്ങനാശേരി കോടതിയില്‍ അഭിഭാഷകരും ക്ലര്‍ക്കുമാരും സമരം തുടരുന്നു

ചങ്ങനാശേരി: കറുകച്ചാല്‍ പോലീസ്‌സ്റ്റേഷന്‍ ചങ്ങനാശേരി മജിസ്‌ട്രേറ്റ് കോടതിയുടെ അധികാരപരിധിയില്‍ നിലനിര്‍ത്തണമെന്നാവശ്യപ്പെട്ട് ചങ്ങനാശേരിയിലെ അഭിഭാഷകരും അഭിഭാഷക ക്ലര്‍ക്കുമാരും നടത്തിവരുന്ന അനിശ്ചിതകാല സത്യഗ്രഹസമരം 27 ദിവസം പിന്നിട്ടു. ചങ്ങനാശേരി മുന്‍ മുന്‍സിപ്പല്‍ ചെയര്‍പേഴ്‌സണ്‍ ബീന ജോബി സമരം ഉദ്ഘാടനം ചെയ്തു. അഡ്വ. സുജാത, അഡ്വ.പി.ജെ. ജ്യോതി, അഡ്വ.കെ.പി. പ്രശാന്ത്, അഡ്വ.പി.എസ്. അരുണ്‍, അഡ്വ. പല്ലവി നാരായണന്‍ തുടങ്ങിയവര്‍ പ്രസംഗിച്ചു.

നഗരസഭയുടെ കടമുറി‍ ലേലം സംബന്ധിച്ച് കൗണ്‍സില്‍ യോഗത്തില്‍ വിവാദം

ചങ്ങനാശേരി: നഗരസഭയുടെ കടമുറികള്‍ ലേലം ചെയ്യുന്നതുമായി ബന്ധപ്പെട്ട് അവതരിപ്പിച്ച പുതിയ ബൈലോയെ ചൊല്ലി കൗണ്‍സില്‍ യോഗത്തില്‍ വിവാദം. ബൈലോയ്‌ക്കെതിരേ പ്രതിപക്ഷം രംഗത്തു വന്നതോടെയാണ് കൗണ്‍സിലില്‍ ശബ്ദമുയര്‍ന്നത്. കീഴ്‌വാടകക്കാരെ സ്ഥിരപ്പെടുത്താനുള്ള നീക്കമാണെന്ന് യുഡിഎഫ് ആരോപണം ഉന്നയിച്ചതെങ്കിലും ഭൂരിപക്ഷ അംഗങ്ങളുടെ പിന്തുണയോടെ ബൈലോ നഗരസഭാ കൗണ്‍സില്‍ യോഗം പാസാക്കി. യുഡിഎഫ് അംഗങ്ങളുടെ വിയോജനക്കുറിപ്പോടെയാണ് അജണ്ട പാസായത്. നഗരസഭയുടെ ഉടമസ്ഥതയിലുള്ള കടമുറികളും ബങ്കുകളും നിലവിലുള്ള ലൈസന്‍സികള്‍ മാറാന്‍ ആഗ്രഹിക്കുകയും ഇത് മറ്റൊരാള്‍ ഏറ്റെടുക്കാന്‍ തയാറാകുകയും ചെയ്താല്‍ നിലവിലുള്ള ലൈസന്‍സിയുടെ അനുമതിയോടെ പുതിയ കരാര്‍ എന്ന നിലയില്‍ പുതുക്കിയ സെക്യൂരിറ്റി തുകയും വാടകയും നിശ്ചയിച്ച് കരാര്‍ നല്‍കുന്നതിന് കൗണ്‍സിലിന് അധികാരമുണ്ടാകുമെന്നാണ് പുതിയ ബൈലോയില്‍ പറയുന്നത്. പരസ്യ ലേലമില്ലാതെ നിലവിലെ ലൈസന്‍സി നിര്‍ദേശിക്കുന്നയാള്‍ക്ക് കടമുറി നല്‍കുന്നത് വഴിവിട്ടുള്ള അഴിമതിക്കുള്ള നീക്കമാണന്ന് പ്രതിപക്ഷം ആരോപിച്ചു. പുതിയ ബൈലോ ഒരു വര്‍ഷത്തേക്ക് മാത്രമാണ് നടപ്പാക്കുന്നതെന്നും ഇത് ഭരണപക്ഷത്തിന്‍റെ രഹസ്യ അജണ്ടയാണെന്നും യുഡിഎഫ് പാര്‍ലമെന്‍ററി പാര്‍ട്ടി നേതാക്കളായ ജോമി ജേസഫ്, സന്തോഷ് ആന്‍റണി, ശ്യാം സാംസണ്‍ എന്നിവര്‍ കൗണ്‍സില്‍ യോഗത്തില്‍ ആരോപണമുന്നയിച്ചു. വിഷയത്തില്‍ കോടതിയെ സമീപിക്കുമെന്നും ഇവര്‍ കൂട്ടിച്ചേര്‍ത്തു. കൗണ്‍സില്‍ യോഗത്തില്‍ അവതരിപ്പിച്ച ബൈലോയിലെ നിര്‍ദേശങ്ങള്‍ അഴിമതിക്ക് കാരണമാകുമെന്നു സ്ഥിരം സമിതി അധ്യക്ഷരായ മധുരാജും എല്‍സമ്മ ജോബും അഭിപ്രായപ്പെട്ടു. എന്നാല്‍, ബൈലോയുടെ കരടു രേഖ കൗണ്‍സില്‍ യോഗത്തില്‍ അവതരിപ്പിക്കുകയും താലൂക്ക്, വില്ലേജ് ഓഫീസുകളില്‍ പ്രദര്‍ശിപ്പിക്കുകയും ചെയ്തിട്ടുള്ളതാണെന്നും ഇക്കാലയളവില്‍ ആരും ആക്ഷേപം ഉന്നയിച്ചില്ലെന്നും ബൈലോ അവതരിപ്പിച്ച വൈസ് ചെയര്‍മാന്‍ മാത്യൂസ് ജോര്‍ജ് പറഞ്ഞു. ഭരണപക്ഷത്തിന് ഭൂരിപക്ഷമുള്ളതിനാല്‍ അജണ്ട പാസാക്കുന്നതിന് ബുദ്ധിമുട്ടില്ലെന്ന് അധ്യക്ഷത വഹിച്ച ചെയര്‍പേഴ്‌സണ്‍ കൃഷ്ണകുമാരി രാജശേഖരന്‍ അഭിപ്രായപ്പെട്ടു. അതേസമയം നഗരസഭയിലെ നിരവധി കടമുറികളും ബങ്കുകളും ബിനാമി പേരുകളില്‍ വാടകയ്ക്കെടുത്തു കീഴ് വാടകയ്ക്കു നല്‍കി ലാഭം കൊയ്യുന്നവര്‍ നഗരത്തില്‍ പ്രവര്‍ത്തിക്കുന്നുണ്ടെന്നും ഇതു സംബന്ധിച്ച് അന്വേഷണമുണ്ടായാല്‍ പലരുടെയും ഇടപെടലുകള്‍ പുറത്തുവരുമെന്നുമാണ് നിഷ്പക്ഷമതികളായ നഗരവാസികള്‍ ചൂണ്ടിക്കാട്ടുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]