ക​ടു​ത്തു​രു​ത്തി: “വായ് ​തു​റ​ന്നാ​ല്‍ നാ​ഴി​ക​യ്ക്കു നാ​ല്‍​പ​തു​വ​ട്ടം ക​ര്‍​ഷ​ക​രെ സം​ര​ക്ഷി​ക്കു​മെ​ന്നു പ​റ​യു​ന്ന മ​ന്ത്രി​യും സ​ര്‍​ക്കാ​രും ഉ​ദ്യോ​ഗ​സ്ഥ​രു​ം എന്തേ ഞ​ങ്ങ​ളെ കാ​ണാ​തെ പോ​കു​ന്നേ... അ​തോ ഞ​ങ്ങ​ളാ​രും ക​ര്‍​ഷ​ക​ര​ല്ലേ.. ഞ​ങ്ങ​ളു​ടെ അ​ധ്വാ​ന​ത്തി​നു വി​ല​യി​ല്ലേ... മു​ട്ടാ​ത്ത വാ​തി​ലു​ക​ളി​ല്ല, കാ​ണാ​ത്ത ഉ​ദ്യോ​ഗ​സ്ഥ​രി​ല്ല. ക​ള​ക്ട​റെ വ​രെ ക​ണ്ടു. എ​ന്നി​ട്ടും നെ​ല്ല് എ​ടു​ക്കാ​ന്‍ ന​ട​പ​ടി​ക​ളി​ല്ല.” ക​ല്ല​റ മാ​ലി​ക്ക​രി പാ​ട​ശേ​ഖ​ര​ത്തെ ക​ര്‍​ഷ​ക​രു​ടെ നി​രാ​ശ പ​ട​ര്‍​ന്ന വാ​ക്കു​ക​ളാ​ണി​ത്.

ഇ​വ​രു​ടെ വാ​ക്കു​ക​ളി​ല്‍ നി​ഴ​ലി​ക്കു​ന്ന​ത് ദേ​ഷ്യ​വും സ​ങ്ക​ട​വും മാ​ത്ര​മ​ല്ല.. ഇ​നി​യൊ​രി​ക്ക​ലും നെ​ല്‍​ക്കൃ​ഷി​ക്കി​ല്ലെ​ന്ന പ്ര​ഖ്യാ​പ​നംകൂ​ടി​യാ​ണ്. കൊ​യ്തെ​ടു​ത്ത 45 ട​ണ്‍ നെ​ല്ലാ​ണ് 32 ദി​വ​സ​മാ​യി പാ​ട​ത്ത് കൂ​ട്ടി​യി​ട്ടി​രി​ക്കു​ന്ന​ത്. 13 ല​ക്ഷം രൂ​പ​യു​ടെ നെ​ല്ലാ​ണ് സ​പ്ലൈ​കോ​യ്ക്കു​വേ​ണ്ടി നെ​ല്ലു സം​ഭ​രി​ക്കു​ന്ന മി​ല്ലു​കാ​രു​ടെ പി​ടി​വാ​ശിമൂ​ലം പാ​ട​ത്ത് കി​ട​ന്നു ന​ശി​ക്കു​ന്ന​ത്.

40 ക​ര്‍​ഷ​ക​രു​ടെ കൂ​ട്ടാ​യ്മ​യാ​ണ് ഇ​വി​ടെ കൃ​ഷി​യി​റ​ക്കി​യി​രി​ക്കു​ന്ന​ത്. ആ​ദ്യം 23 കി​ലോ കി​ഴി​വ് (താ​ര) ആ​ണ് 100 കി​ലോ നെ​ല്ല് സം​ഭ​രി​ക്കാ​ന്‍ മി​ല്ലു​കാ​ര്‍ ആ​വ​ശ്യ​പ്പെ​ട്ട​ത്. ഇ​ത് ക​ര്‍​ഷ​ക​ര്‍ സ​മ്മ​തി​ച്ചി​ല്ല. പ​തി​ര് ഒ​ഴി​വാ​ക്കിത്ത​ന്നാ​ല്‍ കി​ഴി​വി​ല്ലാ​തെ നെ​ല്ല് സം​ഭ​രി​ക്കാ​മെ​ന്ന് മി​ല്ലു​കാ​ര്‍ പ​റ​ഞ്ഞു. ഇ​തോ​ടെ ക​ര്‍​ഷ​ക​ര്‍ മെ​ഷീ​ന്‍ കൊ​ണ്ടു​വ​ന്ന് നെ​ല്ലി​ലെ പ​തി​ര് നീ​ക്കം ചെ​യ്തു.

പി​ന്നീ​ടു വ​ന്ന പാ​ഡി മാ​ര്‍​ക്ക​റ്റിം​ഗ് ഓ​ഫീ​സി​ലെ ഉ​ദ്യോ​ഗ​സ്ഥ​രും മി​ല്ലു​കാ​രും പ​റ​യു​ന്ന​ത് ഇ​നി​യും പ​തി​ര് ധാ​രാ​ളം ഉ​ണ്ടെ​ന്നും നെ​ല്ലി​ന് ക​റ​വ​ലു​ണ്ടെ​ന്നു​മാ​ണെ​ന്ന് ക​ര്‍​ഷ​ക​ര്‍ പ​റ​യു​ന്നു. ഇ​നി​യെ​ന്തു ചെ​യ്യ​ണ​മെ​ന്ന​റി​യാ​ത്ത അ​വ​സ്ഥ​യി​ലാ​ണ് ത​ങ്ങ​ളെ​ന്ന് ക​ര്‍​ഷ​ക​ര്‍ പ​റ​യു​ന്നു.

ഒ​രു മാ​സ​മാ​യി നെ​ല്ല് കേ​ടു​വ​രാ​തെ കാ​ത്തുസൂ​ക്ഷി​ക്കാ​നാ​യി പാ​ട​ത്തുത​ന്നെ​യാ​ണ് ക​ര്‍​ഷ​ക​ര്‍. ദി​വ​സം ക​ഴി​യു​ന്തോ​റും കൊ​യ്തെ​ടു​ത്ത നെ​ല്ല് പാ​ട​ത്തു​ത​ന്നെ ഉ​പേ​ക്ഷി​ക്കേ​ണ്ടി​വ​രു​മോ​യെ​ന്ന ആ​ശ​ങ്ക​യി​ലാ​ണ് ക​ര്‍​ഷ​ക​ര്‍.

താ​രത്ത​ര്‍​ക്ക​ത്തെത്തു​ട​ര്‍​ന്നാ​ണ് ക​ല്ല​റ​യി​ലെ മാ​ലി​ക്ക​രി പാ​ട​ശേ​ഖ​ര​ത്ത് നെ​ല്ലുസം​ഭ​ര​ണം പ്ര​തി​സ​ന്ധി​യി​ലാ​യി​രി​ക്കു​ന്ന​ത്. കൊ​യ്‌​തെ​ടു​ത്ത 45 ട​ണ്‍ നെ​ല്ലാ​ണ് സ​പ്ലൈ​കോ​യ്ക്ക് വേ​ണ്ടി നെ​ല്ല് സം​ഭ​രി​ക്കു​ന്ന മി​ല്ലു​കാ​രു​ടെ അ​നാ​സ്ഥ കൊ​ണ്ട് പാ​ട​ത്ത് കി​ട​ന്ന് ന​ശി​ക്കു​ന്ന​ത്. ര​ണ്ടാ​ഴ്ച്ച​യാ​യി നെ​ല്ല് പാ​ട​ത്ത് കി​ട​ക്കു​ക​യാ​ണ്. ക​ര്‍​ഷ​ക​രെ​ല്ലാം നെ​ല്ല് സം​ര​ക്ഷി​ക്കാ​ന്‍ മു​ഴു​വ​ന്‍ സ​മ​യ​ത്തും പാ​ട​ത്തു​ത​ന്നെ​യാ​ണ്.വേന​ല്‍​മ​ഴ ശ​ക്ത​മാ​യ​തോ​ടെ ഏ​ല്ലാ​വ​രും ആ​ശ​ങ്ക​യി​ലാ​ണെ​ന്ന് ക​ര്‍​ഷ​ക​രാ​യ മ​ഹേ​ഷ്‌​കു​മാ​ര്‍, ജോ​സ് മാ​ത്യു, വി​നോ​ദ് എ​ന്നി​വ​ര്‍ പ​റ​ഞ്ഞു.

ര​ണ്ടു മി​ല്ലു​കാ​ര്‍ ഇ​തി​നോ​ട​കം നെ​ല്ല് നോ​ക്കാ​നാ​യി വ​ന്നു. 23 കി​ലോ താ​ര (കി​ഴി​വ്) ആ​ണ് 100 കി​ലോ നെ​ല്ല് സം​ഭ​രി​ക്കു​മ്പോ​ള്‍ മി​ല്ലു​കാ​ര്‍ ആ​വ​ശ്യ​പ്പെ​ടു​ന്ന​തെ​ന്ന് ക​ര്‍​ഷ​ക​നാ​യ പി.​ടി. സ​ലി പ​റ​ഞ്ഞു. ഇ​തി​നു കാ​ര​ണ​മാ​യി അ​വ​ര്‍ പ​റ​യു​ന്ന​ത് നെ​ല്ലി​ല്‍ പ​തി​രു​ണ്ടെ​ന്നാ​ണ്. കൃ​ഷി​യി​റ​ക്കാ​നാ​യി വി​ത്ത് വാ​ങ്ങി​ച്ച​ത് മ​ണ്ണു​ത്തി കാ​ര്‍​ഷി​ക ഗ​വേ​ഷ​ണ കേ​ന്ദ്ര​ത്തി​ല്‍​നി​ന്നാ​ണ്. വി​ത്തി​നാ​യി ഗ​വേ​ഷ​ണകേ​ന്ദ്രം ഇ​വി​ടെ​നി​ന്ന് ഒ​രാ​ഴ്ച മു​മ്പ് 42 ട​ണ്‍ നെ​ല്ല് സം​ഭ​രി​ച്ചി​രു​ന്നു. യാ​തൊ​രു​വി​ധ പ​രാ​തി​ക​ളും ഗ​വേ​ഷ​ണ കേ​ന്ദ്ര​ത്തി​ലെ ഉ​ദ്യോ​ഗ​സ്ഥ​ര്‍ പ​റ​ഞ്ഞി​ട്ടി​ല്ല.

പാ​ഡി മാ​ര്‍​ക്ക​റ്റിം​ഗ് ഓ​ഫീ​സ​ര്‍ ചു​മ​ത​ല​പ്പെ​ടു​ത്തു​ന്ന മി​ല്ലു​കാ​രു​ടെ ഏ​ജ​ന്‍റു​മാ​രാ​ണ് ഉ​യ​ര്‍​ന്ന താ​ര ചോ​ദി​ച്ച് ക​ര്‍​ഷ​ക​രെ ബു​ദ്ധി​മു​ട്ടി​ലാ​ക്കു​ന്ന​തെ​ന്നു ക​ര്‍​ഷ​ക​ര്‍ പ​റ​ഞ്ഞു.

പാ​ഡി മാ​ര്‍​ക്ക​റ്റിം​ഗ് ഓ​ഫീ​സ​ര്‍ മി​ല്ലു​കാ​ര്‍​ക്ക് അ​നു​കൂ​ല​മാ​യ സ​മീ​പ​ന​മാ​ണ് സ്വീ​ക​രി​ക്കു​ന്ന​തെ​ന്നു ക​ര്‍​ഷ​ക​ര്‍ ആ​രോ​പി​ക്കു​ന്നു. ക​ഴി​ഞ്ഞ വ​ര്‍​ഷം ഒ​രുകി​ലോ താ​രപോ​ലും വാ​ങ്ങാ​തെ​യാ​ണ് മി​ല്ലു​കാ​ര്‍ ഇ​വി​ടു​ത്തെ നെ​ല്ല് സം​ഭ​രി​ച്ച​ത്. 253 ഏ​ക്ക​ര്‍ വ​രു​ന്ന ക​ല്ല​റ​യി​ലെ ഏ​റ്റ​വും വ​ലി​യ പാ​ട​ശേ​ഖ​ര​മാ​ണ് മാ​ലി​ക്ക​രി. 90 ദി​സം വ​ള​ര്‍​ച്ച​യു​ള്ള മ​ണി​ര​ത്‌​ന വി​ത്താ​ണ് വി​ത​ച്ച​ത്. 105 ദി​വ​സം തി​ക​ഞ്ഞ​ശേ​ഷ​മാ​ണ് കൊ​യ്ത​ത്. പാ​ട്ട​ത്തി​നെ​ടു​ത്ത വ​സ്തു​വി​ലാ​ണ് ക​ര്‍​ഷ​ക ൂട്ടാ​യ്മ കൃ​ഷി ന​ട​ത്തി​യ​ത്.