ച​ങ്ങ​നാ​ശേ​രി: ച​ങ്ങ​നാ​ശേ​രി ഒ​ന്നാം​ ന​മ്പ​ര്‍ ബ​സ് സ്റ്റാ​ന്‍ഡി​നു സ​മീ​പം ചെ​മ്പ​ര​ത്തി റോ​ഡി​ല്‍ പ്ര​വ​ര്‍ത്തി​ക്കു​ന്ന ബി​വ​റേ​ജ​സ് ഷോ​പ്പി​ന്‍റെ പ​രി​സ​ര​ങ്ങ​ൾ ക്രി​മി​ന​ല്‍ സം​ഘ​ങ്ങ​ളു​ടെ താ​വ​ള​മാക്കു​ന്നു. പു​രു​ഷ​ന്മാ​രെ വ​ല​യി​ല്‍ വീ​ഴ്ത്തി പ​ണം​ത​ട്ടു​ന്ന അ​ഭി​സാ​രി​ക സം​ഘ​ങ്ങ​ളും ഇ​വി​ടെ പ്ര​വ​ര്‍ത്തി​ക്കു​ന്നു. ബി​വ​റേ​ജ​സ് ഷോ​പ്പി​ന്‍റെ പ​രി​സ​ര​ങ്ങ​ളി​ലും ഇ​ട​വ​ഴി​ക​ളി​ലും പ​ക​ലും രാ​ത്രി​യും ഒ​രു​പോ​ലെ ക്രി​മി​ന​ല്‍ സം​ഘ​ങ്ങ​ള്‍ തന്പടി​ക്കു​ക​യാ​ണ്.

മ​ദ്യം വാ​ങ്ങാ​നെ​ത്തു​ന്ന​വ​ര്‍ക്കും സ​മീ​പ​ങ്ങ​ളി​ലെ വ്യാ​പാ​രി​ക​ള്‍ക്കും ഒ​രു​പോ​ലെ ഇ​തു ശ​ല്യ​മാ​കു​മ്പോ​ള്‍ പോ​ലീ​സ് കാ​ഴ്ച​ക്കാ​രാ​യി നോ​ക്കി​നി​ല്‍ക്കു​ക​യാ​ണെ​ന്നാ​ണ് പ​രാ​തി. മ​ദ്യം വാ​ങ്ങാ​നെ​ത്തു​ന്ന​വ​രെ വി​വി​ധ ത​ര​ത്തി​ല്‍ ക​ബ​ളി​പ്പി​ച്ച് പ​ണം ത​ട്ടു​ക​യാ​ണ് സം​ഘ​ത്തി​ന്‍റെ ല​ക്ഷ്യം. ബി​വ​റേ​ജ​സ് ഷോ​പ്പ് അ​ട​ച്ചാ​ലും രാ​ത്രി​കാ​ല​ങ്ങ​ളി​ല്‍ ഈ ​ഭാ​ഗ​ങ്ങ​ളി​ല്‍ ക്രി​മി​ന​ല്‍ സം​ഘ​ങ്ങ​ള്‍ വി​ല​സു​ന്നു​ണ്ട്.

ബി​വ​റേ​ജ​സ് മ​ദ്യ​ശാ​ല​ക്കു സ​മീ​പം ക​ഴി​ഞ്ഞ ര​ണ്ടു വ​ര്‍ഷ​ങ്ങ​ള്‍ക്കി​ടെ ര​ണ്ട് കൊ​ല​പാ​ത​ക​ങ്ങ​ളും പ​ല സം​ഘ​ട്ട​ന​ങ്ങ​ളും ഉ​ണ്ടാ​യി​ട്ടു​ണ്ട്. ഈ ​ഭാ​ഗ​ങ്ങ​ള്‍ കേ​ന്ദ്രീ​ക​രി​ച്ചു പ്ര​വ​ര്‍ത്തി​ച്ച​വ​രാ​ണ് ഈ ​കേ​സു​ക​ളി​ല്‍ പോ​ലീ​സ് അ​റ​സ്റ്റ് ചെ​യ്ത പ്ര​തി​ക​ൾ.

ബി​വ​റേ​ജ​സ് മ​ദ്യ​ശാ​ല കേ​ന്ദ്രീ​ക​രി​ച്ച് പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണം

ക​ഴി​ഞ്ഞ​ദി​വ​സം ച​ങ്ങ​നാ​ശേ​രി ബീ​വ​റേ​ജ് ഷോ​പ്പി​ന് സ​മീ​പം സ്ത്രീ​യെ മ​ര്‍ദി​ക്കു​ന്ന​തു ചോ​ദ്യം​ചെ​യ്ത വ​യോ​ധി​നെ കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ യു​വാ​വി​നെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ചെ​ത്തി​പ്പു​ഴ ര​ണ്ടു​കു​ഴി​ച്ചി​റ ഭാ​ഗ​ത്ത് തൈ​പ്പ​റ​മ്പി​ല്‍ വി​നീ​ഷ്(35) എ​ന്ന​യാ​ളാ​ണ് ച​ങ്ങ​നാ​ശേ​രി പോ​ലീ​സി​ന്‍റെ പി​ടി​യി​ലാ​യ​ത്. ഇ​യാ​ള്‍ ച​ങ്ങ​നാ​ശേ​രി, തൃ​ക്കൊ​ടി​ത്താ​നം, വാ​ക​ത്താ​നം, ഗാ​ന്ധി​ന​ഗ​ര്‍ സ്റ്റേ​ഷ​നു​ക​ളി​ലാ​യി വി​വി​ധ കേ​സു​ക​ളി​ൽ പ്ര​തി​യാ​ണ്.

ഇ​ത്ത​രം ക്രി​മ​ന​ല്‍ സം​ഘ​ത്തി​ല്‍പ്പെ​ട്ട​വ​രാ​ണ് ബി​വ​റേ​ജ​സ് മ​ദ്യ​ശാ​ല​ക്കു ചു​റ്റു​പാ​ടു​ക​ള്‍ കേ​ന്ദ്രീ​ക​രി​ച്ചു പ്ര​വ​ര്‍ത്തി​ക്കു​ന്ന​ത്. ബി​വ​റേ​ജ​സ് മ​ദ്യ​ശാ​ല കേ​ന്ദ്രീ​ക​രി​ച്ച് പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്ന ആ​വ​ശ്യം ഉ​യ​ര്‍ന്നി​ട്ടു​ണ്ട്.

രാ​സ​ല​ഹ​രി​യി​ല്‍ യു​വ​ാക്ക​ള്‍

ച​ങ്ങ​നാ​ശേ​രി: ച​ങ്ങ​നാ​ശേ​രി​യി​ലും പ​രി​സ​ര പ​ഞ്ചാ​യ​ത്തു​ക​ളും കേ​ന്ദ്രീ​ക​രി​ച്ച് എം​ഡി​എം​എ ഉ​ള്‍പ്പെ​ടു​ന്ന രാ​സ​ല​ഹ​രി, ക​ഞ്ചാ​വ് മാ​ഫി​യ സം​ഘ​ങ്ങ​ള്‍ ശ​ക്തി​പ്പെ​ടു​ന്ന​താ​യി സൂ​ച​ന. ബം​ഗ​ളൂ​രു, ഒ​ഡീ​ഷ, പ​ശ്ചി​മ​ബം​ഗാ​ള്‍, ഛത്തീ​സ്ഗ​ഡ് തു​ട​ങ്ങി​യ സം​സ്ഥാ​ന​ങ്ങ​ളി​ല്‍നി​ന്നും ക​ട​ത്തി​ക്കൊ​ണ്ടു വ​ന്നാ​ണ് ചെ​റി​യ പാ​യ്ക്ക​റ്റു​ക​ളി​ലാ​ക്കി വ​ന്‍വി​ല​യ്ക്ക് വി​ല്‍ക്കു​ന്ന​ത്. ഇ​തി​നു പി​ന്നി​ല്‍ മാ​ഫി​യ സം​ഘ​ങ്ങ​ളാ​ണ് പ്ര​വ​ര്‍ത്തി​ക്കു​ന്ന​ത്.

ബം​ഗ​ളൂ​രു, ആ​ന്ധ്ര തു​ട​ങ്ങി​യ സ്ഥ​ല​ങ്ങ​ളി​ല്‍ പ​ഠി​ക്കു​ന്ന വി​ദ്യാ​ര്‍ഥി​ക​ളും രാ​സ​ല​ഹ​രി​യും ക​ഞ്ചാ​വും പോ​ലു​ള്ള ല​ഹ​രി വ​സ്തു​ക്ക​ള്‍ ക​ട​ത്തി​ക്കൊ​ണ്ടു​വ​ന്ന് വി​ത​ര​ണം ന​ട​ത്തു​ന്ന​താ​യി പോ​ലീ​സി​നും എ​ക്‌​സൈ​സി​നും സൂ​ച​ന​ക​ളു​ണ്ട്. ക​ഴി​ഞ്ഞ​യാ​ഴ്ച തൃ​ക്കൊ​ടി​ത്താ​നം കോ​ട്ട​മു​റി​യി​ല്‍ എം​ഡി​എം​എ വി​ല്പ​ന​യ്ക്കി​ട​യി​ല്‍ ച​ങ്ങ​നാ​ശേ​രി സ്വ​ദേ​ശി​ക​ളാ​യ മൂ​ന്നു യു​വാ​ക്ക​ളെ തൃ​ക്കൊ​ടി​ത്താ​നം പോ​ലീ​സ് അ​റ​സ്റ്റ് ചെ​യ്തി​രു​ന്നു. ക​ഴി​ഞ്ഞ​ദി​വ​സം ശാ​ന്തി​പു​ര​ത്തു​നി​ന്നു പോ​ലീ​സും എ​ക്‌​സൈ​സ് സം​ഘ​വും ചേ​ര്‍ന്ന് മൂന്നരക്കിലോ‍ ക​ഞ്ചാ​വ് പി​ടി​ച്ചെ​ടു​ത്ത സം​ഭ​വ​മു​ണ്ടാ​യി.

പാ​യി​പ്പാ​ട്, തെ​ങ്ങ​ണ, ക​റു​ക​ച്ചാ​ല്‍ തുടങ്ങിയ സ്ഥലങ്ങൾ കേ​ന്ദ്രീ​ക​രി​ച്ച് ഇ​ത​ര​സം​സ്ഥാ​ന തൊ​ഴി​ലാ​ളി സം​ഘ​ങ്ങ​ളും രാ​സ​ല​ഹ​രി, ക​ഞ്ചാ​വ് വി​ല്പ​ന ന​ടത്തു​ന്ന​താ​യും സൂ​ച​ന​ക​ളു​ണ്ട്. ച​ങ്ങ​നാ​ശേ​രി പെ​രു​ന്ന, ഒ​ന്നാം​ന​മ്പ​ര്‍ ബ​സ് സ്റ്റാ​ന്‍ഡു​ക​ള്‍ കേ​ന്ദ്രീ​ക​രി​ച്ചും ല​ഹ​രി വി​ത​ര​ണ സം​ഘ​ങ്ങ​ള്‍ പ്ര​വ​ര്‍ത്തി​ക്കു​ന്നു​ണ്ട്.