തല​യോ​ല​പ്പ​റ​മ്പ്:​ വീ​ട്ടു​മു​റ്റ​ത്തി​രു​ന്ന ബൈ​ക്കു​മാ​യി ക​ട​ന്നുക​ള​ഞ്ഞ മോ​ഷ്ടാ​ക്ക​ൾ പോ​ലീ​സി​നെക്ക​ണ്ട് ബൈ​ക്ക് ഉ​പേ​ക്ഷി​ച്ച് രക്ഷപ്പെട്ടു. ബൈ​ക്ക് പോ​ലീ​സ് സ്റ്റേ​ഷ​നി​ലെ​ത്തി വാ​ങ്ങി​യ​തി​നു പി​ന്നാ​ലെ ഉ​ട​മ​യ്ക്ക് ഹെ​ൽ​മ​റ്റ് ധ​രി​ക്കാ​തെ മോ​ഷ്ടാ​ക്ക​ൾ ബൈ​ക്ക് ഓ​ടി​ച്ചു പോ​യ​തി​നു പി​ഴ​യ​ടയ്​ക്കാ​ൻ നോ​ട്ടീ​സ് ല​ഭി​ച്ചു.

വ​ട​യാ​ർ പൊ​ട്ട​ൻ​ചി​റ സ്വ​ദേ​ശി​യു​ടെ ബൈ​ക്കാ​ണ് ക​ഴി​ഞ്ഞ ദി​വ​സം വീ​ട്ടു​മു​റ്റ​ത്തുനി​ന്ന് മോ​ഷ്ടാ​ക്ക​ൾ അ​പ​ഹ​രി​ച്ച​ത്.​ പി​റ്റേ​ന്നു രാ​വി​ലെ ഉ​ട​മ എ​ഴു​ന്നേ​റ്റ് നോ​ക്കി​യ​പ്പോ​ഴാ​ണ് ബൈ​ക്ക് മോ​ഷ്ടി​ക്ക​പ്പെ​ട്ട​ത് അ​റി​യു​ന്ന​ത്. ​തു​ട​ർ​ന്ന് ബൈ​ക്ക്അ​ന്വേ​ഷി​ച്ച് ന​ട​ക്കു​ന്ന​തി​നി​ടെ ഉ​ട​മ​യെ പു​ത്ത​ൻ​കാ​വ് പോ​ലീ​സ് സ്റ്റേ​ഷ​നി​ൽനി​ന്നും വി​ളി​ച്ചു ബൈ​ക്ക് ല​ഭി​ച്ച കാ​ര്യം പ​റ​ഞ്ഞു.

രാ​ത്രി പ​ട്രോ​ളിം​ഗി​നി​ടെ പോ​ലീ​സി​നെക്ക​ണ്ട് മോ​ഷ്ടാ​ക്ക​ൾ ബൈ​ക്ക് റോ​ഡ​രി​കി​ൽ ഉ​പേ​ക്ഷി​ച്ച് ക​ട​ന്നുക​ള​യു​ക​യാ​യി​രു​ന്നു. തു​ട​ർ​ന്ന് ഉ​ട​മ സ്റ്റേ​ഷ​നി​ലെ​ത്തി രേ​ഖ​ക​ൾ ന​ൽ​കി ബൈ​ക്കു​മാ​യി മ​ട​ങ്ങി. ദി​വ​സ​ങ്ങ​ൾ​ക്കു​ള്ളി​ൽ ഉ​ട​മ​യ്ക്ക് ഹെ​ൽ​മ​റ്റ് ധ​രി​ക്കാ​തെ വാ​ഹ​നം ഓ​ടി​ച്ച​തി​ന് പി​ഴ ഒ​ടു​ക്കാ​നു​ള്ള നോ​ട്ടീ​സ് ല​ഭി​ച്ചു.

മോ​ഷ്ടാ​ക്ക​ൾ ഹെ​ൽ​മ​റ്റ് ധ​രി​ക്കാ​തെ ബൈ​ക്ക് ഓ​ടി​ച്ച് പോ​കു​ന്ന​തി​ന്‍റെ ദൃ​ശ്യ​മ​ട​ക്കം കാ​ട്ടി​യാ​ണ് പി​ഴ​യ​ട​ക്കാ​ൻ നോ​ട്ടീ​സ് ല​ഭി​ച്ച​ത്.​ കാമ​റ​യി​ൽ മോ​ഷ്ടാ​ക്ക​ളു​ടെ മു​ഖം വ്യ​ക്ത​മാ​യി കാ​ണാ​വു​ന്ന ദൃ​ശ്യ​ങ്ങ​ളാ​ണ് പ​തി​ഞ്ഞി​ട്ടു​ള്ള​ത്. മോ​ഷ്‌ടാ​ക്ക​ളു​ടെ ദൃ​ശ്യം ല​ഭി​ച്ച​തോ​ടെ ഇ​വ​രെ പി​ടി​കൂ​ടു​ന്ന​തി​നാ​യി പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.