മു​ട്ടം: പാ​ച​ക​വാ​ത​ക സി​ലി​ണ്ട​ർ തു​റ​ന്നു​വി​ട്ട് ആ​യു​ധ​വു​മാ​യി അ​ക്ര​മാ​സ​ക്ത​നാ​യ ആ​ളെ ഫ​യ​ർ​ഫോ​ഴ്സ് കീ​ഴ്പ്പെ​ടു​ത്തി. മു​ട്ടം ച​ള്ളാ​വ​യ​ൽ സ്വ​ദേ​ശി​യാ​യ 45കാ​ര​നാ​ണ് നാ​ട്ടു​കാ​രു​മാ​യു​ള്ള ത​ർ​ക്ക​ത്തി​നി​ടെ പാ​ച​ക​വാ​ത​കം തു​റ​ന്നു​വി​ട്ട് ആ​യു​ധ​വു​മാ​യി ഭീ​ഷ​ണി മു​ഴ​ക്കി​യ​ത്. ഇ​തു പ്ര​ദേ​ശ​വാ​സി​ക​ളെ മ​ണി​ക്കൂ​റു​ക​ളോ​ളം മു​ൾ​മു​ന​യി​ലാ​ക്കി. ഒ​ടു​വി​ൽ തൊ​ടു​പു​ഴ ഫ​യ​ർ​ഫോ​ഴ്സ് സ്ഥ​ല​ത്തെ​ത്തി ഇ​യാ​ളെ കീ​ഴ്പ്പെ​ടു​ത്തു​ക​യാ​യി​രു​ന്നു.

ഇ​ന്ന​ലെ പു​ല​ർ​ച്ചെ ഒ​ന്നോ​ടെ​യാ​യി​രു​ന്നു സം​ഭ​വം. ഇ​യാ​ൾ താ​മ​സി​ക്കു​ന്ന മു​റി​യു​ടെ സ​മീ​പ​ത്തു​ള്ള​വ​രും മു​ക​ളി​ലെ നി​ല​യി​ൽ വാ​ട​ക​യ്ക്ക് താ​മ​സി​ക്കു​ന്ന കോ​ള​ജ് വി​ദ്യാ​ർ​ഥി​ക​ളും ഭ​യ​ന്ന് പു​റ​ത്തേ​ക്ക് ഓ​ടി ര​ക്ഷ​പ്പെ​ടു​ക​യാ​യി​രു​ന്നു. ഇ​തി​നി​ടെ പ്ര​ദേ​ശ​വാ​സി വി​വ​രം ഫ​യ​ർ​ഫോ​ഴ്സി​ൽ അ​റി​യി​ച്ചു. ഉ​ട​ൻ​ത​ന്നെ തൊ​ടു​പു​ഴ​യി​ൽ നിന്ന് അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ ഇ​ൻ​ ചാ​ർ​ജ് ബി​ജു പി.​ തോ​മ​സി​ന്‍റെ നേ​തൃ​ത്വ​ത്തി​ൽ ഒ​രു യൂ​ണി​റ്റ് ഫ​യ​ർ​ഫോ​ഴ്സ് സം​ഭ​വ​സ്ഥ​ല​ത്തെത്തി. നാ​ട്ടു​കാ​രെ സ്ഥ​ല​ത്തു​നി​ന്നു മാ​റ്റി​യ​തി​നു​ശേ​ഷം സേ​നാം​ഗ​ങ്ങ​ൾ ഇ​യാ​ളു​മാ​യി സം​സാ​രി​ച്ചു പ്ര​ശ്നം പ​രി​ഹ​രി​ക്കാ​നാ​യി​രു​ന്നു ആ​ദ്യ​ ശ്ര​മം.

ഇ​തി​നാ​യി ഇ​യാ​ളു​ടെ അ​ച്ഛ​നേ​യും അ​മ്മ​യേ​യും സ്ഥ​ല​ത്ത് വി​ളി​ച്ചുവ​രു​ത്തു​ക​യും സേ​നാം​ഗ​ങ്ങ​ൾ മൂ​ന്നു മ​ണി​ക്കൂ​റോ​ളം ശ്ര​മം ന​ട​ത്തി ഇ​യാ​ളെ അ​നു​ന​യി​പ്പി​ക്കു​ക​യു​മാ​യി​രു​ന്നു. തു​ട​ർ​ന്ന് ഇ​യാ​ളു​ടെ സ​മീ​പ​ത്തെ​ത്തി​യ ഫ​യ​ർ​ഫോ​ഴ്സ് അം​ഗ​ങ്ങ​ൾ കൈ​യി​ൽ ഉ​ണ്ടാ​യി​രു​ന്ന ആ​യു​ധ​ങ്ങ​ൾ ത​ന്ത്ര​പൂ​ർ​വം കൈ​വ​ശ​പ്പെ​ടു​ത്തി.

തു​റ​ന്നു​വി​ട്ട ഗ്യാ​സ് സി​ലി​ണ്ട​റി​ന്‍റെ ചോ​ർ​ച്ച അ​ട​ച്ച് അ​പ​ക​ടാ​വ​സ്ഥ ഒ​ഴി​വാ​ക്കി സി​ലി​ണ്ട​ർ പു​റ​ത്തേ​ക്ക് മാ​റ്റു​ക​യും ചെ​യ്തു.

ആ​ളു​ടെ ശ്ര​ദ്ധ മാ​റ്റി​യ​തി​നു​ശേ​ഷം ഫ​യ​ർ​ഫോ​ഴ്സ് അം​ഗ​ങ്ങ​ൾ മ​ൽ​പ്പി​ടു​ത്ത​ത്തി​ലൂ​ടെ ഇ​യാ​ളെ പി​ടി​കൂ​ടി.

മാ​താ​പി​താ​ക്ക​ളു​ടെ ആ​വ​ശ്യ​പ്ര​കാ​രം അ​വ​രു​ടെ സാ​ന്നി​ധ്യ​ത്തി​ൽ പോ​ലീ​സ് സ​ഹാ​യ​ത്തോ​ടെ സ്വ​കാ​ര്യ ആം​ബു​ല​ൻ​സി​ൽ ക​യ​റ്റി മൂ​ല​മ​റ്റ​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​തോ​ടെ​യാ​ണ് മ​ണി​ക്കൂ​റു​ക​ൾ നീ​ണ്ട ആ​ശ​ങ്ക​യ്ക്ക് വി​രാ​മ​മാ​യ​ത്.

സീ​നി​യ​ർ ഫ​യ​ർ ഓ​ഫീ​സ​ർ​മാ​രാ​യ ബി​ബി​ൻ എ.​ ത​ങ്ക​പ്പ​ൻ, ജോ​ബി കെ. ​ജോ​ർ​ജ്, ഫ​യ​ർ ഓ​ഫീ​സ​ർ ജെ​സ്റ്റി​ൻ ജോ​യി ഇ​ല്ലി​ക്ക​ൽ, ഹോം ​ഗാ​ർ​ഡു​മാ​രാ​യ മാ​ത്യു ജോ​സ​ഫ്, എം.​പി. ബെ​ന്നി എ​ന്നി​വ​രും മു​ട്ടം പോ​ലീ​സ് സ​ബ് ഇ​ൻ​സ്പെ​ക്ട​ർ അ​നി​ൽ കു​മാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സും ര​ക്ഷാ​പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി.