പാലാ: പാലാ-തൊടുപുഴ റോഡില്‍ പ്രവിത്താനത്ത് ലോറിയും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ സ്കൂട്ടർ യാത്രി കനായ വയോധികന്‍ മരിച്ചു. ഉള്ളനാട് കുറ്റിക്കാട്ട് തോമസ് അഗസ്റ്റിന്‍ (71) ആണ് മരിച്ചത്. പ്രവിത്താനം ടൗണിന് സമീപം ഇന്നലെ ഉച്ചകഴിഞ്ഞ് രണ്ടോടെയായിരുന്നു അപകടം. കോട്ടയ്ക്കലില്‍നിന്ന് ഈന്തപ്പഴവുമായി വരികയായിരുന്നു ലോറി.
പാലാ പോലീസ് സ്ഥലത്തെത്തി ലോറി കസ്റ്റഡിയിലെടുക്കുകയും മേല്‍ നടപടി സ്വീകരിക്കുകയും ചെയ്തു. സംസ്‌കാരം പിന്നീട്. ഭാര്യ: മേരി മേലുകാവുമറ്റം ഒരപ്പൂഴിക്കല്‍ കുടുംബാംഗം. മക്കള്‍; അഗസ്റ്റിന്‍ തോമസ് (ബിജു, റിട്ട. എയര്‍ഫോഴ്‌സ് ഉദ്യോഗസ്ഥന്), ബീന, റാണി, സോഫി. മരുമക്കള്‍: ജൂലിയറ്റ് കുന്നത്തേട്ട് (അയര്‍ക്കുന്നം), റോബിന്‍ കാരിക്കുന്നേല്‍ അനക്കല്ല ്(യുഎസ്എ), റോയി മാപ്പിളശേരില്‍ (ഐങ്കൊമ്പ്), ജോയി തടത്തില്‍ (വാഴക്കുളം).