എടത്വ: മുടങ്ങിക്കിടന്നിരുന്ന മുട്ടാർ സർവീസ് കെഎസ്ആര്‍ടിസി പുനരാരംഭിച്ചു. കുട്ടനാട് എംഎല്‍എ തോമസ് കെ. തോമസ് ഫ്‌ളാഗ് ഓഫ് നിര്‍വഹിച്ചു. മുട്ടാര്‍ സെന്‍ട്രല്‍ റോഡിന്‍റെയും കിടങ്ങറ ആര്‍ച്ച് പാലത്തിന്‍റെയും നിര്‍മാണവുമായി ബന്ധപ്പെട്ട് രണ്ടു വര്‍ഷത്തിലേറെ യായി മുടങ്ങിക്കിടന്ന കെഎസ്ആര്‍ടിസി സര്‍വീസാണ് ഇന്നലെ പുനരാരംഭിച്ചത്.
മുട്ടാര്‍ പഞ്ചായത്ത് ഭരണസമിതിയുടെ നിരന്തര ഇടപെടലിന്‍റെ ഫലമായിട്ടാണ് എടത്വ ഡിപ്പോയില്‍ നിന്നുള്ള സര്‍വീസുകള്‍ പുനരാരംഭിച്ചത്. ഇന്നു മുതല്‍ പൂര്‍ണമായും പുനരാരംഭിക്കും. മുട്ടാര്‍ പഞ്ചായത്ത് പ്രസിഡന്‍റ് കെ. സുരമ്യ അധ്യക്ഷത വഹിച്ചു. വൈസ് പ്രസിഡന്‍റ് ബോബന്‍ ജോസ്, വെളിയനാട് ബ്ലോക്ക് വൈസ് പ്രസിഡന്‍റ് ബീന ജോസഫ്, മെമ്പര്‍മാരായ മെര്‍ലിന്‍ ബൈജു, ലതീഷ് കുമാര്‍, മോനിച്ചന്‍ ആന്‍റണി, കെഎസ്ആര്‍ടിസി ഉദ്യോഗസ്ഥരായ രശ്മിനാഥ്, രമേശ്, മനോജ് കുമാര്‍, എസ്. അജിത് മുട്ടാര്‍, പഞ്ചായത്ത് ഹെഡ് ക്ലര്‍ക്ക് ബിജു, ഓഫീസ് അറ്ററ്റൻഡന്‍റ് നിബു എന്നിവര്‍ പങ്കെടുത്തു.