മാ​ന്നാ​ര്‍: സു​വ​ര്‍​ണജൂ​ബി​ലി നി​റ​വി​ല്‍ പ​രു​മ​ല ആ​ശു​പ​ത്രി. ഒ​രു വ​ര്‍​ഷം നീ​ണ്ടുനി​ല്‍​ക്കു​ന്ന ജൂ​ബി​ലി ആ​ഘോ​ഷ​ങ്ങ​ള്‍ നാ​ളെ തു​ട​ങ്ങും. 1975 സെ​പ്റ്റം​ബ​ര്‍ 11 മ​ല​ങ്ക​ര ഓ​ര്‍​ത്ത​ഡോ​ക്‌​സ് സ​ഭ​യു​ടെ ആ​തു​ര ശു​ശ്രൂ​ഷ​യു​ടെ നേ​ര്‍​ക്കാ​ഴ്ച​യാ​യ ഈ ​സ്ഥാ​പ​നം പ​രി​ശു​ദ്ധ പ​രു​മ​ല തി​രു​മേ​നി​യു​ടെ നാ​മ​ത്തി​ല്‍ പ​രി​ശു​ദ്ധ ബ​സേ​ലി​യോ​സ് ഔ​ഗൈ​ന്‍ പ്ര​ഥ​മ​ന്‍ ബാ​വ ആ​രം​ഭി​ച്ചു.

ഫാ. ​കെ.ബി. ​മാ​ത്യൂ​സാ​ണ് ആ​ദ്യ​കാ​ല പ്ര​വ​ര്‍​ത്ത​ന​ങ്ങ​ള്‍​ക്കു നേ​തൃ​ത്വം ന​ല്‍​കി​യ​ത്. ഡോ. അ​ല​ക്‌​സ് പോ​ളി​ന്‍റെ നേ​തൃ​ത്വ​ത്തി​ല്‍ മൂ​ന്നുവി​ഭാ​ഗ​ങ്ങ​ളി​ല്‍ ആ​രം​ഭി​ച്ച ആ​ശു​പ​ത്രി ഇ​ന്ന് 36 വി​ഭാ​ഗ​ങ്ങ​ളു​ള്ള മ​ള്‍​ട്ടി സ്‌​പെ​ഷാ​ലി​റ്റി ആ​ശു​പ​ത്രി​യാ​യി വ​ള​ര്‍​ന്നു. 2005ല്‍ ​രാ​ഷ്ട്ര​പ​തി ഡോ. ​എ.​പി.​ജെ. അ​ബ്ദു​ല്‍ ക​ലാം ആ​ശു​പ​ത്രി സ​ന്ദ​ര്‍​ശി​ച്ചു.

2010ല്‍ ​പ​രു​മ​ല ഇ​ന്‍റ​ര്‍​നാ​ഷ​ണ​ല്‍ കാ​ന്‍​സ​ര്‍ കെ​യ​ര്‍ സെ​ന്‍റ റിന്‍റെ ത​റ​ക്ക​ല്ലി​ടു​ക​യും 2016ലെ ​പ​രു​മ​ല ഇ​ന്‍റർനാ​ഷ​ണ​ല്‍ കാ​ര്‍​ഡ് യൂ​ണി​റ്റ് ആ​രം​ഭി​ക്കു​ക​യും ചെ​യ്തു. ഇ​ന്ന് 160 ഡോ​ക്ട​ര്‍​മാ​രും 1800-ല​ധി​കം മെ​ഡി​ക്ക​ല്‍ പാ​രാ മെ​ഡി​ക്ക​ല്‍ ജീ​വ​ന​ക്കാ​രു​മാ​യി പ്ര​വ​ര്‍​ത്തി​ക്കു​ന്ന 300 കി​ട​ക്ക​ക​ളു​ള്ള ആ​തു​രാ​ല​യ​ത്തി​ന് അ​മേ​രി​ക്ക​ന്‍ ഹാ​ര്‍​ട്ട് അ​സോ​സി​യേ​ഷ​ന്‍റെ ഇ​ന്‍റര്‍​നാ​ഷ​ണ​ല്‍ ട്രെ​യി​നിം​ഗ് സെ​ന്‍റര്‍, ഡ​ല്‍​ഹി നാ​ഷ​ണ​ല്‍ ബോ​ര്‍​ഡി​ന്‍റെ ഡി​എ​ന്‍​ബി അം​ഗീ​കാ​രം ല​ഭി​ച്ച ഒ​രു മി​ക​ച്ച അ​ക്കാ​ഡ​മി​ക് സെ​ന്‍റര്‍ എ​ന്നീ അം​ഗീ​കാ​ര​ങ്ങ​ളും ല​ഭി​ച്ചു. ഗ​വ. ഓ​ഫ് ഇ​ന്ത്യ​യു​ടെ ക്വാ​ളി​റ്റി കൗ​ണ്‍​സി​ല്‍​സി​ലി​ന്‍റെ എ​ന്‍​എ​ബി​എ​ച്ച് ഫു​ള്‍ ആ​ക്ര​ഡി​റ്റേ​ഷ​നും ഡി​ജി​റ്റ​ല്‍ അ​ക്ര​ഡി​റ്റേ​ഷ​നും നേ​ടു​ന്ന മ​ധ്യ​തി​രു​വി​താം​കൂ​റി​ലെ ആ​ദ്യ​ത്തെ ആ​ശു​പ​ത്രി​യും പ​രു​മ​ല ആ​ശു​പ​ത്രി​യാ​ണ്.

നാളെ ഉ​ച്ച​യ്ക്ക് 12ന് ​പ​രി​ശു​ദ്ധ ബ​സേ​ലി​യോ​സ് മാ​ത്യൂ​സ് ത്രി​തീ​യ​ന്‍ കാ​തോ​ലി​ക്ക ബാ​വ തി​രു​മേ​നി​യു​ടെ അ​ധ്യ​ക്ഷ​ത​യി​ല്‍ കൂ​ടു​ന്ന യോ​ഗ​ത്തി​ല്‍ ഗോ​വ ഗ​വ​ര്‍​ണ​ര്‍ പി.എ​സ് ശ്രീ​ധ​ര​ന്‍​പി​ള്ള ഉ​ദ്ഘാ​ട​നം ചെ​യ്യും. പ​രു​മ​ല ആ​ശു​പ​ത്രി പു​തു​താ​യി ആ​രം​ഭി​ക്കു​ന്ന കേ​ര​ള​ത്തി​ലെ ആ​ദ്യ കോം​പ്രി​ഹ​ന്‍​സീ​വ് ഇ​ന്‍റ​ര്‍​വെ​ന്‍​ഷ​ണ​ല്‍ റേ​ഡി​യോ​ള​ജി വി​ഭാ​ഗ​ത്തി​ന്‍റെ ഉ​ദ്ഘാ​ട​നം മ​ന്ത്രി വീ​ണ ജോ​ര്‍​ജ് നി​ര്‍​വ​ഹി​ക്കും.

സു​വ​ര്‍​ണജൂ​ബി​ലി വ​ര്‍​ഷ​ത്തി​ല്‍ തു​ട​ക്കം കു​റി​ക്കു​ന്ന പ​രു​മ​ല പീ​ഡി​യാ​ട്രി​ക് ന്യൂ​റോ​ള​ജി വി​ഭാ​ഗ​ത്തി​ന്‍റെയും പി ​എം ആ​ര്‍ വി​ഭാ​ഗ​ത്തിന്‍റെയും സോ​ഫ്റ്റ് ലോ​ഞ്ച് പ​ത്ത​നം​തി​ട്ട എം ​പി ആ​ന്‍റോ ആ​ന്‍റ​ണി​യും പ​രു​മ​ല പീ​ഡി​യാ​ട്രി​ക് ഓ​ങ്കോ​ള​ജി വി​ഭാ​ഗ​ത്തി​ന്‍റെയും പാ​ലി​യേ​റ്റീ​വ് മെ​ഡി​സി​ന്‍ വി​ഭാ​ഗ​ത്തി​ന്‍റെയും സോ​ഫ്റ്റ് ലോ​ഞ്ച് തി​രു​വ​ല്ല എം​എ​ല്‍​എ മാ​ത്യു ടി. ​തോ​മ​സും നി​ര്‍​വ​ഹി​ക്കും. സു​വ​ര്‍​ണജൂ​ബി​ലി ബ്ലോ​ക്കി​ന്‍റെ നി​ര്‍​മാ​ണ പ്ര​ഖ്യാ​പ​ന​വും ച​ട​ങ്ങി​ല്‍ ന​ട​ക്കും.

മ​ല​ങ്ക​ര ഓ​ര്‍​ത്ത​ഡോ​ക്‌​സ് സ​ഭ സു​ന്ന​ഹ​ദോ​സ് സെ​ക്ര​ട്ട​റി ഡോ. ​യൂ​ഹാ​നോ​ന്‍ മാ​ര്‍ ക്രി​സോ​സ്റ്റ​മോ​സ് മെ​ത്രാ​പ്പോ​ലീ​ത്ത, സി​ഇ​ഒ ഫാ. ​എം.സി ​പൗ​ലോ​സ് എ​ന്നി​വ​ര്‍ വാ​ര്‍​ത്താസ​മ്മേ​ള​ന​ത്തി​ല്‍ പ​ങ്കെ​ടു​ത്തു.