കായം​കു​ളം: വ​ള്ളി​കു​ന്ന​ത്ത് ക​ർ​ഷ​ക​രു​ടെ ഉ​റ​ക്കം കെ​ടു​ത്തി കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന . കാ​ട്ടു​പ​ന്നി​ക​ളെ തു​ര​ത്താ​ൻ ഒ​ടു​വി​ൽ പ​ഞ്ചാ​യ​ത്ത് ന​ട​പ​ടി തു​ട​ങ്ങി. പ​ഞ്ചാ​യ​ത്തി​ന്‍റെ നി​ർ​ദേ​ശപ്ര​കാ​രം കാ​ട്ടു​പ​ന്നി​ക​ളെ വെ​ടി വ​യ്ക്കാ​നാ​യി എ​ത്തി​യ ഷൂ​ട്ട​ർ​മാ​ർ ഒ​രു പ​ന്നി​യെ കൊ​ന്നു. കാ​ട്ടു​പ​ന്നി​ക​ളു​ടെ താ​വ​ളം ക​ണ്ടെ​ത്തി​യാ​ണ് വെ​ടി​വെ​ച്ച​ത്.

വെ​ടി ശ​ബ്‌​ദം കേ​ട്ട മ​റ്റു പ​ന്നി ക​ൾ കൂ​ട്ട​ത്തോ​ടെ ഓ​ടി​മാ​റി. വ​ള്ളി​കു​ന്നം ഭാ​ഗ​ങ്ങ​ളി​ൽ കാ​ട്ടു പ​ന്നി​ക​ളു​ടെ രാ​ത്രി വി​ള​യാ​ട്ട​ത്തി​ൽ ഓ​ണം വി​പ​ണി ല​ക്ഷ്യ​മി​ട്ട് കൃ​ഷി ചെ​യ്ത ഏ​ക്ക​റു ക​ണ​ക്കി​ന് സ്ഥ​ല​ത്തെ ഇ​ട​വി​ള​ക​ളാ​ണ് ന​ശി​പ്പി​ക്ക​പ്പെ​ട്ട​ത്. ഓ​ണ​ക്കാ​ല വി​പ​ണി ല​ക്ഷ്യ​മി​ട്ട് വ​ള​ർ​ത്തി​യ കൃ​ഷി​ക​ൾ ന​ശി​ച്ച​തോ​ടെ ക​ർ​ഷ​ക​ർ ആ​കെ നി​രാ​ശ​യി​ലാ​ണ്. ക​ഴി​ഞ്ഞ ദി​വ​സം​പ​ട​യ​ണി​വെ​ട്ട​ത്തും പ​രി​സ​ര ത്തും ​പ​ന്നി​ക​ൾ വ്യാ​പ​ക​മാ​യി കൃ​ഷി​ക​ൾ ന​ശി​പ്പി​ച്ചു. പ​ട​യ​ണി​വെ​ട്ടം നെ​ടി​യ​ത്ത് ഹ​രി​ശ്രീ​യി​ൽ ശി​വ​ൻ​കു​ട്ടി നാ​യ​രു​ടെ​യും പ​രി​സ​ര​ത്തു​ള്ള വീ​ടു​ക​ളി​ലെ കൃ​ഷി​യി​ട​ത്തി​ലേ​യും കു​ല​ച്ച വാ​ഴ​ക​ളും വി​ള​ഞ്ഞ ചീ​നി​ക​ളും മ​റ്റു ഇ​ട​വി​ള കൃ​ഷി​ക​ളു​മാ​ണ് പ​ന്നി​ക​ൾ ന​ശി​പ്പി​ച്ച​ത്.

ഇ​വി​ടെ മൂ​ന്നാ​മ​ത്തെ ത​വ​ണ​യാ​ണ് പ​ന്നി​ക​ൾ കൂ​ട്ട​ത്തോ​ടെ ഇ​റ​ങ്ങി വി​ള നാ​ശം വ​രു​ത്തി​യ​ത്. ര​ണ്ട് വ​ർ​ഷം​മു​മ്പ് മു​ത​ലാ​ണ് വ​ള്ളി​കു​ന്നം പ്ര​ദേ​ശ​ത്ത് കാ​ട്ടുപ​ന്നി​ക​ളു​ടെ സാ​ന്നി​ധ്യം ക​ണ്ടെ​ത്തി​യ​ത്. ചാ​രു​മൂ​ട് ഭാ​ഗ​ത്ത്നി​ന്നു കെ​ഐ​പി ക​നാ​ൽ വ​ഴി​യാ​ണ് പ​ന്നി​ക​ൾ എ​ത്തു​ന്ന​ത്. പ​ക​ൽസ​മ​യം കു​റ്റി​ക്കാ​ടു​കളി​ൽ ഒ​ളി​ച്ചി​രി​ക്കു​ന്ന ഇ​വ​റ്റ​ക​ൾ രാ​ത്രി​യി​ലി​റ​ങ്ങി വ്യാ​പ​ക​മാ​യി കൃ​ഷി ന​ശി​പ്പി ക്കു​ക​യാ​ണ്.​

വ​ള്ളി​കു​ന്ന​ത്തെ കൃ​ഷി​ക​ൾ ന​ശി​പ്പി​ക്കു​ന്ന കാ​ട്ടു​പ​ന്നി​ക​ളെ തു​ര​ത്ത​ണ​മെ​ന്ന ക​ർ​ഷ​ക​രു​ടെ യും ​നാ​ട്ടു​കാ​രു​ടെ​യും പ​രാ​തി​യു​ടെ അ​ടി​സ്ഥാ​ന​ത്തി​ൽ ക​ഴി​ഞ്ഞ 21ന് ​പ്ര​സി​ഡന്‍റ് ഡി.​രോ​ഹി​ണി​യു​ടെ അ​ധ്യ​ക്ഷ​ത​യി​ൽ ജ​ന​പ്ര​തി​നി​ധി​ക​ളു​ടെ​യും രാ​ഷ്‌ട്രീയ പ്ര​തി​നി​ധി​ക​ളു​ടെ​യും ക​ർ​ഷ​ക​രു​ടെ​യും യോ​ഗം ചേ​ർ​ന്നി​രു​ന്നു. ഈ ​യോ​ഗ​ത്തി​ലാ​ണ് ലൈ​സ​ൻ​സു​ള്ള ഷൂ​ട്ട​ർ​മാ​രെ നി​യോ​ഗി​ക്കാ​ൻ തീ​രു​മാ​നി​ച്ച​ത്.

തു​ട​ർ​ന്നാ​ണ് ക​ഴി​ഞ്ഞ ദി​വ​സം പ​ന്നി​യു​ടെ ആ​വാ​സ കേ​ന്ദ്ര​ങ്ങ​ൾ ക​ർ​ഷ​ക​രു​ടെ സ​ഹാ​യ​ത്തോ​ടെ ക​ണ്ടെ​ത്തി ഷൂ​ട്ട​ർ​മാ​രാ​യ ദി​ലീ​പ് കോ​ശി ജോ​ൺ, അ​സി​സ്റ്റ​ന്‍റ് അ​ജി​ത്ത് എ​ന്നി​വ​ർ ചേ​ർ​ന്ന് പ​ന്നി​ക​ളെ ഓ​ടി​ക്കു​ക​യും ഒ​രു പ​ന്നി​യെ കൊ​ല്ലു​ക​യും ചെ​യ്ത​ത്. തു​ട​ർ​ന്നു​ള്ള ദി​വ​സ​ങ്ങ​ളിലും ​ഷൂ​ട്ട​ർ​മാ​ർ എ​ത്തു​മെ​ന്ന് അ​ധി​കൃ​ത​ർ അ​റി​യി​ച്ചു .