ആം​ബു​ല​ന്‍​സും കാ​റും കൂ​ട്ടി​യി​ടി​ച്ച് രോ​ഗി മ​രി​ച്ചു
Friday, July 26, 2024 11:41 PM IST
മുഹ​മ്മ: ചേ​ര്‍​ത്ത​ല താ​ലൂ​ക്ക് ആ​ശു​പ​ത്രി​യി​ല്‍​നി​ന്നു ഗു​രു​ത​രാ​വ​സ്ഥ​യി​ലു​ള​ള രോ​ഗി​യു​മാ​യി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കു പോ​യ ആം​ബു​ല​ന്‍​സി​ല്‍ കാ​റി​ടി​ച്ചു രോ​ഗി മ​രി​ച്ചു. അ​ഞ്ചു പേ​ര്‍​ക്കു പ​രി​ക്കേ​റ്റു. ക​ഞ്ഞി​ക്കു​ഴി പ​ഞ്ചാ​യ​ത്ത് എ​ട്ടാം വാ​ര്‍​ഡ് പോ​ള​ക്കാ​ട​ന്‍ ക​വ​ല ഉ​ള്ളാ​ട​ന്‍ പ​റ​മ്പ് ഉ​ദ​യ​ന്‍(64)​ആ​ണ് മ​രി​ച്ച​ത്.

ഉ​ദ​യ​ന്‍റെ മ​ക​ന്‍ യു.​ഇ. ര​തീ​ഷ്(29), ഉ​ദ​യ​ന്‍റെ സ​ഹോ​ദ​രി​മാ​രു​ടെ മ​ക്ക​ളാ​യ ക​ഞ്ഞി​ക്കു​ഴി പ​ലി​യ​ത്ത് പി.​ബി.​ അ​ഖി​ല്‍ (24) ക​ഞ്ഞി​ക്കു​ഴി 6-ാംവാ​ര്‍​ഡി​ല്‍ ഉ​ളം​പ്ലാ​വി​ന്‍ ശ്രീ​ക്കു​ട്ട​ന്‍(39), ആം​ബു​ല​ന്‍​സ് ഡ്രൈ​വ​ര്‍ ചേ​ര്‍​ത്ത​ല തെ​ക്ക് വര​യ​ത്തൂ​ര്‍ സു​മേ​ഷ് (20), കാ​ര്‍ ഓ​ടി​ച്ചി​രു​ന്ന കോ​ക്കോ​ത​മം​ഗ​ലം സ്വ​ദേ​ശി പോ​ളി (70) എ​ന്നി​വ​ര്‍​ക്കാ​ണ് അ​പ​ക​ട​ത്തി​ല്‍ പ​രി ക്കേ​റ്റ​ത്.

ഇന്നലെ രാ​വി​ലെ 11.30ന് ​ദേ​ശീ​യ​പാ​ത ചേ​ര്‍​ത്ത​ല എ​സ്എ​ന്‍ കോ​ള​ജി​നു സ​മീ​പ​ത്താ​ണ് അ​പ​ക​ട​മു​ണ്ടാ​യ​ത്. ശ്വാ​സ​ത​ട​സം നേ​രി​ട്ട​തി​നെ​ത്തു​ട​ര്‍​ന്ന് ചേ​ര്‍​ത്ത​ല താ​ലൂക്ക് ആ​ശു​പ​ത്രി​യി​ല്‍ ചി​കി​ത്സ തേ​ടി​യ ഉ​ദ​യ​ന്‍റെ നി​ല ഗു​രു​ത​ര​മാ​യ​തി​നാ​ല്‍ ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കു കൊ​ണ്ടു​പോ​കാ​ന്‍ നി​ര്‍​ദേ​ശി​ച്ചു. കാ​ര്‍ ചേ​ര്‍​ത്ത​ല​യി​ലേ​ക്ക് പോ​കു​ക​യാ​യി​രു​ന്നു.


ഇ​ടി​യു​ടെ ആ​ഘാ​ത​ത്തി​ല്‍ ആം​ബു​ല​ന്‍​സ് മ​റി​ഞ്ഞു റോ​ഡി​ല്‍ നി​ന്ന് പത്തു മീ​റ്റ​റോ​ളം തെ​ന്നി നീ​ങ്ങി സ​മീ​പ​ത്തെ ഓ​ട്ടോ​റി​ക്ഷാ സ്റ്റാ​ന്‍​ഡി​ലെ ഓ​ട്ടോ​റി​ക്ഷ​യി​ല്‍ ഇ​ടി​ച്ചാ​ണ് നി​ന്ന​ത്. ആം​ബു​ല​ന്‍​സി​നു തീ ​പി​ടി​ച്ചെ​ങ്കി​ലും ഓ​ട്ടോ​റി​ക്ഷ​ാ തൊ​ഴി​ലാ​ളി​ക​ള്‍ ഉ​ട​ന്‍ത​ന്നെ തീ​യ​ണ​ച്ചു. നാ​ട്ടു​കാ​രും മാ​രാ​രി​ക്കു​ളം പൊ​ലീ​സും ചേ​ര്‍​ന്നാ​ണ് പ​രി​ക്കേ​റ്റ​വ​രെ ചേ​ര്‍​ത്ത​ല​യി​ലെ ആ​ശു​പ​ത്രി​യി​ല്‍ എ​ത്തി​ച്ച​ത്.

ഗു​രു​ത​ര​മാ​യി പ​രി​ക്കേ​റ്റ ശ്രീ​ക്കു​ട്ട​നെ​യും ആം​ബു​ല​ന്‍​സ് ഡ്രൈ​വ​ര്‍ സു​മേ​ഷി​നെ​യും ചേ​ര്‍​ത്ത​ല താ​ലു​ക്ക് ആ​ശു​പ​ത്രി​യി​ല്‍​നി​ന്നു കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. ര​തീ​ഷും അ​ഖി​ലും ചേ​ര്‍​ത്ത​ല താ​ലൂ​ക്ക് ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. മ​രി​ച്ച ഉ​ദ​യ​ന്‍റെ മൃ​ത​ദേ​ഹം ചേ​ര്‍​ത്ത​ല താ​ലു​ക്ക് ആ​ശു​പ​ത്രി മോ​ര്‍​ച്ച​റി​യി​ല്‍. ശ​നി​യാ​ഴ്ച പോ​സ്റ്റ്മോ​ര്‍​ട്ടം ന​ട​ത്തി ബ​ന്ധു​ക്ക​ള്‍​ക്ക് വി​ട്ടു​ന​ല്‍​കും. ഭാ​ര്യ: ഗി​രി​ജ. മ​ക്ക​ള്‍: ര​ഞ്ജി​ത്ത്, ശ്രീ​ജി​ത്ത്. മ​രു​മ​ക​ള്‍: അ​ശ്വ​തി.