യു​വ​തി​യു​ടെ സ്‌​കാ​നിം​ഗ് റി​പ്പോ​ര്‍​ട്ട് ന​ല്‍​കാ​തെ തു​ട​ര്‍​ചി​കി​ത്സ വൈകിപ്പി​ച്ച​താ​യി പ​രാ​തി
Friday, July 26, 2024 11:41 PM IST
അ​മ്പ​ല​പ്പു​ഴ: ത​ല​യ്ക്ക് പ​രിക്കേറ്റ് വ​ണ്ടാ​നം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ എ​ത്തി​ച്ച യു​വ​തി​യു​ടെ സ്‌​കാ​നിം​ഗ് റി​പ്പോ​ര്‍​ട്ട് യ​ഥാ​സ​മ​യം ന​ല്‍​കാ​തെ​ തു​ട​ര്‍ ചി​കി​ത്സ താ​മ​സി​പ്പി​ച്ച​താ​യി പ​രാ​തി. ഒ​രാ​ഴ്ച ക​ഴി​ഞ്ഞി​ട്ടും സ്‌​കാ​നി​ംഗ് ഫ​ലം ല​ഭി​ക്കാ​തെ വ​ന്ന​തോ​ടെ ആശുപത്രിയിൽ എ​ത്തി​യ രോ​ഗി​യു​ടെ മാ​താ​വി​നോ​ട് തി​ര​ക്കാ​യ​തി​നാ​ല്‍ ശ​രി​യാ​യ രീ​തി​യി​ല്‍ സ്‌​കാ​നിം​ഗ് ചെ​യ്യാ​നാ​യി​ല്ലെ​ന്ന് ഡോ​ക്ട​ര്‍ മ​റു​പ​ടി ന​ല്‍​കി​യെ​ന്ന് പ​രാ​തി​യി​ല്‍ പ​റ​യു​ന്നു.

പു​റ​ക്കാ​ട് പ​ഞ്ചാ​യ​ത്ത് നാ​ലാം വാ​ര്‍​ഡ് ക​രൂ​ര്‍ മു​റി​യി​ല്‍ തൈ​പ്പ​റ​മ്പി​ല്‍ വീ​ട്ടി​ല്‍ അ​ഞ്ജു​മോ​ള്‍(24)​ക്കാ​ണ് ദു​ര​നു​ഭ​വ​മു​ണ്ടാ​യ​ത്. ഇ​തു സം​ബ​ന്ധി​ച്ച് രോ​ഗി​യു​ടെ അമ്മ സ​ന്ധ്യ മു​ഖ്യ​മ​ന്ത്രി​ക്കും ആ​രോ​ഗ്യ​മ​ന്ത്രി​ക്കും പ​രാ​തി ന​ല്‍​കി.

ജ​ന​ല്‍​പാ​ളി ത​ല​യിൽ ത​ട്ടി പ​രിക്കേ​റ്റ അ​ഞ്ജു​മോ​ളെ വ​ണ്ടാ​നം മെ​ഡി​ക്ക​ല്‍ കോ​ള​ജ് ആ​ശു​പ​ത്രി ന്യൂ​റോ വി​ഭാ​ഗ​ത്തി​ല്‍ ക​ഴി​ഞ്ഞ പത്തിനാ​ണ് പ്ര​വേ​ശി​പ്പി​ച്ച​ത് ചി​കി​ത്സ​യു​ടെ ഭാ​ഗ​മാ​യി ര​ണ്ടു സി​ടി സ്‌​കാ​ന്‍ ചെ​യ്തു. 15നു ​രാ​ത്രി 11 മ​ണി​ക്ക് എം​ആ​ര്‍​ഐ സ്‌​കാ​നും ചെ​യ്തു. സ്‌​കാ​ന്‍ ചെ​യ്തു ക​ഴി​ഞ്ഞ​പ്പോ​ള്‍ ലാ​ബി​ല്‍​നി​ന്ന് അ​റി​യി​ച്ച​ത് നാ​ലു ദി​വ​സം ക​ഴി​ഞ്ഞ് റി​സ​ള്‍​ട്ട് ത​രാ​മെ​ന്നാ​യി​രു​ന്നു.

പി​റ്റേ​ദി​വ​സം ഡി​സ്ചാ​ര്‍​ജ് ചെ​യ്ത​തോ​ടെ രോ​ഗി വീ​ട്ടി​ലേ​ക്ക് പോ​യി. നാ​ലു ദി​വ​സം ക​ഴി​ഞ്ഞ് സ്‌​കാ​നിം​ഗ് റി​സ​ള്‍​ട്ട് ചോ​ദി​ച്ച​പ്പോ​ള്‍ ആ​യി​ട്ടി​ല്ലെ​ന്നാ​ണ് പ​റ​ഞ്ഞ​ത്. 23നു ​രാ​വി​ലെ അ​ന്വേ​ഷി​ച്ച​പ്പോ​ള്‍ പത്തു മ​ണി​ക്ക് ഫോ​ണി​ല്‍ വി​ളി​ച്ചു​പ​റ​യാ​മെ​ന്ന് അ​റി​യി​ച്ചു. പത്തു മ​ണി​യാ​യ​പ്പോ​ള്‍ ലാ​ബി​ല്‍​നി​ന്ന് വി​ളി​ച്ചു പ​റ​ഞ്ഞ​ത് രോ​ഗി​യെ ഒ​ന്നുകൂ​ടി സ്‌​കാ​ന്‍ ചെ​യ്യ​ണ​മെ​ന്നാ​ണ്. ഇ​തി​നാ​യി ഈ ​മാ​സം 27ന് ​വ​ര​ണ​മെ​ന്നും അ​ന്നുത​ന്നെ റി​സ​ള്‍​ട്ട് ത​രാ​മെ​ന്നും പ​റ​ഞ്ഞു.

സം​ശ​യം തോ​ന്നി​യ രോ​ഗി​യു​ടെ മാ​താ​വും ബ​ന്ധു​ക്ക​ളും സ്‌​കാ​ന്‍ ചെ​യ്ത ഡോ​ക്ട​റെ സ​മീ​പി​ച്ചു. അ​ന്ന് രാ​ത്രി രോ​ഗി​യു​ടെ ഒ​രു ഭാ​ഗം മാ​ത്ര​മേ സ്‌​കാ​ന്‍ ചെ​യ്യാ​ന്‍ ക​ഴി​ഞ്ഞു​ള്ളൂവെ​ന്നും ബാ​ക്കി ചെ​യ്യാ​ന്‍ ത​നി​ക്ക് തി​ര​ക്കാ​യി​പ്പോ​യി എ​ന്നു​മാ​ണ് ഡോ​ക്ട​ര്‍ മ​റു​പ​ടി ന​ല്‍​കി​യ​ത്. ശ​രി​യാ​യ റി​സ​ള്‍​ട്ട് ല​ഭി​ക്കാ​തെ വ​ന്ന​ത് തു​ട​ര്‍​ചി​കി​ത്സ​യെ ബാ​ധി​ച്ചെന്നാ​ണ് ബ​ന്ധു​ക്ക​ളു​ടെ പ​രാ​തി.