ചേര്ത്തല: മോട്ടോര് വാഹനവകുപ്പില് സര്ക്കാരിനു നികുതിയായും ഫീസായും ലഭിക്കേണ്ട തുക നഷ്ടമാക്കിയെന്ന സംഭവത്തില് ആരോപണവിധേയനായ മുന് ജോയിന്റ് ആര്ടിഒ ജെബി ഐ. ചെറിയാനെ ഗതാഗതവകുപ്പ് സര്വീസില്നിന്നുംസസ്പെന്ഡ് ചെയ്തു. ഗതാഗതവകുപ്പ് കമ്മീഷണറുടെ ശിപാര്ശയുടെ അടിസ്ഥാനത്തിലാണ് നടപടി. എറണാകുളം ഡെപ്യൂട്ടി ട്രാന്സ്പോര്ട്ട് കമ്മീഷണര് നടത്തിയ പ്രാഥമിക പരിശോധനയില് ക്രമക്കേട് നടന്നതായി കണ്ടെത്തിയിട്ടുണ്ട്.
2021 ഫെബ്രുവരി 15 മുതല് 2023 നവംബര് 25 വരെയുള്ള കാലയളവിലെ ഇടപാടുകളുടെ പേരിലാണ് ചേര്ത്തല മുന് ജോയിന്റ് ആര്ടിഒയും നിലിവില് തൃശൂര് എന്ഫോഴ്സ്മെന്റ് ആര്ടിഒയുമായ ജെബി ഐ. ചെറിയാനെതിരേ കേസ്. സര്ക്കാരിന് 32,21,165 രൂപ നഷ്ടമുണ്ടാക്കിയെന്ന പരാതിയിലാണ് നടപടി. വാഹനങ്ങളുടെ നികുതി ഇളവുകള്, നികുതി ഒഴിവാക്കല്, പഴയ വാഹനങ്ങളുടെ രജിസ്ട്രേഷന് റദ്ദാക്കല്, കാലാവധി കഴിഞ്ഞ ഡ്രൈവിംഗ് ലൈസന്സുകള് വീണ്ടും ടെസ്റ്റു നടത്താതെ പുതുക്കി നല്കല്, റവന്യു റിക്കവറി നടപിടികള് സ്വീകരിക്കാതിരിക്കല് തുടങ്ങിയ കുറ്റങ്ങളാണ് ജെബി ഐ. ചെറിയാനെതിരേ ചുമത്തിയിരിക്കുന്നത്.