ആലപ്പുഴ: തത്തംപള്ളി ഗ്രൗണ്ടിനു മുന്വശം റോഡ് സൈഡില് കുറെ നാളായി നിര്ത്തിയിട്ടിരുന്ന ജീപ്പിനു തീപിടിച്ചു. കെഎല് 01 പി 3020 നമ്പര് മഹീന്ദ്ര ജീപ്പിനാണ് തീ പിടിച്ചത്. വൈകിട്ട് നാലോടെയായിരുന്നു തീ പടര്ന്നത്. വാഹത്തിനുള്ളില് പ്ലാസ്റ്റിക് വേസ്റ്റും ഒഴിഞ്ഞ മദ്യക്കുപ്പികളും ഉണ്ടായിരുന്നു. കുപ്പികളും പൊട്ടിത്തെറിച്ചു. അഗ്നിരക്ഷാ സേന എത്തി തീ അണച്ചു. വാഹനത്തിന്റെ ഉടമസ്ഥനെക്കുറിച്ച് വിവരം ലഭിച്ചിട്ടില്ലെന്ന് പോലീസ് അറിയിച്ചു.