ജ​ന​റ​ൽ ആ​ശു​പ​ത്രി​യു​ടെ അ​നാ​സ്ഥ: സി​റി​ഞ്ചും പ​ഞ്ഞി​യു​ം ഒ​ഴു​കിന​ട​ക്കു​ന്നു
Wednesday, July 24, 2024 11:09 PM IST
ആ​ല​പ്പു​ഴ: ക​ന​ത്ത മ​ഴ​യി​ല്‍ ജ​ന​റ​ല്‍ ആ​ശു​പ​ത്രി വ​ള​പ്പി​ലെ സി​റി​ഞ്ചും പ​ഞ്ഞി​യു​മ​ട​ക്ക​മു​ള്ള മാ​ലി​ന്യ​ങ്ങ​ള്‍ പ്ര​ദേ​ശ​ത്തെ വീ​ടു​ക​ളി​ലേ​ക്ക് ഒ​ഴു​കി​യെ​ത്തു​ന്നു. ആ​ശു​പ​ത്രി​യു​ടെ പി​റ​കു​വ​ശ​ത്ത് വ​ട​ക്കു കി​ഴ​ക്കു ഭാ​ഗ​ത്താ​യി താ​മ​സി​ക്കു​ന്ന എം​ഒ വാ​ര്‍​ഡ്, പാ​ല​സ് വാ​ര്‍​ഡ് പ്ര​ദേ​ശ​ങ്ങ​ളി​ലെ കു​ടും​ബ​ങ്ങ​ളാ​ണ് ദു​രി​ത​ത്തി​ലാ​യ​ത്.

ആ​ശു​പ​ത്രി സൂ​പ്ര​ണ്ടി​നും പ​രാ​തി ന​ല്‍​കി​യെ​ങ്കി​ലും ന​ട​പ​ടി​യി​ല്ല. ആ​ശു​പ​ത്രി​യു​ടെ പി​റ​കി​ലെ മ​തി​ല്‍ വ​ര്‍​ഷ​ങ്ങ​ളാ​യി പൊ​ളി​ഞ്ഞുകി​ട​ക്കു​ക​യാ​ണ്. ര​ണ്ടാ​ഴ്ച മു​ന്‍​പ്, മ​തി​ല്‍ നി​ര്‍​മി​ക്കാ​ന്‍ വ​ലി​യ കു​ഴി​യെ​ടു​ത്തു. മ​ഴ തു​ട​ങ്ങി​യ​തോ​ടെ ആ​ശു​പ​ത്രി വ​ള​പ്പി​ല്‍നി​ന്നു​ള്ള മാ​ലി​ന്യ​ങ്ങ​ള്‍ ഈ ​കു​ഴി​യി​ലേ​ക്കും പി​ന്നീ​ട് റോ​ഡി​ലേ​ക്കും സ​മീ​പ വീ​ടു​ക​ളി​ലേ​ക്കും ഒ​ഴു​കാ​ന്‍ തു​ട​ങ്ങി.

കു​ട്ടി​ക​ള്‍ ഉ​ള്‍​പ്പെ​ടെ​യു​ള്ള​വ​ര്‍​ക്കു ശാ​രീ​രി​ക അ​സ്വ​സ്ഥ​ത​ക​ള്‍ അ​നു​ഭ​വ​പ്പെ​ട്ടു. ര​ണ്ടു ദി​വ​സ​മാ​യി മ​ഴ​യ്ക്കു ശ​മ​ന​മു​ള്ള​തി​നാ​ല്‍ വീ​ടു​ക​ളി​ലെ വെ​ള്ള​ക്കെ​ട്ടി​നു കു​റ​വു​ണ്ട്. എ​ന്നാ​ല്‍, മ​തി​ലി​നു വേ​ണ്ടി എ​ടു​ത്ത കു​ഴി​യി​ല്‍ മ​ലി​ന​ജ​ലം കെ​ട്ടി​ക്കി​ട​ക്കു​ക​യാ​ണ്.


ആ​ശു​പ​ത്രി​യി​ല്‍നി​ന്നു​ള്ള മാ​ലി​ന്യ​ങ്ങ​ളും ഭ​ക്ഷ​ണാ​വ​ശി​ഷ്ട​ങ്ങ​ളും ഇ​വി​ടെ ത​ള്ളു​ന്നു​ണ്ട്. തെ​രു​വു​നാ​യ ശ​ല്യ​വും രൂ​ക്ഷ​മാ​ണ്. നാ​ട്ടു​കാ​ര്‍ കെ.​സി. വേ​ണു​ഗോ​പാ​ല്‍ എം​പി​ക്കു പ​രാ​തി ന​ല്‍​കി​യി​രു​ന്നു.

എം​പി ആ​ശു​പ​ത്രി സൂ​പ്ര​ണ്ടി​നു മ​തി​ല്‍​നി​ര്‍​മാ​ണം എ​ത്ര​യും വേ​ഗം പൂ​ര്‍​ത്തി​യാ​ക്കാ​ന്‍ നി​ര്‍​ദേ​ശ​വും ന​ല്‍​കി​യി​രു​ന്നു. എ​ന്നാ​ല്‍, തു​ട​ര്‍ ന​ട​പ​ടി ഉ​ണ്ടാ​യി​ല്ല. മ​ഴ ശ​ക്ത​മാ​യാ​ല്‍ മ​ലി​ന​ജ​ലം വീ​ണ്ടും വീ​ടു​ക​ളി​ലേ​ക്കെ​ത്തു​മെ​ന്ന ആ​ശ​ങ്ക​യി​ലാ​ണു നാ​ട്ടു​കാ​ര്‍.