റെ​യി​ല്‍​വേ സ്റ്റേ​ഷ​ന്‍ പ​രി​സ​ര​ത്തെ മാ​ലി​ന്യപ്ര​ശ്‌​നം പ​രി​ഹ​രി​ക്കും
Wednesday, July 24, 2024 11:09 PM IST
ആല​പ്പു​ഴ: റെ​യി​ല്‍​വേ സ്റ്റേ​ഷ​ന്‍ പ​രി​സ​ര​ത്തെ ഡ്രെ​യി​നേ​ജു​ക​ളും പ​രി​സ​ര പ്ര​ദേ​ശ​ത്തെ തോ​ടു​ക​ളി​ലെ മാ​ലി​ന്യ​വും അ​ടി​യ​ന്തര​മാ​യി നീ​ക്കം ചെ​യ്യാ​ന്‍ തീ​രു​മാ​നം. ആ​ല​പ്പു​ഴ റെ​യി​ല്‍​വേ സ്റ്റേ​ഷ​ന്‍ പ​രി​സ​ര​ത്ത് റെ​യി​ല്‍​വേ​യു​ടെ അ​ധീ​ന​ത​യി​ല്‍ വ​രു​ന്ന സ്ഥ​ല​ങ്ങ​ളി​ലെ മാ​ലി​ന്യ പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​ന്‍ ക​ള​ക്ട​റേ​റ്റി​ല്‍ വി​ളി​ച്ചു​ചേ​ര്‍​ത്ത യോ​ഗ​ത്തി​ലാ​ണ് തീ​രു​മാ​നം. ഇ​തുസം​ബ​ന്ധി​ച്ച് എ​ച്ച്. സ​ലാം എം​എ​ല്‍​എ ജി​ല്ലാ ക​ള​ക്ട​ര്‍​ക്ക് ക​ത്തു ന​ല്‍​കി​യി​രു​ന്നു.

ക​ഴി​ഞ്ഞമാ​സം തോ​ട് കൈയേ റി​യു​ള്ള നി​ര്‍​മാ​ണം എം​എ​ല്‍​എ​യും ജി​ല്ലാ ക​ള​ക്ട​റും നേ​രി​ട്ടെ​ത്തി നി​ര്‍​ത്തി​വ​പ്പി​ച്ചി​രു​ന്നു. ഇ​ല​വ​ന്തി​തോ​ട് വൃ​ത്തി​യാ​ക്കാ​നു​ള്ള ന​ട​പ​ടി കൈ​ക്കൊ​ള്ളാ​ന്‍ റെ​യി​ല്‍​വേ, ന​ഗ​ര​സ​ഭ അ​ധി​കൃ​ത​ര്‍​ക്ക് നി​ര്‍​ദേ​ശം ന​ല്‍​കി. മൂ​ന്നു ട്രെ​യി​നു​ക​ളി​ല്‍നി​ന്നു​ള്ള മാ​ലി​ന്യം സ്റ്റേ​ഷ​ന്‍ പ​രി​സ​ര​ത്ത് ഉ​പേ​ക്ഷി​ക്കു​ന്ന​താ​യി പ​രി​സ​ര​വാ​സി​ക​ള്‍ പ​രാ​തി​പ്പെ​ട്ടി​രു​ന്നു.

മാ​ലി​ന്യം നീ​ക്കം ചെ​യ്യു​ന്ന​തി​ന് ക​രാ​റെ​ടു​ത്ത​വ​ര്‍ മാ​ലി​ന്യം യ​ഥാ​സ​മ​യം നീ​ക്കം ചെ​യ്ത് ശാ​സ്ത്രീ​യ​മാ​യി സം​സ്‌​ക​രി​ക്കു​ന്നു​ണ്ടോ എ​ന്ന് റ​യി​ല്‍​വേ ഉ​റ​പ്പു​വ​രു​ത്ത​ണ​മെ​ന്ന് എം​എ​ല്‍​എ ആ​വ​ശ്യ​പ്പെ​ട്ടു. ആ​വ​ശ്യ​മെ​ങ്കി​ല്‍ നി​രീ​ക്ഷ​ണ കാ​മ​റ​ക​ള്‍ സ്ഥാ​പി​ക്ക​ണ​മെ​ന്നും തീ​രു​മാ​നി​ച്ചു. പ​രി​സ​ര​ത്ത് മാ​ലി​ന്യം ത​ള്ളു​ന്ന​ത് ക​ര്‍​ശ​ന​മാ​യി ത​ട​യും.


റെ​യി​ല്‍​വേ ട്രാ​ക്കു​ക​ളു​ടെ അ​ടി​യി​ലൂ​ടെ നൂ​റു മീ​റ്റ​ര്‍ നീ​ള​ത്തി​ലു​ള്ള ഡ്രെ​യി​നേ​ജ് സം​വി​ധാ​ന​ത്തി​ന് നി​ല​വി​ലു​ള്ള ഒ​രു ഓ​പ്പ​ണിം​ഗി​നു പു​റ​മേ ര​ണ്ടു പ്ര​ത്യേ​ക ഓ​പ്പ​ണിം​ഗ് കൂ​ടി ഉ​ള്‍​പ്പെ​ടു​ത്തും. ഡ്രെ​യി​നേ​ജി​ല്‍ അ​ടി​ഞ്ഞു​കൂ​ടി​യി​ട്ടു​ള്ള മാ​ലി​ന്യം റെ​യി​ല്‍​വേ 10 ദി​വ​സ​ത്തി​ന​കം നീ​ക്കം ചെ​യ്യു​വാ​ന്‍ ന​ട​പ​ടി​ക​ള്‍ സ്വീ​ക​രി​ക്ക​ണം. ആ​വ​ശ്യ​മെ​ങ്കി​ല്‍ ജെ​ന്‍ റോ​ബോ​ട്ടി​ന്‍റെ സൗ​ക​ര്യം ഉ​പ​യോ​ഗ​പ്പെ​ടു​ത്ത​ണം. 20 മീ​റ്റ​ര്‍ നീ​ള​ത്തി​ലു​ള്ള മ​റ്റ് ര​ണ്ട് ഡ്രൈ​നേ​ജു​ക​ളി​ലെ മാ​ലി​ന്യം 31-നു ​മു​ന്‍​പാ​യി നീ​ക്കാ​നും ആ​ല​പ്പു​ഴ റെ​യി​ല്‍​വെ സ്റ്റേ​ഷ​ന്‍ ഉ​ദ്യോ​ഗ​സ്ഥ​ര്‍​ക്ക് നി​ര്‍​ദേ​ശം ന​ല്‍​കി.

ക​ള​ക്ട​ര്‍ അ​ല​ക്‌​സ് വ​ര്‍​ഗീ​സി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍​ന്ന യോ​ഗ​ത്തി​ല്‍ ന​ഗ​ര​സ​ഭാ ചെ​യ​ര്‍​പേ​ഴ്‌​സ​ണ്‍ കെ.​കെ. ജ​യ​മ്മ, കൗ​ണ്‍​സി​ല​ര്‍ പ്ര​ഭാ ശ​ശി​കു​മാ​ര്‍, ന​ഗ​ര​സ​ഭാ സെ​ക്ര​ട്ട​റി എ.​എം. മും​താ​സ് തു​ട​ങ്ങി​യ​വ​ര്‍ പ​ങ്കെ​ടു​ത്തു.