മ​ല​യാ​ളി യു​വാ​വി​നെ ക​പ്പ​ലി​ൽ​നി​ന്നു കാ​ണാ​താ​യി
Tuesday, July 23, 2024 11:40 PM IST
അന്പല​പ്പു​ഴ: ഒ​റീ​സ​യി​ൽനി​ന്ന് ചൈ​ന​യി​ലേ​ക്ക് ച​ര​ക്കു​മാ​യി പോ​യ ക​പ്പ​ലി​ൽനി​ന്നു മ​ല​യാ​ളി യു​വാ​വി​നെ കാ​ണാ​താ​യി. പു​ന്ന​പ്ര വ​ട​ക്ക് പ​ഞ്ചാ​യ​ത്ത് 10-ാം വാ​ർ​ഡ് വൃ​ന്ദാ​വ​നം ബാ​ബു തി​രു​മ​ല-സി​ന്ധു ദ​മ്പ​തി​ക​ളു​ടെ മ​ക​ൻ വി​ഷ്ണു ബാ​ബു​വി​നെ(25)യാ​ണ് കാ​ണാ​താ​യ​ത്.

മേ​യ് 25 നാ​ണ് വി​ഷ്ണു ചെ​ന്നൈ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ഷി​പ്പിം​ഗ് ക​മ്പ​നി​യി​ൽ ജോ​ലി​ക്ക് പ്ര​വേ​ശി​ച്ച​ത്. ബു​ധ​നാ​ഴ്ച രാ​ത്രി പ്രാ​ദേ​ശി​ക സ​മ​യം 7.5ന് ​വി​ഷ്ണു ഫോ​ണി​ൽ വീ​ട്ടു​കാ​രു​മാ​യി സം​സാ​രി​ച്ചി​രു​ന്നു. വി​ഷ്ണു ഉ​ൾ​പ്പ​ടെ 19 മ​ർ​ച്ച​ന്‍റ്നേ​വി ജീ​വ​ന​ക്കാ​രാ​ണ് ക​പ്പ​ലി​ലു​ണ്ടാ​യി​രു​ന്ന​ത്.
വ്യാ​ഴാ​ഴ്ച രാ​വി​ലെ ക​പ്പ​ലി​ലെ സെ​ക്ക​ൻഡ് ക്യാ​പ്റ്റ​ന്‍റെ ക്യാ​ബി​നി​ൽ ഇ​വ​ർ പ​തി​വ് റി​പ്പോ​ർ​ട്ടിം​ഗി​ന് എ​ത്താ​ൻ നി​ർ​ദേശി​ച്ചി​രു​ന്നു. ഈ ​സ​മ​യം വി​ഷ്ണു എ​ത്താ​തി​രു​ന്ന​തി​നെതു​ട​ർ​ന്ന് ന​ട​ത്തി​യ തെ​ര​ച്ചി​ലി​ൽ ക​പ്പ​ലി​ന്‍റെ ഡ​ക്കി​ൽ വി​ഷ്ണു​വി​ന്‍റെ ചെ​രു​പ്പു​ക​ൾ ക​ണ്ടെ​ത്തി. തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ൽ വി​ഷ്ണു​വി​ന്‍റെ ഫോ​ൺ ക്യാ​ബി​നി​ൽനി​ന്ന് ക​ണ്ടെ​ത്തി​യെ​ങ്കി​ലും വി​ഷ്ണു​വി​നെ ക​ണ്ടെ​ത്താ​നാ​യി​ല്ല​ന്നാ​ണ് വീ​ട്ടു​കാ​ർ​ക്ക് ല​ഭി​ച്ച വി​വ​രം.


ഇ​ന്ധ​നം നി​റ​യ്ക്കാ​നാ​യി വ്യാ​ഴാ​ഴ്ച ക​പ്പ​ൽ സി​ങ്ക​പ്പൂ​ർ പോ​ർ​ട്ടി​ലേ​ക്കു പോ​കു​ന്ന​തി​നി​ടെ​യാ​ണ് വി​ഷ്ണു​വി​നെ കാ​ണാ​താ​യ​ത്. ചെ​ന്നൈ​യി​ലു​ള്ള ക്യാ​പ്റ്റ​ൻ ഗ​ണേ​ഷ് ശ്രീ​നി​വാ​സ​നു​മാ​യി ഫോ​ണി​ൽ ബ​ന്ധ​പ്പെ​ട്ട​പ്പോ​ൾ വി​ഷ്ണു​വി​നെ ക​ണ്ടെ​ത്തു​ന്ന​തി​ന് മ​ലേ​ഷ്യ​ൻ മ​റൈ​ൻ എ​ൻ​ഫോ​ഴ്സ്മെ​ന്‍റ് ഏ​ജ​ൻ​സി അ​ന്വേ​ഷ​ണം ആ​രം​ഭി​ച്ചെ​ന്ന വി​വ​ര​മാ​ണ് ല​ഭി​ച്ച​ത്. സി​ങ്ക​പ്പൂ​ർ ഗ​വ. ക​പ്പ​ൽ ക​സ്റ്റ​ഡി​യി​ലെ​ടു​ത്തു. വി​ഷ്ണു​വി​ന്‍റെ സ​ഹ​പ്ര​വ​ർ​ത്ത​ക​രെ​യും ക​പ്പ​ലി​ലെ മ​റ്റു ജീ​വ​ന​ക്കാ​രെ​യും ചോ​ദ്യം ചെ​യ്തെ​ങ്കി​ലും വി​ഷ്ണു​വി​ന് എ​ന്താ​ണ് സം​ഭ​വി​ച്ച​തെ​ന്ന​റി​യി​ല്ലെ​ന്ന വി​വ​ര​മാ​ണ് ല​ഭി​ച്ച​തെ​ന്നും ബ​ന്ധു​ക്ക​ൾ പ​റ​ഞ്ഞു. ഇ​തു​മാ​യി ബ​ന്ധ​പ്പെ​ട്ട് നോ​ർ​ക്ക വി​ഭാ​ഗം ഉ​ദ്യോ​ഗ​സ്ഥ​ർ വി​ഷ്ണു​വി​ന്‍റെ ബ​ന്ധു​ക്ക​ളു​മാ​യി ഫോ​ണി​ൽ ബ​ന്ധ​പ്പെ​ട്ട് വി​വ​ര​ങ്ങ​ൾ തേ​ടി.