പത്തനംതിട്ട: ടോക്കിയോ ആസ്ഥാനമായി പ്രവര്‍ത്തിക്കുന്ന രാജ്യാന്തര പരിസ്ഥിതി- വിദ്യാഭ്യാസ സംഘടനയായ ഒയിസ്‌ക ഇന്‍റര്‍നാഷണല്‍ പത്തനംതിട്ട ജില്ലാ ചാപ്റ്ററിന്‍റെ പ്രവര്‍ത്തനപരിപാടികളുടെയും വയനാടിനുള്ള സഹായഹസ്തം പദ്ധതിയുടേയും ഉദ്ഘാടനം പത്തനംതിട്ട നഗരസഭാ അധ്യക്ഷന്‍ ടി. സക്കീര്‍ ഹുസൈന്‍ നിര്‍വഹിച്ചു.
ചാപ്റ്റര്‍ പ്രസിഡന്‍റ് സാമുവല്‍ പ്രക്കാനം അധ്യക്ഷത വഹിച്ചു. സൗത്ത് കേരള ചാപ്റ്റര്‍ പ്രസിഡന്‍റ് പ്രഫ. പി.ജി.ഫിലിപ്പ്, ജില്ലാ ചാപ്റ്റര്‍ സെക്രട്ടറി സ്മിജു ജേക്കബ് മറ്റയ്ക്കാട്ട്, സൗത്ത് ഇന്ത്യ ചാപ്റ്റര്‍ അംഗങ്ങളായ ഡോ. ജോണ്‍ വി.ഡാനിയേല്‍, ഡോ. മാത്യൂസ് എം. ജോര്‍ജ്, മോന്‍സി ഡാനിയേല്‍, വര്‍ഗീസ് ഡാനിയേല്‍, ഏബ്രഹാം കെ. അലക്‌സാണ്ടര്‍, അലക്‌സാണ്ടര്‍ പി. യോഹന്നാന്‍, വിനോദ് ജോണ്‍ എന്നിവര്‍ പ്രസംഗിച്ചു.