കാ​റ്റ്: ജി​ല്ല​യി​ൽ വ്യാ​പ​ക നാ​ശ​ന​ഷ്ടം
Thursday, August 22, 2024 2:57 AM IST
പ​ത്ത​നം​തി​ട്ട: കാ​റ്റ് ആ​ഞ്ഞു​വീ​ശി; ജി​ല്ല​യി​ൽ വ്യാ​പ​ക നാ​ശം. ഇ​ന്ന​ലെ പു​ല​ർ​ച്ചെ​യാ​ണ് ജി​ല്ല​യു​ടെ പ​ല ഭാ​ഗ​ങ്ങ​ളി​ലും കാ​റ്റ് ശ​ക്ത​മാ​യി വീ​ശി​യ​ത്. ചൊ​വ്വാ​ഴ്ച രാ​ത്രി പ​ത്തി​നു​ശേ​ഷ​വും പു​ല​ർ​ച്ചെ 2.30നും ​അ​ഞ്ചി​നും ഇ​ട​യി​ലുമാണ് പ​ല​യി​ട​ങ്ങ​ളി​ലും കൊ​ടു​ങ്കാ​റ്റ് നാ​ശം വി​ത​ച്ച​ത്. മ​ല​യോ​ര മേ​ഖ​ല​യി​ൽ നി​ര​വ​ധി മ​ഴ​ങ്ങ​ൾ ക​ട​പു​ഴ​കി വീ​ണു. കാ​റ്റി​നൊ​പ്പം പ​ല​യി​ട​ങ്ങ​ളി​ലും മ​ഴ​യും ശ​ക്ത​മാ​യി​രു​ന്നു. വി​വി​ധ താ​ലൂ​ക്കു​ക​ളി​ലാ​യി 21 പ​ഞ്ചാ​യ​ത്തു​ക​ളി​ൽ കാ​റ്റ് നാ​ശം വി​ത​ച്ചി​ട്ടു​ണ്ട്.

19 വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. കോ​ന്നി താ​ലൂ​ക്കി​ൽ മൂ​ന്നും തി​രു​വ​ല്ല താ​ലൂ​ക്കി​ൽ ഏ​ഴും റാ​ന്നി താ​ലൂ​ക്കി​ൽ ര​ണ്ടും അ​ടൂ​ർ താ​ലൂ​ക്കി​ൽ അ​ഞ്ചും മ​ല്ല​പ്പ​ള്ളി​യി​ൽ നാ​ല് പ​ഞ്ചാ​യ​ത്തു​ക​ളി​ലും നാ​ശ​ന​ഷ്ടം ഉ​ണ്ടാ​യി. മ​ര​ങ്ങ​ൾ ക​ട​പു​ഴ​കി​യ​തി​നെ​ത്തു​ട​ർ​ന്ന് പ്ര​ധാ​ന റോ​ഡു​ക​ളി​ല​ട​ക്കം ഗ​താ​ഗ​ത​വും ത​ട​സ​പ്പെ​ട്ടു.

കെ​എ​സ്ഇ​ബി​ക്ക് വീ​ണ്ടും ന​ഷ്ടം

വീ​ശി​യ​ടി​ച്ച കാ​റ്റി​ലും മ​ഴ​യി​ലും ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ലെ വൈ​ദ്യു​തി നി​ല​ച്ചു. നി​ര​വ​ധി മ​ര​ങ്ങ​ൾ വൈ​ദ്യു​തി ലൈ​നി​ലേ​ക്ക് വീ​ണ​തി​നാ​ൽ നാ​ശ​ന​ഷ്ടം ഏ​റി. വൈ​ദ്യു​ത പോ​സ്റ്റു​ക​ളും ത​ക​ർ​ന്നു. 11 കെ​വി ലൈ​നു​ക​ളി​ല​ട​ക്കം ത​ക​രാ​റു​ക​ളു​ണ്ടാ​യ​തോ​ടെ പ​ല​യി​ട​ങ്ങ​ളി​ലും വൈ​ദ്യു​തി വി​ത​ര​ണം താ​റു​മാ​റാ​യി.

ത​ക​ർ​ന്ന പോ​സ്റ്റു​ക​ളും ലൈ​നു​ക​ളും പു​നഃ​സ്ഥാ​പി​ക്കു​ന്ന ജോ​ലി​ക​ൾ പ​ക​ൽ മു​ഴു​വ​ൻ നീ​ണ്ടു​നി​ന്നു​വെ​ങ്കി​ലും പ​ല​യി​ട​ങ്ങ​ളി​ലും വൈ​ദ്യു​തി പു​നഃ​സ്ഥാ​പി​ക്കാ​നാ​യി​ട്ടി​ല്ല. ക​ഴി​ഞ്ഞ മൂ​ന്നു മാ​സ​ത്തി​നി​ടെ വൈ​ദ്യു​തി വ​കു​പ്പി​നു​ണ്ടാ​കു​ന്ന തു​ട​ർ​ച്ച​യാ​യ നാ​ലാ​മ​ത്തെ വ​ൻ ന​ഷ്ട​മാ​ണി​ത്. ജൂ​ൺ, ജൂ​ലൈ മാ​സ​ങ്ങ​ളി​ലാ​യി ല​ക്ഷ​ക്ക​ണ​ക്കി​നു രൂ​പ​യു​ടെ ന​ഷ്ടം നേ​രി​ട്ടു.

ബ​ദാം മ​രം ക​ട​യ്ക്കു മു​ക​ളി​ലേ​ക്ക് ക​ട​പു​ഴ​കി

കൊ​ടു​മ​ൺ: ഏ​ഴം​കു​ളം - ച​ന്ദ​ന​പ്പ​ള്ളി റോ​ഡി​ൽ കൊ​ടു​മ​ൺ ജം​ഗ്ഷ​നു​സ​മീ​പം സൗ​ത്ത് ഇ​ന്ത്യ​ൻ ബാ​ങ്കി​ന് എ​തി​ർ​വ​ശ​ത്താ​യി​നി​ന്ന ബ​ദാം മ​രം ക​ട​പു​ഴ​കി വീ​ണു. പാ​ങ്ങോ​ട് സാ​ബു കു​മാ​റി​ന്‍റെ ക​ട​യു​ടെ മു​ക​ളി​ലേ​ക്കാ​ണ് ബ​ദാം മ​രം ക​ട​പു​ഴ​കി വീ​ണ​ത്. ക​ട​യ്ക്ക് നാ​ശ​ന​ഷ്ടം സം​ഭ​വി​ച്ചു. മ​രം മു​റി​ച്ചു​മാ​റ്റി.

മ​ല്ല​പ്പ​ള്ളി​യി​ലും വ്യാ​പ​ക നാ​ശം


മ​ല്ല​പ്പ​ള്ളി: ബു​ധ​നാ​ഴ്ച പു​ല​ർ​ച്ചെ മ​ല്ല​പ്പ​ള്ളി​യി​ലും സ​മീ​പ പ്ര​ദേ​ശ​ങ്ങ​ളി​ലും ഉ​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും വ്യാ​പ​ക നാ​ശം. ശ​ക്ത​മാ​യ കാ​റ്റി​ൽ പ​ല​യി​ട​ത്തും മ​രം ക​ട​പു​ഴ​കി വീ​ണു. ആ​നി​ക്കാ​ട് മു​റ്റ​ത്തു​മ്മാ​വി​ൽ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു.

റോ​ഡു​ക​ളി​ലേ​ക്ക് മ​രം വീ​ണ് വി​വി​ധ ഇ​ട​ങ്ങ​ളി​ൽ ഗ​താ​ഗ​തം ത​ട​സ​പ്പെ​ട്ടു. മ​രം വീ​ണ് വൈ​ദ്യു​തി തൂ​ണു​ക​ൾ ത​ക​ർ​ന്ന​തി​നേ​ത്തു​ട​ർ​ന്ന് പ​ല​യി​ട​ത്തും വൈ​ദ്യു​തി മു​ട​ങ്ങി.മ​ല്ല​പ്പ​ള്ളി സെ​ക്‌​ഷ​ൻ പ​രി​ധി​യി​ൽ ഇ​രു​പ​തി​ല​ധി​കം വൈ​ദ്യു​തി പോ​സ്റ്റു​ക​ൾ ത​ക​ർ​ന്നു.

25 ഓ​ളം സ്ഥ​ല​ങ്ങ​ളി​ൽ വൈ​ദ്യു​തി ക​ന്പി പൊ​ട്ടി​വീ​ണു. വൈ​ദ്യു​തി ബ​ന്ധം മി​ക്ക പ്ര​ദേ​ശ​ങ്ങ​ളി​ലും നി​ല​ച്ചി​രി​ക്കു​ക​യാ​ണ്. ഇ​തു പു​നഃ​സ്ഥാ​പി​ക്കാ​നു​ള്ള ശ്ര​മ​ങ്ങ​ൾ ന​ട​ന്നു​വ​രി​ക​യാ​ണ്.

പൊ​ട്ടി വീ​ണ വൈ​ദ്യു​ത ക​ന്പി കു​രു​ങ്ങി ബു​ള്ള​റ്റ് യാ​ത്ര​ക്കാ​ര​നു പ​രി​ക്ക്

പ​ത്ത​നം​തി​ട്ട: പൊ​ട്ടി​വീ​ണ വൈ​ദ്യു​തി ക​മ്പി ക​ഴു​ത്തി​ൽ കു​രു​ങ്ങി ബു​ള്ള​റ്റ് യാ​ത്ര​ക്കാ​ര​ന് പ​രി​ക്ക്. ഇ​ന്ന​ലെ ഉ​ച്ച​യ്ക്ക് 1.30ന് ​ഓ​മ​ല്ലൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ജം​ഗ്ഷ​നു സ​മീ​പ​മാ​ണ് അ​പ​ക​ടം. ക​ട​മ്പ​നാ​ട് തു​വ​യൂ​ർ ത​റ​യി​ൽ വി​ള​യി​ൽ റോ​യി​ക്കാ​ണ് (42) പ​രി​ക്കേ​റ്റ​ത്. പ​ത്ത​നം​തി​ട്ട​യി​ൽ​നി​ന്നും തു​വ​യൂ​രി​ലേ​ക്ക് പോ​ക​വേ​യാ​ണ് വൈ​ദ്യു​തി​ലൈ​ൻ പൊ​ട്ടി​വീ​ണ​ത്.

ക​ഴി​ഞ്ഞ​ദി​വ​സ​ത്തെ കാ​റ്റി​ൽ പ​ല​യി​ട​ങ്ങ​ളി​ലും വൈ​ദ്യു​തി​ലൈ​ൻ പൊ​ട്ടി​വീ​ണ​തി​നേ​ത്തു​ട​ർ​ന്ന് രാ​വി​ലെ മു​ത​ൽ ഓ​മ​ല്ലൂ​ർ ഭാ​ഗ​ത്ത് വൈ​ദ്യ​ത അ​റ്റ​കു​റ്റ​പ്പ​ണി​ക​ളു​മാ​യി ബ​ന്ധ​പ്പെ​ട്ട് ലൈ​ൻ ഏ​റെ സ​മ​യം ഓ​ഫാ​യി​രു​ന്നു.

എ​ന്നാ​ൽ ലൈ​ൻ പൊ​ട്ടി​വീ​ഴു​ന്ന സ​മ​യ​ത്ത് വൈ​ദ്യു​തി പ്ര​വ​ഹി​ക്കു​ന്നു​ണ്ടാ​യി​രു​ന്നു​വെ​ന്നും പ​റ​യു​ന്നു. ലൈ​നു​ക​ൾ കൂ​ട്ടി​മു​ട്ടി ഫ്യൂ​സ് പോ​യ​തി​നാ​ലാ​ണ് വ​ൻ അ​പ​ക​ടം ഒ​ഴി​വാ​യ​ത്.

സ​മീ​പ​ത്തെ തെ​ങ്ങി​ന്‍റെ ഉ​ണ​ങ്ങി​യ ഓ​ല വീ​ണാ​ണ് ലൈ​ൻ പൊ​ട്ടി​വീ​ണ​തെ​ന്നും പ​റ​യു​ന്നു. ബു​ള്ള​റ്റി​ൽ​നി​ന്നും നി​യ​ന്ത്ര​ണം വി​ട്ട് യാ​ത്ര​ക്കാ​ര​ൻ റോ​ഡി​ലേ​ക്ക് തെ​റി​ച്ചു​വീ​ണു. ക​ഴു​ത്തി​ൽ മു​റി​വു​ണ്ട്. ഉ​ട​ൻ​ത​ന്നെ നാ​ട്ടു​കാ​ർ പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചു.