പത്തനംതിട്ട: വയനാട് പുനരധിവാസത്തിനായി 25 വീടുകള് നിര്മിച്ചുനല്കുന്നതിന് സംസ്ഥാന ബസ് ഓപ്പറേറ്റേഴ്സ് ഫെഡറേഷന് തീരുമാനപ്രകാരം എല്ലാ ജില്ലകളിലും ബസ് ഓപ്പറേറ്റേഴ്സ് അസോസിയേഷന് കാരുണ്യ യാത്രകള് ആരംഭിച്ചു. എറണാകുളം, ഇടുക്കി, കോട്ടയം, കണ്ണൂര്, പാലക്കാട് എന്നീ ജില്ലകളില് കാരുണ്യയാത്ര നടന്നു.
പത്തനംതിട്ട ജില്ലയിലെ കാരുണ്യയാത്ര നാളെ നടത്തുമെന്ന് ഭാരവാഹികള് അറിയിച്ചു. അന്നുതന്നെ കാസര്ഗോഡ്, കോഴിക്കോട്, മലപ്പുറം, തൃശൂര്, ആലപ്പുഴ, കൊല്ലം ജില്ലകളിലും കാരുണ്യയാത്ര നടത്തും. പത്തനംതിട്ട ജില്ലയിലെ കാരുണ്യയാത്ര നാളെ രാവിലെ 9.30 ന് പത്തനംതിട്ട മുനിസിപ്പല് ബസ് സ്റ്റാന്ഡില് പത്തനംതിട്ട ആര്ടിഒ എച്ച്. അന്സാരി ഫ്ളാഗ് ഓഫ് ചെയ്യും.