ജി​ല്ല​യി​ൽ വ്യാ​പ​ക ക​ട​ലേ​റ്റം : അ​ഴീ​ക്ക​ൽ മു​ത​ൽ പ​ര​വൂ​ർ തെ​ക്കും​ഭാ​ഗം വ​രെ കടൽ കയറി
Thursday, October 17, 2024 5:32 AM IST
കൊ​ല്ലം: ക​ള്ള​ക്ക​ട​ൽ പ്ര​തി​ഭാ​സ​ത്തി​ന്‍റെ ഭാ​ഗ​മാ​യി ജി​ല്ല​യി​ൽ വ്യാ​പ​ക ക​ട​ൽ ക​യ​റ്റം. തീ​ര​ദേ​ശ​ത്ത് ക​രു​നാ​ഗ​പ്പ​ള്ളി അ​ഴീ​ക്ക​ൽ മു​ത​ൽ പ​ര​വൂ​ർ തെ​ക്കും​ഭാ​ഗം വ​രെ​യു​ള്ള പ്ര​ദേ​ശ​ത്താ​ണ് ക​ട​ൽ ക​യ​റ്റം ഉ​ണ്ടാ​യ​ത്. ജാ​ഗ്ര​താ മു​ന്ന​റി​യി​പ്പ് നേ​ര​ത്തേ ഉ​ണ്ടാ​യ​തി​നാ​ൽ ഒ​രി​ട​ത്തും കാ​ര്യ​മാ​യ നാ​ശ​ന​ഷ്ട​മു​ണ്ടാ​യി​ല്ല.

കൊ​ല്ലം ബീ​ച്ചി​ന് സ​മീ​പം ഇ​ന്ന​ലെ പു​ല​ർ​ച്ചെ നാ​ലു മു​ത​ൽ വ​ലി​യ തി​ര​മാ​ല​ക​ൾ തീ​ര​ത്തേ​യ്ക്ക് അ​ടി​ച്ചു ക​യ​റി. മ​ത്സ്യ തൊ​ഴി​ലാ​ളി​ക​ൾ വ​ല​യും വ​ള്ള​വും സു​ര​ക്ഷി​ത​മാ​യി സൂ​ക്ഷി​ച്ച പ്ര​ദേ​ശ​ത്ത​ട​ക്കം വെ​ള്ളം ക​യ​റി. പി​ന്നീ​ട് തൊ​ഴി​ലാ​ളി​ക​ൾ കൂ​ടു​ത​ൽ സു​ര​ക്ഷി​ത​മാ​യ സ്ഥ​ല​ങ്ങ​ളി​ലേ​യ്ക്ക് മാ​റി.


വാ​ടി​യി​ലും പ​രി​സ​ര​ത്തും കൂ​റ്റ​ൻ തി​ര​മാ​ല​ക​ൾ തീ​ര​ത്തേ​യ്ക്ക് ക​യ​റി. വാ​ടി​യി​ൽ നി​ന്ന് തൊ​ഴി​ലാ​ളി​ക​ൾ മ​ത്സ്യ​ബ​ന്ധ​ന​ത്തി​ന് പോ​യ​തു​മി​ല്ല.

അ​ഴീ​ക്ക​ൽ തീ​ര​ദേ​ശ മേ​ഖ​ല​യി​ൽ ക​ട​ലി​നോ​ട് ചേ​ർ​ന്നു​ള്ള മി​ക്ക റോ​ഡു​ക​ളി​ലും ക​ട​ൽ ക​യ​റി ഗ​താ​ഗ​തം അ​ട​ക്കം ത​ട​സ​പ്പെ​ട്ടു. ഉ​ച്ച​ക​ഴി​ഞ്ഞ് മൂ​ന്നോ​ടെ ക​ട​ൽ​ക്ഷോ​ഭ​ത്തി​ന് ഏ​റെ​ക്കു​റെ ശ​മ​ന​മാ​യി. നേ​ര​ത്തേ ത​ന്നെ മു​ന്ന​റി​യി​പ്പ് ഉ​ണ്ടാ​യി​രു​ന്ന​തി​നാ​ൽ എ​ല്ലാ​യി​ട​ത്തും മ​ത്സ്യ തൊ​ഴി​ലാ​ളി​ക​ളും കു​ടും​ബ​ങ്ങ​ളും നി​താ​ന്ത ജാ​ഗ്ര​ത​യി​ലാ​യി​രു​ന്നു.