പരപ്പ: പരപ്പയിലെ താലൂക്ക് ലൈബ്രറി കൗൺസിൽ ഓഫീസിലും പരപ്പയിലെ മലബാർ ഹോട്ടലിലും കഴിഞ്ഞദിവസം മോഷണം നടത്തിയ പ്രതിയെ 48 മണിക്കൂറിനുള്ളിൽ പിടികൂടി വെള്ളരിക്കുണ്ട് പോലീസ്. പരപ്പയിലും പരിസരങ്ങളിലും മോഷണം നടത്തിയ പനത്തടി പാണത്തൂർ പട്ടുവം സ്വദേശി രതീഷ് എന്ന വണ്ടിചോർ രതീഷ് (67) ആണ് അറസ്റ്റിലായത്.കാഞ്ഞങ്ങാട് ഡിവൈഎസ്പി ബാബു പെരിങ്ങേത്തിന്റെ മേൽനോട്ടത്തിൽ നടന്ന അന്വേഷണത്തിൽ വെള്ളരിക്കുണ്ട് എസ്ഐ ശ്രീദാസ് പുത്തൂർ, എസ്ഐ ജയരാജൻ, ഗ്രേഡ് എസ്ഐ രാജൻ, പോലീസ് ഓഫീസർമാരായ അബൂബക്കർ, നൗഷാദ് എന്നിവർ അന്വേഷണ സംഘത്തിൽ ഉണ്ടായിരുന്നു. കൊലപാതക കേസുകൾ ഉൾപ്പെടെ നിരവധി കവർച്ചക്കേസിലെ പ്രതിയാണ് രതീഷ്. എറണാകുളം, തൃശൂർ ജില്ലകളിൽ നിരവധി മോഷണക്കേസിലും ഇയാൾ പ്രതിയാണ്. പ്രതിയെ ഇന്നലെ ഉച്ചയ്ക്ക് രണ്ടോടെ പരപ്പ ടൗണിൽ തെളിവെടുപ്പിന് കൊണ്ടുവന്നു.