മെ​ഡി​ക്ക​ൽ ഓ​ഫീ​സ​റു​ടെ മു​റി​പൂ​ട്ടി പ​ഞ്ചാ​യ​ത്ത് പ്ര​സി​ഡ​ന്‍റ് താ​ക്കോ​ലു​മാ​യി ക​ട​ന്നു​ക​ള​ഞ്ഞു
Thursday, August 22, 2024 1:49 AM IST
പാ​ണ​ത്തൂ​ർ: പാ​ണ​ത്തൂ​ർ കു​ടും​ബാ​രോ​ഗ്യ​കേ​ന്ദ്ര​ത്തി​ലെ മെ​ഡി​ക്ക​ൽ ഓ​ഫീ​സ​റു​ടെ ഓ​ഫീ​സ് മു​റി പ​ന​ത്ത​ടി പ​ഞ്ചാ​യ​ത്ത് പ്ര​സി​ഡ​ന്‍റ് പ്ര​സ​ന്ന പ്ര​സാ​ദി​ന്‍റെ നേ​തൃ​ത്വ​ത്തി​ൽ താ​ഴി​ട്ടു​പൂ​ട്ടി താ​ക്കോ​ലു​മാ​യി ക​ട​ന്നു​ക​ള​ഞ്ഞു.

കു​ടും​ബാ​രോ​ഗ്യ കേ​ന്ദ്ര​ത്തി​ലെ പാ​ലി​യേ​റ്റീ​വ് ന​ഴ്സി​ന്‍റെ തു​ട​ർ നി​യ​മ​ന​വു​മാ​യി ബ​ന്ധ​പ്പെ​ട്ടാ​ണ് ആ​ശു​പ​ത്രി​യി​ൽ പ്ര​ശ്ന​ങ്ങ​ൾ ഉ​ട​ലെ​ടു​ത്ത​ത്.

പാ​ലി​യേ​റ്റീ​വ് പ്ര​വ​ർ​ത്ത​ന​ങ്ങ​ൾ​ക്ക് വ​ക​യി​രു​ത്തി​യ തു​ക​യി​ൽ ചി​ല ക്ര​മ​ക്കേ​ടു​ക​ൾ ക​ണ്ടെ​ത്തി​യ​തി​നെ​ത്തു​ട​ർ​ന്ന് മെ​ഡി​ക്ക​ൽ ഓ​ഫീ​സ​ർ പാ​ലി​യേ​റ്റീ​വ് ന​ഴ്സി​നോ​ട് വാ​ക്കാ​ൽ വി​ശ​ദീ​ക​ര​ണം ചോ​ദി​ച്ചി​രു​ന്നു. ദി​വ​സ​ങ്ങ​ൾ​ക്കു​ള്ളി​ൽ ന​ഴ്സ് മെ​ഡി​ക്ക​ൽ ഓ​ഫീ​സ​റു​ടെ പേ​ര് എ​ഴു​തി​വെ​ച്ച് ആ​ത്മ​ഹ​ത്യാ​ശ്ര​മം ന​ട​ത്തി​യി​രു​ന്നു.

തു​ട​ർ​ന്നു മൂ​ന്നു​മാ​സ​ക്കാ​ല​മാ​യി ഇ​വ​ർ അ​വ​ധി​യി​ലാ​ണ്. ക​ഴി​ഞ്ഞ​ദി​വ​സം ന​ഴ്സി​നെ തി​രി​ച്ചെ​ടു​ക്കാ​ൻ തീ​രു​മാ​നി​ച്ചി​രു​ന്നു. തു​ട​ർ​ന്ന് ഇ​ന്നു ജോ​ലി​യി​ൽ പ്ര​വേ​ശി​ക്കാ​ൻ എ​ത്തി​യ​പ്പോ​ഴാ​ണ് ഇ​വ​ർ​ക്കെ​തി​രെ മ​റ്റൊ​രാ​ൾ പ​രാ​തി ന​ൽ​കി​യ​ത്.


മു​റി​യു​ടെ താ​ക്കോ​ലു​മാ​യി പ​ഞ്ചാ​യ​ത്ത് പ്ര​സി​ഡ​ന്‍റ് ക​ട​ന്നു​ക​ള​ഞ്ഞ​തി​നെ​തു​ട​ർ​ന്ന് മെ​ഡി​ക്ക​ൽ ഓ​ഫീ​സ​ർ പോ​ലീ​സി​ൽ പ​രാ​തി ന​ൽ​കി.

ഇ​തി​ന്‍റെ പ​ശ്ചാ​ത്ത​ല​ത്തി​ൽ പോ​ലീ​സ് എ​ത്തി പ​രി​ശോ​ധ​ന ന​ട​ത്തി. ഭ​ര​ണ​ക​ക്ഷി​യു​ടെ വ​നി​താ വി​ഭാ​ഗം നേ​താ​വ് കൂ​ടി​യാ​യ പാ​ലി​യേ​റ്റീ​വ് ന​ഴ്സി​ന് വേ​ണ്ട​ത്ര വി​ദ്യാ​ഭ്യാ​സ യോ​ഗ്യ​ത​യി​ല്ലെ​ന്ന് കാ​ണി​ച്ച് ചാ​മു​ണ്ഡി​ക്കു​ന്ന് സ്വ​ദേ​ശി വി.​എ​സ്.​അ​നു​രാ​ജ് ഡോ​ക്ട​ർ​ക്ക് പ​രാ​തി ന​ൽ​കി​യി​രു​ന്നു.

വൈ​കു​ന്നേ​രം പ്ര​സി​ഡ​ന്‍റി​നെ ആ​ശു​പ​ത്രി​യി​ലേ​ക്ക് വി​ളി​ച്ചു​വ​രു​ത്തി രാ​ജ​പു​രം ഇ​ൻ​സ്പെ​ക്ട​റു​ടെ നേ​തൃ​ത്വ​ത്തി​ൽ ന​ട​ന്ന ച​ർ​ച്ച​യി​ൽ ന​ഴ്സി​നെ താ​ത്കാ​ലി​ക​മാ​യി മാ​റ്റി​നി​ർ​ത്തു​വാ​ൻ തീ​രു​മാ​നി​ച്ചു. തു​ട​ർ​ന്ന് താ​ക്കോ​ൽ തി​രി​ച്ചു​ന​ൽ​കി.