ഭീമനടി: വൈഎംസിഎ ജില്ലാ നേതൃശിബിരവും യൂണിറ്റ് ഭാരവാഹികളുടെ സ്ഥാനാരോഹണവും ഭീമനടി വ്യാപാരഭവന്‍ ഹാളില്‍ സൗത്ത് വെസ്റ്റ് ഇന്ത്യ റീജിയണ്‍ വൈസ് ചെയര്‍മാന്‍ മാനുവല്‍ കുറിച്ചിത്താനം ഉദ്ഘാടനം ചെയ്തു. ജില്ലാ ചെയര്‍മാന്‍ സണ്ണി മാണിശേരി അധ്യക്ഷത വഹിച്ചു.
ജില്ലാ വൈസ് ചെയര്‍മാന്‍ അജീസ് പറയിടം, വനിതാഫോറം ജില്ലാ ചെയര്‍പേഴ്സണ്‍ സിസിലി അലക്സ്, സ്റ്റാന്‍ഡിംഗ് കമ്മിറ്റി ചെയര്‍മാന്‍ ഷിജിത്ത് തോമസ്, ഭീമനടി വൈഎംസിഎ പ്രസിഡന്‍റ് ചെറിയാന്‍ ഊത്തപ്പാറയ്ക്കല്‍, സെക്രട്ടറി സഖറിയാസ് തേക്കുംകാട്ടില്‍ എന്നിവര്‍ പ്രസംഗിച്ചു. ജെസിഐ നാഷണല്‍ ട്രെയിനര്‍ ജെയിസണ്‍ തോമസ്, എഐ ട്രെയിനര്‍ മനു വര്‍ഗീസ്, ലീഡര്‍ഷിപ്പ് ട്രെയിനര്‍ ആശ ജോസഫ് എന്നിവര്‍ ക്ലാസുകൾ നയിച്ചു.