കാഞ്ഞങ്ങാട്: കയ്റോസ് കാഞ്ഞങ്ങാട് ഫെഡറേഷന്റെ നേതൃത്വത്തില് കോള്പിംഗ്, സ്വാശ്രയ സംഘാങ്ങള്ക്ക് ഇഡിപി ട്രെയിനിംഗിന്റെ ഭാഗമായി ഡിറ്റര്ജന്റ് നിര്മാണ പരിശീലനം നടത്തി. അപ്പൊസ്തോല റാണി പള്ളി ഹാളില് നടന്ന പരിപാടി കോള്പിംഗ് കണ്ണൂര് രൂപത പ്രസിഡന്റ് മരിയ ഗൊരേത്തി ഉദ്ഘാടനം ചെയ്തു.
കയ്റോസ് മേഖല കോ-ഓര്ഡിനേറ്റര് ബിന്സി ഷാജു അധ്യക്ഷത വഹിച്ചു. കയ്റോസ് ഓഫീസ് സെക്രട്ടറി ജെസി റെജി ക്ലാസ് നയിച്ചു. ഫെഡറേഷന് സെക്രട്ടറി നിത ഗില്ബര്ട്ട്, ജോയിന്റ് സെക്രട്ടറി ജോളി മൈക്കിള്, ആന് മരിയ, റോയ് ചെറിയാന് എന്നിവര് നേതൃത്വം നല്കി. വിവിധ യുണിറ്റുകളില് നിന്നായി 40 പേര് പങ്കെടുത്തു.