കാഞ്ഞങ്ങാട്: കർഷക കോൺഗ്രസ് ജില്ലാ പ്രസിഡന്‍റ് രാജു കട്ടക്കയത്തിനെതിരായ വിജിലൻസ് റെയ്ഡ് രാഷ്ട്രീയപ്രേരിതവും അദ്ദേഹത്തെ പൊതുജനമധ്യത്തിൽ അപകീർത്തിപ്പെടുത്താനുള്ള ബോധപൂർവമായ നീക്കമാണെന്നും ഇതിനെ നിയമപരമായും സംഘടനാപരമായും നേരിടുമെന്നും കർഷക കോൺഗ്രസ് ജില്ലാ കമ്മിറ്റി യോഗം വ്യക്തമാക്കി.
സംസ്ഥാന ജനറൽ സെക്രട്ടറി ജോസ് പറയൻകുഴി ഉദ്ഘാടനം ചെയ്തു. ജില്ലാ വൈസ് പ്രസിഡന്‍റ് ഡോ.ടിറ്റോ ജോസഫ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സോജൻ കുന്നേൽ പ്രമേയം അവതരിപ്പിച്ചു. സംസ്ഥാന സെക്രട്ടറിമാരായ ടി.ഒ.ചന്ദ്രമോഹനൻ, അശോക് ഹെഗ്ഡേ, നേതാക്കളായ സി.വി.ബാലകൃഷ്ണൻ, കെ.പ്രഭാകരൻ, കെ.എ.ഏബ്രഹാം, പത്മകുമാർ പെരിയ, സി.എ.ബാബു, പി.ബാലകൃഷ്ണൻ എന്നിവർ പ്രസംഗിച്ചു.