പെ​രു​മ്പ​ട്ട സ്കൂ​ളി​ന് ഹ​യ​ർ സെ​ക്ക​ൻ​ഡ​റി വി​ഭാ​ഗം ന​ഷ്ട​പ്പെ​ടാ​ൻ സാ​ധ്യ​ത
Tuesday, August 20, 2024 1:42 AM IST
കാ​ക്ക​ട​വ്: പ​ത്ത് വി​ദ്യാ​ർ​ഥി​ക​ൾ പോ​ലും പ്ര​വേ​ശ​നം നേ​ടാ​ത്ത ഹ​യ​ർ സെ​ക്ക​ൻ​ഡ​റി ബാ​ച്ചു​ക​ൾ നി​ർ​ത്ത​ലാ​ക്കാ​ൻ സ​ർ​ക്കാ​ർ തീ​രു​മാ​നി​ച്ച​തോ​ടെ പെ​രു​മ്പ​ട്ട സി​എ​ച്ച്എം​കെ​എം ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ളി​ന് ഹ​യ​ർ സെ​ക്ക​ൻ​ഡ​റി വി​ഭാ​ഗം ത​ന്നെ ന​ഷ്ട​മാ​കു​മെ​ന്ന് ആ​ശ​ങ്ക. ആ​കെ ഒ​രു കൊ​മേ​ഴ്സ് ബാ​ച്ച് മാ​ത്ര​മാ​ണ് ഇ​വി​ടെ​യു​ള്ള​ത്. ഇ​തി​ൽ ആ​കെ ആ​റ് വി​ദ്യാ​ർ​ഥി​ക​ൾ മാ​ത്ര​മാ​ണ് ഈ ​വ​ർ​ഷം പ്ര​വേ​ശ​നം നേ​ടി​യി​ട്ടു​ള്ള​ത്.

ക​ഴി​ഞ്ഞ വ​ർ​ഷം അ​ഞ്ച് വി​ദ്യാ​ർ​ഥി​ക​ൾ മാ​ത്ര​മാ​ണ് പ്ര​വേ​ശ​നം നേ​ടി​യി​രു​ന്ന​ത്. ഇ​തി​ൽ മൂ​ന്നു​പേ​ർ മാ​ത്ര​മാ​ണ് ഇ​പ്പോ​ൾ ക്ലാ​സി​ലെ​ത്തു​ന്ന​ത്.

പ്രി​ൻ​സി​പ്പ​ല​ട​ക്കം ആ​റ് അ​ധ്യാ​പ​ക​രു​ടെ ത​സ്തി​ക​യാ​ണ് ഇ​വി​ടെ​യു​ള്ള​ത്. ഇ​തി​ൽ മി​ക്ക​തും താ​ത്കാ​ലി​ക നി​യ​മ​ന​ങ്ങ​ളാ​ണെ​ങ്കി​ലും വി​ര​ലി​ലെ​ണ്ണാ​വു​ന്ന വി​ദ്യാ​ർ​ഥി​ക​ൾ​ക്കു വേ​ണ്ടി ബാ​ച്ചും അ​ധ്യാ​പ​ക ത​സ്തി​ക​ക​ളും നി​ല​നി​ർ​ത്തു​ന്ന​ത് ബാ​ധ്യ​ത​യാ​ണെ​ന്നാ​ണ് സ​ർ​ക്കാ​ർ നി​ല​പാ​ട്. പ്രി​ൻ​സി​പ്പ​ലി​ന്‍റെ ചു​മ​ത​ല വ​ഹി​ക്കു​ന്ന ഒ​രു സ്ഥി​രാ​ധ്യാ​പ​ക​ൻ മാ​ത്ര​മാ​ണ് ഇ​പ്പോ​ഴു​ള്ള​ത്.

കെ​ട്ടി​ട​മു​ണ്ടെ​ങ്കി​ലും മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളു​ടെ​യും യാ​ത്രാ​സൗ​ക​ര്യ​ത്തി​ന്‍റെ​യും കു​റ​വാ​ണ് പെ​രു​മ്പ​ട്ട​യി​ൽ കു​ട്ടി​ക​ളെ​ത്താ​ത്ത​തി​ന് കാ​ര​ണ​മാ​യി പ​റ​യു​ന്ന​ത്.


കൂ​ടു​ത​ൽ സൗ​ക​ര്യ​ങ്ങ​ളു​ള്ള സ്കൂ​ളു​ക​ൾ അ​ധി​കം അ​ക​ലെ​യ​ല്ലാ​തെ ഉ​ണ്ടെ​ന്ന​തും ഇ​ന്നാ​ട്ടി​ലെ കു​ട്ടി​ക​ളെ കൂ​ടി അ​ങ്ങോ​ട്ട് വ​ലി​ക്കു​ന്നു.

2014ൽ ​ഉ​മ്മ​ൻ ചാ​ണ്ടി സ​ർ​ക്കാ​രി​ന്‍റെ കാ​ല​ത്താ​ണ് പെ​രു​മ്പ​ട്ട​യി​ൽ ഹ​യ​ർ സെ​ക്ക​ൻ​ഡ​റി വി​ഭാ​ഗം അ​നു​വ​ദി​ച്ച​ത്. ആ​ദ്യ​വ​ർ​ഷ​ങ്ങ​ളി​ൽ നാ​ല്പ​തി​ലേ​റെ കു​ട്ടി​ക​ൾ പ്ര​വേ​ശ​നം നേ​ടി​യി​രു​ന്നു. പി​ന്നീ​ട് കൊ​മേ​ഴ്സ് ബാ​ച്ചി​ൽ വി​ദ്യാ​ർ​ഥി​ക​ളെ കി​ട്ടാ​ത്ത അ​വ​സ്ഥ​യാ​യ​തോ​ടെ കോ​മ്പി​നേ​ഷ​നു​ക​ൾ മാ​റ്റ​ണ​മെ​ന്നും സ​യ​ൻ​സ്, ഹ്യു​മാ​നി​റ്റീ​സ് ബാ​ച്ചു​ക​ളി​ലൊ​ന്ന് അ​നു​വ​ദി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​രു​ന്നെ​ങ്കി​ലും പി​ന്നീ​ട് വ​ന്ന സ​ർ​ക്കാ​രു​ക​ൾ അ​വ​യൊ​ന്നും പ​രി​ഗ​ണി​ച്ചി​ല്ല.

ബാ​ച്ച് ഇ​ല്ലാ​താ​കു​ന്ന​തോ​ടെ പെ​രു​മ്പ​ട്ട സ്കൂ​ൾ ഹൈ​സ്കൂ​ളാ​യി ത​രം​താ​ഴ്ത്ത​പ്പെ​ടും. ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​നാ​യി നി​ർ​മാ​ണ​ത്തി​ലി​രി​ക്കു​ന്ന പു​തി​യ കെ​ട്ടി​ട​വും വെ​റു​തെ​യാ​കും.

മാ​ലോ​ത്ത് ക​സ​ബ ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ളി​ൽ സോ​ഷ്യോ​ള​ജി ഹ്യു​മാ​നി​റ്റീ​സ് വി​ഭാ​ഗ​ത്തി​ൽ ര​ണ്ടു ബാ​ച്ചു​ക​ൾ ഉ​ണ്ടെ​ങ്കി​ലും ഒ​രു ബാ​ച്ചി​നു​ള്ള കു​ട്ടി​ക​ൾ മാ​ത്ര​മു​ള്ള​തി​നാ​ൽ ഒ​രു ബാ​ച്ച് ന​ഷ്ട​പ്പെ​ടാ​ൻ സാ​ധ്യ​ത​യു​ള്ള​താ​യും സൂ​ച​ന​യു​ണ്ട്.