പടുപ്പ്: സാന്ജിയോ സെന്ട്രല് സ്കൂളിലെ ഗ്രീന് ഡേ ആഘോഷത്തിന്റെ ഭാഗമായി പച്ചനിറത്തിലാറാടി കുരുന്നുകള്. സ്കൂളിലെ പ്രീകെജി, കിന്റര്ഗാര്ഡന് വിഭാഗത്തിലെ കുട്ടികളും അധ്യാപികമാരുമാണ് പച്ചയില് വര്ണവിസ്മയം തീര്ത്തത്.
പച്ച വസ്ത്രങ്ങളണിഞ്ഞും ഇലകള് കൊണ്ടും പച്ച ബലൂണുകള് കൊണ്ടും വേദി അലങ്കരിച്ചും ഗ്രീന്ഡേ സമുചിതമായി ആഘോഷിച്ചു. ചടങ്ങില് അധ്യാപിക ഗീത വിശിഷ്ടാതിഥിയായി. പ്രിന്സിപ്പല് സിസ്റ്റര് ടെസിന് ജോര്ജ്, വൈസ് പ്രിന്സിപ്പല് സിസ്റ്റര് ആന്സ്റ്റെഫി, സിസ്റ്റര് വിനയ, സിസ്റ്റര് സുമ, ഭാരതി എന്നിവര് നേതൃത്വം നല്കി. പച്ചവസ്ത്രങ്ങളണിഞ്ഞെത്തിയ അമ്മമാരും ചടങ്ങിന് നിറവേകി.