കാഞ്ഞങ്ങാട്: വിവാഹത്തോടനുബന്ധിച്ച് കലാവിരുന്നും ആഘോഷപരിപാടികളും നടത്താന് കരുതിവച്ച പണം വയനാട്ടിലെ ദുരിതാശ്വാസത്തിനായി മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി.
നീലേശ്വരത്തെ ഹോമിയോ ഡോക്ടര്മാരായ ഡോ.എം.രാധാകൃഷ്ണന് നായരുടെയും ഡോ.സജിതയുടെയും മകള് നീരജയുടെ വിവാഹ ആഘോഷത്തിനായി കരുതിവച്ച 25,000 രൂപയാണ് ദുരിതാശ്വാസ നിധിയിലേക്ക് നല്കിയത്. നീരജയും കാഞ്ഞങ്ങാട് കാരാട്ടുവയല് ആശീര്വാദിലെ സി.ഗോവിന്ദന് നായരുടെയും കെ.പി.വിജയശ്രീയുടെയും മകന് കെ.പി.അഭിഷേകുമായുള്ള വിവാഹം ഇന്നലെ കാഞ്ഞങ്ങാട് പലേഡിയം കണ്വെന്ഷന് സെന്ററില് വച്ചാണ് നടന്നത്. വിവാഹവേദിയില് വച്ചുതന്നെ നീലേശ്വരം നഗരസഭാധ്യക്ഷ ടി.വി.ശാന്ത, വൈസ് ചെയര്മാന് പി.പി.മുഹമ്മദ് റാഫി, സ്ഥിരം സമിതി ചെയര്മാന് കെ.പി.രവീന്ദ്രന് എന്നിവര്ക്ക് തുക കൈമാറി.