വെള്ളരിക്കുണ്ട്: മുൻമന്ത്രി കെ.എം.മാണിയുടെ സ്മരണാർഥം കേരള കോൺഗ്രസ്-എം ജില്ലാ കമ്മിറ്റി നിർമിച്ചു നൽകുന്ന കാരുണ്യഭവനത്തിന്‍റെ താക്കോൽദാനം നാളെ രാവിലെ 9.30നു സംസ്ഥാന ചെയർമാൻ ജോസ് കെ.മാണി നിർവഹിക്കും. വികാരി ജനറാൾ മോൺ.മാത്യു ഇളംതുരുത്തിപടവിൽ ആശീർവാദകർമം നിർവഹിക്കും.
വെള്ളരിക്കുണ്ട് ഫൊറോന വികാരി റവ.ഡോ.ജോൺസൺ അന്ത്യാംകുളം, സംസ്ഥാന ജനറൽ സെക്രട്ടറിമാരായ സ്റ്റീഫൻ ജോർജ്, സജി കുറ്റ്യാനിമറ്റം, ജോയിസ് പുത്തൻപുര എന്നിവർ പങ്കെടുക്കും. ഒരുക്കങ്ങൾ പൂർത്തിയായതായി ജില്ലാ പ്രസിഡന്‍റ് സജി സെബാസ്റ്റ്യൻ, കുര്യാക്കോസ് പ്ലാപ്പറമ്പിൽ, ജോയി മൈക്കിൾ, ഷിനോജ് ചാക്കോ, റ്റോമി മണിയന്തോട്ടം, ബേബി പുതുമന എന്നിവർ പത്രസമ്മേളനത്തിൽ അറിയിച്ചു.