ചിറ്റാരിക്കാൽ: നല്ലോംപുഴ മാതൃകാ ഗവ.ഹോമിയോ ഡിസ്പെൻസറിക്ക് ലഭിച്ച എൻഎബിഎച്ച് എൻട്രി ലെവൽ പുരസ്കാര സമർപ്പണവും അതോടനുബന്ധിച്ചുള്ള ഫലകത്തിന്റെ അനാവരണവും എം.രാജഗോപാലൻ എംഎൽഎ നിർവഹിച്ചു.
പഞ്ചായത്ത് പ്രസിഡന്റ് ജോസഫ് മുത്തോലി അധ്യക്ഷതവഹിച്ചു. ജില്ലാ മെഡിക്കൽ ഓഫീസർ (ഹോമിയോ) ഡോ.എ.കെ.രേഷ്മ,
പഞ്ചായത്ത് വൈസ് പ്രസിഡന്റ് ഫിലോമിന ജോണി, ജില്ലാ പഞ്ചായത്തംഗം ജോമോൻ ജോസ്, ബ്ലോക്ക് പഞ്ചായത്തംഗം ജോസ് കുത്തിയതോട്ടിൽ, സ്ഥിരം സമിതി അധ്യക്ഷൻ പ്രശാന്ത് സെബാസ്റ്റ്യൻ, ഡോ.ഭാഗ്യലക്ഷ്മി, ജെസിന്ത രാജു, ജോബി തോമസ്, എം.ബി.മായ എന്നിവർ പ്രസംഗിച്ചു. മികച്ച സേവനം നടത്തിയ ആശാവർക്കർമാരെയും ആരോഗ്യ പ്രവർത്തകരെയും ആദരിച്ചു.