കോടഞ്ചേരി: കണ്ണോത്ത് പബ്ലിക് ലൈബ്രറിയിലെ 5000ത്തിലധികം പുസ്തകങ്ങളുടെ അടിസ്ഥാന വിവരങ്ങൾ ഡിജിറ്റലൈസ് ചെയ്ത് കണ്ണോത്ത് സെന്‍റ് ആന്‍റണീസ് ഹൈസ്കൂൾ ലിറ്റിൽ കൈറ്റ് യൂണിറ്റിലെ വിദ്യാർഥികൾ മാതൃകയായി. എട്ട്, ഒൻപത്, 10 ക്ലാസുകളിലെ ലിറ്റിൽ കൈറ്റ് അംഗങ്ങൾ അഞ്ചു ദിവസങ്ങൾ കൊണ്ടാണ് പ്രവർത്തനം പൂർത്തീകരിച്ചത്.
കുട്ടികളെ അഭിനന്ദിക്കാനായി ലൈബ്രറിയിൽ സംഘടിപ്പിച്ച യോഗം ബ്ലോക്ക് പഞ്ചായത്തംഗം റോയി കുന്നപ്പള്ളി ഉദ്ഘാടനം ചെയ്തു. വായനശാലാ പ്രസിഡന്‍റ് യു.ടി. ഷാജു അധ്യക്ഷനായിരുന്നു. കെ.യു. ജോർജ്, സെന്‍റ് ആന്‍റണീസ് ഹൈസ്കൂൾ ഹെഡ്മാസ്റ്റർ റോഷിൻ മാത്യു, ജോണി താഴത്തു വീട്ടിൽ, ബെന്നി ജോസഫ് തുടങ്ങിയവർ പ്രസംഗിച്ചു. കൈറ്റ് മിസ്ട്രസ് ദീപ ആന്‍റണി, സി. അന്നമ്മ, ബിന്ദു സെബാസ്റ്റ്യൻ തുടങ്ങിയവർ നേതൃത്വം നൽകി.