കോടഞ്ചേരി: അഗസ്ത്യമുഴി- കൈതപ്പൊയിൽ റോഡിൽ കണ്ണോത്ത് അങ്ങാടിക്ക് സമീപം കാർ തോട്ടിലേക്ക് മറിഞ്ഞു. കാറിലുണ്ടായിരുന്ന അഞ്ച്പേരിൽ നാല് പേർക്ക് സാരമായി പരിക്കേറ്റിട്ടുണ്ട്.കോഴിക്കോട് മെഡിസിറ്റിയിലെ വിദ്യാർഥികളാണ് വാഹനത്തിലുണ്ടായിരുന്നത്.
കോഴിക്കോട് വെള്ളിമാട്കുന്ന് സ്വദേശികളാണ് അപകടത്തിൽപെട്ടവർ. പ്രദേശത്തേക്ക് വിനോദ സഞ്ചാരത്തിനായി എത്തിയതായിരുന്നു ഇവർ. പരിക്കേറ്റവരെ കോഴിക്കോട് മെഡിക്കൽ കോളജിലേക്ക് മാറ്റി.റോഡിന് സംരക്ഷണ ഭിത്തി ഇല്ലാത്തതാണ് അപകടത്തിന് കാരണമെന്ന് നാട്ടുകാർ പറഞ്ഞു.