മുക്കം: കൊടിയത്തൂർ പെയിൻ ആൻഡ് പാലിയേറ്റീവ് അസോസിയേഷന്റെ നേതൃത്വത്തിൽ കൊടിയത്തൂർ പഞ്ചായത്തിലെ വാർഡുകൾ തോറും ബോധവൽക്കരണവും രോഗനിർണയ ക്യാംപും സംഘടിപ്പിക്കും. ഇതിന്റെ ഭാഗമായി പാസ്കോ പന്നിക്കോടും കൊടിയത്തൂർ പെയിൻ ആൻഡ് പാലിയേറ്റീവ് അസോസിയേഷനും കോഴിക്കോട് ഹെൽപ്പിംഗ് ഹാന്റ്സും സംയുക്തമായി പന്നിക്കോട് എയുപി സ്കൂളിൽ സൗജന്യ വൃക്കരോഗ നിർണ്ണയ ക്യാന്പ് സംഘടിപ്പിച്ചു.
ക്യാന്പ് പഞ്ചായത്ത് പ്രസിഡന്റ് ദിവ്യ ഷിബു ഉദ്ഘാടനം ചെയ്തു. പാസ്കോ പ്രസിഡന്റ് സി. ഫസൽബാബു അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ഫസൽ കൊടിയത്തൂർ മുഖ്യാതിഥിയായി. ബാബു പൊലുകുന്ന്, ആയിഷ ചേലപ്പുറം, മറിയംകുട്ടിഹസ്സൻ, യു.പി. മമ്മദ്, കോമളം തോണിച്ചാൽ, സി. ഹരീഷ്, പി.അബ്ദു, മജീദ് പുതുക്കുടി, ഉണ്ണി കൊട്ടാരത്തിൽ, ശ്രീതു ശ്രീനിവാസ്, ലാസിം ഷാദ്, അബൂബക്കർ തുടങ്ങിയവർ എന്നിവർ പ്രസംഗിച്ചു. മജീദ് കവപ്പാറ, എം. അബ്ദുൽ അസീസ് എന്നിവർ ക്ലാസിനു നേതൃത്വം നൽകി.