പെരിന്തൽമണ്ണ: വൃക്ക രോഗികൾക്ക് വളരെ കുറഞ്ഞ നിരക്കിലും അർഹതയുടെ അടിസ്ഥാനത്തിൽ സൗജന്യമായും ഡയാലിസിസ് ചെയ്ത് കൊടുക്കുന്ന പദ്ധതി "പലതുള്ളി പെരുവെള്ളം' 318ഡി ഒന്നാം ഡിസ്ട്രിക്ട് ഗവർണറുടെ ക്ലബ് സന്ദർശനത്തോടനുബന്ധിച്ച് പെരിന്തൽമണ്ണ ലയൺസ് ക്ലബ് ഹൗസിൽ വൈസ് ഡിസ്ട്രിക്ട് ഗവർണർ ലയൺ ജയിംസ് വളപ്പില പി.എം.ജെ.എഫ് ഉദ്ഘാടനം ചെയ്തു.
പ്രസിഡന്റ് ലയൺ ലൂക്കോസ് അധ്യക്ഷത വഹിച്ചു. പദ്ധതിയിലേക്ക് ഡോ. ആൻമേരി 25000 രൂപയും പെരിന്തൽമണ്ണ മാർക്ക് മോട്ടോർസ് 10000 രൂപയും സംഭാവന നൽകി. ജിഎംടി കോർഡിനേറ്റർ ലയൺ ബാബു ദിവാകരൻ, ഡിസി ലയൺ അഡ്വ. പ്രസാദ്, റീജിയൺ ചെയർമാൻ ലയൺ ഓ.കെ. റോയി, സോൺ ചെയർമാൻ ലയൺ അഭിലാഷ്, ലേഡി സർക്കിൾ സെക്രട്ടറി ലയൺ ഡോ. കൊച്ചു എസ്.മണി, എസിപി ലയൺ ഫെമി വിജി, ലയൺ അഡ്വ. ജോസ് ജോർജ്, ടൗൺ പ്രസിഡന്റ് ഡോ. നഈമു റഹുമാൻ , ട്രഷറർ ലയൺ ലൈസ ജോസ് എന്നിവർ സംസാരിച്ചു. ക്ലബ് സെക്രട്ടറി ലയൺ വിജി ജോസ് റിപ്പോർട്ട് അവതരിപ്പിച്ചു.