തിരുവനന്തപുരം: ജില്ലയിലെ പകുതിയോളം പ്രദേശങ്ങളിൽ ശുദ്ധജലം വിതരണം ചെയ്യുന്നത് വാമനപുരം നദിയിൽ നിന്നാണ്. ആറ്റിങ്ങൽ മുനിസിപ്പൽ ടൗണ് ഏരിയയിലേക്ക് മാത്രമായാണ് ആറ്റിങ്ങൽ അവനവഞ്ചേരിയിൽ പദ്ധതിക്ക് തുടക്കം കുറിച്ചതെന്ന് വാമനപുരം ശുദ്ധജല ഡാം സമര സമിതി ചെയർമാൻ അഡ്വ. ജി. സുഗുണൻ പറഞ്ഞു.
കൊല്ലന്പുഴ പോലുള്ള സ്ഥലങ്ങളിൽ പുതിയ ചെക്ക് ഡാം നിർമിക്കാൻ തീരുമാനിച്ചിട്ടുണ്ട്. വേനൽക്കാലമാകുന്പോൾ നദിയിലെ നീരൊഴുക്ക്നിലച്ച് ആറിന്റെ അടിത്തട്ട് കാണുന്ന തരത്തിൽ വാമനപുരം നദിയിൽ വെള്ളം വറ്റാറുണ്ട്. ഈ സമയത്ത് ചെക്ക് ഡാം പ്രവർത്തനം നിലയ്ക്കുകയാണ് പതിവ്. ഉടൻ തന്നെ ശുദ്ധജല പദ്ധതിവഴി കുടിവെള്ള വിതരണം നടത്തുന്ന അരഡസൻ പഞ്ചായത്തുകളിൽ പൂർണമായോ, ഭാഗീകമായോ വിതരണം സ്തംഭനത്തിലാണെന്ന് അദ്ദേഹം പറഞ്ഞു.