ശ്രീകണ്ഠപുരം: പാമ്പുകടിയേറ്റ് ചികിത്സയിലായിരുന്ന റബർ ടാപ്പിംഗ് തൊഴിലാളി മരിച്ചു. ചുഴലി പൊള്ളയാട്ടെ കെ.പി. മുഹമ്മദ് കുഞ്ഞിയാണ് (65) മരിച്ചത്.
കണ്ണൂരിലെ സ്വകാര്യ ആശുപത്രിയിൽ രണ്ടാഴ്ചയായി വെന്റിലേറ്ററിൽ ചികിത്സയിലായിരുന്നു. ടാപ്പിംഗ് തൊഴിലാളിയായ മുഹമ്മദ് കുഞ്ഞിക്ക് ജോലിക്കിടെ അണലിയുടെ കടിയേൽക്കുകയായിരുന്നു.
ജീവൻ രക്ഷിക്കുന്നതിനായി രണ്ട് കൈകളും രണ്ട് കാലുകളും മുറിച്ചുമാറ്റിയിരുന്നു. ചികിത്സാ ചെലവിനായി കമ്മിറ്റി പ്രവർത്തിച്ചു വരുന്നതിനിടെയാണ് മരണം സംഭവിച്ചത്.
ഭാര്യ: ഹാവ്വമ്മ. മക്കൾ: സുമയ്യ, സമീറ, സമീർ.
Tags : snake bite