എസ്എഫ്ഐയെ തകർക്കാനുള്ള ബോധപൂർവമായ ശ്രമമാണു പ്രതിപക്ഷവും മാധ്യമങ്ങളും ചേർന്നു നടത്തുന്നത്. ബിനോയ് വിശ്വം എസ്എഫ്ഐക്കുറിച്ചു പറഞ്ഞതിനെ സംബന്ധിച്ച് അദ്ദേഹത്തോടു ചോദിക്കണം.
ഓരോരുത്തർക്ക് ഓരോ അഭിപ്രായങ്ങൾ കാണും. അവരുടെ വിദ്യാർഥി പ്രസ്ഥാനങ്ങളുണ്ടാകും. അവർ തമ്മിലുള്ള പ്രശ്നങ്ങളുണ്ടാകും. അതൊക്കെ പരിഹരിച്ചുപോകുകയാണു വേണ്ടത്.
സിപിഐയും സിപിഎമ്മും രണ്ട് ഇടതുപക്ഷ പ്രസ്ഥാനങ്ങളാണ്. അതിന്റെ ഭാഗമായി ഉണ്ടാകുന്ന പ്രശ്നങ്ങളൊക്കെ പരിഹരിക്കുന്നതിനുള്ള സംവിധാനം ഇവിടെയുണ്ട്. അതിനുള്ളതാണ് ഇടതുമുന്നണി. എല്ലാക്കാര്യങ്ങളും മുന്നണിയിൽ ചർച്ചചെയ്തു പരിഹരിക്കുകയാണു വേണ്ടതെന്നും എം.വി. ഗോവിന്ദൻ പറഞ്ഞു.