തിരുവല്ല സെന്‍റ് ജോണ്‍സ് കത്തീഡ്രലില്‍ നിന്ന് ആരംഭിക്കുന്ന പദയാത്ര ഒന്പതിന് രാവിലെ ആര്‍ച്ച്ബിഷപ് തോമസ് മാര്‍ കൂറിലോസ് ഉദ്ഘാടനം ചെയ്യും. നാളെ മൂവാറ്റുപുഴയില്‍നിന്ന് ബിഷപ് യൂഹോനോന്‍ മാര്‍ തിയഡോഷ്യസ് ഉദ്ഘാടനം ചെയ്യുന്ന പദയാത്ര കോട്ടയം, ചങ്ങനാശേരി വഴി തിരുവല്ലയില്‍ എത്തിച്ചേരും. ഈ പദയാത്രകള്‍ 11ന് വൈകുന്നേരം അടൂരില്‍ പ്രധാന പദയാത്രയോട് ചേരും.
13ന് മാര്‍ത്താണ്ഡത്തുനിന്ന് ആരംഭിക്കുന്ന പദയാത്ര ബിഷപ് ഡോ.വിന്‍സെന്‍റ് മാര്‍ പൗലോസും, പാറശാലയില്‍നിന്ന് ആരംഭിക്കുന്ന പദയാത്ര ബിഷപ് തോമസ് മാര്‍ യൗസേബിയോസും ഉദ്ഘാടനം ചെയ്യും.
കേരളത്തിന് പുറത്ത് പുത്തൂര്‍, പൂന, ഒറീസ, ഡല്‍ഹി, ഹൈദരാബാദ് തുടങ്ങിയ സ്ഥലങ്ങളില്‍നിന്ന് എത്തിച്ചേരുന്ന തീര്‍ഥാടകര്‍ 14ന് രാവിലെ പിരപ്പന്‍കോട്നിന്ന് പ്രധാന പദയാത്രയോട് ചേരും. 14ന് വൈകുന്നേരം അഞ്ചിന് എല്ലാ പദയാത്രകളും പട്ടം സെന്‍റ് മേരീസ് കത്തീഡ്രലിലെ കബറിടത്തില്‍ എത്തിച്ചേരും.