ബിനോയിയെ പ്രത്യക്ഷമായി വിമർശിച്ചില്ലെങ്കിലും ഇന്നലെ നടത്തിയ പത്രസമ്മേളനത്തിൽ സിപിഎം സംസ്ഥാന സെക്രട്ടറി എം.വി.ഗോവിന്ദൻ എസ്എഫ്ഐയുടെ ചരിത്രം വിശദീകരിച്ചു സിപിഐയ്ക്കു പരോക്ഷമായ മറുപടി നൽകുകയും ചെയ്തു.
തിരുവനന്തപുരം കാര്യവട്ടം യൂണിവേഴ്സിറ്റി കാന്പസിലെ എസ്എഫ്ഐ അക്രമത്തിൽ ശക്തമായ വിമർശനമാണു ബിനോയ് വിശ്വം കഴിഞ്ഞ ദിവസം നടത്തിയത്. എസ്എഫ്ഐക്കാർക്ക് ഇടതുപക്ഷം എന്ന വാക്കിന്‍റെ അർത്ഥം അറിയില്ലെന്നും തിരുത്താൻ തയാറാകണമെന്നും അദ്ദേഹം പറഞ്ഞു.