ഫയലുകൾ തീർപ്പാക്കാന്‍ പൊതുവിദ്യാഭ്യാസ വകുപ്പ് അദാലത്തുകൾ സംഘടിപ്പിക്കും : Deepika.com Kerala News |

Click here for detailed news of all items

ഫയലുകൾ തീർപ്പാക്കാന്‍ പൊതുവിദ്യാഭ്യാസ വകുപ്പ് അദാലത്തുകൾ സംഘടിപ്പിക്കും

Thursday, July 4, 2024 12:59 AM IST

തിരുവനന്തപുരം: ഫയലുകൾ തീർപ്പാക്കുന്നതിനു പൊതുവിദ്യാഭ്യാസ വകുപ്പ് അദാലത്തുകൾ സംഘടിപ്പിക്കുമെന്നു വിദ്യാഭ്യാസ മന്ത്രി വി. ശിവൻകുട്ടി അറിയിച്ചു. മൂന്നു മേഖലാ അദാലത്തുകളാണ് ഫയൽ തീർപ്പാക്കൽ സംബന്ധിച്ച് അടിയന്തരമായി പൊതുവിദ്യാഭ്യാസ വകുപ്പ് നടത്തുന്നത്.

ഈ മാസം 26ന് എറണാകുളത്ത് അദാലത്തിന്‍റെ സംസ്ഥാനതല ഉദ്ഘാടനവും മധ്യമേഖലാ അദാലത്തും നടത്തും. അടുത്തമാസം അഞ്ചിനു കൊല്ലത്ത് തെക്കൻ മേഖല അദാലത്ത് സംഘടിപ്പിക്കും. ഓഗസ്റ്റ് 12ന് കോഴിക്കോട് വടക്കൻ മേഖലാ അദാലത്തും നടത്തും.

ഹയർ സെക്കൻഡറി പാഠ്യപദ്ധതി പരിഷ്കരണം ഉടന്‍

കേരളത്തിലെ 11, 12 ക്ലാസുകളിലെ പാഠ്യപദ്ധതി പരിഷ്കരണ പ്രവർത്തനങ്ങളുടെ ഭാഗമായി പാഠപുസ്തക പരിഷ്കരണ നടപടികൾ ഈ മാസം ആരംഭിക്കും. നിലവിൽ എൻസിഇആർടി തയാറാക്കിയതും കേരള എസ്‌സിഇആർടി തയാറാക്കിയതുമായ പാഠപുസ്തകങ്ങളാണ് ഹയർസെക്കൻഡറിയിൽ ഉപയോഗിക്കുന്നത്.

ഇതിൽ എൻസിഇആർടി പാഠപുസ്തകങ്ങൾ 2006-വെ ദേശീയ പാഠ്യപദ്ധതി ചട്ടക്കൂട് പ്രകാരം തയാറാക്കിയതാണ്. 2013-ൽ എസ്‌സിഇആർടി തയാറാക്കിയ പാഠപുസ്തകങ്ങളും നിലവിൽ ഉപയോഗിക്കുന്നു. ആദ്യഘട്ടം എസ്‌സിഇആർടി കേരളം തയാറാക്കിയ പാഠപുസ്തകങ്ങളുടെ പരിഷ്കരണമാണ് നടക്കുക.

സ്പോർട്സ് വിദ്യാലയത്തിൽ പ്രത്യേക പാഠ്യപദ്ധതി

സംസ്ഥാനത്ത് പ്രവർത്തിക്കുന്ന സ്പോർട്സ് വിദ്യാലയങ്ങൾക്കായി പ്രത്യേക പാഠ്യപദ്ധതിക്ക് രൂപംനൽകും. നവകേരള സദസിന്‍റെ ഭാഗമായി ഉയർന്നുവന്ന നിർദേശത്തിന്‍റെ അടിസ്ഥാനത്തിലാണ് തീരുമാനം. കായിക വകുപ്പിന്‍റെ സഹകരണത്തോടെയാണ് ഈ പ്രവർത്തനം നടത്തുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.