ആരോഗ്യസർവകലാശാലയുടെ പേരിൽ വ്യാജസർട്ടിഫിക്കറ്റ്: അന്വേഷണം വ്യാപിപ്പിച്ച് പോലീസ് : Deepika.com Kerala News |

Click here for detailed news of all items

ആരോഗ്യസർവകലാശാലയുടെ പേരിൽ വ്യാജസർട്ടിഫിക്കറ്റ്: അന്വേഷണം വ്യാപിപ്പിച്ച് പോലീസ്

Thursday, July 4, 2024 12:59 AM IST

തൃശൂർ: കേരള ആരോഗ്യസർവകലാശാലയുടെ വ്യാജ മാർക്ക് ലിസ്റ്റ് ഹാജരാക്കി ഗുജറാത്തിലെ സ്വകാര്യ ആശുപത്രിയിൽ ജോലിനേടിയ യുവതിക്കു സർട്ടിഫിക്കറ്റ് നിർമിച്ചുകൊടുത്തവരെക്കുറിച്ച് അന്വേഷണം ഊർജിതമാക്കി.

വിവിധ സർവകലാശാലകളുടെ മാർക്ക് ലിസ്റ്റും സർട്ടിഫിക്കറ്റുകളും വ്യാജമായി നിർമിച്ച് വൻതുകയ്ക്കു വിൽക്കുന്ന വൻ മാഫിയതന്നെ ഇതിനു പിന്നിലുണ്ടെന്നാണു സൂചന.

അന്യസംസ്ഥാനങ്ങളിലും വിദേശങ്ങളിലും ജോലി ലഭിക്കാനായി ഇതുപോലെയുള്ള വ്യാജസർട്ടിഫിക്കറ്റുകൾ ഉപയോഗിക്കുന്നതായും പോലീസിനു വിവരങ്ങൾ ലഭിച്ചിട്ടുണ്ട്. ഒറ്റനോട്ടത്തിൽ വ്യാജനേത് ഒറിജിനലേത് എന്നു തിരിച്ചറിയാൻ കഴിയാത്തവിധം അത്രയും പൂർണതയോടെയാണു വ്യാജസർട്ടിഫിക്കറ്റുകൾ നിർമിക്കുന്നതെന്നു പോലീസ് പറയുന്നു.

വ്യാജസർട്ടിഫിക്കറ്റ് ഉപയോഗിച്ച് പത്തനംതിട്ട സ്വദേശിനിയായ യുവതി സൂററ്റിലെ സ്വകാര്യ ആശുപത്രിയിൽ ഫാർമസിസ്റ്റായി ജോലി നേടിയതുമായി ബന്ധപ്പെട്ട് ആരോഗ്യസർവകലാശാല മെഡിക്കൽ കോളജ് പോലീസിൽ പരാതി നൽകിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.