കെ​എ​സ്ഇ​ബി പ്ര​വൃ​ത്തി​ക​ൾ​ക്കു തു​ട​ക്കം
Tuesday, September 24, 2024 1:35 AM IST
മ​ണ്ണാ​ർ​ക്കാ​ട്: മ​ണ്ണാ​ർ​ക്കാ​ട് ന​ഗ​ര​ത്തി​ലെ വൈ​ദ്യു​തി​വി​ത​ര​ണം കാ​ര്യ​ക്ഷ​മ​മാ​ക്കു​ന്ന​തി​നാ​യി എ​ച്ച്ടി ഏ​രി​യ​ൽ ബ​ഞ്ച് കേ​ബി​ൾ (എ​ബി​സി) സ്ഥാ​പി​ക്കു​ന്ന പ്ര​വൃ​ത്തി​ക​ൾ കെ​എ​സ്ഇ​ബി ആ​രം​ഭി​ച്ചു.

തൂ​ണു​ക​ൾ സ്ഥാ​പി​ക്ക​ലും ലൈ​ൻ​ മാ​റ്റു​ന്ന​ത​ട​ക്ക​മു​ള്ള അ​നു​ബ ന്ധ ജോ​ലി​ക​ളാ​ണു തു​ട​ങ്ങി​യ​ത്. നെ​ല്ലി​പ്പു​ഴ, ആ​ണ്ടി​പ്പാ​ടം, കെ​ടി​എം സ്കൂ​ൾ പ​രി​സ​രം, ര​ജി​സ്ട്രാ​ർ ഓ​ഫി​സ് പ​രി​സ​രം എ​ന്നി​വിടങ്ങ​ളി​ൽ ജോ​ലി​ക​ൾ പു​രോ​ഗ​മി​ക്കു​ന്നു.

ഘ​ട്ടം​ഘ​ട്ട​മാ​യാ​ണ് പ്ര​വൃ​ത്തി​ക​ൾ പൂ​ർ​ത്തി​ക​രി​ക്കു​ക. ഇ​തോ​ടെ ന​ഗ​ര​പ​രി​ധി​യി​ലെ 43 ട്രാ​ൻ​സ്ഫോ​ർ​മ​റു​ക​ളും എ​ബി​സി​യു​ടെ കീ​ഴി​ൽവ​രും. തൂ​ണു​ക​ൾ സ്ഥാ​പി​ച്ചു​ക​ഴി​ഞ്ഞ് കേ​ബി​ൾ​വ​ലി​ച്ചു​തു​ട​ങ്ങും.

ആ​ദ്യം സ​ബ് സ്റ്റേ​ഷ​നി​ൽ​നി​ന്നും നെ​ല്ലി​പ്പു​ഴ വ​രെ​യാ​ണ് കേ​ബി​ൾ സ്ഥാ​പി​ക്കു​ക. ഉ​പ​ഭോ​ക്താ​ക്ക​ൾ​ക്കു മു​ന്ന​റി​യി​പ്പ് ന​ൽ​കി​മാ​ത്ര​മേ തു​ട​ർ​ദി​വ​സ​ങ്ങ​ളി​ൽ പ്ര​വൃ​ത്തി​ക​ൾ ന​ട​ത്തു​ക​യു​ള്ളൂ​വെ​ന്നും അ​ധി​കൃ​ത​ർ അ​റി​യി​ച്ചു. മ​ണ്ണാ​ർ​ക്കാ​ട് 110 കെ​വി സ​ബ്സ്റ്റേ​ഷ​നി​ൽ​നി​ന്നും കു​ന്തി​പ്പു​ഴ​വ​രെ മൂ​ന്നു​കി​ലോ​മീ​റ്റ​ർ ദൂ​ര​ത്തി​ലാ​ണ് കേ​ബി​ൾ സ്ഥാ​പി​ക്കു​ന്ന​ത്.​നി​ല​വി​ലു​ള്ള​വ​യ്ക്കു പു​റ​മെ പു​തി​യ തൂ​ണു​ക​ളും സ്ഥാ​പി ക്കു​ന്നു​ണ്ട്. മൂ​ന്നു​ഫേ​സു​ക​ൾ ഒ​ന്നി​പ്പി​ച്ചു​ള്ള പ്ര​ത്യേ​ക കേ​ബി​ൾ സം​വി​ധാ​നം മ​ണ്ണാ​ർ​ക്കാ​ട് ഇ​ല​ക്ട്രി​ക്ക​ൽ സെ​ക്്ഷ​നി​ൽ ആ​ദ്യ​മാ​യാ​ണ് ന​ട​പ്പി​ലാ​ക്കു​ന്ന​ത്.

ലൈ​നു​ക​ൾ​ക്ക് മു​ക​ളി​ൽ മ​ര​കൊ​മ്പു​ക​ളും മ​റ്റും വീ​ഴു​ന്ന​തു​മൂ​ല​മു​ള്ള വൈ​ദ്യു​തി ത​ട​സം ഒ​ഴി​വാ​ക്കാ​നും വൈ ​ദ്യു​തി ലൈ​നി​ൽ​നി​ന്നു​ള്ള അ​പ​ക​ട​ങ്ങ​ളും ഇ​തി​ലൂ​ടെ കു​റ​യ്ക്കാ​നാ​കും. ക​ഴി​ഞ്ഞ വേ​ന​ൽ​ക്കാ​ല​ത്ത് ഓ​വ​ർ​ലോ​ഡു​മൂ​ലം വൈ​ദ്യു​തി പ്ര​തി​സ​ന്ധി രൂ​ക്ഷ​മാ​യി​രു​ന്നു. ഇ​തു പ​രി​ഹ​രി​ക്കു​ന്ന​തി​ന്‍റെ ഭാ​ഗ​മാ​യാ​ണ് കെ​എ​സ്ഇ​ബി മു​ൻ​കൈ​യെ​ടു​ത്ത് പ്ര​വൃ​ത്തി​ക​ൾ ന​ട​ത്തു​ന്ന​ത്. ആ​യി​ര​ക്ക​ണ​ക്കി​ന് ഗു​ണ​ഭോ​ക്താ​ക്ക​ൾ​ക്ക് ഗു​ണം​ചെ​യ്യും.​


മ​ണ്ണാ​ർ​ക്കാ​ട് താ​ലൂ​ക്ക് ആ​ശു​പ​ത്രി, മി​നി സി​വി​ൽ സ്റ്റേ​ഷ​ൻ, പോ​ലീ​സ് സ്റ്റേ​ഷ​ൻ ഉ​ൾ​പ്പ​ടെ യു​ള്ള സ​ർ​ക്കാ​ർ സ്ഥാ​പ​ന​ങ്ങ​ൾ, ന​ഗ​ര​ത്തി​ലെ വ്യാ​പാ​ര സ്ഥാ​പ​ന​ങ്ങ​ൾ​ക്കും വൈ​ദ്യു​തി ത​ട​സം​മൂ​ല​മു​ള്ള ബു​ദ്ധി​മു​ട്ടു​ക​ളും പ​രി​ഹ​രി​ക്ക​പ്പെ​ടും.

എ​ബി കേ​ബി​ൾ കൂ​ടാ​തെ ക​വേ​ർ​ഡ് ക​ണ്ട​ക്ട​ർ സം​വി​ധാ​ന​വും 12 കി​ലോ​മീ​റ്റ​റോ​ളം ദൂ​ര​ത്തി​ൽ സ്ഥാ​പി​ക്കു​ന്നു​ണ്ട്. ന​വം​ബ​റോ​ടെ ഈ ​പ്ര​വൃ​ത്തി​ക​ൾ ആ​രം​ഭി​ക്കു​മെ​ന്നാ​ണ് അ​ധി​കൃ​ത​രി​ൽ​നി​ന്നും ല്യ​മാ​കു​ന്ന വി​വ​രം. മ​ണ്ണാ​ർ​ക്കാ​ട് സ​ബ് സ്റ്റേ​ഷ​നി​ൽ നി​ന്നും നൊ​ട്ട​മ​ല​വ​ഴി ചി​റ​ക്ക​ൽ​പ്പ​ടി വ​രെ ക​വേ​ർ​ഡ് ക​ണ്ട​ക്ട​ർ സ്ഥാ​പി​ക്കു​ന്ന​ത് വ​ഴി കാ​ഞ്ഞി​ര​പ്പു​ഴ, ത​ച്ച​മ്പാ​റ ഇ​ല​ക്ട്രി​ക്ക​ൽ സെ​ക്ഷ​ൻ പ​രി​ധി​യി​ൽ വ​രു​ന്ന ഈ ​ഭാ​ഗ​ങ്ങ​ളി​ലെ വൈ​ദ്യു​തി ത​ട​സ​വും ല​ഘൂ​ക​രി​ക്കാ​നാ​കും.

ചേ​ലേ​ങ്ക​ര, പാ​റ​പ്പു​റം, നാ​യാ​ടി​ക്കു​ന്ന് ച​ങ്ങ ലീ​രി ഭാ​ഗ​ത്തേ​ക്ക് അ​ഞ്ചു​കി​ലോ​മീ​റ്റ​റി​ലും ക​വേ​ർ​ഡ് ക​ണ്ട​ക്ട‌​ർ വ​യ്ക്കും. പ​ദ്ധ​തി​ക​ൾ ്കാ​യി ര​ണ്ടു​കോ​ടി​യോ​ളം രൂ​പ​യാ​ണ് ചെ​ല​വ​ഴി​ക്കു​ന്ന​ത്.