കോയമ്പത്തൂർ: മേട്ടുപ്പാളയം- കൂനൂർ റോഡിൽ മരപ്പാലം ഭാഗത്തിനു സമീപം കാട്ടാനയിറങ്ങിയതു പരിഭ്രാന്തി പരത്തി. പ്രധാന പാതയിൽ കാട്ടാനയെ കണ്ട് എല്ലാവരും അന്പരന്നു. പലയിടത്തും ആന തന്പടിച്ചതോടെ അരമണിക്കൂറോളം ഗതാഗതം മുടങ്ങി. ഏറെനേരം റോഡിലും പരിസരങ്ങളിലുമായി ചെലവഴിച്ച കാട്ടാന പിന്നീട് കാട്ടിലേക്കു പിൻവാങ്ങി. മേട്ടുപ്പാളയം-കുന്നൂർ മലയോരപാതയിൽ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.